牛角日本燒肉專門店

今日由朝做到晚，攰到hihi咁....成九點幾諗住要去吉野家到打邊爐，點知又話賣晒....同同事諗黎諗去...就貢左去瓊華食牛角！一出𨋢...嘩...駛唔駛咁多人呀！仲要等25張飛！估計坐低食緊嘅都係食9點放題嘅客...即係要等到10:30呀🤦🏼‍♀️一路企晌到等....行左全日.....對腳已經攰到無咩力...呢半個鐘真係超辛苦呀！終於到左10:30....果然啲客開始走...開始叫籌喇...我地揀左B餐放題...有得叫牛！金菇黎到，我都覺得奇怪...點解無牛油嘅...我仲以為係無牛油添，再睇番部機...係寫住牛油金菇嘅🤦🏼‍♀️腸仔好易燶！韓式蔬菜盆...第一塊生菜係有少少泥晌上面嘅....牛呢...一口牛...我覺得韌左啲....牛肋肉同肩胛肉....我分唔清係邊隻打邊隻...淨係知...一隻好好食...唔洗點咬...👍🏻一隻就要咬一陣🤦🏼‍♀️🤦🏼‍♀️玉子牛角飯...我同同事第一碗黎嘅時候...兩碗嘅飯都係一餅餅嘅...唯有食完一半 再叫過...第二碗黎嘅時候...兩碗都恢復番平時嘅質素！野飲就叫巨峰梳打！宵夜都要成295蚊一個人...其實...佢嘅質素唔係咁值....…查看更多

由於前一日已經預約左6:00 黎食燒肉，所以一到就有位，而且可能時間仲早，有好多吉位。由於係會員，而就快到期。。。之前儲落既積份同優惠卷，終於可以用啦！先用2700積分換左條牛肋條，然後叫左個海哲柚子沙律，牛肉拼盤同白飯一碗。。由於過左$200，可以用埋優惠卷換魷魚一條食物送到黎，睇落分量唔算好多。。。不過食下食下都覺得飽啦。。先講沙律，酸味味好開胃，中途食又可以消左燒肉既油利感。。到於燒肉，燒得岩岩好，唔會濃同硬，所以肉質好好哩然坐底果刻有講用餐時間90分鐘，不過我地食左差不多120分鐘至走…查看更多

朋友請食飯，揀了牛角，最初以為是放題，後來才發現是散叫的。點了一個燒肉盛，另外再加尤魚，及沙律，用積分換了1個牛肋排。燒肉盛很豐富，每樣有4件，尤魚特別一讚，因為非常大隻，肉質很厚實。值得推薦。…查看更多

朋友話呢邊9點有任食，佢話平時散叫都差不多價錢，所以我地就等9點:)個姐姐叫我地拎定張飛，之後先上去叫位估唔到真係勁多人好彩佢多位唔係又入唔到了終於入場，即刻乜牛都點，務求唔好蝕不過最搞笑係我地其實食左乜野牛都唔知，除左牛柳粒分到..幾隻味都差不多唔覺有太大分別..其中一款個肉質係比較淋，好正如果再揀建議食原味，因為肉靚係唔需要調味的我地仲叫左雞翼同豬...反而相對失色，因為真係無乜味沙律可一試，清下肥利都需要架服務質素唔錯，出餐收碟都快，d人仲好有禮貌，要贊揚一下…查看更多

一向服務都叫ok，但今日嚟大部份職員都黑口黑面，放嘢喺張枱大大力，好似得罪佢咁。話冇叫呢樣就即時啤住你，好似我專登叫完唔要咁。。。點解食飯好似要受氣咁？個個都好似唔想做咁，好似欠咗佢哋咁。唔想做可以唔好做，試吓代入返客人角色，自己都有機會做客人，如果人哋咁態度對你會點？洗手間環境超差，好污糟，用大量洗手間香精都遮蓋唔到臭味。。。。食物方面，尚算保持到水準。但常岀錯漏，有待改善。食得不愉快的一夜。。。…查看更多

今日做完facial,見肚仔有d餓,諗起牛角下午茶有7折優惠,咁就去左附近牛角食返個下午茶。-下午茶時段有7折。（仍須加一、原價計）-肉揀左原味，但解凍好似解得唔夠咁,上菜速度快。-肉配鹽醬最好食-無再主動比飲管,凍檸茶飲起上來不太方便,有核又有冰。-牛角飯正,而且可以無限添飯,但我食一碗就已經夠了。-最愛前菜沙律,簡單配上胡麻醬已經好食。-湯夠熱,普通海帶湯。-今次結帳糖果比好多呢!下次可以再試下其他。…查看更多

一出電梯已經聞到有洗手間的味道，以為入到去食的時候會好點，點知即使入到好入洗手間味道仍然揮之不去。救命😫一邊食一邊聞好難受，餐廳環境好重要，雖然午餐好抵食，不過唔會再去。…查看更多

星期六當天小妹牛魔癮又起，差不多下午6點左右，我就拉著男友一同到瓊華的牛角分店用膳，本來打算點平日常吃的，但我還未來得及點餐，男友就選了和牛盛盒及另一款和牛，數數價目都差不多$6-700了，既然過年後嘛逗來了利是就豪一次但我發現了情人節二人前還在供應，驟看都差不多有8樣餐品而且佐賀A5和牛的確需要配上餐飯，才會沒那麼膩吧因此我們就選了這個二人前因為餐廳門面環境大家都可能比較熟悉，所以這次的主要是想稱讚一下這個套餐愛的季節二人前 $899 ★★★★餐牌內容清晰，稍一模糊的是飲品$46或以下的確未到可以選擇酒類的程度，這是有點讓人誤會:)但餐飯有三個選擇：白飯、牛角飯、香蔥溫泉玉子飯都算是很不錯了，而且是可以選兩個飯一人一個不用爭辣油豆腐 ★★★這辣油不夠辣，沒什麼辣味，不知是否為了遷就不吃辣的人但就只是普通的，辣油跟豆腐感覺不太配，反而平日配的胡麻醬更佳吧辣椒是帶點脆不過不失，可能是為了配合主題所以才選用辣油，紅紅的就像熾熱火紅的愛牛角拼盤 ★★坦白說我是有點浪費，因為都不太清楚是怎樣吃的，而且醬汁不吸引，除了平日的胡麻醬，另外兩款都不太能吃出味道而且好的肉只需要配上飯這天我大概也沒怎麼沾著醬汁來吃肉胡麻大蝦蕃茄沙律 ★★★味道配搭全都不錯，大蝦亦沒有偷工減料，四隻都大隻又彈牙蕃茄更是讓我可以在有點膩的時後開一開胃配上溫泉玉子和胡麻醬就是nice！海鮮盛盒 ★★★★青口及蠔都是普普通通的，尚算鮮味:)帶子燒完之後都不會難咬，而且很香！魚反是比想像中的新鮮，燒完之後皮是完整的，肉是彈牙的但大蝦就比較差了，燒後出現黏殻及霉肉的情況不太新鮮加上檸檬汁後都補足不了熊本豚腩肉 ★★★★賣相吸引份量相當，外貌捲成了玫瑰，想必攻陷了不小少女的芳心而家一共有六片，吃到最後其實已經捧腹努力的吃完不浪費豚腩燒的時間自己就已經在滴油，所以十分搶火。不小心可能會燒傷，所以燒的時候要小心！油水十足，加上火一搶上來，豚腩的邊邊都被烤成焦焦的，吃上去就是香口脆薄的豚腩牛角飯配著來吃和牛佐賀A5黑毛和牛西冷及肉眼合盛 ★★★★這真是牛魔王必吃精選，西冷牛肉味濃，肉眼入口即分解，兩款和牛都完全不用怎樣咬開，油香味濃，是佐飯佳品但我最喜歡的還是西冷究極之佐賀黑毛和牛牛肋肉 ★★★★配上秋葵及香菇，牛肋肉同樣入口融化但厚切粒狀的反而更容易融在口中，肉味超濃，脂肪分佈均勻雪花脂肪分佈均勻如果有專人指導怎樣燒就更好了燒出來之後，還是油光滿佈餐飲就兩杯普通吧:)整體值得你們為之而豪一次…查看更多

新年初三去了瓊華中心揾食，想食燒烤選了6樓的牛角，原價無加二加三所以感覺超抵，叫咗個特盛拼盤豬牛雞，加個牛肩肉三百五落樓，兩個唔大食的女仔，份量剛好。唔使等位，門口個女仔好好人拉起個門的布條等我過埋先放手，我遇過d懶得理你的，他行他，你行你的。超感動。個拼盤選了塩醬的，略咸但點蒜蓉那個醬會好點。好滿足的一餐，一掃中午的不安加200蚊好似可以入會，我聽到旁邊個女仔話同人夾一起儲分，可以9折，升級之後可以85折什麼的感覺超抵，包埋同一間公司的其他食肆，感覺廷好的…查看更多

A5薄燒月見和牛😍雖然不是最入口即溶的那一種，而且食物跟圖片的雪花有點落差，但在香港可以吃到這個雪花比例而又是新鮮的牛牛已經很開心了🤤🤤價錢不算非常貴，三片$115 😋PS 服務員烤得有一點點過熟，建議大家要自己要留意火候喔！🤗#可以每天每餐都吃牛牛#鍾意食到我真係想退休之後自己養翻批和牛😂…查看更多

燒肉放題尼講呢，其實就食過好多次架啦，牛角都唔係第一次食啦！不過試左咁多間，牛角都係比較正既一間，聽到有放題就梗係急不及待要尼試啦！食牛角點可以冇牛？所以我地就揀左 B 餐，可以揀牛肩肉or肋脊肉食。個人尼講呢，雞肉還好，腩肉就夠哂香，不過我認為牛肩肉比較有味道，所以都叫多左幾次尼食。，枱上三種醬料，相信有尼過既大家都唔會陌生。最正當然係牛角飯啦！牛角飯幾乎係每次必食！好老實講，要我揀既話，牛角飯放題像燒肉放題更加吸引！而家真係一次過滿足哂兩個願望！！總結尼講，可以encore！…查看更多

食過幾間同價位的燒肉放題，暫時覺得牛角的牛肉味比較濃郁，肉比較薄身但易咬口。因為主要想食牛肉，我地撰左 B 餐，可以撰牛肩肉/肋脊肉食。試過灑後覺得牛肩肉比較淋同濃郁，所以後來專攻牛肩肉食。雞肉不錯，豬腩都好香，枱上有三種醬料比大家撰，鹽醬最好食，少少已經好掉味～海鮮得青口，鯇魚（其實係鱈魚）撰，鯇魚真係好唔新鮮，青口都只係好一般，可以唔洗試。其他前菜都不錯，菜很新鮮，沙津有質素。座位環境好舒服，上菜好快，除非你叫 d 無咩人叫嘅野，例如梳打水，會比較慢。。。基本上滿意～ 算係食燒肉的好地方。…查看更多

越接近凌晨，總是越想食邪惡美食，尤其是當食店推出了宵夜優惠。。haha! 牛角就是其中一間！對住花多眼亂的選擇，叫拼盤就是不二之選！牛角特上燒肉5種嚴選盛~ 有上級牛肋肉、腹胸肉、厚燒牛舌、豚肉燒同雞腿肉！本人較喜歡肉味濃d的腹胸肉同甘香的豚肉燒！叫左拼盤可以以優惠價享用一些指定食品～香葱牛舌~ 薄薄牛舌燒好後，包著配上麻油的香葱，食到停唔到口！丹麥雞胸肉~ 啖啖肉，不算好嫩滑，但味道尚可。牛油本菇~ 算新鮮，牛油再大片d就更好！熊本豚肉眼~ 肉質鮮美鬆化，邊位小肥膏甘香味美廣島蠔～ 微腥。。跟帶子一樣，下次不會想再試。。跟拼盤送2杯自選特飲～ haha～ 食飽飽第二日就要乖乖做運動了！…查看更多

前排匯豐卡做緊折購優惠，食套餐又幾抵喎😍😍揀左極上和牛大皿燒，真係無揀錯! 個和牛超好食，超濃肉味，入口融化，個牛油帶子都好正，成個帶子充滿住好香既牛油味，完美配合。連個前菜牛柳粒都好正，炆到超入味超林😍其他牛舌，牛肋肉都好食，雞件就一般，無辦法，個和牛好食到其他野食都比下去。跟餐送左杯$45以下既飲品，點左梅酒，都好好味，不過呢點有啲奇怪，就係過左$45既唔可以補差額，而係唔可以叫，即收設原價，呢點有啲唔鐘意😥…查看更多

其實小妹係最近迷上拉麵之前已經係牛角既忠粉，放假既下午點都想去食一餐自己鍾意食既野於是就去左牛角既瓊華分店，因為對我黎講瓊華同屯門分店都會較為就腳，但連鎖店都好睇各分店有冇適心經營，加上質素都可能稍有偏差，而小妹就認為比起屯門分店，瓊華分店既燒肉同海產既品質都略為優勝，下次再同大家去唔同分店嚐味門面就近升降機前，瓊華6樓全層，入到去地方都大，但無論咩時段去燈光都係偏暗。午市時段入內先有員工帶位，晚市人多就會有知客係門口派飛帶位。員工都十分有禮貌，上餐快服務不錯，因為用餐都愉快所以比較常黎瓊華分店入內環境卡座比較多，細心睇先發現有糖紙係凳上面，不過我諗呢個情況只係一時唔為意，因為小妹都係打緊食評既時候先發現相內有糖紙，但其實糖紙係出自埋單時牛角會附上既糖果我同男友一人叫左一個餐，分別係燒肉合盛E and G餐佢餐入面已經包左餐飲、沙律、湯同飯，所以午餐黎講一般食量既人已經夠飽男友就加左溫泉蛋飯沙律係簡單既菜同洋蔥加上粟米同麻醬做燒肉前菜十分開胃，我每次都會食清牛角紫菜飯，簡簡單單既飯加左紫菜就已經大放異采，味道十分討喜我喜歡！男友既就加左12蚊加溫泉蛋，但今日上枱時溫泉蛋已爛，稍嫌處理得溫泉蛋唔夠好:(燒肉合盛，其實到枱時已經好肚餓，差啲未影就已經落左肚，豚肉同雞肉都肉質唔錯牛肉就同平日一樣，相差無幾，只要係牛魔王見到都會一件不漏咁完食牛味香濃，未至於勁勁勁正，但以午餐價錢黎講呢個質素既肉質其實已經唔錯，小妹認為性價比算高，只係有時切既時候出左事，有啲部位切得稍微散或變成厚粒起角難燒對於唔係燒肉專家既我黎講，仍然覺得自己燒完自己食，只要肉質優質就算燒完唔夠熟，食到肚仔痛都抵因為都係自己燒自作業呀！但自己燒既樂趣，你地明白嗎算係咁啦，都燒得還好起碼我覺得好味先食飽飽正餐，我就加左12蚊加多客抹茶雪糕啦今日女人嘛都係食埋甜品先肯收手，呢個抹茶雪糕味極香濃，加上黃豆粉既香甜混合埋一齊，的確係絕配呀加埋都係$321，但就食到好飽一個午市日燒黎講抵食既，加上我有會員卡所以仲有九折…查看更多