0
2
0
港铁太子站 C2 出口, 步行约2分钟 继续阅读
付款方式
AlipayHK 支付宝 现金
其他资料
当面支付
食记 (2)
等级6 2019-08-05
1336 浏览
本来想去试吓「聚兴家」,但冇订位嘅情况之下,最少要等个几钟头。改变地点,走到基隆街,拣了上次经过时曾经想帮衬的「牛记福来居」。比地踎街坊小菜馆还要地踎,没有装修可言,骤眼望过去就似是一间空置了一段时间的地舖,随便放几张枱、安装冷气及照明,只满足了作为餐厅的基本需要就开始营运。但再细心望清楚,那台坐地式中央冷气机非常残旧,估计已经运行了许多年,正奇怪为什麽一间餐馆的装修会如此简陋?望过对面马路,又是同一个招牌「福来居」,马上有了答案!另一间「福来居」小菜馆的外观同样非常残旧,但总算是一间正正常常的餐厅;至於身处的这一间「福来居」,明显是後期增添的部位,反正主要做街坊生意,索性放弃装修。虽然地方简陋,但除了多款小炒菜式之外,还主力海鲜。餐牌上有多款游水海鲜,价钱天天不同,当日价格就用白油写在墙上的两块大玻璃 - 街坊海鲜小馆标示价钱的传统方法。做街坊生意为主,送例汤是指定动作。冬瓜煲猪骨(老火汤)味道鲜浓,又有冬瓜清甜;虽然未至於十足材料的老火靓汤,但免费赠送,已经很好。有三款不同口味的鸡只烹调方法:霸王鸡、白切鸡及菜胆鸡;最特别就是有两种标价:没有特别说明(应该就是冰鲜鸡)及标明新鲜鸡,而新鲜鸡价钱贵50%。今晚人少,只拣了普通版本霸王鸡(半只)(冰鲜)($120),即是沙姜鸡。虽然斩鸡及摆盘卖相麻麻地,但淋上了份量不少的豉油汁垫底,卖相变得稍为吸引。葱油没有姜蓉、葱花切粗粒,很粗犷的街坊小店风格。鸡皮爽滑、鸡肉鲜嫩,沙姜粉香味亦够浓郁;但鸡肉味道偏咸,反而秘制豉油味道带甜,蘸一点鸡肉竟然更加好食。睇份量,砵酒焗桶蚝($188)应该有足足一桶(正常可以在街市买到的标准一个胶桶份量),价钱算合理。够大只、肉质爽脆、蚝汁丰富,味道实在鲜甜!只是表面的粉浆略为偏湿,每只蚝有点黏在一起;味道偏咸,盖过了酒香。估唔到炒青菜都有分大小两种份量,价钱分别唔大,胜在迎合客人需要,亦避免浪费食物,抵赞。蒜蓉腐乳炒通菜(小)($50)味道中规中矩,略嫌腐乳的咸香、辣味唔够浓,通菜亦唔够幼嫰爽脆。每款菜式的味道虽然偏咸,但又相当好味、亦很有镬气。街坊小馆没有加一服务费都算系惊喜,皆因今时今日的香港,餐厅收加一几乎是指定动作。今餐人均$200一位,唔算好贵;但只是叫了一款普通海鲜,如果食游水海斑、濑尿虾、龙虾等,人均消费就会高很多,而且,海鲜价钱亦唔算便宜。讲味道,值得再来帮衬,但如果食海鲜,就真系要试过至知。 继续阅读
等级4 2019-06-03
276 浏览
我地一行四人去到呢间野,其实佢同对面果间福来居系咩关系?Fine,唔紧要,讲讲服务先,系好好,姐姐同叔叔好落力服务,呢样必须赞👍🏻唔系呢个服务,我惊我当场发烂😃讲番野食,因为呢间系我地其中一个成日黎食,见佢讲到咁好食,我地就交比佢叫😀濑尿虾-我只能够讲好一般正常既濑尿虾,间间食到既系呢个质素,佢炸蒜唔够香脆,辣椒都唔够出味,但虾系新鲜(唯一优点)蒸扇贝-呢个连豉油都冇落,一上菜我地以为落少左,唔紧要,佢d蒜咸到呀妈都唔认得,所以一齐食都够味炒圣子-呢个几好食,圣子够弹牙😃呢个咩芝士虾米粉底就精彩,芝士淡茂茂又唔够香,个米粉底系硬唔系脆,定系我乡下妹唔识食?我宁愿去番新记食芝士面呢味系我叫,佢话冇咸鱼,得茄子鱼松,个茄子好紫好靓,一咬,充满住水份?冇走油?定本身做法系咁?求指教我地白饭都冇叫,叫左3支唔过30蚊既啤酒同一支可乐,埋单$15XX, 每个人400唔使😀我问自己食左咩要西贡咁既价钱?我唔系嬲间野,其实我系嬲我有朋友咁唔识食拣呢间,仲话强烈推荐😀比中评系因为自己猪拣呢间,无人指住我地入去,加上佢地服务由头到尾都好好😌可一不可再-完- 继续阅读
(以上食记乃用户个人意见 , 并不代表OpenRice之观点。)