王牌冰廳 (燒味世家)

营业中

休息中

呢度一向出名食燒味，有時都會買啲返屋企加餸朝早做完運動去到11點幾，仲有早餐食喎，（早餐食到11點半）早餐由A1至A9，叫返個推介的王牌叉燒忌廉湯意粉，包括西煎雙蛋 或炒滑蛋，牛油多士，飲品1杯 $41叉燒保持一貫水準，瘦瘦地又淋，滑蛋炒得好滑，多士唔使加錢最重要個忌廉湯，唔會話好咸果隻，想飲多佢兩啖意粉軟硬適中，凍凍地加返杯熱菜蜜。做完運動，食埋個豐富早餐，唔使食晏晝啦缺點就係餐廳實在太細喇，座位唔多，長期門口有人攞住飛等位。

服務極差！唔想睇滴後生女黑口黑面一定唔好去！染髮個後生女完全冇服務態度lo，問親回答都唔出聲，手指指就算，d位又少又窄，野食都係麻麻唔係一定要黎尼間，食個下午茶仲要受氣自己斟酌︕請到甘嘅員工真係影衰曬間鋪！服務極差！唔想睇滴後生女黑口黑面一定唔好去！染髮個後生女完全冇服務態度lo，問親連答都唔出聲，手指指就算，d位又少又窄，野食都係麻麻唔係一定要黎尼間，食個下午茶仲要受氣自己斟酌︕請到甘嘅員工真係影衰曬間鋪！

其實平時都會有叫外賣來食, 佢地既叉燒有水準都OK既, 個叉燒炒蛋飯好食架! 個常餐都好抵食, 好大份, 真心好食同抵食! 因為堂食D樓面員工甚至收錢果個人都係相當之差態度~飛單車碟野響你張台~ 所以多數都係外賣買來食~

店舖樓面員工服務態度好有問題，由其是收錢那位，真的不知所謂。見到佢同客落單態度不好，上菜好似比好難為佢咁放落張枱到，單據好似飛鏢咁掉落張枱，好似唔想做生意一般，唔怪之得香港經濟會差，咪多得呢啲自以為是嘅生意人，不會理會顧客感受，以後不會再幫襯。

行過見門口寫住皇牌叉燒，抱住太大期望入去食碗叉燒瀨粉，落單時已強調要碗肥叉燒瀨粉，嚟到嘅時候竟然不單止冇肥，而且仲係超瘦，望吓張單的確係印住肥叉，於是問樓面姐姐，點解我叫肥叉會變咗超瘦叉，她只係望下笑一笑就行開了，我以為冇得換，於是繼續食，但咬了一口簡直咬唔開咬唔到，終於再問另一位資深啲嘅樓面，問佢點解肥叉會變瘦叉，我已經嘗試食，但係真係咬唔到，佢便責怪我話：「如果太瘦應該唔好食，早啲出聲，食過好難換俾你」，但我已經出咗聲，只係你嘅員工冇理我，感覺好委屈，又受氣，又難食，以後都唔會去😤😤

放學時間啱啱好可以食個下午茶 經過哩間餐廳好多次 見到佢地嘅下午茶幾抵食 所以就試下啦 店面唔大 下午茶時間都幾多人 要等一陣位🔍：#jcfood_大埔 #jcfood_燒味 #jcfood_茶餐廳✿ 抵食燒鵝瀨 ✿［$41］超鍾意食燒鵝瀨 俾左個鵝脾😍 燒鵝皮脆 肉都入味 但比較多油 瀨粉係偏幼嘅 口感較奇怪🤔 好容易碎 扣分🥺地址➸大埔安邦路8&10號大埔超級城A區1樓004號舖★好食指數★：3/5★服務態度★：4/5★冇加一★

咁啱經過大埔見車站附近有間睇落幾好一個人嚟到到左餐廳見人冇人等位咪入去最多半個鐘咪食完啫點知樓面呀叔極冇禮貌有位又唔俾坐死都要人搭台咁既態度睇你做得極耐走果陣仲叫街坊入嚟食，得啖笑

假日同老婆食lunch，等位就預咗，不過食到一肚氣被安排4人枱，預咗要搭枱，不過估唔到搭枱嘅係4人家庭，被安排坐兩張2人枱，真心天才般的安排。同個4人家庭換咗枱，食咗2個餐，蔥油雞扒煎蛋飯及公仔麵，有湯，蔥油冇味，雞扒正常，內附少少沙律，兩人加埋熱飲$116，偏貴唔算抵。不過食完即肚屙，去洗手間途中老婆已打電話過黎被安排了一個人坐落去，問都唔問，老婆未食完都即走。街坊食飯自己考慮去唔去，門口多人等未必係好食，可能只係帶位等位都有問題。入面姐姐好態度，係抵讚

屋企人去買咗一斤叉燒，雖然冇標明要肥定瘦。但係返到嚟真係嚇死你！！！首先啲叉燒斬到九唔搭八！！！唔知以為係左拼又拼執返嚟！！！仲有啲頭頭尾尾！！！比啱啱開嘅時候難食咗一百倍！！！估唔到開咗分店啲質素差咁多！！！又貴又唔好食賣相差！！！百幾蚊換來一對九唔搭八！！！仲話圍一。。。我認為第尾先岩喎。。真係好差！！！俾啲咁嘅嘢人哋簡直係埋沒良心！！！以後都唔會再幫襯呢間嘢！！！大家幫襯前都要諗得清清楚楚先好買！！！

呢間餐廳係大埔開咗都有一段時間聽到幾位朋友都讚呢度嘅叉燒好味每次經過門口都大排長龍一於趁平日放假試下早餐先～拎飛後等咗陣就入得我3個人安排座位後，又搭多一個人同枱大家都坐得不太自在餐廳環境較細，座位間距離都好近外賣三文治餐其實都幾吸引～睇餐牌後梗係揀王牌叉燒忌廉湯意粉嚟到叉燒賣相幾靚仔，食落豐潤肥厚而鮮美忌廉湯味道清爽而意粉軟韌炒蛋夠滑嫩蛋味濃郁，多士烤得好靚又香又脆奶茶茶味較濃，茶奶比例剛好，飲落好滑金寶忌廉雞湯火腿通粉湯頭較creamy 每啖通粉都飲到湯，味道不錯相對叉燒意就較普通整體食物味道不錯，尤其叉燒較出色只係環境較迫，食完都唔能夠坐得耐平日唔洗排隊都仲可以再來

呢間餐廳無論早餐、午餐、下午茶定係晚餐都好多人排隊😆出名係燒味，不過其他野食都係比較精緻同特別😋雖然似係比較平民嘅茶餐廳，但野食都算有誠意，絕對唔係hea👍🏻佢嘅咖啡好香，值得一試❤️XO醬雞翼撈公仔麵中式嘅撈麵配西式嘅麻醬沙律🤭幾特別有4隻雞翼都算多😍炸到金黃色嘅外皮，好香脆👍🏻公仔麵控嘅我，認為呢個麵都唔錯，麵質唔會太「林」，恰到好處👍🏻好香好入味，再配埋辣辣地嘅XO醬，好好食😋

今日中午去食飯，等位時見到2位亞姐+老闆係門口嘈，已經感覺唔多好，跟住入到去，叫咗熱齋啡，點知嚟錯凍嘅，我都算啦，自己用匙攞走晒啲冰，點知食完飯一飲，甜嘅，齋啡落糖，都係第一次，朋友叫我唔好飲，諗住走啦⋯⋯⋯⋯收銀亞姐扮晒醒咁吋我哋，話齋啡只係走奶，唔要甜要叫走甜，跟住隔離枱亞叔忍唔住幫口話佢，反問咁咩嘢叫走奶，咩嘢係齋啡，原本都算啦，點知老闆走嚟話我哋唔識，全部齋啡都係有糖🤦🏻‍♀️我飲咗咁多年齋啡，真係第一次要叫走甜，結果都係慳番啖氣，以後列入黑名單算，錯都唔會忍嘅食店，將來食物有問題，都係食客嘅錯出自維基百科，自由嘅百科全書一杯黑鼆鼆嘅咖啡齋啡（英文：black coffee），又叫「黑咖啡」，即係一杯冇忌廉、冇奶、冇糖、乜都冇加嘅純咖啡。

於早上11:15開始致電外賣落單，都預左佢會多外賣、多堂食，收銀負責收銀、又落外賣單、又聽電話外賣單，係的確好忙。於11:21佢聽到電話，但一攞起電話佢講左一句「等等」，就一直放低電話，佢又冇收線，咁一直冇攞返起電話。之後用另一電話打去，應該因為佢未收線，所以一直都唔會打得入（一打就會自動斷線，係正常的），咁唯有出去外賣。其實原先預要行20分鐘先到，所以先要預先打電話。邊行邊再打電話，都係以上原因，都係不斷斷線。重點環節到喇！抵達鋪頭，先同收銀員講你一直唔聽電話：「你仲hold 緊電話」，佢一臉驚訝，亦見佢拎一拎起電話，放返落機座。果時已經11:50，雖然知道過左時間，但佢hold 住電話30分鐘，咁都唔知係我過時定佢hold到我過時。其實佢一係一直唔好聽電話、一係佢直接掛機打唔入，接左一句等等就30分鐘。可以話佢太忙忘記接左電話，但一句太忙就覺得係正確？只能講體諒，而唔係道理。事情未完，我開始時禮貌要返早餐，當都預左收銀話話時，我亦重申解釋佢仲hold緊我另一電話，之後我見其中一位老闆（戴眼鏡的）走近，我再講返要早餐同原因，佢依然拒絕落早餐。我要再解釋，咁佢話我阻住佢收銀，我地但左係

成日聽人講呢間餐廳叉燒出名🤔 打算入去一試🤭🍜 正牌蜂蜜叉燒瀨粉 HKD48精緻一定在叉燒👹 叉燒表皮香脆肉質軟淋唯獨味道偏甜🥞 喜愛甜食嘅值得一試🤤 粉麵方面今次選左瀨粉🍜感覺太碎😭影響食用湯底嘗算不錯🤭唯胡椒粉較重🧄🍚板煎香菇馬蹄土魷煎肉餅蛋飯 HKD55另外仲叫左茶餐廳必選—肉餅飯🍗🍖 仲要煎😍十分吸引 配合醬汁同蛋黃撈簡直一絕🤐🤐 但個人覺得醬汁偏少🙃🙂所以今次都叫佢多汁🤤 每款客飯都配有餐湯🧐 總結個人覺得整體算不錯，但食後感覺味精偏多，地方較細

呢間嘅燒味好出名都好出色，但今日黎嘆個下午茶想試下法蘭西多士！呢間下午茶好抵食，cp值好高，除咗有佢哋最出名嘅燒味飯/瀨粉，仲有生炸雞髀薯條、公司三文治、魚柳包等等嘅港式下午茶小食💂🏼‍♀️《珍寶法蘭西多士》$33呢個西多士即叫即整，一上枱我就知道點解會叫珍寶西多士，好厚好大舊上面有一大片牛油，一切落去果下聲音好清脆，個面包炸到外脆內軟！真係媲美老字號茶餐廳。中間好多花生醬餡料，配埋啲糖漿一齊食無得彈呢個西多士必定要encore!! 下午茶會送杯熱飲，叫咗一杯熱嘅蘋果肉紅茶，好好飲好fresh有好多蘋果肉，但係又唔會好甜