牛苑(潮汕鮮牛肉火鍋)

营业中

休息中

18/2/2025，第一日開張，見到潮牛放題，一於book枱試吓。牛款唔多，5樣，牛胸爽，吊龍，五花趾，匙X，雪花牛肉，心諗，好食其實都夠。6:30入座，先每樣order每樣一碟試試水溫，10分鐘後，第一碟牛到，五花趾，不錯，都新鮮，等多10分鐘，終於第二碟吊龍到，好味的，每碟牛有6至7片，份量很少。之後見咁耐，再加每樣兩碟，黎左雪花牛一碟，完全冇雪花，似普通滑牛，再追問佢，服務員已經話牛胸爽賣哂，拎咗幾碟五花趾比我地，到八點，已經話所有牛賣哂，得五花趾，下，我地4個人，食左一碟吊龍，雪花，8碟左右五花趾？！之後八點半仲lock埋QR code，完全冇問過我地，要求佢拎D唯一有既五花趾比我地，成餐，食丸多過食牛，D丸一餅野，未解凍。其他枱食客都係每人一個公仔面。埋單去收銀，個收銀話，係囉，冇限住D人食，所以估唔到D人叫咁多，冇咁多貨，下，你而家放題，我又冇肉食，折扣又冇，完全唔係路。請問叫人點唔北上消費？

叫咗牛胸爽直至到售罄， 還沒有送到， 叫咗幾次 雪花肥牛， 每次都送啲不知名嘅牛肉來， 任食只不過係一啲基本食物， 生蠔，蝦及鮑魚只是提供一次性， 飲品選擇亦非常少， 蔬菜亦選擇少，連基本嘅響鈴 ，生根，都沒有，本來期望好大， 但令我失望很大。 隔離枱食唔曬嘅牛胸爽竟然打包回家，都唔知D職員知唔知發生咗啲咁嘅事， 鮮蝦雲吞初時就有虾，再後期叫嘅時候就冇曬蝦，只有猪肉， 第一次食放題嘅火鍋係唔飽， 不過呢間店亦有一個優點係無限時 ，如果同朋友吹下水 ，食下基本嘢唔要求多，咁就係一個非常好嘅選擇。