影片
每位消费$68 一个钟包一杯嘢饮，地理位置方便，猫猫可爱爆棚，虽然有啲懒，但系唔会好似其他猫Cafe咁不停消费佢哋，比佢哋自己休息，纯粹比客人近距离接触佢哋。虽然地方唔大，但系好阔落。而且唔似其他猫Cafe咁嘈，呢度俾我一个好chill 同埋放松嘅感觉而且比我感觉，呢间猫Cafe比其他Cafe更加注重猫猫嘅感受同健康，唔会因为做生意而不停消费猫猫，例如买零食比佢哋做小食。另外，嘢食方面，价钱合理，食物正常，推荐芝士千层焗薯 满分！重点 佢哋系良心小店💛 极度推荐大家！💛💛唯一缺点就系如果客人着裙就有机会唔方便，因为佢哋啲座位系坐地下，比较日式
继续阅读
见到openrice咁多差评冇好评就知呢间舖冇买坊间啲打手套餐，咁多负评，我就去一睹卢山真面目。去之前要打听下佢执笠未，上社交平台见到仲有出post，就whatsapp问下几钱一位。复活节假期最后一日，仲未有晚市堂食，所以6点后冇嘢食，可以净玩猫同埋去坐下，优惠价$48。平时$68/小时（包一饮品），续钟$38又系包野食/饮品。 唔算贵，我哋住喺附近，就决定直接过去。店内实况地方唔大，但唔会好似出面小店咁将啲枱摆到密质质，呢度仲有好多地方俾猫猫瞓、玩、滚地沙。 猫猫一般都瞓紧觉㗎喇，我屋企𠮶只都系咁，瞓饱食醉紧系瞓到大天光，其实代表主人照顾得佢哋好好，食得好住得好，唔使好似其他猫cafe咁要接客咁辛苦。（其他猫cafe仲会卖零食俾客去喂俾自己店嘅猫咪.......简直系做生意嘅劲人，又赚钱，同时又喂饱自己啲猫，所以啲猫劲热情咁接客）猫猫呢度啲猫猫都系超温纯同超懒，但同时都系超干净，一啲味都冇。瞓到成只猪咁。呢只喺两个钟内都冇醒过。呢只好钟意摸摸，一停咗就起身要人再摸。呢只系八挂妹，周围睇人做紧咩。呢只系百厌仔，又试图越狱又玩到反晒肚，又冲嚟冲去，佢仲成日吓亲，弹起咗几次。 嘢食 我嚟呢度主要玩猫睇猫，真系冇谂住影嘢食，系最后觉得要写食评为呢间嘢平反下，先至影咗张就饮完嘅嘢饮嘅相。 呢个千层蛋糕其实真系麻麻哋，比较干同硬，但尚可入口，但唔会encore 特浓朱古力，比平常苦啲嘅朱古力饮品，OK喇，可以饮好耐，另外我哋仲有嗌沙冰，我觉得仲好饮啲，都软滑嘅。仲有嗌咗兜薯条，坚系新鲜出炉，脆薄博。 --------总结其实我最想讲嘅系，去咗好几间猫cafe，每间都有佢嘅style，有啲猫会热情啲，会爬你嘅身，但呢个可能系警号，可能佢哋食唔饱想揾你拎嘢食，可能佢唔够地方瞓要瞓喺你度。要评论一间猫cafe，嘢食我谂只占总评30%，呢个亦都系点解某间U字头猫cafe咁爆棚（𠮶边嘢食比较丰富有造型，猫猫数量多又会系你身边行嚟行去，但其实𠮶度冇呢度咁猫猫friendly，又迫又多人）。我比较着紧猫猫同地方系唔系干净，猫猫系咪住得舒服，而且唔会被迫接客。 而呢间我见到猫猫系好悠然自在，身心健康，想玩就玩，想瞓就瞓。去猫cafe记得要尊重猫系一个独立生物，而唔系任意俾你搓圆揿扁嘅公仔。 所以舒服程度呢度系5分，食物就3分，猫猫得意程度系爆棚呀～
继续阅读
每人最低消费68蚊，包一杯饮品，若每人叫两样野送多一个钟, 如此类推...店细，约9张细枱，猫少大概5/6只，感觉店内不太干净，洗手间在店外，不太方便。基本上所有的猫都聚在收银机前面，猫都不太喜欢同客人玩，大部分不也不太喜欢被客人摸，没有逗猫棒，也没有食物喂猫，职员不会教客人与猫猫玩或互动 ...结果是，坐低半个钟后开始觉得闷，各枱客人都吾系笃电话就是玩扑克，所以我地本来有2个钟的时间，结果坐了一个钟就埋单走了。建议，若行街太攰想抖下，就无乜问题。但若似我地咁，想去摸猫或玩下猫，就吾建议去了。
继续阅读
好耐冇去猫cafe好随机咁揾左呢间几宁静 唔多人入面有5只猫但咁啱都训紧教😂每位$68一小时，包一杯野饮去到中途有几只猫猫终于训醒左帮猫猫影左好多相全部都好可爱🥰🥰但系OpenRice 最多放12张相所以分享唔到🙈总括而言 猫奴一定要去👍🏼
继续阅读
猫猫好得意 老板话6-7岁猫 唔愿玩架咁岩去到有只新猫1岁半 不过仲未出得黎要慢慢适应其他猫猫坐定定点摸都得😂肥唔系我地叫 呢d叫肥壮😂我地闲日下昼去 唔多人静静地碌电话 间唔中行出去吸下猫 好写意68蚊包1杯野饮叫野食比其他猫cafe好d会送加时去过旺角另外一间食埋野都系1个钟有d赶而且个间d猫猫有d油 边间就唔讲😂呢边d猫猫打理得好好老板应该好锡佢地叫左个热玫瑰蜜坐左一个钟就走左 野饮ok休息下一流 会再去（btw iphone openrice app好似无位po相 定系我揾唔到）
继续阅读