珍寶豆漿餃子 (已結業)

平時都好鐘意食餃子，一個人可以食十幾隻都得！今日想食一餐簡單清淡既晚餐，就諗起呢間餃子店啦！ 幫襯過好多次，除左餃子之外，佢仲有麵、豆漿、涼粉、豆腐花食，全部都試過，好食！ 健康，住家味道！餃子牛肉湯麵，揀左椰菜雲耳餃，清淡健康，每隻餃子都好飽滿，好食！ 牛肉好腍，胡椒粉味比較濃，牛肉味唔太明顯，但都唔錯！ 再叫埋粟米鍋貼🤩呢度既鍋貼火喉控制得恰到好處，個樣又靚靚，食落唔油膩，有香味又食到肉汁，好食呀！（ 私心最愛食鍋貼，所以點都要叫返一碟😋）價錢十分相宜，41蚊食到好飽呀！ ；）

這間餃子店已經在土瓜灣開了一陣子，而它親民的價錢以及不錯的味道令它十分受歡迎。而我本身十分喜歡吃餃子，鍋貼之類的美食。今次到來，我點了一份蒸餃外賣，餃子內餡飽滿，皮的厚度適中。再加上餐廳提供的醋，配合蒸餃來吃，吃多數件都不感到膩。當然，這間餐廳除了餃子之外，還有其他選擇，例如豆腐花，大菜糕，豆漿等。其實這些食物聽起來好像偏向適合早餐，但我個人認為這間店的食物無論什麼時候吃，都十分適合。下次過來要試試鍋貼才行。

珍寶餃子又平又正 圍返都係3蚊隻, 調味一流。食過咁多次水樽都係度。如果食椰菜雲耳餃同粟米豬肉餃記得叫蒸嘅，會好食啲㗎！如果食韭菜餃梗係要煎啦！韭菜餃皮薄肉汁又多。

無論食鍋貼，蒸餃定湯餃，黎哩間食真係冇得輸，皮薄餡靚。有三種味，韭菜豬肉，雲耳豬肉同粟米豬肉，另外仲有蒸包，豆漿涼茶，牛肉面，涼粉豆腐花，想食清淡d又得，香口野又得

正值暑假，去旅行期間不斷食、食、食；回來後又正值大姨從美國飛回來，好客的我又要陪她們一家四圍揾食。結果是食至人開始胃口生膩....為了讓腸胃休息一下，今天下午就決定獨個兒吃清一點，食碗餃子麵再加個蒸包就當成一餐....在土瓜灣區內說到吃餃子，首選必然是到"巧興"。只是想不到在附近不遠之地也可找到相類家庭式制作的餃子店，甫入門口，便見兩位阿姐密密手坐著包餃子....店內餃子的款式就只有三種 ---- 椰菜雲耳豬肉、韭菜豬肉以及粟米豬肉。點了椰菜雲耳豬肉餃和牛肉的雙併麵。上海麵及湯味甚淡口無妖邪味，甚為配合小弟今天想食清一點的口味，麵質咬下去不太淰但也不算彈牙，水準中規中矩；餃子沒想像中包得紥實，饀內菜比肉多算是走較健康的路線，椰菜夠甜，肉鮮度尚可但間中會咬到一點筋，多汁程度則一般。和"巧興"的相比，就差了一截....牛肉很明顯是有被食用梳打粉處理過，肉淰但卻沒甚麼味的....早知如此，就來份雙併餃好了....看見門口電熱箱內放了幾種包點，口痕痕就又試了個菜肉包。包身甚軟綿帶微甜，饀同樣是菜多過肉，感覺和外頭上海舖賣的相差無幾，不是太好但也並非一無可取....便宜，是這一類位處於土記內的街

又係係土瓜灣搵晚餐既時候...馬頭圍道附近其實都有幾多小店...而經過既哩一間..發現有好多人外賣佢地既餃子...睇黎都應該唔差...就入去試下餐牌上面選擇唔算多...主要都係餃子(廢話)...可以湯可以煎可以蒸...有三款餡既餃子揀叫左一碗餃子牛肉麵(粟米豬肉餃)...麵屬於上海麵...煮得比較淋D...而主角餃子呢..皮都算薄餡料都算多..隻隻都飽滿...味道幾好應該係自家包既味道...一D都唔濃味叫多左一碟煎餃食(椰菜雲耳豬肉粒)...即叫即煎...夠晒熱同脆...另一款餡都一樣咁好食小店價錢都算實惠...值得推薦

又去紅磡開會，開完會同事同我食啲野，我揀咗呢間餃子小店，行到見係一間好平實嘅小店，門外放咗糖水，門內一個開放式大廚房，座椅平實！食品款式唔多，所以好快揀到！店員姨姨們好爽手，好快上菜！椰菜雲耳豬肉蒸餃子🥟（$22/8隻）皮彈牙又煙韌，豬肉唔乾，白菜夾豬肉係好好味，白菜甜，點少少醋就好好味韮菜豬肉餃煎餃（$22/8隻）煎得好靚，金黃色嘅脆衣好香，皮脆又煙韌，皮仲有啲彈牙嘅口感，餡料內韮菜好多，好香口，豬肉唔乾有汁，好味油菜菜心（$10）淥得比較淋，菜菜淋晒，無乜口感，幸好菜梗仲爽脆！落單時講咗蠔油放一邊，蠔油係普通貨，味道鹹味重但無蠔味，點少少就ok食完鹹點加點甜品！好快𢳂好比我們！熱芝麻豆腐花（$10）兩溝黑白，芝麻糊過甜，無乜芝麻香，不過幾滑，同滑溜嘅豆腐花幾夾！如果無咁甜會更好！凍涼粉（$8）同事食店員姨姨係豪爽型，快手勤快唔廢話！街坊小店，食物好味，價錢抵食

途經土瓜灣看見有間珍寶豆漿餃子店. 見到有個姐姐不停地密密手地包緊唔同餡料嘅餃子,這間小店地方不是太大,只有幾張枱,應該是家庭式經營 .這款是韭菜豬肉餡水餃麵 ,每一隻餃子都有好多料 ,一口餃子一口麵相當配合.皮薄餡多吃完一口再一口吃個不停, 湯底亦非常之甜.餃子有煎有蒸可外賣買返屋企食,今晚可食餃子當飯餐,非常方便.即包即煮即外買,方便快捷，隻隻都賬卜卜.食飽後叫咗碗桃膠糖水口感似啫喱同蒟蒻之間,不太甜可潤一潤喉.小店仲做埋自家製豆漿, 每次都係十元樓下十分便宜.餃子可以揀煎同蒸,又有多種口味 一次過試曬幾款.食飽餃子可以試下呢度嘅甜品,又唔太貴比一般甜品屋的十分抵食.土瓜灣屬於舊區,所以價錢不是太貴.

已經係第3次食呢間店上兩次都係食韭菜餃麵，今次就試下韭菜煎餃啦，雖然都怕熱氣，但點知佢煎得一d都唔過火望落無出面食既餃子煎得咁蕉，睇落唔覺得會熱氣雖然係煎但1d都唔乾身，又唔會好油，入面係有d汁既，個餡亦都好full大大隻，只叫左5隻（$15）加一杯熱豆漿但都食得我飽另外亦有蒸餃選擇佢仲有得買未煮既餃子返去自己煮，$30一打除左餃子、豆漿仲有包點、豆花芝麻餬既食品，不過我就無試到真心推介呢間小店，好好食既煎餃

今日午餐黎左呢間開左唔係好耐既餃子店試下，餃子店面積細細，但望落乾淨衛生。睇睇餐牌$33有12隻餃子鍋貼，好平呀等左大約10分鐘鍋貼就送到了。呢到餃子有3種味：1）椰菜木耳豬肉餃2）韭菜豬肉餃3）粟米豬肉餃而我就要左每樣4隻，一共12隻，竟然同單叫一款價錢都一樣呢到既鍋貼外脆內軟，超多汁，肉質鮮嫩好味，而我自己就比較鐘意食韭菜味，可能食親餃子多數到係食韭菜味掛，感覺味道熟悉d至於飲品豆漿，好滑同好重黃豆味，只是甜左小小，整體上都唔錯。呢間餃子店真係要推介一下俾大家

舊區土瓜灣一直有唔少街坊食堂，今日就介紹一下開咗唔係好耐但係值得一試嘅水餃店！食物選擇唔算好多，但勝在價錢平之餘味道真係好好味㗎！（1）8隻雙併蒸餃揀左雙併餃子：韭菜豬肉餃同椰菜雲耳餃各4隻！落完單唔夠5分鐘就有得食喇！餃子皮唔會太厚，料相當足仲幾大隻！好多餃子店通常都係湯餃或煎餃，好少會有蒸餃選擇，覺得蒸餃其實比湯同煎更好味！個人最推介係椰菜雲耳豬肉餃，食落好鮮甜juicy！8隻餃子都係$22超抵食啊，如果再熱少少就更加好喇！

我平時都鐘意食餃子，間中會餃子當正餐咁食，今日就試下呢間唔算開左好耐既小店，估唔到一試有驚喜。既是小店，店面約有十多個坐位，晚飯時間只有半滿客人，店舖門口有一個蒸櫃，主要做外賣菜肉包等等之生意，雖然毫無裝修，但店舖的地方以及餐具均非常整潔，令人安心。餃子有三款口味，我今次選了12 隻韭菜豬肉煎餃，但原來佢呢度係叫做鍋貼，即係大隻啲果啲，即叫即整，上枱熱度十足，比我想像中大隻，難以一口ko, 當我要分兩啖食既時候就出事喇，估唔到入面咁多汁，大力咬落去既時候，射到一枱都係，每隻餃子都係非常飽滿，用料十足，餃子皮亦無我想像中厚，其實食8 隻我亦夠飽。豆漿$7 樽，比較稀，清新啲既感覺，無一般豆漿好重既奶味，係做法唔同？不過不失。總括而言，是值得支持的小店。

路經土瓜灣發現這間小店，店面不大，大概只有12到14個位，如店名所說，就是食餃子的試了椰菜雲耳跟粟米豬肉鍋貼，鍋貼煎得剛剛好，沒有燶掉，剛剛脆口，也不會太油，椰菜雲耳餃，食落清甜多汁，不過略微吃不出有雲耳，粟米豬肉餃，可以食到粟米嘅清甜，皮脆肉嫩，不過如果平時唔喜歡食厚皮嘅餃子可能會唔喜歡，不過煎鍋貼，餃皮還是略厚比較好，因為會無咁油，整體印象超好。另外一題，豆漿也是不錯的，有無糖跟原味可選，如果兩個人去又唔想飲咁甜，兩溝就剛剛好。

前排去完翔龍灣果邊做完野之後 就開始周圍行下 結果由翔龍灣行到過去維他奶果邊。我本身想去對面維他奶間小食亭(呢 好出名雞蛋仔果間呢)食底雞蛋仔先返屋企一個人過。但係果日系年三十，所以好多舖頭都已經提早柵門。就當我陷入無助同絕望既一刻，燈火闌珊既街道上竟然仲有一間著左燈既舖頭系度，望落 咦 新開嫁wor 反正肚餓 姑且去試一下啦。入到去 地方唔算大 放到幾張檯仔咁，可能係年三十，大家去左食團年飯 所以無咩人。入到門口揀左張緊門口既檯仔坐低。望完張Menu 見到，有韭菜豬肉窩貼就點左5只，另外再叫多一碗涼粉。涼粉系街市買到果種質素，都唔算好差，都算彈牙，不過重點唔係呢度。之後個韭菜豬肉窩貼先系重點，我一如以往咁樣倒少少醋落窩貼上面，再將豆瓣醬勺落個碟後，拿起窩貼，沾上豆瓣醬，一淡吞入口。咬落去的一瞬間，！！！個心馬上來一來，爆汁既喂。我有無點錯小籠包？皮薄餡靚，脆脆的窩貼皮裡面包著豐富的內餡，而且入面仲有汁。然後望一望隔離檯包緊餃子既姐姐，用佢純熟既技巧將滿滿的餡料快速甘包入去餃子皮入面，即刻有一種真正既小店情懷，覺得自己食緊既野系真材實料。真心誠意推介，只餃子真係好好食，可以去食下。PS