玥屋

营业中

休息中

早排朋友帶我去食，一食就上癮所以過多兩三星期再約朋友去食呢度係即叫即正，師傅係你面前整，就好似食omakase咁今次特登訂檯時留左條秋刀魚，師傅話而家當造，有刺身+炸魚骨，刺身入口肥美，炸魚骨夠香脆，好好食另燒三文魚奇脆卷，大愛三文魚嘅火炙味加脆米，一絕最重要嘅係價錢唔貴，普通壽司最平幾蚊有成交，即使日本空運貨都唔係好貴，想平平地食好味壽司，呢間啱晒店舖空間有限，如果大家想食記得星期一朝早要打去訂枱，如果想食日本空運嘢記得訂枱時留買貨

未搬入嚟大角咀之前，就算玥屋係隔攝咗啲，但因為性價比實在太高嘅關係，我耐唔耐都會忍唔住入嚟幫襯下。呢間小店真係好細，得七至八個位，所以book咗位先好黎食。佢啲位都唔易book 㗎，要食就最好早啲book。我通常都會點佢嘅set， $100左右就已經有大概10件壽司仲有手卷，女仔來講都夠飽嫁啦。呢個價錢黎講啲壽司真係非常高質，而且亦都好新鮮。啲軍艦嘅料多到潟出嚟咁滯。帶子夠晒肥美。玉子亦都好香甜。海膽初初嚟食嘅時候係非常之正，好甜果種，轉左來貨之後就差咗dd, 但都唔差嘅。總括而言，如果唔係咁難book位嘅話，我真係好想多啲嚟堂食呀

今次要介紹一間係大角咀毫不起眼,但性價比可以話係超高嘅壽司店 - 玥屋 店舖好細,堂食座位只有8個左右,主打壽司刺身,另外不時會有時令食材. 記得第一次去食係兩年前,當時最平嘅壽司只賣$10以下, 如今兩年後再嚟,最平嘅三文魚壽司都仲係賣緊$6 一件….你可能會話一分錢一分貨,但係依間絕對不適用,因為你係俾緊爭鮮嘅價錢,但係有‘阿媽家姐’(Omakase)嘅質素😲以下幾款手握壽司我認為必點嘅:.($7)三文魚份量勁多,配以辣味沙律醬非常惹味👍🏻($8)、($15)兩款我每逢去壽司店必叫, 但可以咁抵價錢食到咁新鮮嘅暫時只有這家,望住師傅即場握壽司,再係表頭塗上豉油,真係令你感覺食緊廚師發辦(只係師傅仔有時會cool 左啲🤭)($23)仲平過壽司郎🤭但睇圖就知有幾新鮮同份量有幾多,入口鮮甜🤤($14)第一次食蔥吞拿魚蓉卷係可以咁大舊…份量仲係大過舊飯🤣入口非常滿足😍.除左壽司外仲會有不少時令食材, (時價)訂位時先預留, 粒貝刺身,非常爽滑彈牙,非常新鮮,師傅切嘅厚度亦剛剛好👍🏻.)刺身](時價)踏入秋季乃秋刀魚當造, 入口肥美,適當嘅油脂非常香,配以獨有薑蔥醬油食非常夾,食完仲會有魚頭

食過好多次外賣😋雖然每次6點幾買都要等40-50分鐘，但絕對值得！❤️係食過最高質嘅平價壽司！（就算貴啲都未必有玥屋質素咁好）外賣滿$250送三隻甜蝦刺身，本身唔食蝦刺身，但玥屋嘅甜蝦真心正，好鮮甜！完全唔會腥臭梅！帶子：比出面大粒厚身又鮮甜（十次有一次冇咁靚，有啲苦）赤貝：質素一時時，但都比出面大塊同鮮甜三文魚：好甘香！不過魚腩數量唔多，好多時賣晒鰻魚：食過最高質！唔腥！肉質唔梅！白玉豚：肥美！唔腥！蔥吞拿魚腩：必食！出面好多食落臭嘅，玥屋食落好香！馬刀貝：爽口鮮甜！日本蟹柳：真係用日本真蟹柳，出面賣緊$65包！（因為太好食自己凍肉鋪買左包）玻璃蝦：爽口唔腥臭，出面好多都冇蝦味/腥臭劍魚腩：食落同白玉豚差唔多，但有筋，食過一次冇再食了芥辣八爪魚：好食！個味啱啱好唔會太辣，又好足料以前仲有款龍蝦沙律勁好食，個味較得好好，又食到蝦肉，但而家冇左😞

玥屋平價親民嘅壽司店，成日心思思都會想去呢度食，不過地點就唔係太就腳，但佢哋嘅食材非常新鮮，價格亦都相當親民😍👏🏻，提提大家，小店只有七個座位，去食記得打電話去book位啊特上壽司定食~$105入邊會有11件壽司+1個蔥油甘魚手卷，壽司包括有吞拿魚，白玉豚，三文魚腩，劍魚腩，油甘魚，帶子，赤貝，甘蝦，鰻魚，海膽，玉子😻佢哋個白玉豚真係好好食，必食推介，帶子同赤貝都好新鮮，同埋佢哋個海膽真係好好食，好鮮味壽司定食~$85入邊會有10件壽司+1件蔥油甘魚手卷，壽司包括有吞拿魚，三文魚，白玉豚，象拔蚌，馬刀貝，玻璃蝦，北寄貝，鰻魚，海膽，玉子🙈😎三文魚非常之肥美，鰻魚都OK好食蟹籽沙律~$30食壽司一定要食沙律，勁好食玥屋 (大角咀)🏠：大角咀海景街44號地舖☎️：34886693

食過呢間壽司鋪幾次，性價比好高！而且個feel有啲似omakase! 閒日夜晚一定要book! 因為walkin基本上都無位！每逢星期一11:30am都可以book今個星期嘅時間！夜晚有三輪時間做： 6pm, 7:30pm, 8:45pm!入黎食必嗌嘅有三文魚奇脆卷！上面係火炙三文魚，入面係米通+蟹籽+沙律醬！係出奇地勁夾勁好食！跟住刺身就食左半磅三文魚！可以係個雪櫃自己揀架！三文魚超肥美超好食！而粒帶子亦都好巨！甜蝦嘅粗度差唔多有無名指咁粗！樣樣野都好大條呀真係！赤貝+馬刀貝就普普通通啦！去到壽司環節，嗌左三文魚壽司！勝在啲飯唔係特別大舊！而三文魚亦都厚身！個玉子壽司幾特別！因為印有「玥屋」嘅蛋！而且下面個層都係用蛋墊住！而鰻魚壽司都算大條！燒得亦好香！飯亦都細細舊！唔會好飽個種！蔥吞拿魚腩亦都好吸引！因為份量超多！而且佢吞拿魚都係即刻剁架！因為聽到好大剁野嘅聲音！其他壽司就正正常常啦！至於個蟹籽沙律亦都好豐富！因為超多蟹籽+蟹柳絲！So far, 間野都真係幾抵食！而且serve客人嘅時候 好似omakase 咁切完 即刻擺你面前自己再夾！而且啲食材亦都好新鮮！想黎嘅朋友仔記得bo

以前試過两次想訂玥屋去食都話full哂，估唔到今日早半個鐘都訂到食晏小店都真係幾小下全間店鋪得十個坐位左右由三位年青師父仔一腳踢我地去到無嗌lunch set蟹籽沙律飛魚籽份量幾多，青瓜幾爽脆嗌左啲剌身三文魚腩油脂幾豐滿，有啲驚喜帶子鮮甜爽口甜蝦幾大隻，鮮甜赤貝同馬刀貝，相對比較失色两樣都好似無咩味甘嗌左三文魚籽同海膽軍艦仲有拖羅蓉卷三文魚籽爽脆海膽用既係加拿大海膽即叫即制，紫菜上枱仲係脆既仲有嗌左幾件寿司普遍質素都唔錯小店黎講質素幾好埋單三百幾自已揀散嗌可能有少少偏貴但都總算合理既

今次係第二次黎食晚餐，覺得值得做一個紀錄。比起連鎖壽司店黎講，玥屋既食物種類唔算多，但係刺身同壽司既質素都唔錯，性價比高。蟹籽沙律比起好多店舖做得好，唔會太濕出曬水，沙律醬既份量岩岩好。八爪魚刺身厚薄岩岩好，爽口唔會靭，有八爪魚既鮮味墨魚刺身比想像中好，爽脆鮮甜左起：象拔蚌、帶子、劍魚腩、三文魚腩、油甘魚腩、赤貝全部都好新鮮，帶子尤其鮮甜玉子壽司呢間鋪頭係一件一件咁計算價錢，咁就可以每樣都食小小👍🏻北寄貝壽司呢間小店會係刺身上劃上一兩刀，我覺得幾好，刺身既鮮甜味係味蕾上更突出鰻魚壽司正常水準海膽壽司一般，海膽今日麻麻地。好彩無叫一板。（上次黎有叫過一板，果次既海膽反而幾好）花之戀份量正常，蟹籽新鮮，三文魚厚薄岩岩好，夾起亦唔會咁易散開三文魚腩壽司睇個樣都知唔錯，有三文魚油脂既香味隔離枱客人想加單時，師傅話無曬三文魚腩，我懷疑最後一兩件係我度隱藏菜單1是日特別菜式：梳子魚賣相唔錯，不過呢款魚魚味有d淡，唔太岩我既口味⋯隱藏菜單2是日特別菜式：池魚都係唔太岩我地口味⋯但睇得出師傅既係用心制作—————————總結：刺身鮮甜，性價比唔錯。推介帶子、劍魚腩👍🏻師傅上菜速度快，服務態度良好。缺點

============== 𝐹𝑜𝑜𝒹 𝐿𝒾𝓈𝓉 𝒻𝑜𝓇 𝒯𝓌𝑜·• 三文魚子軍艦 x2 ($23/pc)、辣三文魚軍艦 x2 ($7/pc)、蔥油甘魚軍艦 x2 ($14/pc)、白玉豚壽司 ($12)、吞拿魚壽司 ($10)、火炙三文魚脆脆卷 x6 ($30)、油甘魚刺身 x4 ($13/pc)、油甘魚壽司 x2 ($14/pc)、甜蝦壽司 ($15)、鰻魚壽司 ($8)、海膽 x2 ($23)💸 $266❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.❁⃘𖤣𖥧*ﾟ.網上睇過啲相見佢咁高質以為係貴價嘅壽司舖，點知原來係得8個位嘅小店😲。堂食一定一定要book位啊～平價大大又好食，兩個人食到好飽都係每人百幾蚊。由於只有三位師傅打理，點餐、送菜同服務都好casual。我地坐唔近吧枱吧位置，嗌野斟水攞野食要自己行過去，不過都唔係大問題。但間舖有陣難聞嘅廁所味😐。壽司大大件又足料，最好食係海膽、魚子同甜蝦，咁抵嘅價錢魚生嘅質素都好高。海膽唔腥唔臭仲好鮮，魚子有陣酒香味好黏口，甜蝦非常鮮嫩好鐘意佢黏口口感。其他都係正常發揮，三文魚膽油甘魚反而麻麻地，淡淡的冇咩味。吞拿魚

大角咀其實有好多隱世美食店😍玥屋就係其中一間 但就超難book🤣間鋪得8-9個位大家想食最好就早一個星期book定位海膽壽司汁燒帶子辣味三文魚壽司芝麻雞翼 等等所有野都好好食 呢個價錢比到咁既貨仔超值

小店店舖細細，只得10個位想食最好打電話book枱先📞Walk in都要碰吓運氣㗎店舖得三位師傅佢地都不太善於同客人溝通但我同朋友都覺得整體無咩問題如果叫餐牌上嘅A-F餐可以直接大聲向師傅落單就得，唔洗填紙今次我地叫咗🍣E.壽司定食 $85吞拿魚、白玉豚、三文魚、象拔蚌、馬刀貝、玻璃蝦、北寄貝、鰻魚、海膽、玉子跟蔥油金魚手卷🍣F.特上壽司定食 $105吞拿魚、白玉豚、三文魚腩、劍魚腩、油甘魚、帶子、赤貝、甘蝦、鰻魚、海膽、玉子跟蔥油金魚手卷帶子🍣新鮮肥美，好厚肉，要再encore白玉豚🍣係依間店第一次食白玉豚，一大塊米白色，咬一啖成口油脂香，質感爽嫩，推介大家試下海膽壽司🍣比較普通，食落唔鮮甜赤貝壽司🍣爽口📍玥屋🔍大角咀海景街44號地下

最近搬左去大角咀住，好多同事推介呢間地方吾大，好少位，但真係爆場 要等位所以一定要去訂定位，佢堂食少位 所以好多人會叫外賣🙈🙈🙈師傳就3位，吾算多 全部即叫即整好好食🤪🤪如果住大角咀真係要試下😝😝呢款燒三文魚奇趣卷 好正 係必叫🙈🙈佢啲壽司🍣 飯細細 刺身夠大夠厚

食物質素兩個字，一般。服務態度一個字，劣。環境及衛生：有極大嘅改善空間。整體體驗：壽司質素老實講只係一般，同爭X比較，只係好少少，紫菜好靭，令到手卷好失色。叫咗個特上壽司定食套餐，師傅做好放在面前並沒有講係乜嘢壽司，沒有三文魚腩又唔講換咗其他壽司。入座後店員提供餐紙自己選擇，選後交給壽司師傅，師傅冷冷地回應選套餐唔需要填寫，浪費紙張，然後用手揸爛咗張餐紙扔入垃圾桶，mn...., 然後再説炸物只係下午6點後提供，指住餐單(你盲㗎嘛！）mn......mn........壽司師傅全程黒口黑面，完。

入店內外賣刺身，詢問三文魚價錢時，師傅態度冷傲，叫自己睇雪櫃內包裝價錢，👌自己睇，選購了一包給他切，半磅三文魚切成四方形8件，很小見坊間師傅咁切法，不過確係切得快，慳水慳力，4刀搞掂，取走時仍然一臉冷漠😒，多謝都冇句！同早幾年的質素、態度差很遠，又一間名大左，唔休做就囂張的店！

同事推介食呢間小店已經想食好耐，但係次次都滿座今次行過Walk in竟然有位就入咗去最滿意係燒三文魚奇趣卷😋😋😋非常好味😋對海膽頗失望😶其他壽司不過不失，沒有太大驚喜😯