玉桃軒酒家 (利舞臺廣場)

营业中

休息中

好早前以經食過呢間玉桃軒今次想講返佢呢間酒樓比我印象吾錯 環境優美 景觀一流位於銅鑼灣利舞台廣場 樓下已經係購物之都我係上網search 位於咁繁忙地方 都有一間酒樓 非常適合旅行朋友 或者家人來食 門口開揚 簡潔企理 坐底後同一般酒樓一樣 係點心紙上面點菜 服務上比一般嘅酒樓快 又禮貌 不同時段也有不同優惠 早茶 午市 下午茶 晚市 等 我點了 蒸腸粉熱辣辣出爐 食落口 香口嫩滑 個人喜好可以點麻醬或者甜醬 芝麻膏係酒樓好少見有這樣芝麻膏 口感不算好濃 但幾特別 從未試過 又貪新鮮可以一嘗 魷魚鬚煎釀茄子不能盡講 每款都可以稱得上比一般酒樓高質 總括這一間酒樓 新鮮食物 廚房師傅也別有用心 環境優美得來食物也高質

舊朋友相約多時，終於夾到時間出來食飯。我是最早到的ㄧ位，等我看看有什麼好食。看過餐牌後，决定點大家都想食的片皮鴨兩食，作為今日晚餐的重點，再點多兩三個小菜，應該足夠。首先上檯是小食素鵝，外層腐皮炸得香脆，內層夾住雜菇，再淋上喼汁食用真係ㄧ道不錯小食。整隻烤鴨都除除送上，見鴨皮色澤均勻脹卜卜，侍應生用純熟的刀法，片成ㄧ大碟皮肉均稱的鴨肉和完片的鴨皮任君品嚐。我們亦急不及待拿起熱騰騰的薄麵皮，放片鴨肉、青瓜條、京葱絲、甜麵醬包好放入口中。咀嚼過程中，鴨的油香和清爽的青瓜條再配上甜麵醬ㄧ起食，真是口福不淺。另外片皮鴨兩食，我們選了鴨鬆生菜包， 將餘下的鴨肉切粒，加入爽口的馬蹄、筍粒ㄧ起炒香，再用爽脆的生菜 包起食用，口感清爽又不油膩。蔬菜我們點了雙冬扒豆苗，份量都好大，厚肉冬茹和爽脆冬筍鋪在翠嫩的豆苗上，再淋上芡汁，冇得輸。柚子杏片煎雞脯，雞脯外鋪上杏仁片ㄧ起炸，火喉恰到好處，雞肉嫩滑，杏仁片金黃香脆，再配上清香微酸的柚子汁，真領人食指大動。相信下次我想食片皮鴨，ㄧ定會想起這間「玉桃軒」。

朋友話好想食片皮鴨，提議去玉桃軒，因為早前品嚐過那裏的出品都唔錯，所以又想食多次。最初睇廚帥推介餐牌時，着實有點迷茫，不是太睇明白， 經朋友解釋後，便清晰了~ 標價或菜式後均有一組4位數字，即每一組數字等於一款菜式，客人說出那4位數字，侍應便清楚你點那一款餸。北京片皮鴨可以兩食，原價 $288 隻 ， 優惠價$188 ( 星期1-4 ) ，我們另外加 $ 78 將餘下的鴨殼煮成鴨崧配生菜。原隻片皮鴨在侍應巧手的刀法下，瞬間已切成一片片比例均等的薄片，鴨皮油潤、肉質飽滿鮮嫩，肥瘦適中，非常吸引，在侍應片鴨的同時，用來包片皮鴨的薄餅亦已送上，熱騰騰，上面還有點芝麻，好薄身，用筷子一夾， 已覺得質感非常有彈性，配合甜甜地的京醬、青瓜、京葱與片皮鴨一起包着吃，簡直回味無窮，我個人都吃了四、五件呢。鴨崧除了有鴨肉碎外, 還用上筍粒、松子仁一起炒，將新鮮生菜包裹著熱辣辣炒香了的鴨崧，不但嚐到鮮新多汁的生菜味，同時亦淡化了鴨崧的油膩感。其實鴨崧炒得十分惹味，配白飯亦相當適合。芡汁非常彭湃，鋪滿豆腐粒、海蝦、菇粒、菜粒、帶子粒等，底層是滑滑的蒸豆腐，質感似蒸水蛋，入口幼滑，帶蛋白味，大人與小朋友同樣適

上次同朋友食過玉桃軒既片皮鴨覺得唔錯所以今次又返嚟encore片皮鴨$188 1隻仲可以見到廚師即切好新鮮！片皮鴨外皮酥脆帶着小小肥膏即使係就咁食 或者包住外皮同醬料一齊食都好好食除咗片皮鴨外 我哋仲叫咗海皇豆腐煲裏面有唔少海鮮加上豆腐索左唔少醬汁好入味食咗咁多肉就想要啲清淡D嘅主食所以我哋叫咗賽螃蟹炆伊麵裏面有唔少蟹肉加上餐廳會配上一碟醋酸酸地好開胃最後啲嘢食多到食唔晒仲要打包走呢個價錢食到成隻片皮鴨真係好抵食🥰🥰🥰

我要食千層糕，滿滿咸蛋黃，糖冬瓜，椰絲，夾白色軟粉，想都好滿足，今次要來，雖然唔係最好，但都有80分，只要俾我見一見，咬一口，軟軟綿綿，夾着蛋香，咸甜適中，正！山東桂魚餃$37，在這裏都算貴價點心，餡料飽滿，富有佳魚味，粉少魚肉多，皮厚像上海餃子， 烚熟，幾健康，不用蝦或帶子，無膽固醇，無敏感。鮮人參淮杞燉雞湯$48，人參貴嘢，甘香，不用味精，以此價梗要飲，秋天補補氣。鳳梨义燒稣$34，無期待有鳳梨，好似上似酒店嗰次，菠蘿义燒穌，無菠蘿，但今次有，但係丁點，但無香味，經驗話俾我聽，肉類與菠蘿一齊耐咗，係會將肉質醃淋，無彈性。講回質數，真差些，無蜜味，皮唔夠鬆香，無洋葱，又想起戲曲中心滿樂、永利軒义燒穌，我都幾貪心，剛剛先滿足千層糕，又想别，慾念不止，要念經！

玉桃軒位於銅鑼灣旺區，交通方便。之前去過飲茶覺得食物都 OK, 環境裝修得唔錯又光猛；於是兩口子看完戲就齊齊去撐枱腳。原隻10鲍鱼扣鵝掌是酒樓推介的其中一種餸菜，每位$48， 認真抵食；於是 order了兩份。鮑魚和鵝掌都好淋好入味，若芡汁稀些更佳。南乳醬金脆骨廚師以南乳來醃製五花腩後來炸，非常香口和惹味；最重要是不覺油膩。但如加些伴菜或生果能令整買相會吸引D。瑤柱粉絲什菜煲與一般食肆相若，沒太特別。只因我們想食多些菜和貪其清淡些。廣東雲吞麵雲吞食落不覺有蝦，只有豬肉做餡；而味道有些特別，有些失望。好彩D麵都如爽口唔太淋。

放假當然離不開一家人飲茶傾吓計，我們多數會到銅鑼灣利舞台玉桃軒飲茶，因為這裏除咗座位舒服，景觀一流，點心即叫即蒸。鳳爪排骨蒸飯白飯煮得軟綿綿，好肥大的鳳爪，有點甜甜豆豉香味，骨肉分離，很好食，加入甜豉油食唔停口👍蟹籽蒸燒賣王有三隻，每隻上面都有少量蟹籽，燒賣做得非常好，豬肉有冬菇粒作配料，很香的鮮蝦跟豬肉比例剛剛好，七三比例，非常爽口彈牙。木魚燒汁釀茄子茄子煎得好淋，魚肉新鮮厚肉，咬落啖啖肉，加入醬汁一齊食，非常惹味。😋懷舊千層糕千層糕是兒時最喜愛食的點心，熱辣辣，每一層都非常考功夫，鹹香香味撲鼻，食落口感一流。魚湯鮮竹卷鮮竹卷炸過之後再加入魚湯煮，湯底非常鮮甜，鮮竹卷外皮香口，連湯一齊食，正！鮮蝦菜苗餃菜苗顏色新鮮嫩綠，餃皮薄到變得透明，非常足料👍

有冇試過食麵包希望有陣陣鴨味? 食白飯希望有陣陣鴨味? 連飲水都希望有陣陣鴨味?如果肯定精神無問題, 那原因就只剩低一個, 就係片皮鴨癮又突然來襲。因為著實離上次片皮鴨癮不太遠, 一想就想到上次替我同朋友完美滿足地解決到相關心癮的玉桃軒。都是兩個人, 但上次不是和她食, 所以我非常努力說服她這裡的片皮鴨有幾皮脆肉嫩,餅皮有幾煙韌, 配料有幾新鮮, 燈光有幾柔和等.......但原來她本身已食過很多次玉桃軒, 還推介我片皮鴨二食的 豆腐菜苗滾鴨湯。 片皮鴨今次的鴨比上次的肥美, 脂肪是比較多了,但相對地鴨油香就更加特出。雖然分店不同, 依然做到皮脆肉嫩, 相信食物質素管理下過一番功夫, 值得欣賞。重中之重是那麼高質依然還是做緊優惠, 究竟有冇搞錯?二食的豆腐菜苗滾鴨湯很少飲鴨湯, 原來很好喝的,尢其是愛食鴨人仕如我。甘香, 而加了蔬菜更多了一份清新。湯料也十足, 跟本可以當另一道菜。 朋友推介的擔擔麵我會形容是玉桃軒版的擔擔麵。跟平時食開充滿麻醬香味的擔擔麵不同, 它是充滿洋蔥跟肉碎, 滿滿洋蔥香。麵質比較彈牙爽口, 值得一試的。

約了朋友到銅鑼灣飲茶， 在銅鑼灣這邊飲茶我喜歡選擇利舞臺裏面的“玉桃軒”， 一來交通非常方便銅鑼灣地鐵站， 時代廣場這邊出口非常近， 二來這裏環境舒適， 大大的玻璃窗開揚又舒適， 最重要他們的點心是可以保持一貫水準， 所以我約朋友如在香港區銅鑼灣這邊我多數都選擇“玉桃軒”。這裏點心選擇多， 今次嘗試他們的點心拼盤$68四款每款有兩件，有蝦餃、燒賣、乾蒸牛肉和帶子餃，同時即叫即做， 新鮮又美味。叉燒腸又足料，馬拉糕大大件又鬆軟， 還有很多小食選擇，今次選擇了羅漢齋 還有每次必食的薑汁紅棗糕，薑味濃不會太甜煙煙韌韌

最近轉了工，工作比以前忙了，放工早就回家休息。今晚趁著有提早放工的時機，於是和家人出外吃頓飯。酒樓晚市小菜是一家老小一起吃飯之選。士多啤梨骨，比較少地方有的菜式，甜甜酸酸，非常開胃，不要以為士多啤梨骨，是骨比較多，其實很多肉，很足料。沙茶芥蘭炒牛肉，沙茶醬炒牛肉已很香，加入芥蘭，鑊氣十足，更加惹味。乾葱豆豉雞煲，上菜時已香氣撲鼻，配料豐富，乾葱，香蒜，豆豉，配上嫩滑雞肉，以煲上，局一局入晒味。每人一碗白飯。一邊嘆茶，一邊吃晚餐。

呢間酒樓位於Causeway Bay利舞臺 走中高價路線環境都幾舒服 坐得亦唔逼 可以慢慢傾計嘆下茶嗌左特價既片皮鴨一隻 $188, 另加$78涼瓜炆埋D鴨件餅皮夠熱夠軟有咬口 配料則有甜醬青瓜京蔥本以為2個人食會好膩食唔哂, 但其實片完出黎既份量2個人食岩岩好皮又脆 油脂又夠 仲帶小小肉 包埋青瓜甜醬一齊食好正涼瓜唔會過熟仲爽口亦入味 炒得好惹味 送飯一流另外亦叫左美極炒什菇豬頸肉美極味其實唔出 但就炒得好香埋單$440有找, 呢個環境配上呢種食物質素, 都幾唔錯!

《傳統口味🍲精緻點心》玉桃軒那新派別的傳統口味，多重味道又靈活多變，有著懷舊風情又與繁忙的都市人有著非一般親和力。今日霎時想起就二話不說地再來了😊。▪️▫️🌇 靠近單邊位置的落地玻璃窗一排可飽覽羅素街景致，自然光豐富。喜歡拍照的朋友可以較早時間抵達獨霸有利位置，畢竟有自然光加持的照片總有著迷人的色彩嘛！餐廳裝潢以大理石淺色系為主，主體光猛溫馨，非常平易近人。用餐的食客更感覺賓至如歸。📝 懷舊千層糕 HKD29本人小時候最喜愛的點心之一，煙韌彈牙的白色飽飽加上若即若化的流沙質感，最為天真小孩的傾心之物。配以鹹蛋黃的鹹香更令人欲罷不能，只是市面上已經難以品味得到，玉桃軒是雲雲酒樓裏的一個奇葩，不被該款懷舊點心的繁複步驟拒之於外，當中的韻味反而更勝從前，必食之讚，一定要試一下。📝 香脆蝦多士 HKD34外層份外的香脆鬆化跟內裡的煙韌口感本已驚為天人，兩層口感分別鮮明又因為蝦肉的美味成功把兩者共融一體，沒有半分違和感，親切動人，非常高檔。蝦肉的比例亦都處理得當，沒有任何飽膩感，輕巧精緻。📝 高湯灌湯餃 HKD37用平平無奇的豬肉對比出香濃的冬菇高湯，主體輕盈又高雅，不過略嫌肥膩，因為肥肉的份量偏多

今天約了媽咪到銅鑼灣濕平，順道一起吃午餐。和老人家吃飯，首選當然是飲茶，我們揀了利舞臺廣場的玉桃軒，喜歡這裡地方夠大，坐得舒服，食物亦不錯啊坐下來，便開始看看餐單，我們叫了鮮腐竹三菰扎、臘腸滑雞蒸飯、四式點心、香煎南瓜芋絲餅，及香煎蘿蔔糕。鮮腐竹三菰扎是素食來的，味道清淡，誠意推薦給素食者有多個選擇臘腸滑雞蒸飯非常惹味，臘腸好香，雞肉好滑，加了豉油後，整個飯不消五分鐘已吃光了四式點心也很不錯，一次過可品嚐四款精美點心，只需$68 真超值香煎南瓜芋絲餅媽咪最like，口感很rich，煎得很香香煎蘿蔔糕同樣地煎得很香，用料足，啖啖都有蘿蔔絲，確是大滿足呀

爸爸好中意食中菜，所以帶左佢黎呢間食個飯呢度有片皮鴨，做緊優惠$188，上個陣有d驚喜，鴨肉既份量都唔少，而且佢唔係片到好薄一片，有d都幾厚肉😍個皮係脆，d肉質就嫩，高質!個包皮係新鮮滾熱辣上枱，配左個醬汁，青瓜條同埋蔥，包起黎食真係感覺高級d，同我平時係街就咁買個d真係冇得比😋之後再叫多個海參食下，呢個個味道係做得幾好既，但可惜既係真係得好少海參，望埋去好似七成都係大蔥頭，如果餐廳可以改係比d菜丫菇丫,有得食下會好好多😂最後埋單$425，兩個人黎食係貴少少，但耐唔耐都要食下好野獎勵下自己既😊

今天約了朋友兼客戶，有些文件和生意細節要傾談一下，就來到利舞臺的玉桃軒飲茶。我們點了豐富又抵吃的午市二人餐：豐料老火湯湯如其名，真的很足料，又沒有重重的味精，還有痩肉湯渣給我們點豉油吃呢！雙式點心- 小籠包和炸蝦餅每款兩件，份量剛剛好。要大讚一下其炸蝦餅很鬆脆，不會厚粉，美味！燒汁珍菌爆蚌片蚌片和菌菇吸收了香濃而不過鹹的燒汁，非常惹味。瑤柱蒜子泡時蔬二人餐還有時蔬，味道很好，非常健康！星洲炒貴刁還要一個炒貴刁，炒得很有鑊氣，男仕絕對也夠飽肚呢！為食的我，還點了花生甜薄撑和鵝肝蜂巢芋角。鵝肝蜂巢芋角有驚喜，薄薄脆脆的，加上豐富的芋蓉和鵝肝，口感非常有層次。讚👍🏻總括來說，玉桃軒的位置很好，食物好吃又衛生，茶樓來說，枱與枱之間有足夠空間，不會很嘈吵，和朋友或生意伙伴來用饍都很不錯！