王子麵 (已結業)

難得去開尖沙咀, 想揾間坐得舒服的新餐廳試下。炎炎夏日下, 行左2條街真係熱到頂唔住, 是是但但入左間「王子麵」。一般麵店的格局, 装潢新應該開業不久。餐牌簡單易明, 除一般粉麵外, 這裡推介美食是豬扒。招牌牛三寶河$48(包飲品)牛三寶即是牛腩、牛根及牛肚。湯頭比較淺色, 先嚐一口果然牛味不太濃郁, 而且帶酸(不是變壞的酸)。這裡的牛腩没有爽腩或坑腩的選擇, 牛腩的肥瘦比例分明, 咬下去尚算嫩滑, 但是牛不夠香濃。牛根只有2、3細件, 頗為淋身。牛肚味道不過不失。有食客反映湯頭太咸(小妹不太認同), 店員立刻聚在一起研究一番。可見店方對客人意見的重視程度。值得一讚。凍奶茶有茶餐廳味道, 茶香奶滑。簡簡單單的一個麵餐。

尖沙咀區嚟講價錢唔算貴，地方企理光猛加分！點咗牛三寶米粉非常足料，其實女生嚟講係好飽！牛筋，牛腩，牛肚都入味，夠淋，讚👍🏻👍🏻👍🏻凍檸茶亦夠茶味，而且唔會過甜😋😋😋

新開業麵店，原本位置是一間日式餐廳，已執笠了一年，幫襯過幾次，生意不足，結業實屬正常。雲吞麵，唔係傳統所謂的大地魚湯底 (當然理解…市場上…無邊間食肆真係用大地魚煮湯，但就算假既…開粉，我都收貨，我最唔鍾意就係奶水雞湯)，然而…友人味道話唔差，佢覺得可接受。雲吞，唔記得數有幾多粒。蝦肉無味，算是彈口，包得鬆散，雲吞皮也不似一般店的較深黃色，偏厚，可能入貨不同。牛什麵，指明要牛膀和牛肚。內臟，應該點煮都唔容易過淋，水準應該好難做得差，事實都係, 兩款都唔差, 但牛肚的蜂巢賣相不太完美, 牛膀也未如想像中的軟淋。麵身偏淋，啱女士。麵底屬於沒有鹼水味的品種，啱友人，唔啱我。我喜歡爽口鹼水麵, 沾一些紅醋中和後的味道。菜心，兩小碟，跟套餐的，煮得軟硬適中，尚算爽口。友人的魚蛋麵，我吃了一粒魚蛋，感覺好彈牙，但帶些微微腥味。內街有兩間同樣差不多的麵店，想做這小區生意，估計仍需諗一諗經營策略，做些：人無你有，人有你更優的食品，相信才可以長遠立足。總之一句: 生意唔易做!!!!