珍妮曲奇

营业中

休息中

📍香港📍尖沙咀📍珍妮曲奇📍尖沙咀彌敦道54-64號美麗都大廈1樓42號舖 （我2023年1月去暫時搬左去地鋪）📍星期一至日 9:00~19:00🌹只收現金。好多人投訴佢既服務態度差，但我今次體驗還好，佢知道個女人打尖專登serve左我先無理佢住。🦄 四味奶油曲奇 $75 (320g)🦄 評分: 7.5/10經典四味包括牛油花，脆牛油，燕麥提子，咖啡花。一打開個盒聞到好濃郁既咖啡香，唔知系咪我期望太高，食落無其他人講到咁誇張咁好食咁濃味🤣牛油味唔夠平時聲稱用金罐牛油整嘅曲奇香，不過系好鬆脆既，唔會一咬就四散曲奇碎，隻手亦唔會好油。牛油份量重所以都幾飽肚。食得多會好膩。最愛牛油花同脆牛油。#foodieschu尖沙咀～～～～～～～～～～～～～～#香港美食 #尖沙咀美食 #曲奇 #珍𤤗曲奇 #美麗都大廈 #下午茶 #afternoontea #曲奇餅 #珍妮曲奇 #送禮 #cookies #cookie #牛油曲奇

珍妮曲奇真係勁出名，之前疫情前都勁多人買嚟做手信，我都食過好多次，不過好耐冇食，咁咁啱經過就買下！🍪四味奶油曲奇 大 $140 649g (10/10)🍪牛油花 (10/10)超級鬆化，勁香濃牛油味，食完都有好大浸牛油嘅香味同埋餘韻！但食多兩件會膩同漿住個喉嚨🤣🍪脆牛油 (10/10)比較香脆，冇另外一隻咁濃，但香啲，但有少少奶香嘅味道！冇牛油花咁heavy，輕盈啲！🍪燕麥提子 (9/10)比較香脆，同埋乾身，麥味比較重，帶有少少微苦，有燕麥同提子嘅香。🍪咖啡花 (10/10)非常鬆化，好香濃咖啡味，食到最後有少少咖啡甘香微苦。推薦指數: 10/10基本上每隻味都勁好食🤤全部都唔會甜，食得出本身味道嘅香味！暫時未揾到一隻好食過佢嘅曲奇？$140有640g都唔貴，咁大盒又高質，真心會再買！

十多年前在赤柱小店時已定期幫襯, 曲奇味道多年不變, 非常好吃! 可惜因為自由行而寵壞了, 服務原本已經不是太好, 近年更每況愈下, 疫情下雖然不用排隊, 沒有客人之下的服務態度也依舊不變, 依然寸嘴, 問一句答半句, 唔耐煩....再講, 今時今日只收現金, 唔衛生又唔方便, 同街市冇分別. 坦白講, 他們賣的是高價曲奇, 應該配合好一點的服務, 真不明白為何遊客會願意受氣去買, 難度香港真的沒有其他更好選擇??  作為土生土長香港人, 我完全唔會因為呢間咁出名曲奇店感到光榮, 反而覺得羞恥, 如果大陸親朋真的想食, 我寧願我受氣去買, 都唔建議佢哋去見識他們差勁的服務!費事丟架.希望創辦人能夠看到這篇食評, 深切反省, 作出改善!

食曲奇餅呢一間曲奇餅真係非常出名，我之前已經食過一次，不過都好耐冇食，所以今日就走去試咗！買返屋企同屋企人一齊食，整體來講呢度曲奇餅都幾香！牛油味道好濃郁，我自己鍾意食咖啡味道，非常香口嘅咖啡味！

話說今日諗住去買曲奇，點知去到遇著個態度差劣既女員工，啲眼神仲好似欠佢錢咁，多謝都無句。跟住我問佢可唔可以比個袋黎，佢好唔耐煩咁用手指篤住張notice: 膠袋加1蚊！真係趕客，都唔係做生意！

服務態度差到爆😡非常惡劣😱問多句都唔耐煩🤬極度不悅嘅購物體驗😓望住你嘅眼神好似係對住個犯🙄只收現金唔方便，疫情嚴重衛生原因更加應該增加電子payment

29/1/2022 中午在尖沙咀分店，原本好喜歡食呢間cookie ，老遠都走嚟買，點知員工態度非常惡劣，語氣差到吖，希望老闆看到這篇報道可整治一下員工的工作態度。

排緊隊的時候已聽到前面的客埋怨服侍態度差。仔細一聽，原來係語氣問題，粗聲粗氣，一臉嫌棄，好似唔歡迎客人購買咁。如果店員可更敬業樂業，購買經歷愉快，起不是你好我好大家好。

很久沒去買又很想吃，所以有空星期六下午去了上環。可能太依賴Google Map，地圖顯示是綠色的“營業中”，到達後店舖關了外面貼上了"sold out"，自己想一想難道是新年前太好賣了？但因為太想買了所以還是搭地鐵去了尖沙咀的分店。誰知到達後，店舖下了一半閘門，我仔細看清楚一下店舖營業時間的星期六確是下午會開放的。等了一會，裡面有人拉起閘門，由於腦海中有了上環關門沒營業的記憶，所以便上前進去問一下裡面的店員，問一下他們是不是營業，結果沒有人回應。然後後面又來了幾個想買的人，店員便對他前面的所有人講了一句每人限買兩罐。本想因為太想吃又幫朋友買，會買很多罐，結果到來才得知只能買兩罐，然後店內有一個大表是顯示有貨的號碼，表上剔除的指示又是錯的，因為我又問了一下我想買表上的其他一款，店員很不客氣的態度回應了我說沒有，然後才講只可以買一款全奶油味曲奇（不是本人想買的一款）及品質差跌散過的罐。但確實既然都來到了又走遍了兩間分店，只好先買兩罐，等下次再來。但本人不推薦到尖沙咀，就今次對尖沙咀店有感而發，印象中上環的店員比較有心，不會令人感到不舒服。

好耐冇食jenny cookies,今日經開尖沙咀就去買，因為第一次去，但都好易搵！一去到完全冇人排隊，得我一個客，買咗兩盒大曲奇🍪姐姐態度ok,有問我要唔要個膠袋，仲sell我買芝士蛋糕話好好食！曲奇一如以往咁香脆，入口即溶，價錢尚可，因為出面普通面包店曲奇都唔平！

Jenny cookies are so cute, always comes with a cute cute bear tin, all the bears are slightly different! There are many different flavours of cookies and the shop is quite large! My friend bought this cookies for my family during Chinese New Year, and luckily there wasn't a long queue! The cookies have 4 different flavours including butter, chocolate, coffee, and raisin. My favourite is the coffee cookies! The flower shape is very pretty and the cookies are crunchy with very rich coffee taste!

是咁的，今日路經尖沙咀，充份感覺到市況凋零，本來想去Ｋ１１，路經美麗都，昔日南亞朋友和北方大媽在路邊排隊的盛況躍現眼前，我本著憑弔的心情行入美麗都，想看看珍妮曲奇現在的景況，昔日墟冚嘅場面真係煙消雲散，店內除了兩位店員空無一人，我站在店外數數口袋內緊餘的紙幣，再看看店外的價目表，我深呼吸一口，行進店內說了一句: "我要K"，Ｋ是價目表中代表＂奶油花曲奇＂的代號， 但我不知道奶油花是什麼類的中文，我在香港只聽過牛油，牛油花都未聞， 所以我說了一句K，  K是我熟悉和經常食的英文字。店員冷冷的遞了一盒給我，只說了句＂不要膠袋啊？＂在極短暫交談中，從眉梢眼角間，我充分感覺到傳說中嘅店員對自家產品的自信，因為換著其他店舖一定會落力推銷我再購買其他嘅曲奇或買多盒，但珍妮曲奇的店員沒有，只是冷冷的對待唯一的客人， 這一點自信以前畀人誤會是傲慢或西人口面，其實這一點冷漠高傲完全是自信的表現，真是極需要平反。 至於曲奇是什麼味道你們清楚過我，但我不敢撕開膠紙，怕一揭開餅罐就會即刻清空，高卡路里膽固醇即時在我腰圍反映， 免得給自己藉口新年買新衫，所以我希望擺到年十五才開， 如果你哋睇到呢度唔該畀個lik

其實我不嬲都唔好曲奇，因為一諗起曲奇就聯想到藍罐，印象中係永遠食唔晒一罐咁😂但有日又諗起N年前有人請我食過一塊珍妮曲奇，印象深刻，所以經過尖沙咀就買左盒牛油雙花。一打開香到不得了，咖啡味同牛油味我偏好前者，食落鬆化，成口都係牛油香，坊間真係好少呢類曲奇。$140一盒唔算平但一罐好墜手，都抵食。

之前聽過太多好平都吸引左我過去試吓呢度嘅曲奇其實好多遊客都會買呢間之前淘寶都見到⋯⋯估唔到咁多人都鍾意食⋯⋯所以我都俾人笑話喺香港居然冇試過！我同朋友就去試吓啦～我覺得一盒份量唔算好多食咗原味，牛油嘅感覺都算重但就未試過係好驚訝⋯⋯可能太多人佢哋好忙服務態度都唔係特別好⋯⋯

曲奇真係一樣令人又愛又恨嘅魔鬼！我已經自我催眠到，覺得自己係唔需要任何甜嘅野！但！珍妮曲奇呢隻鬆鬆軟軟嘅咖啡味曲奇，真係一次又一次攻陷我嘅芳心佢嘅歷史一匹布咁長，由赤柱小店到炙手可熱嘅自由行手信，再到被指冷待港人，光復行動而流失陸客，迷途知返，足夠開一套電視劇，不過講真佢真係好有生意頭腦，鋪又唔租貴，買佢要去到成個重慶森林咁嘅商場，係成個尖沙咀都賣緊假熊仔餅乾，佢都重可以日日清，真係業界翹楚！我買通常買兩味大牛油花果隻！佢只有牛油花夠鬆軟，$130其實價錢相當合理，佢嘅咖啡味係超級香，但我覺得佢香精落得有少少重手，因為你會發現你食完自己都有淡淡咖啡香，我同人討論過，話可能落得太多咖啡，但唔會囉！又唔見你飲完咖啡會咁？不過又唔係日日食，食得開心，who care?