影片
营业时间
今日营业
10:30 - 20:30
星期一至日
10:30 - 20:30
以上资料只供参考，请与餐厅确认详情
食家推介
【东区】【琼妈妈】之前我都讲过，有啲外卖店，因为佢设喺一啲我冇得坐喺一个地方（例如屋企或者公司等等）食咗佢嘅原因，所以好难帮衬。例如今次呢间琼妈妈，喺柴湾站行去小西湾运动场睇港超联就会经过，成日想试都不得要领，顶住条气。今次就适逢附近有地方可以畀我「处决」咗佢，所以都忍唔住买咗佢。即使事前其实我同埋同我一齐食嘢嘅朋友都系对佢唔系太清楚，不过大家抱住一试嘅心态，都冇乜所谓嘅。而我见佢好似唔止有一间分店，我估稳阵挂。除咗琼妈妈之外，我哋仲有其他嘢食嘅，所以我只系叫咗两样嘢，首先系「手撕鸡」例牌，价钱 $50 唔算平。而且佢都唔算整得快，应该即整。味道上真系唔太讨好，食唔惯呢啲泰式整法用落手撕鸡度，朋友都觉得麻麻。我叫嘅另外一样嘢就系「无骨海南鸡」半只，佢卖 $85 其实都唔平，不过呢样就好似系佢呢间外卖小店嘅招牌菜，我之前都系想试呢味。食落真系好过手撕鸡好多，首先系啲鸡几足秤，啖啖肉，其次系劲嫩滑、有鸡味，正。呢两样嘢夹埋 $135，以食饭加𩠌嚟讲唔系话劲抵嘅选择，不过个海南鸡系值得试吓嘅。有位朋友甚至讲笑咁问我其实个海南鸡同手撕鸡系咪真系喺同一间度买，劲好笑，不过从呢个问题都可以见到两者喺味道上嘅分别之大。。。（地址：柴湾柴湾道341-343号宏德居B商场78-80号舖）#1amfoodie #hkig #foodie #hk #hongkong #hongkongfoodie #hkfoodblogger #foodiehk #topcitybiteshk #hkeat #hkfoodstagram #thatfoodiething #instagood #love #hkigfood #hkfoodlove #hkfoodblog #globaleats #foodieman #1am东区 #柴湾 #琼妈妈 #琼妈妈美味小厨 #手撕鸡 #无骨海南鸡 #海南鸡 #海南鸡饭 #外卖 #1am0709 #1backup
继续阅读
第一次帮衬，亦会系最后一次，选择菜饭要额外加收2元无所谓，但攞到返家𩠌同汤仲系好热，不过菜饭系完全冻，连微温都称不上，似系一早放定在盒内其中一格，接order后就放𩠌在另一格给客人，一次过系咁先。
继续阅读
下次食 唔叫有骨嘅海南鸡饭 因为今次食带骨海南鸡饭 太多碎骨 每一口都有碎骨 要好小心食所以系呢様减咗d分 而鸡肉幼嫩滑 鸡下放了很多大荳芽菜 酱汁一般 下次试另一些款 之前要睇吓大家d comment 先 😂😂
继续阅读
经常都经过铜锣湾呢间分店，今晚屋企唔开饭，所以顺便买个海南鸡饭返屋企试吓。我食得比较了能，要海南鸡髀饭，要加$10，无骨要加两蚊，油饭加$4，油饭要多饭，唔使加钱。总共$63。先讲𠮶啲油饭，软硬度适中，带有香味，入口甘香，系唔错的一种油饭。至于无骨鸡髀，外表色泽唔靓，色泽跟店外的招牌卖相相差很远。食落𠮶啲鸡肉比较柴，冇鸡味，冇肉味，鸡唔得。鸡有少少大豆芽菜做配菜，都亦中规中矩。至于跟饭，有一个例水，冬瓜汤，亦都OK。老实讲，我系第一次帮衬琼妈妈，下次除咗海南鸡饭外，可能试吓其他饭种。
继续阅读
呢间海南鸡饭店开喺住宅区附近，虽然佢只做外卖，但就可以用相宜嘅价钱，就食到海南鸡饭，都吸引到唔少人去食。除左海南鸡，仲有霸王鸡、沙姜鸡、口水鸡、手撕鸡，饭又可以拣白饭、菜饭、油饭，选择多多。 🍴沙姜鸡+油饭$35有浓郁嘅沙姜味，鸡肉尚算嫩滑，但汁料太油腻，尤其是底层嘅芽菜系浸喺油入面😵，如果走汁应该会好d。另外，鸡同饭都只系微暖，欠缺热度。 🍴鸡丝荞麦面配日式芝麻酱$35除左芝麻酱，仲可以拣口水汁/青木瓜汁，鸡丝荞麦面反而比佢嘅鸡饭好味😅。首先荞麦面系凉拌嘅，唔会有温度问题，鸡丝系鸡胸位，有少少韧，但配菜配搭好清新，芽菜、青瓜、腌萝卜👍，捞埋一齐增添脆脆嘅口感，芝麻酱非常足够，最欣赏腌萝卜酸酸嘅味道增加左味道上嘅层次。 平民价钱，都唔会对佢太高要求，味道普通，可以接受啦。
继续阅读