貓之茶房 (眾安街)

营业中

休息中

【荃灣良心貓cafe🐱貓之茶房🐈‍⬛】-身為貓奴嘅小編😍去貓咖一定要揀間乾淨企理嘅良心鋪頭😌👍🏻而荃灣呢間『貓之茶房』就完美達標💯Cafe入面有好多貓貓嘅相，有手繪壁報板介紹每一隻貓貓嘅性格🤭甚至連佢哋嘅關係圖都有🥰可見店員好錫好錫啲貓😜認證🤫Cafe環境舒適，坐得舒服，有得借貓玩具，亦都有好多書同埋board game，chill住睇書撚貓🥹好幸福！啊啊啊～差啲唔記得講佢嘅收費😜首小時$58/位，其後每個鐘$38😋有免費茶水提供～肚仔餓可以買佢哋嘅蛋糕😌小編食咗巴斯克芝士蛋糕同埋松露朱古力蛋糕（$19）🍫味道都可以～仲有部venting machine😙即沖matcha latte $9，茶味都幾濃🍵貓cafe收養左好多比人遺棄嘅貓咪，有眼仔唔係咁好，有行得唔係咁好嘅🥺但每隻係店主嘅照顧下都好健康🥳希望呢間良心鋪頭可以長做長有啦！-📍貓之茶房荃灣：眾安街108-110號1樓旺角：弼街60號1樓尖沙咀：海防道53號海防大廈3樓3室💸人均消費：$80

工作與工作之間有少許空閒時間，想搵個地方坐下休息下，其實對於cat person來講，貓cafe係一個好好的選擇😆來到荃灣的［貓之茶房］，地方比我想像中大，又乾淨，而且日照充足，已經見到好多貓係窗邊曬太陽，大部分貓都會有頸圈刻住自己叫咩名，有d就圍住‘少爺脾氣’來提示唔好太熱情，每隻貓都好有性格，有晒關係圖俾客人了解更多，好多貓都係曾被遺棄的，好彩有貓cafe收留可以瞓好食好，而店員都好願意與客人分享貓貓故事，又會叫客人借d玩具同貓貓玩，店內有貓零食可購買，不過就會限定每一枱每小時只可買一次，避免買太多令貓貓食太多零食，可見店員都好花心思照顧貓貓，亦注重貓貓健康，見到隻隻都肥肥白白就知照顧得好好👍🏻有幸遇上貓貓放飯時間真係好得意呀😍😍😍隻隻都自動自覺埋位🥰首小時$58/位，之後每個鐘$38，咖啡、茶水都係免費的，亦有蛋糕曲奇提供，一d都唔貴，而見個蛋糕仲幾好食。不過要小心貓貓偷食😂唔玩貓又可以睇漫畫，飲下咖啡，見到d貓貓瞓的咁舒服我都好想瞓🧡

夏日炎炎☀️，擼貓溜娃的不二之選。茶房真係值得一叮再翻叮！係咪好可愛，超得意呢🥰？心都被貓主子們融化。天氣熱辣辣，最好的消遣就是跟貓貓一起慵懶地「嘆冷氣」，所謂一動不如一靜。貓不動，我也不動，才是避暑良方。第一次來到旺角的貓之茶房，沒想荃灣分店乾淨整潔👍🏽，一點貓ssss臭味都沒有。看來集團管理得好好，很多Cafe 的乾淨程度都被比下去。店員姐姐溫柔和藹，入茶房之前細心講解規則，也提供拖鞋和塑膠袋供客人包裹私人物品。Cafe的食物主要都是三文治和件裝蛋糕🍰和無限添飲的熱冷飲🥛☕，價錢都很合理。而茶水食物閣是和貓區分開，可以對食物的衛生有信心。

來到貓貓咖啡館，真係人生一大經驗，享受之餘滿足感亦好大💕1. 藍莓芝士蛋糕✔️藍莓芝士蛋糕有誘人的紫藍色，表面覆蓋著新鮮的藍莓和一層光滑的藍莓醬，一看就食指大動。✔️蛋糕的質地綿密而輕盈，芝士的濃郁與藍莓的果酸形成完美的平衡。好感受到芝士的香醇和藍莓的清新，底部的餅乾底則帶來了脆脆的口感，增添了層次感。2. 百香果茶✔️百香果茶茶水透亮，感覺非常清新。✔️帶有淡淡的茶香，搭配百香果的酸甜，變得活潑而不膩。✔️在炎熱的夏天享用，能夠消暑解渴，提神醒腦。在貓貓咖啡館中，除了美味的食物，還有可愛的貓咪陪伴，充滿了溫馨。在享用美食的同時，觀察貓咪的可愛動作，甚至和它們互動，拍照留念。這次的參觀好難忘，感到放鬆。

最近開始暑假，帶了小朋友去「貓之茶房」輕鬆一下。呢間Cafe一直好有名，啱曬鐘意貓貓又想hea下嘅人。今次我地order咗一件巴斯克芝士蛋糕同一件藍莓芝士蛋糕，飲品就要咗兩罐雀巢檸檬茶。蛋糕口感真係好滑，巴斯克芝士蛋糕奶香十足又唔會太甜，藍莓芝士蛋糕有淡淡果香，配埋檸檬茶一流。除咗呢啲飲品，場內仲有免費自助茶同咖啡，自己斟幾多都得，都幾貼心。但講真，食物都只係配角，主角當然係啲貓貓啦！店內有十幾隻貓，花色好多元，有長毛、短毛、大眼萌爆嗰啲，全部都養得非常乾淨，睇得出店主好細心照顧。啲貓貓都唔太怕人，部份仲主動行過嚟搵你玩，摸下佢哋都唔會走開；你可以買零食餵貓，重有逗貓棒可以同佢哋玩半日都唔會悶。Cafe環境都好靜好舒服，光猛又寬敞，每張枱都保留咗啲空間畀貓貓四圍走。在茶房可以同貓貓友善互動、影相、玩遊戲，個人心情都好咗。總結嚟講，呢度係一個集美食、咖啡、同貓貓互動於一身嘅療癒空間。如果你係貓奴，真係一定要嚟玩下同打卡！

間中就要去下寵物cafe療癒心靈。今次去呢間係覺得去過最舒服，最主要原因係乾淨同埋大家都非常安靜。.Cafe 係收入場費嘅，飲品任飲，小食就係販賣機自由決定買唔買。仲可以加購貓貓零食❤️佢有三款蛋糕、曲奇同埋三文治揀。呢個巴斯克蛋糕$19食落合格。好鍾意佢地氈嘅擺位，周圍都可以俾貓貓瞓覺。如果唔想太接近，或者想食嘢都有枱凳可以坐。全部貓貓都好乾淨可愛。Cafe入面仲有漫畫board game，係拍拖嘅好地方，都有唔少人帶埋小朋友嚟。原來Cafe仲有領養服務。作為有養寵物嘅人，做動物Cafe最緊要真心錫d貓貓。呢度嘅所有店員都好好人，睇到佢哋同貓貓嘅互動都睇得出好錫啲貓。不過如果有部份貓貓有啲脾氣，都會有頸巾話俾大家知。

身邊朋友間中就有提起去貓cafe擼貓，搞到我都心思思，所以今日放工就同朋友一齊去體驗一下。去到先換鞋消毒雙手再入內，首小時$58，茶水免費，非常好👍🏻地方比我想像中大，乾淨企理，窗邊、牆上木架、甚至餐桌都係貓貓逗留嘅地方，貓嘅數量亦都比較想像中多😍朋友有少少貓毛敏感，所以我們坐在餐桌上食件cake 飲杯咖啡，貓貓行過就和佢玩下。飲品機價錢實惠，抹茶鮮奶$6，Mocha $10，抵。另外我哋各叫一件藍莓芝士蛋糕$19，非常抵食。我見有其他客人會買貓貓吃的零食，然後貓貓就在附近圍住，感覺好像也不錯😊

去前OpenRice先預約左時間，因為公眾假期關係，人流都唔少，但估計好多客人都玩$68蚊一個鐘，所以人流都去得快。服務方面，進店前店員會細心解講一些注意事項及守則，例如避免打擾一些訓覺的貓貓，或者有啲貓貓比較有性格，會帶上黑色圍巾，店員會提醒小朋友注意，避免俾貓貓抓傷。有些貓貓配帶紅色圍巾，不能餵食。食物方面，餐廳用自助點餐方式進食，飲品食物種類不多，但價錢便宜，咖啡、蛋糕同三文治，不想消費都有免費茶包提供。餐廳有提供餵貓貓的飼料，我地只購買半份，都覺得足夠，因為有啲貓貓訓左，而且客人多，部分貓貓已經食飽。環境方面，餐廳會提供免費紙拖鞋，所以地方乾淨，廁所地下乾爽。但店員不會特別提醒時間，客人要自覺睇時間賣單，如果唔想俾人收多一個鐘錢，自己要留意時間。

作為一個貓奴，平時對得屋企啲貓多，有陣時都會想出去睇吓人哋啲貓😆貓之茶房有幾間分店包括荃灣旺角尖沙咀都有分店人均大約50幾蚊就已經可以入去玩一個鐘入邊仲會有各式各樣嘅board game叉電器啱晒一路玩吓貓貓一路chill吓入面環境好乾淨，唔會好污糟有尿味原來一隻貓隻貓貓都係領養返嚟所有貓貓嘅身體都好乾淨，唔會有蝨等等仲會有專屬嘅圈分辨俾大家睇邊隻可以掂邊隻唔可以掂如果大家想餵貓仲會有零食可以買當然大人都可以喺自助販賣機買蛋糕飲品等等

🐱💕最近去咗荃灣嘅貓之茶房，度過咗一個充滿愛心同樂趣嘅下午！呢度真係一個好特別嘅地方，唔單止可以接觸貓咪，仲可以感受到店員對每隻貓咪嘅細心照料，同朋友玩得好開心！🌟呢度嘅貓咪個個都健康又精神，真係睇得出店員花咗好多心機去打理佢哋。🤩🐾 每隻貓咪都有自己嘅名牌，同埋「貓咪身份證」介紹佢嘅性格，讓人更加了解呢啲小主子們嘅獨特之處。😻✨ 仲有啲貓咪因為需要減肥，戴住可愛嘅減肥頸巾，望住佢哋實在令人會心微笑！店內環境闊落舒適，提供咗好多貼心設施，包括漫畫、桌遊同免費充電器，適合hea足一整日。📚🎲📱 咖啡同小食通過自助售賣機購買，方便又乾淨，最重要係記得飲品要有蓋，唔係貓咪會偷偷飲添！😹☕️嚟呢度唔單止可以玩得開心，仲可以更加了解貓咪，係一個適合大小朋友嘅好地方！如果你都鍾意貓咪，一定唔可以錯過呢間充滿愛心嘅貓之茶房！🐾💕

放假揾嘢做，同朋友嚟咗哩間貓cafe，位置方便，總共有3間分店，去之前冇做research，去到先發現原來勁多貓，仲要係領養返嚟，即係覺得冇去錯地方入去之前首先消毒，再有提供一次性拖鞋同膠袋裝袋，以免整污糟，好貼心店內採光好好，空間好大，環境舒適，影相一流，有書睇，有充電器提供如果想喂貓，都有貓零食可以買，但每個鐘限量發售，唔驚貓貓食太多，店入面嘅貓貓好主動，會自己走埋嚟坐上人度求摸摸店內有少量小食售賣，價錢唔貴，有免費茶水提供咁啱撞正放飯時間，全部貓貓去晒中間一齊食飯，場面好壯觀你間貓Cafe絕對係放假必去之地，喺入面時間好快過，玩得好開心，睇得出好用心照顧貓貓，絕對值得支持，有能力嘅可以捐款幫下啲流浪貓

呢度係每小時計錢，基本上冇乜嘢食。地方的確係乾淨企理，清清淨淨，大家玩貓都好守秩序。下午三點幾嚟到，基本上七成嘅貓都係瞓緊覺。零食亦都食到唔想食。有啤牌有棋又漫畫提供。但有一點真係幾不滿，就係要自己計時。入嚟嘅時候佢冇提醒我要自己計時，亦冇話俾我聽幾點開始計時，因為好多Instruction要留意，我亦都冇醒起要睇鐘。臨走前我諗住去埋個廁所先走，就係咁樣而過咗鐘了，所以佢就計多咗一個鐘嘅錢。唔會再嚟了。

上星期天我同朋友一起去咗荃灣嘅貓之茶房玩吓貓咪,真係一個好特別嘅經歷!一入去,就見到好多隻健康又靚仔嘅貓貓,真係要即刻影埋份like嘞!有啲貓貓就因為要減肥,所以嚟到呢度幫佢哋掛咗個減肥頸巾,睇落佢哋真係好開心,肯定係過得好滋潤!貓之茶房嘅貓貓周邊設計得真係好有心機,唔係光係為咗賺錢,所有銷售嘅收益除咗用嚟維持呢間Cafe,仲會用黎資助其他流浪貓貓,我真係好欣賞呢個企業理念。周邊更加好有special feeling,就連外面一件頭罩都要賣$118,但係都好買得起,而且仲要好高質素,完全唔會像場商業騙局咁。就算係飲品,一杯都最少要$10,雖然係高價,但係都値得為咗呢個充滿愛心嘅概念交錢。真係好開心可以同朋友一齊嚟呢度玩吓貓,我哋拍咗好多靚相,仲同阿貓咪打咗好多招,佢哋都鍾意主動俾人睇咁,絕對合乎$118嘅價錢。如果你都鍾意貓咪嘅話,一定要嚟呢度睇吓,一定會玩得好開心,同時都可以做返個好人好事!

Ooo充滿愛的貓CAFÉooO餐廳環境闊落 空間感十足 店內有近二十隻貓貓 大多都是café接收既流浪貓貓🐱每隻貓貓都有自己的名牌 同埋一份介紹貓貓性格既身份證貓咪戴上頸帶 買色表示有脾氣要小心 紅色戒零食中 非常細心💕佢哋每個月會捐款同捐物資給流浪貓機構💪🏻貓貓café假日入場$68/鐘（每人）其後$38/鐘，$118就無限時任坐！店內仲提供咗好多貼心設施：有board games、大量漫畫書另有免費充電器，簡直真係可以係度hea 全日Cafe以自助售賣機形式 售賣飲品、三文治、蛋糕等另外仲有免費茶水提供！記得飲品要冚返個蓋 如果唔係貓貓會跳上黎飲😹😹‼️此貓貓Café 好適合大人及小朋友黎傾計及了解貓貓店員有禮 對客人及貓貓都好有愛心值得支持 💕

今天我們來到貓之茶房呢度位於荃灣，舊式大廈裏估唔到有咁可愛嘅地方入去之前職員會同我哋簡單介紹同貓仔相處嘅技巧，我哋換好鞋，消毒雙手，拎一個大袋袋住我哋啲物件放埋一邊之後，可以同貓仔一齊玩貓嘅數量都有好多，數唔到😂店舖有好足夠嘅活動空間，亦都能提供足夠地方比客人同埋貓仔互動我哋可以買貓零食餵貓佢地好可愛餐廳裏面都有自助售賣機，可以點選飲品、三文治及蛋糕等等 朱古力松露蛋糕感覺唔錯，夠香濃藍莓芝士蛋糕上邊酸酸甜甜嘅藍莓醬幾好味綠茶牛奶（少甜）味道濃郁，綠茶味都重朱古力咖啡嘅味道都恰到好處，甜度適中整體嚟講，如果你係鍾意貓嘅朋友，可以來睇吓貓仔，放鬆心情，感覺開心自在平時沒有養寵物，今次經驗都令到我哋會了解到點樣同貓仔相處😊