珍煮丹 (已結業)

伯爵鮮奶茶 (M size)💰 HKD$26 -主打黑糖飲料的台式茶飲台——珍煮丹的大名，相信大家都很熟悉。廢話不多，非專業評論如下，喜歡台式茶飲的你就繼續看下去吧～-鮮奶茶的茶味足夠，奶味突出，口感滑溜。甜度方面，今次叫了少甜。少甜後的飲料甜度剛好，整體上的味道也表現不俗。-最值得欣賞是味道與之前在台灣喝的地道奶茶差不多，不知是否因「過江龍」的關係吧。因為個人總覺得大型連鎖店的奶茶，喝上去的味道與台灣所喝到的都是完全不同，所以如果能在香港找到間能制作出差不多味道的茶飲店是非常開心的事情。-另外，最喜歡珍煮丹的其中一個理由就是——碎冰。因為平時喝天仁或和share tea的飲品，皆是正常的冰塊。冰塊融化的速度比碎冰快，飲品喝到一半的時候，味道也開始變淡，從而變得「不太好喝」。相反碎冰的話，融化的速度會慢些，避免上述事件出現。-►好食指數：8/10價錢合理，味道與台灣所喝到的也差不多。-✎想看更多的請到IG @wd.smallworld

位於荃興徑嘅珍珠丹,長期都排滿人,但由於呢排肺炎流感人人驚,人流都冷清好多😷不過,路經珍珠丹,都不忘買翻杯手搖茶飲檸檬冬瓜愛玉($30)_呢杯係珍珠丹排行榜No.3嘅茶飲,可惜無我想像中甘有驚喜,冬瓜茶味唔夠出,本黎念住試下台灣好出名嘅冬瓜茶系列,不過勝在酸甜味調得arm好,唔會過酸唔會太甜,同埋愛玉分量如果再多少少就好了🤣因為真係幾好食,愛玉口感好jeng,入口好水潤,不過仲有彈彈地嘅感覺😋同埋,呢間店嘅staff真係超熱情,笑臉迎人不在話下,同埋仲會好熱情甘問我地覺得呢度d茶飲點🤪之前,去過台灣無耐,突然有少少台灣當地人俾我嘅feel😂😂(唔知係咪錯覺)

點左杯溫的黑糖珍珠鮮奶一飲非常淡有見到店員有溝左水問番係咪溝左水話係以公司標準會溝啲水話叫做「奶水」如果想飲有奶味的人不推薦！！！30蚊一杯 都要溝水所謂的「公司標準」即係想慳成本⋯⋯⋯

幫襯過唔少台式飲品個人都幾鍾意飲水果茶同芋頭鮮奶呢兩種嘢飲，但唔係間間都有得買呢兩種野飲，又唔係間間都好飲。特別係加入黑糖嘅飲料，通常都係固定甜度，未飲完一杯已經頂唔順...但呢間就有得揀翻3,5,7分糖，唔會太甜又可以啱返個人口味。第一次飲珍煮丹嘅嘢飲就即刻試佢幾出名嘅芋頭鮮奶，除咗頭先講黑糖嘅甜度可以調校，呢間嘅芋頭食落去非常「粉」，唔會太大粒，再加兩蚊可以試到佢嘅黑糖珍珠，非常入味唔會太甜，咬落好有咬口。落單嘅服務員服務態度非常好好，仔細講解飲品可以選擇嘅嘢，仲好提醒我哋嗌熱飲需要等比較長嘅時間同要留心梯級等等，一定會再幫襯！！！

飲過咁多杯嘅珍珠奶茶，呢間既黑糖珍珠厚鮮奶係我飲過奶味最重既珍珠鮮奶（唔係沖粉），珍珠數量亦都非常之多，飲完都仲有好多黑糖珍珠。鍾意飲鮮奶既朋友，濃厚嘅鮮奶味一定唔會令你地失望。價錢$34一杯唔算平既，而糖份分可以由你自己選擇，店員服務態度亦都非常之友善有禮，製作速度出單亦都算快，唔會話大排長龍。下次我會試埋佢其他味道，同埋推薦俾朋友試試。P.S. 可惜杯裝size得一個揀，如果有得加錢加大杯裝就好，哈哈。

又一段時間冇排隊買珍奶見到附近d珍奶鋪頭都唔算好多人咁但有時行過都見到呢間keep住有人買+等拎飲品諗起之前聽朋友講，呢間d芋泥好正好，試吓先！買咗杯黑糖芋芋鮮奶等咗一陣，終於嗌我個號碼了取飲品果時，果位貌似老闆嘅男士有溫提要搖暈杯芋芋鮮奶先至好飲，同埋飲到最後可能會剩低d芋泥，記住食埋，唔好嘥 搖完飲咗幾啖，真係好正黑糖+芋泥+鮮奶，個味剛剛好，又唔會互相嗆味黑糖嘅甜，芋泥嘅口感，鮮奶嘅滑，不單止互補不足，更加係互相提升，加晒分 芋泥當中係仲食到小粒芋頭，呢個真心正不過飲飲吓都真係幾易沉喺杯底飲到最後真係會有芋泥未啜到咁梗係會用飲管撩出嚟食埋啦 真心會再encore

今日難得係荃灣見到珍煮丹，係香港開左分店咁耐一直都冇試過 今日一定要試下我叫左杯no.1既黑糖珍珠厚鮮奶，由於放學時間，門口勁多學生妹等拎野飲，買完之後見差成十幾個number先到我，本身以為要等好耐，點知5-10分鐘就等到，呢到既員工做野真係好快手，順帶一提，學生證或者著校服可以平3蚊講返杯野飲，我叫左7成糖，甜度岩岩好，真係好彩叫左少糖，d奶真係好香好滑，珍珠係勁彈牙果隻，又唔會太硬，珍珠珍珠份量又極之多，總括黎講10分我可以比8分！過江龍黎講我覺得非常出色，有機會要去台灣試下係咪同香港差唔多！

在台北試過，感覺非常自然舒服，香港大展拳腳，相信這家是珍煮丹中的甄子丹（全港最強），選擇多，無添加，珍珠口感，甜濃平衡，夫妻親力親為，深感佩服，大家有機會路過可以幫襯下，正！

第一次飲珍煮丹係係台北，十幾蚊港紙就飲到一杯百香雙響，返黎到香港，當時得過海既地方有，但好唔方便，我又極少出城過海既。點知早排係荃灣開左，開心到爆呀雖然 double 價錢，但都好正常既，香港租貴，人工貴，不過都無阻我想飲既決心一個月前買左百香雙響，同台灣一樣的味道。今次試下新野，黑糖珍珠芋頭鮮奶。我實在好喜歡芋頭類食物，芋頭香實在令人感到幸福！微糖常温對我來講係完美配搭！珍煮丹既黑糖珍珠係我最鍾意既，因為有黑糖味得黎，唔會太甜太膩！加上煙韌軟熟度高，唔會太淋太硬！芋頭既份量超足夠，仲會有埋顆粒！加埋鮮奶既比例好，提升整體味道！但係價格就有點貴，間唔中飲就得！值得一提係店員既服務態度超好，有位男店員好有笑容，好細心，又會熱心介紹產品既分別之類。有位女店員都好好，提我最好摇勻先至飲，如果唔係會好難啜，又主動問洗唔洗幫我！ 摇勻前：搖勻後：買到好品質既飲品之餘仲有埋優質既服務以後經過會繼續幫襯！

☄️熱死辣辣經過有賣冰沙飲店，吸引左我去買，居然第一次飲唔系揀佢地招牌黑糖珍珠飲品，可能系呢家黑糖珍珠產品通街系，開始有少少厭，見到好耐冇飲嘅冰沙就好想叫真好采，早一日冰沙機壞左，我黎個時已搶修好👉🏻草莓🍓奶蓋冰沙之前冇見奶蓋搭冰沙產品，個奶蓋系面做出尼嘅賣相真系幾靚，因冰沙較實，佢放左兩塊士多啤梨肉都冇沉底，打卡打得好開心🥳飲落去透心涼，有少少士多啤梨酸，酸味唔過份，將奶蓋攪入冰沙酸度系有被中和，士多啤梨有攪拌至碎，冇太大一粒粒果肉，士多啤梨籽就有咬口，我系幾中意呢邊飲品，我男朋友就一般，唔知你地啱唔啱心水呢🤤☝🏻💦🙋🏻‍♀️俾多啲機會唔同食店，只要樂意比機會，通常進步空間可以好大，時日有加會愈做愈好，香港人太健忘急速，對一般評價或要等既食店都唔會返轉頭，相信大家可抱著支持本地食店想法，成長對每間餐廳都十分重要，請一齊多一分抱容之心❤️。👍🏻

途經荃灣，見到珍煮丹...之前一直無機會試，咁啱有啲口渴想飲野，一於就試下佢啦叫咗杯「黑糖珍珠厚鮮奶」黑糖 - 黑糖味啱啱好，但係我係叫咗微糖，都已經好夠甜，如果叫正常糖量應該超爆甜珍珠 - 有咬口嘅，份量亦都多，唔錯鮮奶味 - 哩杯野叫厚鮮奶真係無叫錯名，啲奶味堅好重，但就唔知係用奶精定真奶整出嚟，如成份為真奶，成件事就真不得之了！雖然好飲， 但個味道就同其他各大賣黑糖珍珠鋪頭整出嚟嘅差不多...無乜驚喜之處...所以味道我比4分。但係直得一提嘅係收銀嗰位姨姨，非常好耐性及有禮貌，首先你落Order已經聽到佢大大聲用普通話講「你好」，個個客行埋去佢都有講，此外仲時不時聽到佢話，「唔好意思啊，要你等咁耐，多謝哂！」哩啲咪待客之道囉，令人印象深刻。服務，絕對5分，無考慮嘅空間

見自己都有一排無飲台式飲品，所以今晚喺荃灣食晚飯時特登唔飲嘢，留返個quota嚟試試呢間新開無耐嘅「珍煮丹」。🤫唔知係咪夜咗嘅關係，買完嘢飲唔多駛點等就有得拎～黑糖珍珠鮮奶 $30平時嘅我好多時叫嘢飲都會慣咗叫少甜，今次我呢杯飲品我就叫咗半糖少冰！杯嘢係好飲嘅～同埋佢個底係鮮奶底🥛，主要嘅甜都係嚟自黑糖喥，但我覺得半糖之後都依然係偏甜，所以唔想飲太甜嘅可能要喺甜度方面揀半糖以下。珍珠好多，多到我無吸晒，但其實佢係好味，粒粒都沾滿黑糖同非常煙韌！👍🏻最後講講，店員好細心同我講半糖會少咗黑糖問我有冇問題，拎嘢飲時又會提我點樣搖勻啲黑糖，態度好好。

在荃灣路德圍食完晚餐，9成飽，朋友話去飲珍珠奶茶。原來以前文具舖開左珍煮丹，服務員態度很親切。我們叫了一杯黑糖珍珠鮮奶，少冰，正常甜，甜度適中，不會苦。珍珠奶茶，據服務員說是紅茶底，茶味香，還提醍我們可能訓不著。珍珠比較有嚼勁，不錯的選擇。

這個奶茶一點都不便宜!!!要40塊，但我覺得是高質的製作，有厚厚的cheesecream mixed oreo,好好味!!!外觀精緻，想喝!!!!!大愛~~奶茶的奶很香濃，oreo也好足，真的是幸福的飲料!!!

同一條街有6間飲品店 最新有珍煮丹加入戰場 同樣來自己台灣的茶飲店 珍煮丹用黑糖熬煮過珍珠 珍珠甜香有彈性,有口感,價錢略貴,但仍然有不少人支持 招牌黑糖珍珠鮮奶 先喝底層的黑糖汁與珍珠 先試黑糖的甜,再拌勻上面的鮮奶 一杯飲品,2種飲法