牛車水海南雞專門店 (機利文新街)

营业中

休息中

做完gym食個快lunch，海南雞飯係一個好選擇。呢間有好多款，雞脾呀，雞翼呀，雞腎呀。我就咁要左最平最普通既海南雞飯。雞既份量比想像中少左啲啲。不過中環32蚊既，都不能有過大既期望。而個雞都幾滑既。我由油飯轉白飯，減低卡路里。當然啦，油飯一定正好多。佢用細盒俾齊三款醬料。個黑豉油唔錯，唔會過甜。雞湯唔太濃，感覺上都無乜味精既味。入面都有少量冬瓜。唯一美中不足既係，成餐飯得兩細條青瓜。好似完全無食過菜。就咁望都唔見菜單有得叫焯菜之類。

中上環區其實都有好幾間賣海南雞飯黎到機利文新街，之前賣車仔麵間店執左，開左新店，係賣海南雞飯，咁緊係黎試下新野啦再睇個餐牌價錢，32蚊平到咁，正啊二話不說即刻買盒，等待期間亦見唔少人幫襯，大概係新店吧餐牌仲有其他選擇，下次試試點知買到返公司打開盒飯D雞斬到咁碎咁嘅，似手撕雞多D囉賣相不太吸引，飯亦唔算好大盒不過有包3款醬料，同一杯冬瓜湯32蚊咁嘅價錢，抵唔抵，見仁見智大家話呢？唔知其他飯又如何呢？