王家沙．花樣年華 (又一城) (已改名) 查看

今日經過又一城G樓，睇到一間環境優美中式上海菜，花樣年華，一坐低叫左一個小籠包，皮薄多汁，好好味😋，水煮牛肉，牛肉嫩滑，牛仔骨年糕，口感滿足惹味，好好味，上菜速度快，場所侍應服務態度好，值得再次幫襯👍👍👍

好耐冇去呢間，以前去銅鑼灣質素都幾好食，今次極之失望嫩雞煨麵啲雞肉好硬冇雞味，皮蛋豆腐有油淋上，好咸呀枝竹百葉紅燒肉，枝竹好硬，百葉好咸，紅燒肉唔夠林同埋好咸，好多汁不會再去，中伏前台帶位黑面

lunch time唔知食D咩，之前聽朋友提過呢個上海菜好好食，今日就去左呢間食lunch，我叫左個糖話梅骨，D排骨酸酸甜甜唔會好膩，送上嚟嗰時候我哋影左一陣相，食嘅時候嗰排骨都仲係熱嘅，我哋仲嗌左小籠包，皮薄多汁，D湯汁好出，要趁熱食！都幾正宗。個牛肉係包住簿餅咁食 超正 大家可以去試下👍服務態度唔錯 第一次嚟D服務員會推薦下D菜式 lunch time都多人 所以可以係手機book定枱先 下次會再幫襯！試吓其他菜式！

第一次食王加沙品質不錯岀餐又快很適合像我們上班的人，食品類别多，價錢合理，味道一流，服務又不錯，我和我朋友都挺喜歡這樣的餐廳，他們員工又願意為不懂用二維碼的人慢慢的教他們怎麼下單，這真是不錯的餐廳👍👍👍

嗰個小籠包外皮薄而有彈性 根本就冇其他人講到咁差 一咬落去就爆湯汁 上枱嘅時候仲要熱辣辣出晒煙🤤仲叫左個蔥油拌麵好香蔥油味 好耐都未食過呢種味 估唔到會係又一城王家沙食返😍價錢可接受 值得一試！個牛仔骨年糕先係最正！！！其他地方未必食到呢一個菜式 真係好特別 醬汁又香又濃 好多牛仔骨🤤驚艷到我 建議必嗌！上菜嘅速度都算快 已經唔係第一次嚟食 呢幾個嘢食已經係我嘅常住名單👍🏻仲有高力豆沙係我嘅至愛甜品！但係佢已經好耐冇出 出返嘅時候一定要嗌返 服務員態度都好好 我帶住一個BB去 服務員第一時間問我要唔要BB凳 真係冇幾間餐廳會主動問 非常之貼心服務！

突然好想食嫩雞煨麵，但依家真係買少見少🫠揾左好耐，揾到附近有間王家沙有！仲要openrice book位有9折😋😋因為太肚餓，兩個人叫左5樣野🤣🤣小籠包係算最熱既野食，皮薄有湯水，正常👌🏻回鍋肉小失望😞好油，啲豬肉都未抄好，仲痴埋一堆堆，唔夠味就上左碟四季豆好大碟👍🏻偏咸，但加埋煨面食就啱啱好👌🏻性價比高😋😋煨面大大碗，但暖暖地室温咁，温度好影響食慾🥺🥺🥺好多菜、雞肉，足料🙌🏻炸饅頭配練奶，本身係一樣必勝的食物，但炸過龍🫠🫠好油，食左2件都食唔落了🥲要摵左外皮先食到服務ok，收碗好快手，因為2人枱放唔曬🤣🤣有9折後係九龍塘黎講算抵食😄👌🏻

王家沙曾幾何時都係我常去嘅飯堂，今日重臨舊地，大失所望，平日甚少寫食評，但今次真係要寫出來等大家唔好中伏！今日三大一B點咗三個餸，三絲粉皮，家鄉金腿炒飯，蘇式鮮肉小籠包。先講職員服務態度，每逢上菜奉茶都必定從BB頭上或身旁奉上，極為驚險。食物質素方面：三絲粉皮，收咁嘅價錢居然俾最平最差嘅火腿絲，調味差，用料差，成個配搭都差。炒飯，無鑊氣兼唔熱已經不在話下，咁嘅價錢連菜粒都慳，居然用上急凍青豆，炒飯鹽調味不勻，一啖咸一啖淡，可稱為垃圾級別。小籠包，唔熱都算，肉餡乾到收哂汁，皮又厚，完全唔合格。備註：由於我們三個都太肚餓所以每碟都食哂，但明明未飽都無法再落單，因為實在太失望同無望。

小弟不嬲都好少寫食評，但呢間餐廳真係太難食….. 千祈唔好嗌佢地嘅蔥油麵，係完全咩味都冇… 出面求其一間上海餐廳都好食過呢度… 小弟係太驚訝，忍無可忍先要寫負面食評… 事先聲明，佢哋侍應冇得罪我，冇激嬲我，服務都還可以，但實左係太太太太難食…. 隔離兩張枱都好似話以後唔再黎食，非常之失望個「當紅辣子雞」$128 得「7舊仔」雞肉，仲要有4舊係黐埋晒一大舊仲要另外收茶水費$12蚊每位…?!!  咁嘅quality 憑咩收茶水費？cheap雞茶餐廳都一定好食過呢度，仲要平2倍…..

中秋節晚上和家人外出吃團年飯慶祝吃撐了，所以翌日中午打算吃簡單一點，想起有一段時間沒有光顧又一城的上海菜館了，所以在Open Rice訂了枱，然後發現最近對這個食肆的劣評不絕，不過難得假期也可以留位成功，而且只是打算吃些上海點心、小食和麵條之類，一行五人便親自去驗證一下吧。抵達門口接待櫃檯，只見一堆圍在前的食客，而穿上黑色西裝的女部長則背對着大家，面向電腦忙著，我一馬當先走到櫃檯旁邊靠近部長的位置，大聲跟部長打個招呼，當她望過來時，我舉起手機告訴她訂了枱，她立即請我們跟著進去，而等在前面的一位女士小聲的咕說自己也訂了枱，可是當部長扭頭望過去時，女士又沒反應，也沒有主動爭取，反而她旁邊另外一位客人對部長開口要一張兩人枱，結果我們兩枱人一起隨部長入內並得到安排座位，雖然算不上是殷勤的服務，但本人對這安排還是滿意的。假期人多，我們怱怱下單，鍋貼、小籠包、生煎包、紅油抄手和上海粢飯各來一份，再加鎮江肴肉和擔擔麵兩碗，本來已經足夠了，但家人見到點餐紙上的蜜汁火方又嘴饞再加一客，不知是否有心理準備，對食物要求期待不高，反而覺得全都不錯，沒有傳說中的冰冷食物，味道也適中，沒有發現過咸或過淡，更沒有小

啲野食全部都係凍，叫左個石窩飯都係凍。全部嘢食都炒定先，落完單可以即刻送上嚟，所以啲嘢食完全唔熱。服務差，又要收服務費。未食完就話收走。想坐側邊，服務員就話嗰啲位留咗被定位嗰啲人，最後其實係比街外客。

午餐時段，叫左鮑魚石鍋飯、鍋貼及豬扒擔擔麵。 石鍋飯上枱見賣相唔錯小心翼翼以防燙傷，後來發覺個石鍋仲凍過我個碗，馬上向店員查詢，原來燒熱石鍋要下單時註明 真係第一次聽… 咁做乜要石鍋上… 向店員要求取消，我另叫了肉絲兩面黃。 過五分鐘石鍋再呈上…. 攪到我要取消返個兩面黃… 個石鍋飯仲要唔好食… 超失望！ 唔會再黎

王家沙曾經係數一數二食上海菜既地方。今次再食係非常失望，野食同價錢唔成正比。價錢貴，但質素差。茶非常淡，酸辣湯完全無味，唔知自己飲甘咩，勁淡，小龍包皮厚，粢飯d油炸鬼勁硬。自問我唔太咀叼,好少係openrice寫食評。但今次非寫不可，失在太失望

又一城有好幾間中菜館，中上價位。呢間中式菜館主打上海菜，港九都有好幾間分店。奶黃小麻球 $42個奶黃幾好食，有流心，唔係吉士果d。芝麻豆沙餅 $48初頭以為係豆沙鍋餅咁樣。原來都係芝麻皮，食落酸酸地，又好濟好油膩。唔arm食。醬汁牛仔骨烤年糕 $138個牛仔骨真係鹹到痴線，佢入面有年糕，suppose算係主菜唔洗送飯，咁鹹真係食得好辛苦京蔥爆羊肉配薄餅 $128呢個算最好食啦，好重嘅羊肉味，配有五六塊薄餅倒。肉好多好足料。清潤柑桔蜜 $26杯野好細，無料嘅..唔難飲不過唔係好值個價..之前食過ok嘅，今次有d失望，有幾樣都頗失準，唔係係咪太夜食趕收工..

都見到有好多負評， 不過諗住食下小籠包、生煎包 應該冇問題， 但係真係超級失望，平時都唔會寫食評，真係唔寫唔得！ 小籠包皮厚， 生煎包 入面啲肉 好難食 ，另外想叫 高力豆沙 又售罄！ 叫咗個蔥油拌麵 只可以講 僅僅合格 ，其實我哋六點半去到好多嘢都 售罄 ，想食果D嘢又無， 都唔知點解還有咁多人排隊食！ 隔離枱嗰個女仔叫咗個皮蛋豆腐 都話中伏 🤣唔會再來食啦！真係好難食！

今日中午到王家沙花樣年華吃午餐, 想打開茶壺蓋看看內裏是什麼茶，當蓋回時 不知道原來茶壺蓋只能用一個方法蓋上，因為我不是他們的員工我怎知道他們的茶壺蓋是有特定的方法蓋上，我開錯了職員走來大聲的告知我蓋錯了令他受傷，叫我不要自己亂蓋茶！這個午餐我食得十分之不愉快！