影片
相关文章
经过咗好多次，今日终于买来试，买咗佢哋嘅A餐，包括有粟米鱼饼，温泉蛋鱼饼，同埋一旧三文鱼唔知乜嘢。只可以话，完全没有鱼饼嘅感觉，只系一堆粉，最后𠮶旧三文鱼唔知乜嘢，只系食咗一啖，就掉咗。收人差唔多$80呢三旧嘢，其实真系几呃钱。真心：大家唔好嘥钱试。
继续阅读
2021年9月2日 晴今日黎左铜锣湾sogo, 想食下小食就试下位于地库都开左好耐ge 玖子贵乌贼须鱼饼 $23, 一见到俾佢个外表吸引, 成只八爪鱼咁, 就佢la首先一开始食佢d 须都几好, 正常la, 因为冇翻热佢都已经冻左, 食落唔特别香口。到个鱼饼, 一咬更有一股油腻感, 好像d 油唧返出黎咁味道都ok, 食质感有d 粉（又唔算好粉）同有d 淋...如果可以翻热会更好呢
继续阅读
今日行经sogo有少少饿就谂起超市有间小食店系我想试好耐嘅 所以去拣左一个鱿鱼须鱼饼（$23）同一个带子鱼饼（$19）试下 见到店员炸紧鱿鱼发鱼饼觉得好吸引 满心期待系热辣辣或微暖嘅 影完相一咬只系觉得鱿鱼须炸到干晒又硬 个鱼饼完全唔热或暖之余咬落去只系觉得满口油 带子鱼饼都不相伯仲 粒带子好干个鱼饼又冻又咬 满怀希望买左个失望同脂肪⋯咁细粒野大部分索价$20 up 估唔到系咁普通 完全唔值 连价格一半都唔值 到底系香港人太有钱定我唔识欣赏?! 依间店咁嘅质素同价钱如何屹立铜锣湾sogo？中一次伏就够 真心冇下次
继续阅读
有时经过见到都成$19-$29一粒，觉得超贵😅😅，一直都冇试过！今次放工经过见到佢有一盒三粒卖只系买$52，虽然唔知边粒打边粒，睇返逐粒计都贵过$52，就买来明日带饭嘅𩠌菜啦！😚😚叮翻热嚟食其实都唔会好干，里面嘅质地都仲系好有弹性，同埋都几大粒，够实净，食得都几饱！其中黄色个粒咬落仲要带少少甜味，其他两粒味道都几浓！😊😊估唔到隔咗一晚味道都仲keep到🥳🥳果然有水准👍🏻👍🏻下次再经过嘅时候试吓买埋其他款式先，当然都系特价套装先买啦😝😝
继续阅读
平时比较少经过铜锣湾，所以比较少留意Sogo地库内食品店既变迁。(虽知道Sogo地库除和菓子店区域店铺系永恒不变外，热食区好多时都会因应Sogo装修而改变)玖子贵于Sogo地库都已经有3年多时间，从朋友口中得知呢间既鱼饼比以前纪文个类鱼饼店更好味，既然难得经过Sogo就当然要试试啦。于晚上8点几人流疏落既情况下，玖子贵都将平时价钱$19-$23既鱼饼以$52/4件(不得自选款式)发售，既然有接近30%的折扣下就当然买啦! (但外卖自取既唔好处就系需要响屋企用微波炉再翻热一下)返到屋企打开包装个阵，鱼饼仲仍然令包装盒有少量既水蒸气，证明包装个刻仍然有余温。今次买既呢4件包括2件红姜乌贼粒鱼饼($19)﹑1件毛豆芝士鱼饼($23)﹑以及1件大蒜蚬肉鱼饼。1) 红姜乌贼粒鱼饼: 好食! 乌贼粒比想像中份量多好多 (4-5粒)，当初仲以为会较似章鱼丸既口感，但因为入面加入咁多乌贼粒，食起黎弹牙而爽口，推介! (红姜味会比较重，如果接受唔到可以食鱿鱼须版本既鱼饼)2) 毛豆芝士鱼饼: 惊喜! 本身毛豆无太强味道，而芝士味算淡口下，会食到本身鱼饼既香味，而且粒粒既毛豆感觉令人健康而唔邪恶既感觉! 小编本身唔太钟意食毛豆都完全接受到!3) 大蒜蚬肉鱼饼: 还可以! 本身利用大量大蒜条(切碎)去刺激蚬肉既味道。虽然蚬肉无腥味，始终蚬肉唔系浓味既菜式，所以食起黎会以蒜味为主，如果怕蒜头味既朋友可能会唔太接受到。综观黎讲4件$52既包装作为小食系抵食既! 但如果要计原价既话我都会比较期待现场食即煮版既感觉吧!
继续阅读