玥莊

营业中

休息中

🍽️食物方面： 🥗扎肉沙律💲58 多紫洋蔥好fresh🥖豬頸肉法包💲58 等15mins 包唔硬 配醬幾好食🐓海南雞飯配雞湯💲78湯有驚喜好濃味 油飯好硬 雞ok🐥香茅雞翼牛脊骨湯檬粉💲58🐷香茅豬扒雞湯河粉/撈檬💲58肉有啲粉紅 雞湯好飲過牛湯晚餐款要等30mins 配麵/飯/沙律/包🐮和牛伴海膽醬💲148燒得幾靚 醬怪怪哋有啲辣🐑慢烤羊架伴藍芝士紅酒汁💲138肉有啲難咬 汁幾新奇撈薯蓉ok小食另有追加價+半份🫔春捲💲48/2條 夠脆 有粉絲蘿蔔🦐鮮蝦米紙卷💲48 細細嚿 冇乜蝦🍤手打蝦餅💲48 🥥椰青💲38 📷打卡方面：光猛 木系裝修🔈環境方面： 乾淨細舖 做街坊生意💬其他資訊：玥莊📍 荃灣圓墩圍71-78號友聯樓地下17號舖💰Total💲860, 人均💲108

越姑娘細鋪搬大鋪，新鋪名再莊，開左一排都未黎到幫襯。搬左外區今日難得番黎荃灣當然要試下久違既豬頸肉飯。荃灣區本身好少越南食品可以做得長久，越小姐實力強橫，由細鋪做大鋪證明用心做食物。細心又有質素人客都持續幫襯，新環境新裝修比舊鋪闊落，人流比越舊位置優越，鄰近荃灣廣場，享和街停車場。光線光猛，木系主色調感覺清新，配合食物相輔相成。祝玥莊長做長有，生意興隆。星期日下午天氣幾熱，一個飯一杯咸檸七消暑一流。是日精選：豬頸肉

之前已經有喺佢哋舊店越姑娘食開，😋😋今次新開點都要嚟捧吓場，多咗好多唔同嘅食物，感覺非常之正，之前有試過晚餐，今次試返啲傳統啲嘅，海南雞湯河，啲雞好滑，湯底非常清😍😍，河粉不油有口感，豬頸肉沙律，一如以往，沙律菜非常彈牙新鮮，豬頸肉惹味，配搭得非常之好，好滿足👍👍👍*另有一樣都想講一講，見到樓下有位師兄嘅食評，其實公平啲對待香港啲飲食業啦，人哋餐牌全部有寫明價錢，如果你嫌貴咪唔好入去食囉，你食一個食物加個小食加杯飲品都係百幾蚊，如果咁都嫌貴你不如喺屋企煮麵食啦，另外我覺得一樣嘢，人哋係有生意而且係手工菜，你等下啲食物係好正常㗎喎，咁你食開快餐你不如去返食兩餸飯啦，唔好咁負能量又話要等人哋執笠，香港嘅飲食業真係全賴有你呢啲咁嘅人，我將呢位師兄嘅食評比老闆娘睇，佢笑咗出嚟，話呢啲人根本唔適合嚟佢間舖頭食嘢，似係行家多，咁我又覺得真😂😂

新開張就過嚟試下新野，點知定價太貴，出餐又慢，勁多蚊螆飛來飛去，食一個招牌春卷撈檬粉要成$70一碗，仲要唔包嘢飲，碗野又細，又唔飽。都係炸春卷兩條，都唔明點解可以賣咁貴😢😢😢坐喺度等咗成半個鐘先出到餐，其間門口啲人經過見到個餐牌都唔敢入嚟食，定價真係好高。如果叫主食+小食+飲品，人均價錢最少150。唔係話唔好食，但性價比真係好低，同價錢，荃灣大把嘢可以選擇，又飽肚。呢間舖之前係賣米線，叫幾隻餸都係5x-6x蚊，都做唔住，而家貴一個double,睇下捱得幾耐啦😭😭

這家餐廳的職員態度親切，提供的食材新鮮美味，價格也非常親民，絕對是值得推薦的好去處！尤其他們的小食拼盤、海南雞以及蝦餅絕對是必試之物。不僅能夠品嚐到美味佳餚，還能感受到貼心的服務，讓人彷彿置身家中般舒適自在。無論是單獨用餐或與親友聚會，這裡都是不錯的選擇。給予顧客溫馨與美味，讓人回味無窮。