牧羊少年咖啡館 (K11購物藝術館)

营业中

休息中

下午茶時段點了iced mocha，咖啡味很輕，朱古力味比較重，跟一位waitress反映問可唔可以加多啲咖啡，佢問完水壩之後覆我地呢杯係dark Chocolate，如果想濃可以加錢多一shot。我反映而家係你地杯咖啡質素有問題，點解要客人自己加錢？？呢個時勢仲咁樣對客，其實同趕客無分別！！而且呢一個女侍應好應該學習點樣應對客人連半點笑容也沒有，仲叫客人加錢，一間連鎖式的咖啡店經理可以睇一睇呢位同事需唔需要重新接受training，對你哋嘅服務嘔血🙄🙄🙄

係尖沙咀等朋友又唔想行街，見到有牧羊少年就諗住食啲野休息下。門口有個書櫃，原來可以用10蚊漂書！(你帶書黎放低可獲$10coupon,睇啱書櫃上嘅書可以用$10買走)有個戴眼鏡嘅女待應好有耐性咁介紹比我聽，叫我等野食嘅時候隨便攞黎睇 🥰 我叫咗個鹹蛋黃鳳尾蝦意粉,跟餐送餐湯野飲。係尖沙咀中心先一百蚊左右好抵食 😋一上枱，意粉上面灑滿鹹蛋黃碎，旁邊有4-5隻蝦，賣相已經十分討好。意粉掛滿醬汁，鹹蛋黃無可避免有啲油，但真係非常香口！蝦肉食落爽口，感覺幾新鮮 🦐 仲有一粒粒切到好碎嘅翠玉瓜(?)，令成碟意粉清新啲，減低油膩感。鍾意鹹蛋黃嘅一定唔可以錯過!跟餐嘅免費冰茶一如既往嘅好飲，同一芳水果茶不相伯仲！水果味好出，仲有蘋果同橙肉。平時食開單車館店都好好食，特別係意粉愈黎愈進步，成功令我成為牧羊少年fans！

疫情關係，好耐冇約朋友，難得出尖沙咀，就約咗朋友嚟呢間牧羊少年咖啡館食個下午茶，計吓偈。呢度個環境唔錯，文青feel，坐得幾舒服，好啱喺度過一個好chill嘅下午，不過呢度係有限時㗎😝兩個女仔叫咗英式早餐午餐、千島海鮮薄餅再加2杯抹茶可可朱古力。杯抹茶可可朱古力好rich，不過我嫌佢略甜，而且朱古力味同抹茶味亦唔夠突出。英式早餐午餐，蘑菇真係超juicy，而且仲濃濃嘅蘑菇味；腸個味道又啱啱好，唔會太咸；平時我好怕喺出面食嗰啲煙肉整到硬崩崩，呢度唔會有呢個情況⋯唔錯！我覺得最驚喜係呢個奇亞籽甜品，食落似椰汁西米露，最緊要係飽肚又健康！千島海鮮薄餅，呢度嘅pizza係薄批，餅邊烤得脆脆，正常水準。總括嚟講，呢度嘅食物份量好足，食物質素亦可以⋯如果行過，想搵個地方傾吓偈，食啲嘢，推介呢度。

去完k11muse醫咗肚,又去此處K11填肚,找食飲下午茶，三層hightea熱情退了久，祥仔茶記無興趣，尋找我的牧羊少年，又係2人限聚令，外面長枱不可坐，自然座位少，取票後等半小時才入坐，5時前埋單，有40分享用。 二個餐：豬扒包，吞拿魚穌，@78跟飲品～ 蘋果玉桂茶及梳打水，同樣食品在單車館便宜@＄20，但在這高檔商埸，地鐵站口，自然耍貴些。 吞拿魚稣，餡飽滿，魚味濃，穌皮鬆香，美味。 坐坐吓，發現梳打水內黑色飲管，插入水部份彎曲變色，侍應即時告訴這環保飲管，用米做，經氧化，有趣，有意思,即好似用通粉質料，好嘢，即得讚，鼓勵！

又出動去搵抵食外賣。行左轉尖沙咀，竟然係K11入面最多餐廳做夜晚外賣，出面街好多都收晒工，講緊係7，8點。K11自己有個App用佢買外賣每$100再減$30，抵！牧羊少年都想試好耐，佢有個意粉set，包飲品甜品，$80，唔洗諗。叫左兩個意粉set加兩個小食黃金鹹蛋苦瓜鳳尾蝦忌廉意大利粉拿破崙雜菇意大利粉蒜蓉炒鬼佬雜菜是拉差醬雞中翼冰水果茶英式凍檸茶甜品（兩件cake)首先試我最最最期待嘅鹹蛋意粉😋有鹹蛋味但真係食唔出苦瓜味，但我可以原諒，因為我太鐘意鹹蛋。啲蝦好爽口又大隻，收貨。拿破崙雜菇意大利粉，呢個就偏酸，我食開日式拿破崙，會以為甜甜地。所以呢個我一般，但鐘意真蕃茄味嘅會鐘意。是拉差醬雞中翼雞翼好脆，肉夠嫩，但個醬就偏沙律味無乜是拉差味。炒鬼佬雜菜叫之前都諗左好耐究竟鬼佬雜菜究竟有啲乜，但菜就應該邊隻都食嘅，無所謂啦。清清地幾好又乜都有。兩杯茶夠茶味又唔甜正合我何車。個cake我食唔出係咩味😂，有啲麥味中間有啲cream，個蛋糕係鬆軟嘅。開頭以為好漏，但又唔係，okay嘅佢啲餐具係用木，飲管係意粉。支持環保，但呢種餐具食野真係唔太好用😅。一定會再食。

同一個好耐冇見嘅貪靚女性朋友想去一間食物及飲品精緻嘅咖啡店聚聚舊，揀咗K11呢間個名幾得意嘅牧羊少年咖啡.....呢度嘅飲品有有酒精冇酒精望落去都精緻，啱晒我哋（一句唔飲酒一個唔飲酒）因為喺商場邊租貴都預咗空間唔會太大，入到去坐低（坐高枱）感覺好多人，少少壓迫咁，但格局裝修還是可以的.我們冇特別睇食評簡單選了～食物：千島香芒牛油果雞肉薄餅及煙三文魚凱撒沙律飲品: 哈利奶油啤酒咖啡及蘋果蜜桃鮮打紅茶結果.....一半砂糖一半Dee.....砂糖：兩杯飲品「外型」味道創新都非常出眾👍🏻👍🏻哈利奶油啤酒咖啡（$78）：一般咖啡加上啤酒或者有汽水都會將果香無限增大（即係非常酸）呢個混合左奶油嘅啤酒咖啡感覺上好似所有嘢都平衡得啱啱好，好滑又咖啡香味有奶油香味有啤酒香味（當然有人會覺得啤酒味重，但係我想講如果佢唔係重啲飲咗真係唔知呢杯係有啤酒㗎——利伸：我有偏見因為我鍾意飲啤酒🍻）👍🏻蘋果蜜桃鮮打紅茶（$52）清新新鮮，甜得來保留到紅茶味道但係冇咗啲苦澀味 （小插曲：第一杯嚟嘅飲品係蘋果蜜桃鮮打紅茶，飲品到嘅時候店員冇解釋呢杯係咩你都冇單放低望落去以為係啤酒咖啡結果飲錯錯飲品...呢度服務有改進空

23Dec帶著媽媽諗住黎食，早一晚已經睇咗OpenRice開11:00，所以帶著媽媽11:30到了，看見店內已有幾個人坐喺度（但係唔確認是否職員），見到佢哋傾偈甘，咁我就話唔該我哋兩位，跟住見到佢哋D樣好似好奇怪，同1秒最入面有一位男生係最入面好大聲咁話：「唔好意思我哋開12點！」，跟住全部人都望住我地，咁我自己就轉身離開咗！跟住我再查返佢哋開門個時間都係寫住11:00，每一間分店都係開11:00，而個下大聲話開12點，我覺得好似俾人趕咗出去咁，令到我哋十分尷尬，而家我都攪唔清楚佢開11點定12點！

一個休閑的星期日，突然想食個Brunch, 想起呢間cafe之前一直未有機會試，今日終於起行去到TST的分店試下先😋入到去，環境、氣氛都好好，仲有柔和音樂，好適合情侶，朋友黎食食物黎到，擺盤好靚，d野仲好好食👍🏻，真心讚，價錢又唔算貴，合理。會記低，之後再幫襯☺️

一個要加油的星期六。找個好午餐為自己打打氣，咖啡是少不了，認識牧羊是由它第一間分店始，無論旺角店，葵芳店，沙田店，將軍澳店，屯門店也曾堂食過;反之，外賣真是第一次，咁今次K11店感受又如何呢？一人套餐 Openrice價位$96包一份意粉及一柸飲品。而飲品選擇很多元，大愛選取了香椒膏鳳蝦意大利粉及熱玫瑰牛奶咖啡，份量滿意，味道好，而玫熱瑰牛奶咖啡保持到水準，外賣來說，真是十分難得。當然堂食更能感受氣氛。唯一比惱人的是，取餐時間是不能選取，只能打入特別要求內，下單後電話聯絡店員，店家樂意配合，幸運

牧羊少年咖啡館館，一間午餐、下午茶、晚餐都好出色嘅餐廳，由樓上搬到地庫，都繼續要光顧。今次特別再寫是因為朋友想食素菜，剛好佢哋有提供Vegetarian Brunch ，一個大驚喜！我自己點左牛油果雞肉意大利粉，牛油果同忌廉汁結合，香濃美味，而且份量足夠。Vegetarian Brunch有沙律、炒蛋、多士、蘑菇、同薯角，健康又有益！當然唔少得Cafe Latte 同Flat White，本來想點薑味黑糖Latte，不過為了減糖計劃，唯有忍一下啦！

英式早午餐～必食之選蘑菇juice，切開啲汁就流晒出黎，香濃蘑菇味蕃茄仔唔會好酸煙肉煎得岩岩好，唔會硬崩崩，又唔會太咸，容易入口，好好食香噴噴既黑松露炒滑蛋，蛋炒得剛剛好，唔會太老，仲有啲蛋汁係到最鐘意食佢個奇亞籽甜品，細細杯就已經好夠，奇亞籽都飽肚既，香濃椰汁，甜甜既芒果醬，食埋個甜品就滿足晒

\\𝕂𝔸ℝ𝕃𝔸 𝕋𝕀𝕄𝔼𝕊🧚🏻‍♀️// #尖沙咀 #咖啡廳探店系列 好好好朋友就嚟走😭打開電話圖庫諗住望吓同佢經歷過啲咩就見到沉底嘅相 就快快手咁整post出嚟🙈3.2 / 5分🤍店舖裝潢以木為主 但有啲細坐得少少迫陜 同朋友食少少咁冇試好多🤭最後賣相一般 而且冇乜打卡相特別靚 希望其他分店再試會正啲啦💟珍寶雜扒大會 $158雞扒幾滑但豬扒好硬☹️炸魚柳最好食可惜只有2件😭仲有超多薯角👍🏻💟抹茶可可朱古力 凍$48 朋友嘅💟牛奶可可朱古力 凍$48 超濃朱古力 好飲！———————————————————————不定期發放飲飲食食吃喝玩樂分享💬同埋要記住留意𝕂𝔸ℝ𝕃𝔸🧚🏻‍♀️我既個人Ins @ookakioo 更新呀❤️

我試咁多間牧羊少年分店，食物質數同Staff都係呢間最好，味道好味健康，因吾會太多好似味精嘅重味道，staff會take care你food allergies 嘅，真係好好，serve 客都好快手，清潔都做好超快同專業，好整潔。 所以會繼續去食，重有佢地耐吾時都專menu, 轉左都好食又有驚喜。環境都得得好舒服，特別吧台，好闊落，有機會大家都去呢間啦，又可儲K11 points. 又啱拍拖情女去添，推介食物，荷蘭醬豬扒同魚湯西蘭花， 超好味，因湯重加左松子仁，好香。

食素菜都可以好飽肚、好滿足食物全部都充滿驚喜😍分量足夠🤣 我食到好飽食唔晒～.Lunch menu✨✨Vegetarian brunch $108黑松露醬炒滑蛋/ 鮮果椰奶奇亞籽布甸/ 白菌/ 車厘茄/ 沙律菜/ 薯角/ 意大利包.📍 牧羊少年咖啡館 (K11購物藝術館)地址: 尖沙咀河內道18號K11購物藝術館B2樓27號舖電話: 27419371.

今日同女朋友行完K11就揀左呢間餐廳食飯。星期日六點零鐘去到，唔洗排隊，但餐廳都八九成Full。咁我地叫左大阪燒煙三文魚Pizza($128)，忌廉牛油果雞肉意粉($98)，蜜桃乳酪($58)。大阪燒煙三文魚Pizza: 幾特別，第一次食，唔算好膩，但上碟之後要快d食晒佢，如果唔係個皮會淋。忌廉牛油果雞肉意粉: 雞肉好食，個意粉幾好味，但我個碟得1舊好細既牛油果，同埋份量偏少。蜜桃乳酪:正常，好飲既。總結: 野食算精緻，味道唔錯，行過可以食既。但唔算抵食，唔會特登黎食。