瓊媽媽 (登龍閣)

营业中

休息中

個手撕雞飯勁難食、價錢其實唔算真係平到咁樣。雖然話送個例湯，但係都要差唔多成$50。轉過個都有另一間食手撕雞涼麵，但係我咁啱今日唔想食麵，所以先幫襯咗呢一間。我懷疑整個人根本就冇食過手撕雞到底係點、呢間野個手撕雞係唔知點樣攞啲紅椒青椒整個汁，我真係未見過有手撕雞係呢個咁樣嘅汁，佢係咪以為啲雞冇骨撕開咗就叫做手撕雞？我打開嗰陣都嚇親、問返先知原來公司啲同事上星期食完都話好難食，建議唔識整可以唔好整小過選擇都冇所謂，同埋其實佢已經執笠過一次，執得好好，唔好再開，感謝。

之前嘅午餐試咗同事經常提起嘅外賣店「瓊媽媽」，佢哋話成日買海南雞飯或者手撕雞飯返公司食，話平靚正，我聽到都引起興趣，終於前幾日親自去買咗海南雞飯返office試。作為外賣店，「瓊媽媽」出餐快、包裝整齊，最重要係食物有質素。海南雞飯賣相吸引，雞肉嫩滑唔柴，雞皮啫喱感十足，雞油飯香氣撲鼻，粒粒分明。配埋店家自家調製嘅醬汁，味道平衡，唔會太鹹或太辣，提升晒成個口感。雖然只係外賣形式，但店員態度親切，笑容滿面，落單同取餐都好有禮貌，令人感覺溫暖。整體嚟講，「瓊媽媽」係一間價錢親民、味道有水準嘅外賣小店，怪不得咁多同事日日幫襯！值得回購！

喺銅鑼灣返工想搵間平嘢食都好難 呢間轉做外賣 價錢非常吸引 如果就咁買個海南雞飯配白飯$40可以買單 另外都有咖喱牛腩或者唔同煮法嘅雞餐 飯量仲有白飯油飯同菜飯揀 額外加錢仲可以配例湯或者飲品 千祈唔好睇小呢個價錢 佢啲食物質素一啲都唔馬虎🥹🔥 只要天氣熱啲唔想出街食就會喺呢度買外賣 真係平靚正之選 糧尾恩物！