環亞機場貴賓室

营业中

休息中

上次去左1號個邊既貴賓室，不過好多人，環境好焗，勝左近！今次試下行遠啲去60號個邊個個，雖然入面都滿場，但比1號都明顯少人好多，可能依個貴賓室係開放式，所以冇咁焗。食物味道都ok！佢仲有魚蛋湯粉食，都唔錯。唯一可改善係可能人手不足？！餐桌清潔可以做好一點

依間Lounge 係離境大堂，鄰近60號閘口，比較遠，差唔多要行到尾。裝修比較新，座位闊落，又有大落地玻璃，夠光猛，又可以望到飛機起飛，同埋機坪的景色。有酒吧區，可以飲啤酒，白酒，紅酒，同埋咖啡，果汁。熱食有炒飯，意粉，腸粉，薯仔，時蔬，雞球等，種類多，味道都唔錯。環亞必食 - 港式魚蛋粉配秘製 XO 醬，可以自己加 XO醬。仲有水果和自助沙律吧，可以自己整沙律。

每次出外去玩，一定要去近1號閘口既lounge,今次去到，因為有好多人排隊，服務員姐姐建議我地去近40號閘口。 🍖 出遊就係好心情，呢度既食物感覺上種類小啲，但係最好味嘅魚蛋河粉，依度依然有得食，其他我就唔太介意。 🍖呢度其實仲有沙律，生果，咖哩，炒菜，湯同埋麵包等等。味道不過不失。不過佢有開揚既景觀，可以居高臨下見到好幾個閘口既情況。其實都相當寫意。 🍺✨️不過其實裡面嘅人又唔喺好爆，本來諗住租借沐浴區，所以登機手續已經係最早3個小時前辦理。最後都因為排隊太長用唔倒。安排可能要再有啲改善。