獨當一麵 (已結業)

成日係元朗蒲頭的我竟然要朋友介紹先知道有間咁嘅餃子放題。。。。😳😳咁趁放假就專程嚟試一試佢啦！先唔講佢好唔好食， $58蚊餃子任食本身都已經係勁抵，由其是對於我地呢D大食人士一坐低首先俾咗碗湯我飲，係豬骨蓮藕栗米湯，好足料跟住落單叫餃子，老板問我有冇咩唔食，我話每樣都嚟D試下啦~好快就俾咗２大碟我，每碟有15~20隻左右佢主要有４款，栗米豬肉餃﹑白菜豬肉餃﹑黑毛豬韭菜餃同茴香豬肉餃而且４款餃子仲可以揀煎或煮整體嚟講４款都算皮薄多肉多汁一路食老板就已經問定我洗唔洗再添，要唔要試下佢地D麵，都唔洗加錢不過麵我就覺得一般，而且好頂胃，可以留返個胃食更多餃子我最後都差唔多食咗成80隻，老板仲送咗一細碟醃蘿蔔嚟俾我消化下，仲問我夠唔夠飽😂下次再過嚟食呀咁老實講我真係幾滿意呢間，未至於D人批評到佢好差咁，個價錢就擺晒係到，任食到餃子＋鍋貼＋麵＋普通茶＋湯＋醃蘿蔔＋老板熱情好客嘅態度仲想奢求乜野米芝連級數呢？？點都好過你係超市買急凍餃仲要又煮又洗囉…查看更多

完全中伏，見電視節目影出黎又大粒又多汁，但從來未食過咁難食既餃子，原本$58任食，都唔會抱太大期望，但冇唸過差得咁緊要😤，首先，以為自己可以選擇食邊款，但變左配給🙈，第一轉員工分每人大約4-6粒，有兩款，同員工講想食另外兩款，冇得選擇，咁唯有照食其他，一等就十幾分鐘先再出第二轉，跟本等於冇得你選擇，焗你食，佢出咩，你食咩，唔食就冇得食，餃子皮好厚，好細粒，有幾粒直情肉少到得皮😒，仲衰過超市急凍餃子，食完返去超口渴，建議大家不要試…查看更多

餃子放題之前見電視介紹，咁啱係屋企附近，一路都想去試，終於今日同屋企人試咗。😜之前星期日經過見好多人，要等位，所以揀平日去，食飯時間都唔係好多人，唔使等位，$58 45分鐘包一個牛尾湯或者蟲草花雞湯，雞湯都唔錯，但牛尾湯好好味，餃子係比較細隻少少嘅，水餃同鍋貼全部款試晒，如果你冇特別唔鍾意食邊款，佢通常都係攞個盤裝起你個碟嗰度，個人鍾意食鍋貼多個水餃，味道冇乜特別唔同，食咗幾多隻我都冇數住，但$58性價比都算高，可以一試。另外值得一提係姐姐啲服務態度好好，好有禮貌。本來每人只包一碗湯，但屋企人話牛尾湯好好飲，問佢可唔可以再加少少，佢都冇問題，我本來係叫咗雞湯嘅，之後問佢可唔可以俾少少我試吓，姐姐都冇say no。🥰…查看更多

放題方式唔係自己落單，唔係自己決定食咩同食幾多，而係坐定定，等佢派餃子。兩個人食，每次派4隻，每次隔5-15分鐘不等，食45分鐘，每人食得14隻佢無趕人走，但最終自己頂唔順走人。講真，唔好味同唔飽都唔係重點，浪費時間先係最慘。$58餃子放題，原本都唔抱太大期望，佢亦無令人失望，可能因為價錢問題，部份餃子薄到得塊皮咁滯順帶一提，放題價錢唔包飲品。仲有留意返，10隻淨餃都係$38-48，所以俾多$10食多2隻都好似好合理。總結，真係不可一不可再…查看更多

今日原本專登入元朗去倆口小吃食刈包，但點知門口貼咗內部裝修休息一天！唯有去搵其他嘢食，轉彎見到餃子放題決定去一試！入到去店員問你係咪食放題，然後就問你要牛湯定雞湯，我同店員講我想要白菜同韮菜餃，但佢話廚房會煮一盤出來到時會分俾你！於是我唯有等⋯ 10分鐘後終於有得食，店員拿出一盤餃分配俾各枱食客，而我分配到9隻：6隻茴香及3隻粟米。大鑊！我唔鍾意食茴香㗎！於是我同店員講，佢話佢都控制唔到廚房煮咩餃出嚟。過咗一陣店員係冇問過我要唔要嘅情況下放咗6隻煎餃係我隻碟就行開了！救命！我都無話要煎餃，但最重要是有3隻係茴香！我再問店員究竟除咗茴香餃之外，會唔會有其他味道菜餃，她說仲有白菜、粟米同韮菜。最後我再等多一轉，店員給再分6隻俾我。終於有3隻韮菜 …..仲有3隻茴香！呢次餃子放題我一共食咗21隻，但其中有12隻係我唔鍾意嘅茴香囉！…查看更多

第一，客人唔洗落單，個呀姐逐枱畢幾隻餃子俾你，感覺不太好第二，餃子質素仲差過超市買哥d，d 餃子好散，又穿曬窿咁第三，又話餃子放題，有四種餃可選擇，但食黎食去都係白菜餃同韮菜餃第四，老闆娘成日問要唔要野飲，但野飲係要加錢但又唔講第五，環境好差，食到一半頂唔順走左…查看更多

呢間係我食過最混亂既餐廳😂首先講拎飛過程，應該係老闆娘寫飛比我地，個飛number係隨心所慾😂同第二個客撞左number，好彩大家都知道邊個黎先😂然後，老闆娘仲要係繁忙時間，食客慢慢既時候痴d宣傳單張係鋪頭入面，仲要食客起身讓開比佢痴😂😂其實可以用15分鐘係開鋪前痴一痴🙊等左大概半個鐘後，鍾意到我地🙊餃子放題$58蚊包4款餃子任食+一碗湯可以揀番茄牛尾湯或者蟲草花雞湯，嘢飲要另加錢。我地每人叫左一種我自己飲蟲草花雞湯，都飲得出係足料而且冇味精既，但係就過份地鹹🙃姐姐會比兩隻碟比我地，廚房會一盤盤咁出湯餃或者煎餃子🥟然後再分比每檯，比4-5隻一碟，餃子味道隨機。食左4輪出黎既餃子，廚房就停頓左，大家齊齊冇嘢食😂煮唔切餃子了，粟米豬肉餃仲已經冇曬。於是大家就開始同姐姐落order要咩餃子同要幾多。本來打算食多一輪就走了，但已經出唔到餃子，所以同姐姐order左一打白菜水餃。等左10多分鐘後，姐姐比左19隻白菜混韭菜餃比我地😂好明顯d單已經亂曬，中途有多檯客係到促單，仲有檯客表示佢黎左已經30分鐘，只係食左3隻餃子🙊所幸我地係出現混亂前已經食完🙊餃子味道正常，細細隻，皮好似比一般厚，鍾意食茴香既可以試下，味道好突出🤓整體黎講，個人比較有耐性，對食物要求唔高的話都可以黎試下既🙊但我就試一次就足夠啦😂😂…查看更多

之前喺 fb 睇到有介紹呢度嘅餃子放題，咁就特登入元朗試下。由於唔熟路，搵咗好耐先搵到間舖。老闆娘聽見我話搵咗好耐先搵到，就即刻斟杯水畀我，仲問我要唔要汽水，我話我唔飲汽水，佢就斟咗杯凍豆漿畀我，非常好招呼。跟住落單叫餃子放題，除咗包頭先嘅豆漿外，原來仲有一大碗湯同醃蘿蔔。湯有兩款選擇，蟲草花雞湯或者蕃茄牛尾湯，我就要咗牛尾湯試下。湯底非常鮮甜，茄味好濃但唔濁，仲有啲薯仔粒，而且飲到碗底竟然真係有牛尾肉！少少羶嘅牛尾肉好腍滑彈牙，雖然細細粒肉，但牛味都好重。好飲！聽老闆娘講，佢哋廚師每朝 7 點返舖頭煲架，而且所有食物都冇味精，真材實料。醃蘿蔔酸酸辣辣幾醒胃，最啱係食到咁上下餃子再食片蘿蔔嚟醒醒味蕾。豆漿正常味，唔會太大杯。輪到講主角嘅餃子。依次叫咗半打黑毛豬韮菜餃、半打韮菜豬肉餃、2 隻粟米豬肉餃、2 隻茴香豬肉餃、2 隻白菜豬肉餃同半打黑毛豬韮菜鍋貼，一共 24 隻 。黑毛豬韮菜餃：肉多過韮菜，但韮菜豬肉餃嘅肉味竟然仲重過黑毛豬！我再三同老闆娘確認過有冇調轉到，佢話冇喎。粟米豬肉餃：好鮮甜，啲粟米粒粒分明又好咬口。老闆娘話啲粟米係用新鮮粟米人手剝，唔係罐頭架！難怪咁鮮甜。茴香豬肉餃：有買過茴香就知其實街巿唔係時時有得賣，而且價錢唔平。但呢度就包咗好多茴香，食落去就有種好獨特嘅香草味，回味無窮。白菜豬肉餃：白菜好清甜又軟腍，可以食到最基本嘅肉味。粟米豬肉鍋貼：鍋貼唔同煎餃，煎餃係將用嚟烚嘅水餃拎去煎，而鍋貼就係好大隻，企得喺度嘅餃子。由於當日有電視台去拍節目，所以啲餃子上得好慢，尤其是鍋貼。到廚師終於忙完拍攝可以幫我煎時，佢就問我想唔想煎燶啲。我話冇所謂，最緊要少油。佢話好，會放多少少水落去煎。結果煎出嚟真係做到又少油又香脆嘅效果，勁！（其實我本來係叫咗黑毛豬韮菜鍋貼，不過佢嚟錯咗。唔緊要啦，都體諒當日特殊情況嘅。）總結，呢度嘅餃子符合返北方人嘅口味，就係餃子細細隻，皮略厚，肉多菜少。如果你心目中嘅餃子係勁大隻又皮薄嘅，咁就錯哂了！我就比較鍾意呢種，一啖一隻。仲有 老闆娘話啲餃子係朝朝由佢哋工場人手包架，保證新鮮！仲有，本來放題係限時 45 分鐘，但因今日廚房忙，老闆娘就特別恩准唔限時畀我任食！最後捧住個肚返屋企，幾乎夜晚嗰餐都唔使食！…查看更多

聽過呢度胡椒豬肚湯好出名，一於去試吓，點知去到發現轉左手，得返啲餃子鍋貼。但係一場嚟到，一於坐低試吓。食物叫咗白菜豬肉水餃、韭菜豬肉煎餃、凍檸茶。個餐仲包一碗蟲草花雞湯。個水餃同煎餃包得好核突，粒粒大細唔同。味道就麻麻哋，個皮好厚。個湯味道唔錯，足料嘅。杯凍檸茶好難飲，茶又苦又澀，冇叫少冰但係得一粒冰，裝得八分滿。服務餐廳有得選擇用手機QR code點餐，但係強迫人註冊wechat 先可以用。侍應唔係好熟手，落單重複咗幾次，上菜亦都有撈亂嘅情況出現。老闆娘成日行嚟行去，問你係唔係食放題。總括而言，轉左手之後情況十分惡劣，食物質素偏差，賣相核突。環境同服務都唔係幾舒服。最後，千祈唔好叫罐裝汽水以外嘅飲品！…查看更多

彩虹鮮花拔絲 好食真係好L好食，日日都食。留評論都係只因2個字 - 好食離開都係為左再次光臨好L好食，樂而忘返記得日日食，好好味轉左手嫁啦，再唔係之前果間叫一個麵，會黎錯幾次，等至少9個字。…查看更多

以前既獨當一麵，食完會令大家時時會記住既味道。早兩日我專登去元朗食佢既胡椒豬肚湯麵，結果到門口先發現轉左手。當然都要一試仲食唔食得返以前既味道啦。着先係張menu非常亂，唔容易睇。問下老闆娘點填，老闆娘好似唔太滿意我問餐單內容。然後食物都係失望既，豬骨湯冇左種甜味，胡椒味又唔夠。另外叫左個九菜餃麵，其中一粒餃得個皮，入邊係冇餡，我究竟食緊咩🙄？希望舊老細睇到重開！…查看更多

以前都食過，今日行過見裝修左一上菜就發現應該轉左手 味道唔同左碗湯無乜味咁，加$8 牛柏葉又得三塊細細塊🥲仲慘過屋企自己煮😩 個豆漿好似用水開咁一啲都唔好食，唔會再來了 …查看更多

朋友推介我一定要試這裏的「胡椒牛肚雞腳湯底」，一場來到我就叫多了「醉雞卷」當小食，點知真係好鬼失望囉⋯⋯《首先》我期待的胡椒牛肚雞腳湯底，連半點胡椒和牛肚味都沒有，味道簡直平淡似水，但搞嘢嘅係竟然有甜味！我不知道這裏是提供什麼菜式，但我比較喜歡港式胡椒牛肚湯，牛肚味濃郁帶胡椒粒的味道！至於醉雞卷，肉質雖然OK。但敗筆之處是沒有酒香味亦沒有鹹味和其他調味料！總括來說成餐飯都係無味無道的。更不幸嘅地方係，我一入去間舖頭就被蚊在頸上叮了一口。…查看更多

放工經過鳳攸北街睇下有咩新野買黎當晚餐，之前其實都試獨當一麵，但見到門口貼左張野寫住試業，  同埋內部裝修都唔同晒(輕奢+工業風)，就叫左個胡椒豬肚湯底(中辣)+日式豚肉+米線外賣試下， 絕對係有驚喜，湯底同之前既味道一樣濃郁，豬骨同雞腳都煲到好冧身，胡椒味既中辣岩岩好for飲埋D湯，份量都好足夠。 等外賣果陣同老板傾左一陣都幾Nice，推介左醉雞脾，看到店入面都有人order，因為買左其他小食啦，下次黎專門試下醉雞脾先，Overall係唔錯! …查看更多

從友人口中得知這裡要關門了，有點不捨，同類型的店實在不多，即使每次需坐一小時巴士都要過來幫襯（認真一問，香港有同類型的店嗎？有的話請告訴我）很喜歡這種可以自選配料及辣度的設定，100%胡椒實在太刺激所以我每次都選50%的，辣度剛剛好，胡椒的辣味當中帶一點點豬骨湯的甜味；有點令人不解的是為什麼沒有75%？有次我買外賣就試過買一碗100%+另一碗50%，返到家再把兩碗混在一起自製75%！較少人談論的煎豬扒，個人覺得比附近某以豬扒為名的店更入味，更好吃期望這次只是暫別，店主早日解決問題後會再度營業:)…查看更多