王林記潮州魚蛋粉麵

营业中

休息中

🔹五香牛腩撈麵五香牛腩夠腍身夠入味，中上發揮👍🏼 撈麵調味啱啱好唔會太鹹，份量好多🤭 朋友話平時話好多人排隊同埋切腩會更加好食，可惜今次食唔到🫣🔹奶油多正常發揮🤭 個面包可以焗燶少少🙈如果行過食都可以，但係唔洗特登去排隊🙈📍王林記潮州魚蛋粉麵 | 筲箕灣東大街10號東寶大廈地下A號舖#hkfood #hkfoodies #香港美食 #牛腩撈 #奶油多 #王林記 #筲箕灣美食

因為朋友介紹所以去咗試試依間食牛腩麵嘅老字號。假日大概五點幾到唔洗等位，不過就要搭枱，環境都乾淨衛生。本身想叫切腩但已經冇晒🥲所以叫咗五香牛腩湯麵同撈麵，再加魚蛋魚片頭麵。五香牛腩都夠腍身，撈麵調味啱啱好唔會太鹹，份量亦都唔少，不過朋友話佢嘅切腩會更加好食，可惜今次食唔到🫣🫣魚蛋魚片頭麵個湯底夠魚味，魚蛋同魚片頭亦都非常彈牙，唔係嗰啲好硬好實嘅魚蛋👍🏻不過份量唔算太多，一個女仔食晒但都唔係話好飽😂

早幾日夜晚黎左東大街一心想食安利，點知原來收7點；甘就一於去隔離另一間老字號王林記食啦，但呢間食完係無下次！🐷香蔥魚蛋粗麵 $38🐷魚片頭粗麵 $38🐷五香牛腩幼麵 $38香蔥魚蛋無魚味，而且係好腍身，唔係彈牙既口感。魚片頭同樣食唔到魚味，淨係食到好咸。本來想叫切腩但可惜賣晒，叫左牛腩係大錯特錯；牛腩好韌，感覺似湯渣既肉。至於麵無論粗麵幼麵都好重鹼水味，同樣係令人失望；仲有湯底超咸，味精湯令人食完好口渴，3碗麵都絕對唔合格👎🏻👎🏻👎🏻🐷炸雲吞(5粒) $32呢個5粒細細粒反而幾有驚喜，每一隻都食到有蝦，蝦係爽口彈牙既；而雲吞皮咬落去幾脆，呢個幾好食🐷樽裝維他奶 $12呢個都好特別，而家好少地方有玻璃樽既版本，通常都係汽水有玻璃樽；唔知點解硬係覺得係玻璃樽既係好飲d

喺口排隊攞飛,嗰阿姐skip咗我地個號碼,我行埋去問返,嗰阿姐聲大夾惡話佢叫咗,咁我地全程冇離開,只係佢跳咗個號碼。跟住,我地心平氣靜同佢解釋返,個老闆話補返張枱,個阿姐竟然話唔好俾枱我地!好離譜!我而家係幫襯佢地,唔係求佢地俾我入去間舖。個員工自己做錯仲要發洩落個客度!勁嬲!無下次!請我都唔食!一間食肆,食物當然重要啦,但係員工咁嘅服務態度,無人想貼錢買難受。如果佢地繼續係咁,只會得來更多，唔該改善下啦!

平時間野普通料，如果唔係星期四安利無開王林記都唔會咁多人排。排隊都無所謂，但係個毫無禮貌嘅女人真係令人嬲到噴火😡 多數去嘅都係1、2人，我哋2位手拎48號飛，個女人叫咗三次46號飛都冇人應，然後佢叫50號飛有2個人入咗去，我同朋友見到怕佢係睇漏左我哋個number就入去詢問，點知個女人話自己叫咗48號幾次都無人應！！我哋無離開過門口，一聽佢叫46號就已經standby 等佢叫，兩對耳100%肯定唔會聽錯！但個女人仲堅持自己已經叫過48號仲十分之無禮貌！其實等多一張枱絕對唔係問題，但個女人態度惡劣又堅持自己無錯（出面有班等緊7人枱都聽到佢只係不斷叫46號）真係非常之過分！其實食王林記都只係一種情懷，食物唔係特別出色，只係咁多年有感情，間唔中會想去幫襯下。今日因為呢一粒老鼠屎，我哋都決定以後都唔會再幫襯王林記，可惜被抹煞了一段美好嘅回憶。

以前住大坑經常幫襯王林記，可惜小店年前結業。今日路過筲箕灣，終於可重嚐昔日的滋味。王林記必吃一定係潮洲牛丸同蝦子撈麵😍牛丸超彈牙，碗湯仲好好味；佢嘅撈麵味道香濃，其他地方真係食唔到👍🏻

提起魚蛋粉，一定要講及筲箕灣東大街的安利和王林記。兩間也是老字號，當中王林記以新鮮手打魚蛋作生招牌，很多人慕名而來。食店早前裝修過，門面更富潮聖感，感覺已由地方名店升格為旅客打卡地。 內裡裝修跟以往大同小異，環境清潔整齊，沒有傳統魚蛋粉店的街巷感。除魚蛋粉雲吞麵外，還有炸水餃等油炸小食提供，都是坊間小有的。今次點吃炸雲吞和香蔥魚蛋粉，留意下混入香蔥後有何分別。 河粉是較幼那種，烹調時有用心弄散，吃下去不論口感和味道都會更平均，反之地方小店常見到部分黏在一起便送給食客。對得起魚蛋粉名店的招牌。魚蛋的口感較軟，魚味因為用多種魚肉混製所以食味層次豐富。香蔥的角色是為魚肉的味道添加新鮮感，顯得更惹味。 炸雲吞亦不錯，麵皮很薄油炸時間較短，令口感不至太硬太脆，吃下去有酥香的鬆化感。每粒雲吞用蝦一隻，生熟度剛剛好，非常爽口。 餐廳另有樽裝汽水，大家可留意一下！

同朋友幾個一齊去食早餐，落單嗰陣每人叫咗一碗麵，然後侍應就話有三杯嘢飲，咁無問題叫埋。我嗰碗雲吞麵正正常常，然後都湯底都係正常重味精。試咗朋友嘅香菇貢丸，差唔多係無味👎🏻嘢飲方面我叫熱阿華田，用嘅係份量比較多嘅膠杯，但好似溝咗兩倍水，又係無咩味👎🏻到埋單嘅時候，見到寫每人$45(但餐牌寫$38)，咁就去問吓收銀阿姨係咪寫錯咗。然後個阿姨就話嘢飲要加錢，我哋講翻落單嘅情況比佢聽，想佢知侍應誤導咗我哋以為包飲品。突然，個阿姨就就嬲咗咁話無問題啊分開計啊，話我哋已經飲咗佢杯嘢，可以麵單計，嘢飲單計，叫我哋一係再比多D錢。我哋幾個人都比佢個服務態度(加上本身又唔係好食)搞到條氣好唔順，不過照樣比錢了事，但一定唔會再幫襯😠總結，本身大家街坊過黎試吓食個早餐，但不可一不可再🫡

今日同frd子去咗食東大街王林記 體驗真係好差🥲啲侍應態度差同食物普通都算啦 嗌完個麵佢就叫我地嗌埋野飲 咁自然會以為個野飲係唔使另外加錢 佢咁樣講真係好誤導 之後我地嘗試去同收銀理論佢竟然話 嘢我地已經飲咗 如果咁堅持碗麵係38蚊就補翻正價野飲要追就問翻個侍應???? 侍應唔係你員工？?????????????咩邏輯????????????係你地啲侍應一開始誤導我地 根本就係立心不良啦 勁嬲!!!!!! 唔好再去食!!!!!!!!

平時絕少嚟港島東，仲要係幾乎最東嘅筲箕灣，即刻問下住附近嘅朋友有咩必試街坊店，結果朋友就推介咗王林記，食潮州粉麵食得潮州粉就預咗唔會坐得好舒服，不過王林記又唔算好逼，裝修仲幾特別早餐時段嚟，選擇都唔少我哋嗌咗牛腩米同魚蛋米，加個脆奶油豬，一杯茶走一杯啡走牛腩又淋又入味，加咗腩汁嘅湯香得嚟又唔會漿住個口，白魚蛋好彈，仲有片頭，個奶油豬好脆，好夠牛油同煉奶，茶走啡走都好夠煉奶，熱飲嚟講仲好大杯潮州粉嚟講，王林記的確高質，係有少少貴，但味道絕對對得住價錢

📍王林記潮州魚蛋粉麵一向都好想發掘下香港呢一啲有一段歷史但係依然屹立不倒嘅平民餐廳🫣 咁啱去到筲箕灣於市就嚟試一試 Lunch嘅時間遙遠睇已經有人排緊隊 不過流動嘅速度都快所以等咗一陣就入到去啦👍🏻香蔥魚蛋麵🍜首先都想試吓最基本嘅湯麵！講到明係虛沖，首先一上就見到面頭放咗好多切靚靚嘅蔥🤩 飲咗一啖嘅湯底，都幾特別嘅一個味道，但又唔係話好重味精嗰隻～ 想講佢嘅魚蛋，係加埋咗少少嘅蔥花去打呢一粒魚蛋出嚟，咬落去唔會話好腍，同埋有蔥花嘅香味配合真係好好味🫶🏻 麵就正常麵啦，都係偏硬身，係我鍾意嘅麵😍切腩撈粗🍜點可以唔試吓佢呢度好多人叫嘅撈粗！平時食開嘅魚蛋粉店都好少呢一個可以叫 所以其實都唔係好知道佢係咩味 不過一嚟到就聞到好香😍 上面有好多芽菜，食落去嘅時候令到口感更加多層次😗 切腩淋又重牛味，啲麵濃味再沾一沾啲清湯，雪雪聲啜入口😋，正！王林記潮州魚蛋粉麵🍽️筲箕灣筲箕灣東大街10號東寶大廈地下A號舖

本身話呢啲咁邪惡嘅嘢只能夠間唔中食一次🤪，但係估唔到好食到唔夠一星期，就再次帶媽媽再嚟食過😎😎今次揀咗切腩魚片頭撈伊麵，雖然撈伊麵要加$12，雙併又加8蚊，加加埋埋都成70幾蚊一碗，但係我實在太鍾意食伊麵，今次有得撈伊麵，仲要係豉油王，忍唔住試一試佢🥳到嘅時候一擺入口，果然冇揀錯佢，個伊麵好滑好香，夾埋個豉油王唔甜唔唔鹹，好好食一啖接一啖，我覺得撈粗更加好食，如果鍾意食伊麵嘅人一定要試之後都係鮮油🧈奶多，都係一樣咁好食，雖然好邪惡，但係屋企係唔會咁樣夾嘅牛油落去加上依度係有鹽嘅牛油🫙🧈真係好好食，出到嚟食就唔好理咁多啦今次仲嗌咗個韭菜餃雲吞🥟雙拼，雲吞都幾大隻，佢係鮮肉雲吞，都幾爽口，韭菜餃都幾香$64有八隻，不過不失雖然都係比較貴，所以可能都淨係會間唔中試一次或者間唔中先再嚟食2022年最尾一日用王林記收尾十分完美😎

筲箕灣有兩大粉面舖食牛腩🐮都好出名，安利同埋王林記。今日就嚟試下王林記，今日公眾假期，點零鐘嚟到都有幾多人排隊等，但係佢嘅流動量好快，等左大概半個鐘之後入得入到去見到好多人都喺度食撈粗🍜，所以我都唔執輸咁叫左最出名嘅切腩魚片頭雙併撈粗，仲嗌咗個煉奶牛油厚多士🧈🍞首先係嚟咗一碗魚片頭湯🐟🍲，飲落去個湯頭好清甜，個魚片頭好有魚味，好彈牙，好有驚喜然後嚟到係豉油王撈粗，入口甜甜地鹹鹹地，但係唔會話好乾加埋少少湯落去一齊食，令人一啖接一啖係咁食，切腩都唔會話好硬，佢一擺入口好輕易就散開，我平時唔係好鍾意食牛腩既人都覺得幾好食🍴最有驚喜嘅係煉奶🍼牛油🧈厚多士，好大舊好厚嘅牛油，係脂肪嘅呼喚，擺入口牛油鹹鹹地加上煉奶甜甜地，再加埋脆脆地嘅多士，簡直令人一試難忘，呢個絕對係我會為咗佢再嚟食既🥰😋

黎到東大街有兩間極出名的牛腩麵，揀邊間好呢？王林- 崩沙腩同滷水腩都好淋好入味，唔會食完痴牙。另外魚皮炸得乾身脆口，唔會有益味。魚旦有彈牙爽口，有蔥同冇蔥食落冇分別😂成碗食完都唔會口渴。凍奶茶就正常發揮。埋單都要七草野，下午茶黎講有少少貴，因為全部野都散叫冇set。下次黎會試個撈粗先😋

🍪【#糧尾精選】【#筲箕灣】王林記潮州魚蛋粉麵💥東大街馳名撈粗 切腩半肥瘦富油脂香💥.🍽切腩魚片撈粗 $63 (4.5/5)呢度咁出名撈粗當然要試下‼️半肥瘦牛腩有驚喜😍，牛肉味突出富油脂香😋。四片魚片另上，口感彈牙👍🏻，高湯味道唔錯。撈粗軟硬度適中，撈得均勻入味。唯獨價錢有啲貴😳。.🍽香蔥魚蛋牛丸米粉 $44 (4/5)招牌香蔥魚蛋又真係幾香蔥味，更鍾意食牛丸🤤，米粉偏硬身。~~~~~~~~~~~~~諗住平平地食個lunch，點知兩個人食食下都過百蚊😳。唔算特別抵食，但食物確實有質素，可encore😋！~~~~~~~~~~~~~味道 Taste：🍪🍪🍪🍪🍪/5環境 Ambience：🍪🍪🍪/5💸消費 Spending：$54 /人 Person🔥推介度 Recommendation：4.5/5.📍 王林記潮州魚蛋粉麵@wonglamkee.Follow me on instagram: hungrycookie15