王朝潮順館 (得寶商場) (已結業)

同朋友去咗九龙湾嘅王朝潮顺馆食潮州菜，质素真心唔错！我地嗌咗左口鱼刺身，新鲜到爆，鱼肉晶莹剔透，弹牙有嚼劲，配泰式酸汁好提鲜。椒盐鱼头鱼骨系二食，外层炸得香脆，鱼肉嫩滑，配炸蒜同辣椒好惹味。膏蟹蒸手剁肉饼系亮点，蟹膏爆满，肉饼松化多汁，加马蹄同咸鱼提鲜，捞饭食真是一个享受！姜葱龙虾煎肠粉好有创意，龙虾肉厚弹牙，肠粉煎得焦香，吸晒姜葱汁超鲜味。黑蒜花胶汤汤底清甜，花胶大只，饮落顺喉又养生。服务员好热情，上菜快，仲会主动添茶。餐厅环境干净，虽然略为挤迫，但气氛热闹。…Read More

鹅件拼盘双拼墨鱼 $188非常之嫩滑好鹅味，卤水汁都几香，墨鱼弹牙嘅下边仲有啲卤水豆腐都好滑！鹅肝半份 $128鹅肝好香嘅酒味，食落去即溶，非常之嫩滑福果咸菜猪肚汤 $98胡椒味好香浓，加埋酸菜个汤都几好饮，猪肚都有口感！潮式冻乌头 $168鱼味非常之香浓，但系食得出靓鱼！顺徳炒米面 $128炒米面系好香麻油味，入边有啲鱿鱼蛋西芹都唔错嘅！蚝仔粥（窝） $98蚝仔粥超级多蚝仔，味道系比较清香，啲蚝好大只有蚝味。顺德炸牛奶 $78炸牛奶奶都好香脆，牛奶都好嫩滑，有少少奶味。…Read More

午餐叫了2份套餐 鹅肉拼鸡卤蛋 食物貌相十分之差，摆盘十分凌乱，完全不合格，食欲大减 。其后发现少了一粒卤蛋，便向职员查询，职员辩称售罄，并说已加肉给我们，然而餐点不会那么大份，后更称”俾埋只俾我哋好唔好？！” 。在此看到职员万分恶劣的态度，还跟我们抗辩一番，其后有其他职员过来调停。 那职员后来跟我们其中一人道歉 ，但我们并不接受，也不明白只为何只向一人道歉，但她说什么已经不能接受。虽然餐厅最后给予我们九折，但也难消我们的怒火！ 没有下一次！ …Read More

老朋友外地返港饭聚，食家朋友喺「王朝潮顺馆」安排好八人菜单。呢间都帮衬过好多次，潮州打冷、打边炉、鸡煲同小菜，无论几个人或者同一大班朋友都好啱食。本湾大左口鱼(两食)购自西贡码头艇仔档 $400/ 1条(约3斤半) ❖ (一食) 左口鱼刺身食家朋友到西贡码头拣靓鱼，而家大左口当造，买条带过嚟加工。一上枱成条左口鱼晒冷咁栋喺度，够晒睇头，一遍白雪雪刺身晶莹剔透，鱼身切成薄片，刀工了得。左口鱼味道属于清淡，口感弹牙有嚼劲，配泰式酸汁清新提鲜。❖ (二食) 椒盐鱼头鱼骨食完刺身，就将鱼头鱼尾连鱼骨用椒盐炸，外炸得香脆，鱼骨都可以食埋，原来都仲有好多肉，鱼肉嫩滑热辣辣，配大量炸蒜辣椒，香口惹味。❖ 膏蟹蒸手剁肉饼 (2份) $936两只膏蟹好新鲜，爆满蟹膏，蟹肉实净鲜甜。肉饼因为系新鲜手剁，质地松化有肉汁，唔会死实实，加咗马蹄同少少咸鱼，增加口感更提鲜。将蟹盖啲蟹膏捞落啲肉饼度，蟹膏甘香味渗晒入肉饼，加埋啲肉汁捞饭食，啖啖充满蛋黄质地嘅蟹膏，简直返唔到转头。❖ 姜葱龙虾煎肠粉 $928呢个肠粉真系好招积，两只大龙虾，新鲜肉厚弹牙，用大量姜葱爆炒，姜葱汁充满龙虾精华，煎肠粉垫底，两面煎得焦香，口感烟韧，索晒啲汁嚟食劲鲜味。❖ 黑蒜花胶汤 $628汤料十足，有鸡同排骨去煲，花胶大只，黑蒜溶晒入汤，好清又唔腻，入口顺喉，香浓又带点甜。❖ 姜葱猪什 $198好有镬气，采用新鲜猪什，味道同口感真系会食得出，完全无腥膻味，生肠爽脆到无朋友，粉肠够晒粉，猪肚弹牙有嚼劲，猪膶鲜嫩，酱油味香浓。❖ 啤酒鹅 $438用Gas炉上枱滚住食，成份鹅下庄份量十足，用啤酒同香料去煮，鹅肉融入咗啤酒味道，又带点香辣，好钟意食鹅掌同鹅翼。针墨购自西贡码头艇仔档 $80 (2条) ❖ 白灼鲜墨鱼西贡针墨当造，差唔多全部艇仔档都有得卖，新鲜嘅墨鱼简单白灼已经好鲜甜，口感爽弹，尤其旗位置特别爽脆，用芽菜垫底更清爽。店长热情好客，仲出动私伙烧乌鱼子请我哋试，湿润软糯口感配威士忌一流。连埋碟凤梨咕噜肉、白饭同汽水，埋单$3476，每人$500有找，我哋系book咗房，由五点半食到餐厅收工，饮饱食醉好尽兴。#王朝潮顺馆地址：九龙湾牛头角道3号得宝商场地下A7号舖…Read More

朋友介绍话呢间嘅潮州菜好食，于是佢约埋我哋一齐嚟食，呢到食晚饭嘅时间系分两个时段：第一个时段 （18:00-20:00），第二个时段（20:00-22:00）。我哋book 咗第一个时段。餐厅还境唔算大，座位还可以，餐牌食物种类多，我哋点咗以下食物：--爆酱姜葱桶蚝：镬气十足，超惹味！肥美肉嫩生蚝胀卜卜，好爽脆。炸蚝炸粉好薄，增加酥炸口感。-醉乳鸽：浓浓酒香，肉质嫩滑。-豉椒蛏子煎米粉底：蛏子：鲜香惹味，肉质爽弹。煎米粉：烟烟韧韧。豆豉嘅香味加上几款椒嘅甜味，配搭埋圣子同煎米粉，惹味非常。-盐烧马友：油脂丰富，肉质比较紧实，味道更有咸鲜味。-冻蟹：蟹肉味鲜甜，清爽。-百花鸡：鸡里让入虾胶，外层香脆，内里爽口弹牙，口感有层次。酥炸鲜奶：外表金黄酥脆、内里洁白软嫩。 咬一口，酥化软滑，奶香味浓郁。整体食物质素好食，店员服务态度好好，值得推介！…Read More