珊瑚堡 (已結業)

個日睇戲之前去左飲茶涷檸茶, 只係一杯飲品, 無食野, 但係佢呢間野個裝修令你好舒服, 地方闊落又光猛, 又無咩人去, 好好傾計的, 下午茶餐一個麵加飲品都係$15, 我叫杯涷檸茶都$13啦, 不過個日太飽, 否則一定會食, 做到咁平, 天水圍真係咁無生意?

環境很美.. 二個人食了個2人餐, 有好多野食.. 如果有hsbc 信用卡可以再平d, 每人都唔駛100蚊.. , 如果晚市有呢個質素, 我都ok了. 不過d waiter, 對住鬼佬會特別好service, 其他國內同胞及我地就唔會了..

有次放Ｌunch～見到有間新開既餐廳就諗住試下喇咁入到去坐低～嗌野食個伙計可以唔拎筆過黎落單既？之後仲施施然去拎筆～喂～我地學生黎架～無乜時間等你去拎筆架！咁都算喇之後叫野食個伙計係重覆我地叫ｄ野食架囉例如：同學ａ：１個ａ餐　　　伙計　：１個ａ餐　　　同學ｂ：１個ｂ餐　　　伙計　：１個ａ餐，１個ｂ餐　　　同學ｃ：１個ｃ餐　　　伙計　：１個ａ餐，１個ｂ餐，１個ｃ餐　　　如此類推～我地總共叫左４個餐ｏｋ！當佢有交帶～清楚咁話返比我地知要ｄ咩喇叫野飲喇～同學ａ：１杯凍檸茶同學ｂ：１杯凍奶茶伙計　：咁即係凍檸茶定凍奶茶牙？＠＠ｏｏｏ．．咪玩喇！２個人叫梗係２杯架喇下化～～激死我之後野食又好耐先喇～我地１２點８叫野食１點１都未黎我地學學校要１點３前返到去叫我地就係叫吹佢叫佢地ｄ黎野食喇叫左肯定有４次～最尾話取消個時佢先黎喎～！仲有坐我地隔離檯係ｄ貴賓～（因為佢地有幾個伙計同經理照顧～）但係我地連１個都無囉～ｄ野食黎到又唔比餐具點食牙！？以後都唔會食依間野！雖然環境好好，但野食又唔係話特別好食！ｐｓ：個到ｄ伙計連經理個個都口黑面黑～　　　好似唔想做你生意咁（除頭先講既貴賓外）

今天因為父母旅行所以在街外提早團年，因為原本想去的地方沒位置，所以輾轉來到這家。場地很大，環境不差！但看來人手不大足夠，訓練也不大足夠就是！餐點不夠熱，侍應不清楚所送餐點的名稱，反應慢！餐茶催促了四次才上來！服務的確未夠水準，若多一點人手可能可以改善吧！希望可以聽到有改進令我想再去光顧一次吧！

比起同一商場內的餐廳，絕對出色得多價錢雖較高,但考慮到開係酒店入面，環境及裝修佈置都具有酒店西餐廳水準。食物方面都唔錯,較特別係有鵝肝餐,服務方面由於新開張,唔係咁令人滿意。遲d可能會有改善。順帶一題,就係早餐及下午茶非常抵食,只係平常茶餐廳價錢,但環境食物都物超所值。

話說以前海逸酒店有個幾靚o既海逸咖啡吧，係做自助餐o既，環境好優美舒服~ 不過後來因為生意唔好執左，之後個位真空左幾年，到依家先開返珊瑚堡~　終於，擒日我同媽咪、細妹去天水圍睇戲+食飯，去左依度試~ 開得o係酒店內，環境真係一流!!可惜味道、服務都係麻麻地~ 我o地食o既係lunch set，餐湯同餐飽係難食，其實應該要cancel左佢(唔要跟餐可以平幾蚊)~ 而main course就試左Chicken steak, Vegetarian Spaghetti同Fillet of Sole Spaghetti，除左雞扒好味d之外，另外兩樣都係淡，無乜味~ 感覺上椰林閣會好味過依度少少~　飲品方面，凍飲o既檸茶幾難飲，熱飲如horlick、奶茶會好d~ 服務okay啦，但絕對唔係professional o個隻...sorry，或者我唔應該將佢同之前比啦~