影片
讲真，门面嚟讲就真系唔系咁靓仔。但系出品用心咁就够啦！佢嘅两𩠌饭真系煮得唔错，猪手入味，牛尾够香，牛筋够淋，咖喱直程Ichiban 蒸鱼都唔错，但系呢D都唔系最好味嘅，最正嘅就系老火汤日日唔同- 五指毛桃煲猪骨- 听过都未必饮过啦，茶餐厅㖞收你$50左右有五指毛桃汤又有饭㖞去边度揾啊？如果大家经过附近真系要去试一下。最后最后，老板娘服务10个好！点解？因为佢就好似阿妈又或者隔篱屋阿朱师奶咁，会走出嚟同你倾吓偈问吓你今日点样啊？咁就已经唔系普通一间茶餐厅啦。
继续阅读
因工作关系，经常行过呢度，最初以为系大排档因为成间铺净系得厨房， D台摆晒响行人道，后来发现原来铺上有阁楼，但系好细又坐得逼，都系坐街舒服D。午市都好多人，摆咗十几张台都坐满。午餐分$22、$25、$28及$30几大类嘅粉面饭，全部都话即叫即做，唔包饮品，热饮加$3、冻饮加$4，叫咗红烧豆腐饭，个位望住厨房，果然系即叫即做，收到order个厨立即开油镬，热辣辣攞出嚟，虽然唔算大碟但都好多料，除咗豆腐仲有肉丝同秀珍菇，炒得有镬气又好味，又是一间隐藏响闹市又唔起眼嘅美食小店。
继续阅读