影片
招牌菜
今晚来到这里吃饭，虽然地方不算大，环境不算华丽，但胜在出品好，人情味浓，感觉好像以前屋村的酒家，首先来到第一件事末点菜前记得叫杯涷豆浆，豆味香入口清甜亦有热的豆浆供应，今晚我们点了鸡煲配材丰富绝不马虎，有大中小辣选择味道适中，还有克椒牛仔煲，出来时𠮶煲唧唧声好够热，亦有一个全场焦点揽角骨拼椒盐豆腐一定要食，秘制酱汁(有蜜糖)简直好味到不能形容，跟住再叫甜品，不能不提这里的姜汁汤圆超够姜味又辣又驱寒，还有明目杞子雪耳桂花糕，不太甜有淡淡清新的桂花味杞子大粒有口感加埋雪耳碎，简直无得输，寿饱大个我拳头，今晚这餐生日饭真的好满足，可惜咁有水进的餐厅只做到10月中，真的很可惜！
继续阅读
早起的鸟儿有虫吃今日得闲就去左饮早茶今次去呢间叫玉玲珑菜馆第一次去呢D "informal"茶楼饮茶黎到D姐姐都几好服务 唔会黑哂面扮睇你唔到咁我地叫左香煎萝卜糕$14.8原只鲜虾肠$20.8凤爪排骨饭$9.8玉玲珑虾饺皇北菇棉花鸡这个是孖宝 任选两款 $36.8 虾饺单点都要29.8 所以36.8两款甘平 当然要叫所有野食都好热 点心一定要热先好食萝卜糕真系食到一丝丝萝卜 唔会净系得粉鲜虾肠就普通，无特别推介，但系都几大只虾 个排骨饭 饭既质地太软身 一般棉花鸡好好食 鱼肚个味做得好好虾饺做得唔错 个皮好薄 D虾都好大只整体来说，几有心做好每一款点心唔会好似大集团咁 有左个名就hea你
继续阅读
寻晚约了几个好朋友晚饭，贪呢度近地铁够方便。我之前都黎过两次饮茶，食物好味的。今次我第一次黎呢度晚餐，我地共六人，叫了四𩠌一汤，份量刚刚好。我地叫了德国咸猪手，半只蒜香炸子鸡，虾干芥兰煲，杂菌虾子豆腐和鸡骨草猪横脷炖汤。德国猪手味道不算太咸，份量都够多，有埋条骨添！蒜香炸子鸡上仲有些虾片，好好享受呀！芥兰煲都好味，但比较咸。最好食，真心最好食的是豆腐，好滑，不过最初以为虾子会系一粒粒的，原来系粉状，见唔到的。炖汤好清，但有些油在上面，我饮左两碗，我朋友仲连汤料都食埋添。最后我地仲叫了炸地瓜丸子同姜汁糕，两样都好食。地瓜丸子炸到好似芝士波甘，里面仲有馅添。姜汁糕烟烟韧韧，好好食。侍应招呼都唔错，系个场唔算大啫。
继续阅读
来到荃湾，天桥系统可谓四通八通，连续往大大小小不同的商场。若要仔细去行，或需行上半天，慢慢发掘。当然，要数最方便的商场，肯定是港铁旗下的绿扬坊。商场2楼及3楼设有不少食肆，大多是连续式经营，不一定要到荃湾才可吃到。不过，商场上有一家名为玉玲珑的中式餐厅，需要从2楼至3楼之间的通道前往，人流相对较少。可肶因为主要做街坊客，所以侍应们都较亲切，叫他们帮忙冲茶等，也没托手肘。最重要的是，食物价格相宜，晚饭时段可以100元以下享用孖宝 (蒸鱼+鲍鱼津白)，性价比高。座位方面，如果一大班人或家族聚会，可以坐图枱。如果是两三个人想静静地倾计，也可以坐卡位。整体而言，是绿杨坊的高性价比之选﹗
继续阅读
本身今日打算同屋企人到美心饮茶，但可能因为系红假关系实在太多人啦，老人家又肚饿又唔想佢地咁辛苦等咁耐，所以我地就决定黎呢度饮。呢个白果薏米粥系点心纸上冇嘅，但老人家话黎过食过觉得好好味，我地就问个侍应，咁佢地话系有嘅，之后就拎左2碗黎，果然好味，绵绵嘅粥白果都有唔少，加埋薏米一流又可以下火。小笼包：皮系薄嘅，汤汁都唔少但入面嘅肉就比较鞋身。黑糖蜂巢糕：好香好味，有啖啖嘅黑糖味。酿尖椒：尖椒又唔太辣，煎得刚好上面嘅鱼肉味道刚好，我地都忍唔住叫左2碟食。鲜虾菜苗饺：皮较厚，但虾同菜嘅比例刚好，不错。鸡扎：鸡比较细件，另外有蟹柳同芋头，蟹柳好粉。叉烧包：都唔错，包软熟，叉烧都算多。但个奶黄包就阴工少少，个馅得好少。叉烧肠：肠粉都算滑但其实馅都比较少。鱼汤蕃茄海鲜米线：酸酸地几开胃，海鲜其实都算多。呢度嘅野食算唔错，但唔够冷气，台亦都唔算多。不过之后都可以再黎饮茶嘅。
继续阅读