牛角Buffet (美麗華廣場1期)

营业中

休息中

鍾意食牛角既程度 就係食食食食食食到有張金會員卡持有金會員卡可以優先入座 唔洗排到天荒地老都未食到好西～一直好欣賞牛角buffet既午市定食套餐加自助區無限添加牛角飯、關東煮、甜品、飲品，可以用親民價錢一嚐燒肉嘅味道早平$89就可以食到啦，岩曬上班族午飯過黎食自助區食品一碗碗用保鮮紙包住，感覺衛生牛方面簡左牛胸腹同肩脊肉質素一如以往的好很重牛味 咬落juicy💯雞腎燒到脆卜卜 好香口甜品可以拎窩夫，銅鑼燒，蜂蜜蛋糕，朱古力大福等等...我就最鍾意拎黎燒下再加軟雪糕/雪糕糯米糍一齊食今期軟雪糕係牛乳8. 0。3. 6就聽得多8. 0真係試下咩料先食落真係好重奶味，好似食緊煉奶咁，衰在太過甜啦 食左3啖都係放低了最後值得一提，牛角既抽風系統真係好好，唔會食完成身臭曬💯

最中意食牛角飯，但食親牛角放題都覺得食飯好蝕，所以美麗華呢間牛角Buffet既午市定食set就岩哂我🥰午市定食set分左4個等級，個人覺得叫B/C就夠，肉類就有豬、雞、牛、內臟。根據番叫咩set，就揀番相應既肉類出面自助區都有唔少食物可以拎，例如沙律、泡菜、螺肉等既小食日式關東煮冬菇、粟米等既野菜可以加入爐燒最緊緊緊要既甜品🥰，有泡芙、銅鑼燒、窩夫、雪糕等，十分欣賞蜂蜜蛋糕同埋銅鑼燒，凍食或者係爐到整熱小小再加雪糕食，都好好味😋順帶一提，呢間既牛角飯係自己整，中意多紫菜多蔥多汁既人一定要去試下🙆🏻‍♀️

星期六lunch時間食牛角，一早係app拎定飛再坐車出到黎都要等成一個鐘，之前試過5點幾等到8點幾都未等到我，不停比vip打尖，等到絕望，建議食牛角唔想等太耐食lunch應該會好d環境好正，抽風做得好好，無咩油煙味，冷氣夠晒凍，之前旺角果間一入去已經成陣味，每張枱都有板隔住，燈光暗暗地，好有私隱度，幾鐘意個環境😁今次叫左level 2 ，因為係早鳥時間，所以平$30，每人$338未加一，主要都係食下牛角飯同沙拉菜😂😂😂,肉反而食得唔多，男友話我都幾搞笑，黎到無咩食牛😂😂佢d牛都ok既，當然呢個價錢同其他級數梗係無得比啦，叫做過下口癮，有得燒下肉，燒下菇燒下蔬菜🙈最後仲叫左個叉燒拉面，估唔到又幾好食,以為係d頹垃面,但都算有驚喜☺️

星期五放假 同左朋友一齊去尖沙咀美麗華商場食牛角午市定食！😎午市燒肉定食有90 min同60min 今次食左定食A同C 60min C餐可以揀牛肋肉 又或者加多少少錢轉王樣！牛肋條 d肉食落都唔錯 冇出現未解凍情況 亦都冇乜血水 同 發黑 👍👍整體來講 兩個定食都幾好 不過個王樣牛肋條就嚟左兩塊未切開嘅大大舊肉我 🥶其中一條仲要係牛筋 咬唔開 😓我唔會再叫呢款王樣肉😰其間可以無限拎出面嘅食物 牛角飯其實先係主角😂！ 個北海道牛奶雪糕亦都幾正！淨係食出面嗰啲嘢都夠晒數！呢間店平時周未夜晚同旺角雅蘭一樣極度多人排隊 呢間店就算有金卡會員夜晚都有機會食唔到 不過今次去午市四點 就冇乜人排隊！🥰

三個星期前用Apps book定枱，當日一行4人準時16:30到達，我地今次選LV4食澳洲和牛有129款食品，早割時段成人每位$388再加一用餐時間100分鐘，食物種類都好多款式又有前菜、關東煮、沙律、雪糕甜品、汽水吧等等，澳洲和牛同美國安格斯和牛質素高，紋理靚同口感好，其他食物如海鮮(車海老、牛油廣島蠔、青口＆半殼扇貝)、雞腎同炸虎蝦都係我地至愛，成餐唯一不足嘅地方係覺得時間較短，燒同埋食都比較急趕，如果可加多返10分鐘時間相信會好好多。

成日聽人講牛角好食 不過真係好多人排隊所以一直無食 今日早收工就過嚟睇下 已經好多人 最後排左半個鐘到有位 套餐揀左中間價位 LV3美國牛牛肉選擇種類都算多 內質都吾錯 我主要食牛 無試雞同豬個d 海鮮就普通 都可以試下 整體黎講其實吾錯 甜品試左窩夫同牛乳雪糕 不過雪糕質感有少少似雪皅 窩夫烤熱黎食都幾好食 不過餐廳有限90分鐘要離座 所以食燒肉buffet黎講其實都真係有少少趕 走既時候外面排隊既人都仲好多 所以預早book位先黎試就唔洗等甘耐😄👍🏻👍🏻

🍔食物質素：👍🏻👍🏻👍🏻👍🏻 💵價錢性價：👍🏻👍🏻👍🏻📸打卡指數：👍🏻👍🏻🪑 環境衛生： 👍🏻👍🏻👍🏻👍🏻 🤵🏻店員服務： 👍🏻👍🏻👍🏻當你想品嚐牛角Buffet時，有一件事你是必須知道。你必須要下載牛角集團手機App「Kabu 」，你可以於App內預先取票或訂座個人覺得預先訂座可能性不大，晚上時段早一兩月就已book滿了身為牛角Buffet常客，金會員(優先輪候)還是遙不可及但預先取票是必須，以我經驗最好時機在差不多4點半至5點取票是最好太早好快就會到(叫票後10分鐘無效)，5點後取票後要等100張，基本上就食不到環境方面，小篇比較喜歡美麗華分店，餐桌間隔比較寬闊，而且環境較寧靜回到正題，小篇每次都會叫LV 4，因為食過LV4和牛再食LV3和牛，差別真的很大當然小篇第一次都是食LV3 (無比較無傷害)至於LV5 - 日本A5黑毛和牛是好食，但LV5價錢，小篇可以去其他餐廳食更好所以小篇主推LV4 澳洲和牛放題澳洲和牛：肉味濃，肉質軟，牛板鍵，牛腹胸其實你見到係LV4的肉都好好食不過有個小小分享*對於只有100分鐘放題，個人對一口牛不太感興趣，因為燒時間比較長同要每面都照顧*同經過廚師

減肥之後，好耐都冇食過咁多嘢，今日就比自己放肆一次。因為呢度嘅嘢食真係好好食，而且超級多選擇。唯一唔好處就係要等位，不過係值得嘅。除咗牛之外，亦都可以任食牛角飯，同埋煎炸野，任飲唔同味道嘅汽水，去完真係覺得物有所值。牛好新鮮！有機會我係一定會再嚟

事情回帶至今年的六月，為咗某一啲緣故我同班同事決定食一餐豐盛嘅lunch！尖沙咀區雖然有好多選擇，不過我地最後都揀左牛角放題。因為眾所周知，牛角嘅放題係好難搵位，再加上以lunch嘅放題來講，個價錢又唔算好貴，仲要係燒肉！當然不得不提嘅就梗係牛角飯啦！我哋一份八個人，有男有女，應該都每人食超過兩碗或以上餐後感：天下無不散之筵席，尤其是經歷完呢個疫情，發覺所有嘢都會有最後一次，所以真係要享受當下，食得一次得一次

去牛角一定要上網攞咗飛先如果唔係就可能要等兩個鐘都食唔到 最後因為夠鐘last round要轉太去食第間第一次食覺得都幾好味 個飯真係名不虛傳咁好味level 3 d肉好juicy~ 正哦

經過上次既慘痛排隊經歷，港人報仇式出街食飯係真架，今次我地出動金卡，唔係金卡基本上係唔會食到，今次終於成功入到去啦😭😭揀左Lv4既澳洲和牛放題，有129品，除左澳洲和牛，仲有雞泡魚乾、魷魚、蠔、扇貝等等既食物都係lv 4先有，真係好興奮呀日本生啤只要加$30就可以任飲，有Asahi同Sapporo兩款，啤酒好夠凍，超正！澳洲和牛：肉質軟腍，肉味濃，牛板鍵同牛腹胸都好好味雞泡魚乾：透明燒至腍身金黃色，送酒一流王樣！魷魚：細細隻又新鮮，d魷魚鬚燒香後真係又香又好食扇貝、車海老：扇貝同蝦都新鮮，扇貝加了蒜蓉牛油，非常惹味池魚：平時真係較少放題會食到，燒後外皮微脆，肉質唔鬆散，不錯菠蘿：燒後都幾酸，有d失望自助bar仲有沙律、牛角飯、飲品、甜品等等既食物任揀，雪糕都非常有誠意，仲有雪糕筒供應，又脆又好味尖沙咀呢間通風系統不錯，冷氣夠晒凍，侍應都好有禮貌，唔漏單，雖然100分鐘係堅趕，但食物質素不錯，唯一略嫌食物調味普遍都比較重手，如果d鹽呀，調味料輕手少少就perfect啦

牛角開咗咁耐，一次都未去過，上次朋友叫我去，我話要減脂推左。由5月30開始維持一個月減脂，進度幾理想，當然放肆一餐食牛角做cheat meal。一個月減左走6.1kgs脂肪，增加2kgs 肌肉。入番正題今次食既係Lv3 即係美國SRF和牛，SRF 分為sliver >black >gold ，至於當日食咩級別就唔清楚1️⃣炸物炸雞，炸年糕，分別係凍，放入口係成口油2️⃣牛角飯唔係想像中超級無敵好食，普普通通3️⃣srf 牛板腱同埋肩胛肉味有但未去到超級濃，好采唔太多筋4️⃣海鮮叫左帶子帶子超細粒，燒前同燒後大約手指公既（指甲）咁上下size5️⃣甜品雪糕得牛乳味同蘋果味，西瓜味（唔洗試），仲有泡芙還可以⏩總括嚟講，時間唔太夠，上菜速度快，但收碟執野就超慢，有漏單情況出現。當日人均消費加埋一，每人約$420，抵唔抵食就見仁見智。

食開燒肉嘅朋都知呢間又係要等一萬年先可以食到，Book位都要預早2個月🥲真心！今日想食燒肉，有D保證好食嘅任食燒肉，呢間都頭三甲㗎喇🤣我哋4:39pm喺App到拎飛😂諗住6:00幾應該都食到啦，點知😵‍💫最後等到7:15pm入座😂時間係好好，不過我哋等咗2個半鐘，唔餓都變餓😆😅我哋叫咗Level 3 美國SRF安格斯和牛放題😍可以選擇嘅食物都好多！有牛頸脊😍🤤🤤好味！肉質Juice🤤真係可以食好多round，另外最愛嘅牛舌都係正😍😍👍🏻👍🏻不過自己都好鍾意食嘅豬頸肉，好好食，係厚身嗰款，好爽😍👍🏻👍🏻👍🏻當然其他熟食，都好有水準😍單骨雞翼、小丸子都係推介👍🏻👍🏻👍🏻自助區當然係好多選擇啦，有關東煮、海帶湯、泡菜、菇類、自製紫菜飯🤤😍、甜品、飲品🤤冇影到相😂因為好肚餓掛住食😂😂-Level 3 美國SRF安格斯和牛放題 $408/位

前幾個星期諗住去食牛角，就黎排隊排到我嘅時候，入面有個食客不停咳咳咳咳咳，嚇到我走到走唔切。食餐飯姐，無謂搵命博。今日星期六，悶悶地，就諗住撳張飛睇吓多唔多人排隊食牛角buffet. 兩點後都好快，三點直頭可以就咁walk in. 因為我遲少少到，無睇餐牌，就叫朋友揀level2 ，諗住都叫做有牛肉，經濟實惠啲，之前都係叫level4 好似太重皮。Level 2 有咩美國牛，牛肉嘅話淨係叫依種，普通牛肉嗰頁比較伏，咬到牙軟牛舌薄，燒完好脆，唔錯沙律菜係唔錯嘅選擇，可以用來同啲燒肉一齊食，再order埋蒜片，代替生菜包，唔使下下消毒雙手用生菜包住啲肉甜品，朱古力大福，就好似一舊超級林嘅糯米糍，非常柔軟，而且好甜，好味。另外仲有泡芙，都係幾唔錯，好似空氣咁，唔會令人太飽。今日仲見到蜂蜜蛋糕，配咖啡都OK。原來level two係連整牛角飯嘅嗰隻雞蛋都冇得叫，好慘，下次一係唔食，要食就食返高啲嘅level🤔🤔出邊關東煮都有雞蛋啦，又唔見佢慳返嗰啲雞蛋🤷🏻‍♂️🤷🏻‍♂️🤷🏻‍♂️埋單嘅時候發現假日正價數368一位好貴！前一兩個月仲係做緊$318？$328？ $368 我下次唔會無聊走黎食囉⋯⋯ 食

近幾年來，牛角buffet(唔同普通牛角放題)都係我地食燒肉放題既首選😂以前得旺角有，依家尖沙咀都開左，但仍然日日大排長龍😂記得要訂台/係app攞定位，唔係真係排死人👻而且疫情期間佢真係只坐一半客(第一次見到有餐廳follow呢個rule😳)，3個人坐6人位，仲有2個爐用，可以話係極之好坐，聚會一流😍👏🏻題外話💬尖沙咀店門口擺左幾部夾公仔機，有唔同優惠，比等位既人消磨下時間(?) 男朋友次次都話想玩..🙄牛角buffet分左5個等級🌟每個Lv.相差50蚊左右，分別係牛既質素(都真係食得出有分別)，同埋小食/海鮮既種類多少。Lv.1️⃣係得豬肉，作為牛魔王既我地就無食過😳最貴既Lv.5️⃣係食日本和牛，價錢相對較貴，所以我地都無食過😛而Lv.2-4入面，CP值最高、表現最平均既就係Lv.3️⃣~牛既質素唔差，小食海鮮選擇亦夠食😋所以我地最推介食Lv.3️⃣👍🏻👍🏻👍🏻而Lv.4️⃣既牛明顯油脂就再豐富啲，岩哂想食好少少既朋友🤤 Lv.2️⃣定價就親民少少，牛肉質素雖然唔會滿口油香，但亦唔會好柴好銀，所以較適合budget有限既朋友😉✅牛角飯🍚私心推薦大家再嗌多隻温泉蛋撈埋，配埋牛肉真係諗下都流口水🤤(唔好裝太多