影片
以上资料只供参考，请与餐厅确认详情
📌 琪琪海鲜泡饭专门店 - 红磡民裕街17号地下🗓(15/10) 星期六 ⏰ 晚上8左右 🌐网址: https://s.openrice.com/QrbS05mS900~ueeoDBA 💈特式：呢间小店主打泡饭同新鲜海鲜，例如龙虾/鲍鱼等，仲有一些香辣菜式，特式小食，季节限定仲会有特别野，例如羊腩等。🥩🍔🌭🌮🥗🥯🥘🍲🍝🍣🥟🍤🍱食物：因为住得唔远，所以都时不时会去帮衬，主力当然都系食佢嘅泡饭同小食啦，等我再同大家讲下味道先......螺片虾球泡饭🦐🍚 - 呢个系用龙虾汤做底汤，龙虾味好重，一上枱已闻到阵阵龙虾香，螺片就系普通罐头螺片嘅质素，虾球虽然食落唔似系新鲜虾，但胜在都有虾味同好爽口，𩠌嘅份量都唔少，对得起佢$71呢个价钱。瓜粒猪肉眼片泡饭 - 上次就食过呢个汤饭，瓜粒我拣左翠肉瓜粒，猪肉眼片佢做到好淋好滑，只系收$46，认真抵食。小食 - 今次叫左个醉猪手，上次就叫左个姜葱牛柏叶，2个都一流，好食到一个点，首先醉猪手好入味，花雕酒味好香，炆到d肉好淋好易咬，但猪皮就仍然做到爽口，美中不足系有少少猪毛未清干净；姜葱牛柏叶就看似系好普通嘅小食，但佢d 牛柏叶应该系选用d新鲜野，所以食落特别爽口，配埋佢自家制嘅姜葱蓉，爽到一个点。花奶仙草 - 呢个系店舖推介嘅甜品，但我评价唔到，因为我去左几次，每次食完饭都唔记得叫，但又好想试。☕️🍵🥤🧋🍺🍷🥃🍹🧉🍾🍶🥛饮品 - 饮品佢地有豆浆同普通罐装气水，无乜特别。🍽环境：餐厅环境装修上就比较简单平实，坐亦唔算太舒适，但胜左干净整洁。🤵🏻🤵🏻♀️🤵🏻♂️服务：店员服务态度好好，全店只有厨师同店面两夫妇，可能系因为自己店舖自己管理，所以佢地对客人都好有亲切感，空闲时亦常见佢同熟客倾下计，相当融洽。💰💸价钱：我每次都系叫两个泡饭加一个小食，埋单都系百零蚊，系香港地属正常偏平嘅价钱。🐲💬总结：有时夜晚谂唔到食咩就会去食佢，但去就未试过买外卖返屋企食，因为我始终觉得泡饭应该要即场食好食d，但我下次一定要试佢个花奶仙草。推荐指数：❤️❤️❤️❤️❤️
继续阅读
民裕街好多美食平时经过都帮衬了邻舍呢间一来唔显眼二来感觉上龙虾汤泡饭应该会好贵但今日仔细一看，原来咁抵！唔洗$50埋单！有位就入去啦叫了个5号 蚝仔肉碎泡饭 $46 only!!大大碗！不论系汤、饭、蚝仔、肉碎全部都好多！泡饭 我钟意倒晒啲饭入碗汤到食入味啲吹咗全日冷气，饮返碗暖汤好舒服！虽然冇原只龙虾，不过龙虾汤好浓味，食完又冇味精反应！蚝仔🦪都大只，唔系细细只，都有鲜味，份量多肉碎又多附带生菜、菇好抵食又美味 可以encore
继续阅读
已经好耐冇过嚟红磡做嘢，记得以前返工成日喺呢边揾嘢食，桥底都几多选择，今日经过见到呢间有得食汤粉丝比较特别，所以就去试吓！餐牌选择都几多，有法式龙虾汤或虫草花鸡汤泡饭、汤粉面等等….我今日就叫咗一碗龙虾汤口水鸡汤粉丝，呢度嘅口水鸡系自家秘制！嚟到即刻先试吓个汤，呢间标榜系用新鲜波士顿龙虾煲既汤..饮落系比较清嘅龙虾汤口味，而粉丝煮到啱啱好唔会过淋或硬！口水鸡冷盘食落啖啖肉但唔系滑嫩𠮶种感觉！可能俾咗鸡胸我唔系好钟意既鸡胸部份！口水鸡系少少微辣带咸！
继续阅读
店舖唔算太大，座位有点迫，但干净企理。点了店里出名的花胶鸡煲翅及云吞鸡煲。另点了一客卤水拼盘（鸡肾，牛展），拼盘下面有牙菜底，上菜时刚翻热完，热辣辣的，味道唔会太咸，牛展够淋。主角花胶鸡煲翅同云吞鸡煲都是用砂锅装住，两个既汤底应该都系一样，鲜甜鸡味浓郁，带有金华火腿既香味。鸡煲翅得一束鱼翅，但花胶份量都多（当然不是好贵价𠮶种，呢个价钱有呢个级数同份量可以接受）。云吞鸡既云吞似系出面买现成的，不过不失。两个煲入面都有半只鸡，如果加$10转餐，一个餐已经够两个人食。龙虾汤泡饭都系呢间铺推介的，下次要黎试试。
继续阅读
又系要支持下街坊家庭式经营小店嘅时候💪🏻💪🏻💪🏻，间铺睇住佢开张直至到而家，有一班熟客嘅支持食物水准一定不错。老板话由于近期政局问题，少咗好多跨区客，所以就支持下佢啦！海鲜🦞迷一定要试吓呢个性价比高嘅新鲜嘅波士顿龙虾泡饭！简直媲美好多价钱好高嘅餐厅👍🏼👍🏼龙虾新鲜爽口，汤底原汁原味而且没有加味精配合白饭青菜又健康又唔觉得口渴。食完超满足😁另外一碗花胶鸡，系我嘅爱人自己去「独食」之后强力推介！好少听见佢讲「有啲乜嘢好味」，我好好奇，所以跟住佢去试吓.....哗！不得了！劲多花胶，只鸡柔软一定系浸熟，汤底没有加味精;一个唔小心居然成碗饭食晒！😅😅😅有一次外卖返屋企，饮晒成大碗汤，本人燥底由于太补身，夜晚居然瞓唔着🤣🤣🤣🤣由于太好味，已经返「啅」咗好多次，但系都未有机会试吓其他美食，因为太沉醉𠮶两个泡饭啦！
继续阅读