影片
琼妈妈地址: 柴湾柴湾道341-343号宏德居B商场78-80号舖呢间野长期都见佢排队，可能系因为佢上咗杂志号称日卖500盒海南鸡饭挂。见佢个势咁强，心谂一定要揾日去试下佢先，终于今日揾到机会去啦！🤣手撕鸡油饭 🐓$42鸡肉嘅份量都比想像中多；再配上酸甜酱汁捞埋啲鸡，都几有小清新嘅感觉，☺️但系啲鸡就无咩鸡味啦，而且都唔算嫩滑。鸡肉下面就铺咗好多大豆芽同红萝卜丝，都几爽口。无骨海南鸡油饭 🐓$48鸡旁就配咗少少姜蓉，再有个碗仔装住啲豉油汁比你捞埋一齐。虽然油饭啲颜色就无泰式饭咁黄，但都有淡淡鸡油香味，质感都唔错㗎。可惜啲鸡肉肉质同味道就争咗少少啦，唔太嫩滑，而且无咩鸡味，有啲鸡仲似系啱啱煲完汤就捞上嚟一样。红萝卜冬瓜鸡脚汤 🥕🍲跟餐其实都几足料㗎，而且都无味精味，但系啲味道就比较淡咗少少🤏#nicefoodie柴湾
继续阅读
其实都真系几好笑，我点餐时，那位服务员很主动推我要无骨海南鸡饭，当我回家打开时，我就觉得奇怪了🤔讲真，出去食嘅海南鸡饭，全部都系鸡胸已经好少见，仲要全部鸡胸，咁叫咩无骨海南鸡？鸡胸唔系不嬲冇骨㗎咩
继续阅读