影片
由细食到大， 有d不舍得，趁住佢结业前再食一次。泰式黄金炸蛋其实即系虾胶包皮蛋，皮蛋微微溶化带流心，加上外层香脆爽弹既虾滑， 好有口感，小朋友好钟意食。泰式卤水无骨猪手必食！猪手肉软嫩多汁，猪手完全吸收哂卤汁既香味，令人食指大动。 而且份量十足， 最后要打包拎走。泰式suki炒粉丝泰式经典菜之一，以粉丝配海鲜及菜炒埋一齐，味道酸辣微甜，食落惹味，令人回味无穷。最后叫左杯泰式奶茶，奶茶食落香浓顺滑，香味独特，有别港式奶茶。
继续阅读
人生第一次喺Openrice写食评，竟然系比我帮衬咗过百次既餐厅差评🫠其实筲箕湾真系无咩好食，呢间泰菜几年前顶住“黄店”既光环，所以我呢几年都真系帮衬过好多次。今日weekend就落街食珍意既泰式香烤鸡扒饭+冻泰奶🧋食食下先发现鸡扒唔熟。。。然后我就同个店员呀姐讲返😑佢一脸无奈咁望住一脸无奈既我：咁你想点？喂大佬，d鸡肉唔熟点食呀🤯🤯🤯见佢唔识处理，我就同佢讲：不如你叫其他同事过黎我再问下佢跟住佢就收走咗我碟饭，好似话帮我换过碟（好后悔反应唔切我无影到相！！！！！跟住等咗阵有个男店员话唔好意思，帮你换过碟我话我唔要啦，就落去counter打算讲返件事落到去，肥肥地光头个厨房大叔就躁底好似话唔要碟饭又嘥野（喂师傅，食物最重要系食品安全，好唔好食都真系其次。。。）跟住有另一个男店员就好串咁话”求其打个折啰“，我就真心嬲咗，点解可以好似觉得自己作为一间餐厅，d野未煮熟就比客食系完全无问题？？然后呢，就有咗呢个“九折”既优惠。哇我真系多谢你，咁皇恩浩荡，我一定系比唔起$58先鸡蛋里挑骨头啦😀个光头厨房佬就一直好串咁叉晒腰望住我，系，我好惊佢唔知会唔会突然攞刀攻击我，我就比咗$52佢。厨房咁多武器，最近又咁多痴线佬我一个女人都会惊㗎嘛🙃到我返转头拎返张单谂住留个record，佢都仲系叉住腰挨住张枱望住我真心连$52都唔想比，唔系比唔起，系条气真系唔顺跟住喺社交媒体网站见到佢地就快执笠，真心想讲：好行唔送。可能少咁一个熟客仔对你地黎讲唔系咩事，先咁样解决问题。唔理你咩立场，D野食有安全卫生问题就系最大问题，希望你地他朝如果真系有机会再搞餐厅，好好改善下。 肚开始唔系好舒服，有咩事我一定追究，执笠都追究。
继续阅读
香叶辣椒肉碎煎蛋饭 - $58}佢系全个筲箕湾最好味嘅泰国嘢，成日都要到冇咗先至识得珍惜，喺筲箕湾工作六年，原来珍意同我一样都系六年前喺呢度开业，陪伴我渡过呢六年！11月20日终于要同佢说再见了，呢个星期成班同事每一日都去支持！星期六日唔使返工，暂时要停一停了，星期一，真正要向你说再见！美味程度：😋😋😋😋😋😋😋😋😋😋😋环境指数：🎇🎇🎇🎇🎇🎇🎇🎇🎇🎇🎇番食机会：🦍🦍🦍🦍🦍🦍🦍🦍🦍🦍🦍📍 #珍意泰国菜馆 (筲箕湾)筲箕湾筲箕湾东大街39号地舖
继续阅读
今日和同事一起到筲箕湾东大街吃lunch，逢星期三东大街有几间食肆都休息，所以好多间食肆都要排队，最后我们去了珍意食泰国菜，只排了一回儿就有位了。今天我们吃了海南鸡饭，杂会汤粉，再加两杯咸柠雪碧，感觉非常满足，食物味道也佳。
继续阅读
筲箕湾东大街出名多嘢食！😬😎😋星期日下午就同家人来试试。秘制海南鸡饭是招牌菜，一定要试！鸡够滑、好有咬口、仲起晒骨、汤也好浓！🤗😋😍泰式鲜虾炒金边粉有芽菜、豆腐干、花生碎、虾、十分丰富，酸酸甜甜好惹味呀！😎😍👍招牌咸猪肉炒饭好大碟、炒得好香口、好好味！😋😛泰式牛丸粉好大碗！牛丸好弹牙！🤗😎😍
继续阅读