牛角日本燒肉專門店 (德福廣場2期)

营业中

休息中

［牛角］🚩牛角LV2. $258 (90分鐘午餐）牛魔王一定一定要LV2以上❗️因為LV1 冇牛食😢推介牛肩脊肉 幾淋幾有牛味👍同埋黑胡椒牛舌 細細舊可以叫多幾次食👌雞腿肉都有驚喜 幾有雞味同埋好滑🥰不過其實得90分鐘食得有少少趕 😢有時候食燒肉食到一半想休息一下但係因為得90分鐘所以基本上冇得休息😂總結時間🥰有質素燒肉放題第一時間一定會諗起牛角😋😋😋😋

都食過牛角好多次喇 不過多數食開放題貪佢抵d又食d野食呢次試下唔係放題咁食 原來都幾滿足早小小5點半左右拎飛 都要等到6點鬆d先入到座電話落單 都係叫返主餐牌d野👇🏼六品牛 平平地叫返d普通野先 同放題質素差唔多 👇🏼牛角飯 食燒肉最緊要夾埋牛角飯 燒汁珍珠米紫菜再夾埋燒肉食 好滋味真係👇🏼甲羅燒 同隻蛋撈埋一齊再燒3-4分鐘 暖暖地又豐厚既蟹膏細細啖食好滿足 如果有埋蟹肉就更上一層樓👇🏼A5和牛肋肉 睇d雪花咁靚就知冇死 食落有肉感得黎又有入口即溶既感覺 肉質好柔軟 完全食唔到筋20蚊到一舊都值得食完真係滿足曬喇 唔同放題 食個陣成日驚食唔切 冇得好好享受食物 宜家咁樣慢慢食 反正仲舒服又可以嘆下唔同級別既燒肉 埋單6xx 食到飽飽

今午跟大夥做食肉獸 ...我點了一個相對簡單（即係cheap囉）的燒肉套餐“特選牛五品燒肉盛合”，有以下各兩三片：· 肩脊肉· 牛肋肉· 牛胸腩· 薄切牛舌 · 厚切牛舌肉新鮮，不會雪也未溶掉便端出來，分量也合適。其實，那碗白飯才是靈魂，軟濕度適中，有口感，加上這店那獨特的“蒜蓉鹽”，塗點在肉上，捲上一口連紫菜絲的白飯，分外美味，它還有 幾種調料選擇，可自製不同味道，悉隨專便。這店也有奉上一張簡單、實用的紙給食客保存口罩，窩心。

牛角已經成為左同朋友仔之間no.1食堂啦～ 不過想食晚市都唔係容易嘅事，最好就book 位，如果唔係就一早遙遠拎飛先，walk-in 就唔好諗啦！！ 如果鐘意食嘅朋友，建議join 會員，儲下積分，免加一。會員嘅set 餐，好豐富，3個女仔都夠食，絕對係懶人之選，不使諗！

話時話我好耐都冇黎牛角食燒肉今日呢就去牛角同朋友慶祝生日所以就食豪啲叫咗啲肉同海鮮仲有啲蔬菜牛角啲肉真係好新鮮而且佢又有啲醬汁可以俾你用味道好夾評分：4/5（5分滿分）

好耐冇嚟過🐂牛角食🔥燒肉，今晚同兩個朋友仔一齊來食餐飽🤩！呢度嘅🪑座位都幾寬躺，我哋三個人座四人枱幾舒服😌。啲🇯🇵廣島蠔🦪加埋牛油🧈成盤咁燒🔥，可以保留返啲鮮味😋！呢個壺漬味噌大腸🤤係朋友仔推介嘅，我之前未試過，原來真係好好味😋，味噌漬咗啲大腸燒🔥完勁香，而且啲大腸又唔係好肥，食落好𣺉好滑👍！牛油🧈帶子唔算好大粒，不過都幾鮮味👌。啲菇🍄我哋放入去🔥燒完啲蠔🦪嘅盤去煮，吸晒啲蠔🦪嘅鮮味，特別鮮甜🤤！呢個係特選🔥燒肉六品盛合，有豬🐖有牛🐂有雞🐓，仲有牛脷，好豐富，質素中上，唔錯👌。我哋好中情🐂牛脷😝，所以就叫多份🤤，呢個有四款不同口味同🤏厚度嘅😛牛脷，各有特色，只要控制好🔥火候嘅都ok👌軟𣺉😋。自己燒🔥要好好控制火候。雖然大家都算飽，但又好🥰卦住牛角飯🍚，所以就叫咗一碗🥣一齊share，係一貫嘅美味😋！甜品🤤我揀咗綠茶🍵雪糕🍨，上面有少少🤏黑蜜同黃豆粉，食起上嚟幾有👍層次感。呢個銅鑼燒🔥入面係雪糕餡，放上爐🔥烤一陣就會成為內冷外熱冰🧊火🔥二重奏嘅甜品！朋友仔一時無留心睇火就燒🔥燶咗😂個面，不過佢話食起上嚟都真係好冰🧊火🔥好好食！

成日都見到朋友喺IG post 燒肉，搞到自己都想食。咁就心思思想去牛角食，見到可以喺App 遙距攞飛，咁就7:00撳咗張飛，諗住慢慢啦行去唔駛等咁耐。點知去到8:45見到個Number郁都冇郁過，先知道原來疫情關係10:00閂門，所以已經截左。唯有下次再食啦。 去到第二次，星期五6:30就攞飛諗住八點幾可能都有得食，點知又係白等。佢金會員係可以打尖，所以點都排唔到你。去到第三次（今次）。5:00就開始攞飛，發現5:00嘅Number係去得好快，我諗好多人都好似我咁諗住拎咗飛遲啲先去。結果唔使10分鐘我張飛就已經過咗時。大約5:40左右，啲Number先開始慢落嚟。《攞飛攻略》建議用兩部或以上嘅電話，相隔5分鐘拎一次飛，在觀察啲Number叫嘅速度。四人枱為例，45分鐘大約叫到5至10個Number。今次叫咗匯豐卡優惠套餐，七百幾蚊，雖然話二人餐但係三個人食到好飽，因為有兩大碗飯（牛角飯同埋蟹膏飯），佢個套餐又唔多花巧嘢，唔會屈你食甜品，計返每人二百幾，其實食平過食牛角buffet。不過要撞啱你三個人都唔係好大食。味增醬可以問店員攞Overall覺得衛生非常好，肉嘅質素唔差，如果可以清

Lunch time同同事諗唔到食咩，突然講起想食燒肉就去左食牛角。叫左佢有牛舌食果個lunch set, 發現原來幾個同事都係叫依個餐，決定跟！調味就揀左鹽味，咸咸地好正😋😋依個餐原來有2款牛舌，一厚一薄😍😍厚果款爽口又有牛味，可惜每款肉得2塊😢另外食牛角一定要食佢個牛角飯！真係只食飯都可以食2碗，好可惡！

 今次帶男朋友去食生日飯，食物水準高，點左XXXX，牛肉入口即溶，油脂合當，唔會太油，唔會太乾，埋單都係$XXX。另外紫菜飯係必點，拎黎送牛肉簡直係絕配。唔鐘意食燒肉既其實都有其他合你口味，例如石鍋泡菜豆腐海鮮湯都係一個唔錯選擇。

九龍灣分店既門面幾得意，外面係完全望唔到入面用餐範圍，比到食客一種安全感，而且進入餐廳既無障礙通道左手邊有堆類似百子櫃既裝修，感覺上呢間鋪頭提供既野食都會係包羅萬有既。 燒肉六品盛合啦，呢碟有齊牛舌、牛肋肉、牛五花、雞腿肉、豬腩肉同豬頸肉，每樣4件。 其中最好味就係牛五花，牛味同油脂夾得剛好，配上一口飯好滿足。雞腿肉同豬頸肉都好有肉味同肉汁，燒完配合燒肉汁，用甜味帶出鮮味。最失望既係牛舌，可能因為解凍得未夠好，食落去牛味都冇乜同埋太有韌度難咬。

牛角好食係好食但係真係好多人排隊次次等位都等勁耐 我哋叫咗一個午市套餐性價比都OK嘅有啲和牛都好食嘅 肉質幾好 但係嗰啲一口牛呢切到一嚿嚿好核突 唔係正正方方容易食嗰種係好似係一頭一尾唔要嘅肉

燒肉哩種菜式，外賣唔夠風味，一定要堂食。但下午三四點食咁heavy既野，又真係搞唔掂。所以晚市堂食一開返，就一定要去食燒肉。牛角平日下午都有人等位，用apps book晚市都唔係咁容易，尤其是九龍灣商場特別多人。今次去食因為早收工，見到唔多人就去等位入到去見到有匯豐信用卡優惠，有黃牛同海鮮就叫咗黎試吓。想餐比平時快而且有執枱專員，都唔錯。餐入邊重點係極上黑毛和牛，肥瘦適中，燒一燒幾好食。海鮮有蠔有蝦，性價比算高。包左沙律菜，重點係有兩個飯，有多種選擇，唔錯！唯一缺點是係限時1.5小時，時間相對比較趕，食得唔過癮。7xx，算靚價

開返四人堂食冇耐嘅假日，終於可以一齊食燒肉🥳 以往嘅牛角都要提早拎定飛，但今次真係排到天荒地老🤖 明明提早拎定飛應該等十張枱就食得，點知當你覺得應該就快有枱時又不斷俾金卡會員打尖，最後六點用app拎飛八點半後先到我地🤷🏻‍♀️仲要堂食到十點，最後趕住燒埋啲肉就要倒哂落肚走人🤦🏻‍♀️ 喺呢度，唔係VIP就有耐性先好嚟食🥱另外,而家要用自己手機QR code落單，本身朋友用自己部機落哂嘢食，我就再用自己嗰部睇吓有咩嘢飲想落啦，當我揀飲品時系統話error,唔通唔可以同時用兩部機？咁朋友就幫我落啦，最後竟然上咗兩杯一樣嘅飲品！個侍應仲要print返張單話我地真係撳咗兩杯！好彩只係杯飲品，如果我撳嘅係一大set肉咁點算😓😓😓😓 結果，同行嘅朋友嬲到話以後唔食牛角...平心而論，其實牛角嘅食物係真係幾好味，同級質素嚟講亦唔算好貴，但今次經驗會令我隔一排先會嚟再食🙈附上其實好好味嘅食物圖一張😂

兩母子出job，少爺仔一聽到去德福就指定要食牛角😅$95（未加一）的weekday lunch set，可選兩款肉（各4片），還有椰菜絲沙律、牛骨清湯、白飯大大碗，少不了要有吃燒肉必備的可樂一大杯！一大一小吃那16片牛牛，大抵是夠飽的。香烤的牛舌和牛肋肉，配合牛角的醬汁，完全是送飯的好伴侶，吃光一碗大飯全無難度。值得一讚是上菜速度很快，即使是上班族，匆匆大半小時lunch hour，其實也足夠燒得切、吃得完！

晚上六點禁堂食，外賣下單可以以40幾蚊就買到個牛角牛肉飯，真係超級抵！珍珠米粒粒分明、好咬口！牛肉汁都係調味得好好味！牛肉方面，本來以為係用燒牛肉既部位，實際上用左厚切肥牛，有啲韌，係成碗飯比較失分既地方。整體而言，以呢個價錢同食材質素黎講，性價比絕對係高。個人而言，問我食牛肉飯食邊間，我腦海中都仲係會諗起吉野家既牛肉飯多啲。用OpenRice 落柯打好方便，用信用卡付款，設定左取貨時間，柯單都準時做起，讓客人可按自選時間取走外賣👍🏻