牧羊少年咖啡館 (雅蘭中心)

营业中

休息中

上一次食係七年前，個時仲未有分店，個餐牌已經唔同曬。意粉比一般略差啦，明明好多蜆但意粉食唔出蜆味，另外意粉中心唔彈牙，收汁唔夠。雖然小食好大份，但得葡式雞扒好食，賣相吸引，味道幾特別，而且肉質嫩滿。個荷蘭醬豬扒就唔推薦，首先係佢D醬太多，遮住曬塊豬扒，但搞笑嘅係D 醬係無味，而豬扒仲要食落似拾熟咁款，非常嚡口，唔好食。好彩最後個甜品拎返分，雪糕蘋果批非常好食，酸酸甜甜又冷又熱，我會為左雪糕蘋果批再幫襯

記憶最深既係佢既野飲~咖啡~同埋薯條!!係蕃薯條黎~~本身已經甜甜地~幾好食白咖哩飯都唔錯既其實~個雞幾juicy難怪咁多人排~PS由於個包唔係我食我又唔食牛所以唔清楚XDXD

最近終於同朋友去咗試想試好耐嘅牧羊少年🤭，每次去到都超級多人，今次都一樣，可能加上係星期五夜晚，都要等成半個鐘🫠，不過去到餐廳裝修幾靚，店舖服務態度都唔差，只要食到美食，一切都值得㗎🔥！-🍴鮮忌廉野菌煙三文魚長通粉🍝($108) - 依個第一道嚟嘅菜，唔好以為表面好乾咁，其實啲忌廉係下面🙈，煙三文魚同菌類份量都幾多，味道幾好食😋，唔會因為忌廉覺得膩。長通粉中間充滿忌廉醬汁，好好食！-🍴千島香芒牛油果雞肉薄餅🍕($138) - 入去餐廳，見到幾乎每一台都有pizza，當然唔執輸🤤，都叫一塊嚟試吓！上台嘅時候，熱辣辣，芝士🧀拉到好長嘅絲添！中間有牛油果🥑同芒果🥭，兩個味道match埋又幾夾，不過雞肉嘅存在感有啲低🤣，食咗都唔係好覺。-🍴是拉差醬法國雞翼🐓($68) - 兩個人去食飯，忍唔住叫多個小食，見到個名幾特別，就依個啦🤣！雞翼有5隻，都幾大隻吓！係即叫即炸，上枱食嘅時候要小心啲🙈，也米就算等咗一段時間先食，一咬開，爆汁，仲好熱🥵。個醬汁有少少似沙律醬混合千島醬，幾好食😋！

食過一次牧羊之後，呢度就成為左我嘅常餐地點-好鐘意坐係度一路做野一路嘆tea☕️🍰是日蛋糕$68🧇英式窩夫配雪糕$88是日蛋糕一般有好幾款，今次揀左「玫瑰荔枝芝士蛋糕🌹」，味道一般，口感唔多似芝士蛋糕🤷🏻‍♀️窩夫幾香，但質感稔稔地唔夠挺身😥雪糕有兩款可以揀-朱古力味入面會有朱古力碎，又幾高質喎🫢*下午茶餐包一杯飲品，選項好多，果茶都唔洗加錢～

去開旺角買波鞋，順便係商場搵間餐廳食晚飯，見到平時要排隊的牧羊少年今天不用排，所以便入去試試。入面坐位算多，空間感不錯! 兩個人點了個小食拼盤，都係炸物，兩款香腸、春卷、魚丸、炸雞塊，大大份，開心 share，但略為咸了點另有牛油果pizza，牛油果份量算ok，味道不錯。均衡飲食又點少得蔬菜，西蘭花上放了木魚，都幾得意，賣相不同一般炒埋一碟就算，排放整齊。整體食物一般，但環境舒適，server 有禮貌，加左分😀

今日去到旺角 (雅蘭中心) 第一次食牧羊少年😍呢間餐廳喺短時間之內已經有不同嘅分店，今次係慕名而來的。晚飯時間很熱鬧，差不多全部滿座，聊天也比較寧靜，燈光也是偏昏暗 ... 吃飽會有一種想睡的感覺耶🍝龍蝦汁鳳尾蝦意大利粉+淡淡的龍蝦汁，加埋已剝殼嘅鳳尾蝦，鮮味好出，好開胃及惹味，意大利粉亦都條條分明，勁掛汁賣相吸引的香草青醬雞肉蘆筍意大利粉，味道也相當不錯呢! 每條意粉都被青醬包裹，鹹香並重，雞肉軟腍，不會乾柴環境幾舒服，坐下傾下計談心都係不錯選擇呀

牧羊少年旺角店第一次試，之前食過葵芳店，味道吾差。2個人又吾係太肚餓入去牧羊少年食個brunch，吾想太飽。所以偏向小食Pizza 有特式夠薄夠脆又足料，牛油果蕃茄仔配搭一絕。炸雞翼有驚喜。吾會吾熟出血，剛剛好。熱咖啡帶果酸味道和奶配合岩岩好， 入口温度岩岩好。凍咖啡讚！平時行過都要排隊， 今日吾使就大膽入去試下。可能太早人客吾多，服務員有禮有交帶食物上枱時間。座位安排妥當，食物上枱時間可以接受。買單夠快！

一句講晒：中上CAFE，間中食下都唔錯話說個日係旺角行到咁上下諗住去朗豪坊Food Court搵啲嘢食點知睇極都唔係好啱食於是近近地去左雅蘭中心見到呢間睇落都唔錯WO之前係文化博物館食過一次呢個grilled chicken burger with sweet potato fries幾好味個包味道有layers 蕃薯條都足份量又香脆另外想食多啲protein 唯有叫個all day breakfast（雖然都幾肥）Greek yogurt with granola比較甜啲 其他都不過不失

收工同同事去食飯，本來諗住食打邊爐，但因為同行朋友入邊有人病咗，結果決定去食啲冇咁熱氣嘅嘢，臨急抱佛腳就呢一間啦！貪佢食物水準有返咁上下😝😝😝平日夜晚，收工去到只不過係6:30 ，結果都要拎飛等咗10分鐘先有位入去。我哋總共四個人，座位尚算闊落😇😇😇🌸雞胸牛油果芒果沙律分量多到嚇死人😆四個人食最尾都有淨，啲芒果超級甜而且好多汁，牛油果分量十足👍🏻👍🏻👍🏻🌸 是拉查雞翼基本上每一次都會嗌，雞翼外脆內軟，醬汁非常正，冇得頂☺️☺️☺️🌸黃金沙炒大蝦我最鍾意嘅小食之一。鹹蛋黃炒起嚟非常香🤩大蝦峪口爽脆😍🌸海鮮青口意粉味道正常，分量都正常，相比起其他嘢食比較一般🤭食後感：1️⃣餐廳限時用餐1小時45分鐘，初初以為平日夜晚去食，應該唔會好多人😅😅😅點知呢間餐廳真係超級旺場，侍應準時要我哋交枱🫠我哋望一望門口，先發現原來出邊有好多人等緊位🥲2️⃣牧羊少年系列嘅餐廳食物水準都算有保證，價錢亦唔算貴，係我嘅comfort food😇

咁啱經過旺角想搵嘢食，行過雅蘭行咗入去，上到2樓就見到呢間牧羊少年，見唔使排隊就入去試吓，嗌咗兩樣嘢，第一個係墨魚丸，差唔多$10一粒冇乜驚喜，第二個係法國蘋果批加雪糕，呢個非常好食，外皮黃金焦脆，加埋個雪糕味道啱啱好，讚👍🏻👍🏻👍🏻

牧羊少年開左新分店係旺角雅蘭，終於有機會黎試下🤩分店面積都算大，而且裝修好有文青風味🤗食物質素一向有保證，亦有唔同既特色飲品可以揀☺唔同分店既menu都有啲唔同，好有新鮮感💯/🥗素食早午餐（$118）意大利黑松露炒滑蛋、Granola配希臘乳酪、 法國合桃杏脯包、 法邊豆、雜菌、蕃茄、牛油果、蕃薯條呢碟Brunch望落好似唔係好多，但食落勁有飽足感🤣朝早食左野唔係太肚餓，所以都食唔晒成碟🙃每樣野雖然份量唔多，但都做得好精緻🥰炒滑蛋好重黑松露味，好香😍平時我唔太中意希臘乳酪既味道，但呢隻加埋啲脆脆好易入口😋杏脯包中間有Nuts同杏脯，好有咬口😝蕃薯條亦唔會好油，比起薯條感覺健康啲👍牛油果既生熟程度岩岩好，唔會太軟或太硬❣值得推介💯🍵抹茶牛奶咖啡（跟餐+$28）咖啡有好多cream係面，賣相好靚😍飲落去抹茶味比想像中出，相反就唔係好飲到咖啡味😋個人覺得好飲，下次可以再試下其他特飲🤩/😋食物質素：8/10🍽️用餐環境：8/10💰性價比：7.5/10👣回頭率：8/10

成日聽人講話呢間餐廳幾好食，試過幾次都太多人所以食唔到。今日唔使等位就一於試吓。旺角分店好大好寬敞，梳化位好闊落。價錢方面屬正常cafe價格，食物款式唔多，反而飲品選擇較多。.黑椒蘑菇鴨胸意粉 - 餐牌寫住微辣， 食落胡椒味較重，會越食越辣，但可接受。可能我自己唔係太食三色椒，我覺得椒味有啲搶。.羊架 - 呢個煮法幾特別，香草味好重，上面嘅脆脆好香口，但係羊肉唔太羶，反而肥膏較多。配菜都做得唔錯，椰菜仔好甜，薯仔亦好香口。

Holiday 🤪 加上咁熱嘅天氣 🫠當然要去啲商場涼冷氣啦同屋企人去尖沙咀 行足成日🤣做左成年嘅運動量😎夜晚緊喺要食返餐好啦但小妹最近物體突然出咗狀況要食得清淡啲 所以要自行忍口屋企人就放開咁食 🥲 呢啲就喺愛啦1️⃣日式大板燒風味煙三文魚薄餅$138推推推❗️好喺令人回味無窮🤤（我偷食咗少少 🤏 ）好驚喜嘅味道💕2️⃣鹽麴燒比目魚 配 炒露筍孢子甘藍🥬及新薯🥔 $158呢款就喺我「自私」食嫁啦換句講法就喺我只可以食呢樣☹️份量都多 都開心share 咗啲薯仔燒出嚟嘅比目魚好滑 勁好食😍3️⃣明太子鳳尾蝦🦐意大利粉🍝$118據了解喺唔錯喔 但感覺份量適中4️⃣魚湯輕炒西蘭花$685️⃣🇯🇵京都春日🧇 $108又到打卡精選啦😍睇得又食得一上枱就即刻食 窩夫仲喺微熱 脆脆超好食 😋再配埋雪糕 士多啤梨🍓同忌廉環境好有氣氛🥰 又舒服食物質素方便好似比我喺其他分店高啲下次又去吓另一間牧羊試吓先😝每間嘅環境同感覺都不同 絕對可以試晒呢😎

間舖頭見係新開張嘅同埋裝修都幾靚諗住帶我去試吓啦。點知響旺角呢個地段真係非常之咁多人，等位等咗超級耐。然後餐廳環境係好嘈雜嘅基本上講嘢係好難聽得到對方講乜嘢啊。唔適合傾偈的地方。原本一心諗住係可能好似文清Cafe咁樣但係結果變成茶記。嗌咗兩個意粉咁你係味道都幾好食嘅。麵醬有驚喜，只係啲餸嘅份量太少可能一碟只係得兩三隻蝦，但係要賣過百蚊。同埋飲品嘅價錢偏貴。一杯飲品講緊係要$60一杯。唔抵飲，建議大家唔好嗌飲品。如果係兩個人食嘅話呢基本上嗌一個粉同埋嗌多一個小食已經足夠。

星期六中午二人能即時入座，可是環境很擠迫，非常嘈雜。完全沒有期待中的輕鬆悠閒舒適感。我們點了四樣東西，分別是素食全日早餐、芝士牛油果芒果雞肉薄餅、韓式炸雞翼和朱古力咖啡。素食全日早餐有大蕃茄（非常多汁）、法邊豆炒蘑菇（份量很多）、半邊牛油果、黑松露炒蛋（很滑）和乳酪。整體味道不錯。韓式雞翼相片中只有三隻，上菜時卻有五隻，每隻都很大，雞翼皮炸得香脆，韓式醬汁也很配合和惹味。最後是芝士牛油果芒果雞肉薄餅，一大個共有六大片，是薄批的類型，想不到芒果和牛油果餡料非常夾，真好味！快快吃完就走了，如果想好好享受Cafe的環境，可能還是要去坑口單車館分店吧。