牛牛日式火鍋放題 (海之戀商場) (已結業)

牛牛日式火鍋放題 (荃灣)環境：餐廳有海景卡位！卡位梳化位置闊落，一望出去就有海景，遠啲仲望到青馬大橋tim，超靚😍😍湯底：湯底選擇都幾多，有成6款，我叫左豆乳湯底，豆味都算濃👍🏻食物款式：同好多火鍋放題一樣，肉類都係同職員落單，其他菜類配料就可以係自助區到拎。自助區台面都十分清潔👍🏻最欣賞係餐廳會換唔同款既配料，唔會食黎食去都係果啲款🥰肉類：今次我地叫左澳洲穀飼牛放題，套餐包左三款牛肉，仲有羊肉豬肉。推介澳洲穀飼牛肩胛，牛味濃得黎唔會太多油脂🤪

今日19/10路過見得閒走咗入去打邊爐，最後取咗兩球雪糕，食士多啤梨味時覺得咬到啲硬物以為係冰，第二啖覺得唔對路，吐出一望一塊小三角型銀色疑似刀片物，同店員講返，佢仲好意思話打咗比雪糕供應商，佢哋話唔係刀片，係膠盒爆咗嘅膠片。難道膠片唔危險可食落肚？我同店員講唔係要追究什麼要你比咩着數我，只係要你哋注意返，收走盤雪糕，以免再有人誤食受傷，尤其老人、小孩。

這間新開的日式火鍋放題店，樓底高有卡位有海景坐得舒服，一人一鍋，可惜只限90分鐘交枱，食得非較趕。美國頂級牛肉放題套餐已很夠食，有美國頂級牛肉、嚴選特級牛肉、紐西蘭綠之草原羊肩及丹麥皇冠豚肉任食，肉質是靚的，可是我們更加了$48升級至極上海鮮放題，可任食白蜆、青口、廣島蠔及半殼扇貝，海鮮新鮮很快上枱，多叫幾round海鮮後已飽得不用到自助區取食物了。推介牛牛秘見鍋，這個經典醬油鍋最夾食海鮮，鍋底愈吃愈甜，更可保留海鮮原味。

衛生麻麻，地面黐立立，我食完之後行出商場，都唔敢行入其他啲舖頭，因為對鞋仍然黐立立，有節節聲。甜品只有雪糕，但係俾人整到一嚿嚿好核突，我身為甜品控，都忍得住唔食，可想而知個賣相係點嘅樣！我都未試過食放題係唔食甜品😩。啲澳洲穀飼牛都OK嘅，其他沒什麼特別！

鍾意食牛嘅我，終於等到呢間餐廳9月中開業啦！餐廳位於1樓，是人流比較多嘅層數！餐廳裡面向汀九橋方向，可以睇到商場賣點嘅海景！今次我哋試咗$238 嘅任食放題晚市，在這價錢嘅套餐中，我會推介 “美國頂級牛肩胛”，牛味較澳洲牛濃，我喜歡這裡牛切得薄片，所以食完一餐都唔會覺得好肥膩！餐廳提供嘅食物一點也不馬虎，除了供應多款式嘅高質蔬菜和肉丸外，仲有長蟹肉棒，而且還提供 "Mxxx" 牌子嘅貴價雪糕！在飲品方面，除了提供3款鮮果汁，雪櫃仲供應多款飲料以及幾款自家製冷泡茶，本人最欣賞正是這裡的冷泡茶，幾款茶味都好濃！醬料放在幾部醬油機及玻璃瓶，而火鍋是一人一鍋，所以自助形式上感覺比較衛生！期待酒牌批後光顧清酒生啤放題啦！

不少朋友都推薦這間火鍋店，但因為北角分店太遠，一直都未有機會嘗試。最近得知荃灣店新開張，立即一試。當天好幸運，被安排坐窗邊望海的卡位，景觀一流。店舖環境乾淨整潔，侍應服務殷勤有禮，上菜的速度非常快。這裏用上開放式廚房設計，客人可以清楚望到廚房的環境。見到廚房乾淨衛生，食客都安心不少。我們選了澳洲產長期穀飼牛放題套餐，可以選擇兩款不同產地的牛肉，一款豚肉和一款羊肉。至於湯底，一人一鍋分別選了牛牛秘見鍋和大地鏗魚鍋。牛牛秘見鍋有點像壽喜燒，味道偏甜。我們偏愛大地鏗魚鍋，雖然味道偏淡，但湯底不會掩蓋牛肉原味道，而且也方便按照自己喜好配上其他醬汁和火鍋配料。朋友不食羊，除了羊之外，其它肉類都試了。兩款牛，我較鍾意澳洲牛，比美國牛有油香和更柔軟。肉以外的選擇比其他日式牛肉火鍋店多，選擇豐富又特別。不知有沒有人和我一樣非常喜歡吃丸，有別於其它的日式火鍋店只有一兩款丸，這裏有九款，我非常滿意🙃 較特別的食材有羽衣甘藍，蟲草花等這裏也有少量熟食提供，包括吉列炸蝦，蟹肉薯餅，榴槤炸彈和咖喱飯。榴槤炸彈味道不錯，裏面的榴槤醬味道香濃，榴槤愛好者必試。飲品選擇多且特別，不少是我未試過的，例如可口可樂咖啡汽水

話說提早4點放工，因為疫情好耐冇見屋企人，就諗住可以2個人早少少去試新野，去左海之戀商場，見到都有幾間火鍋店，由2樓行到1樓，因為其餘兩間未開放入場，咪行返去牛牛殿堂，去到門口大幾4點8左右，佢明明仲好大個電子mon仲顯示緊牛市套餐（一人一鍋）60分鐘火鍋放題，入面只坐左7至8台客，咪行去問個reception ,個職員係到講緊電話，佢就咁第張menu 比我睇，我見係晚市，又想問清楚佢，咪企起到等佢講埋電話先，點知佢講左5分鐘，聽到佢唔係幫個客落單或查詢，佢收線都有道歉，但就話午市4點完左，因為唔想再行就食呢間，入坐前要選擇左湯底同肉既級數，我地食hkd218頂級牛肉90分鐘放題套餐，只做緊登記會員有20蚊折扣優惠，因為同姑姐太耐冇見，我地見店冇咩人等都有問佢食完可唔可以坐多一陣，個職員就話冇問題，一行到埋去坐好快另一個職員已經拎個湯底嚟，但拎左一鍋only, 佢話出面職員打漏左一個湯底，佢都好快比埋我地，so far 個環境係幾乾淨，但外面取餐區地板就有d痴立立，食物方面，d肉係好新鮮，特別個牛肉好嫩又濃肉味，豚同羊就一般，我食豆乳湯，個職員話係日本豆乳，但食落唔覺特別濃豆味，醬料有

本人，今次第一次來光顧，在荃灣分店，整體質素不錯，但是想食朱古力雪糕，但雪櫃太凍所以太硬，完全畢唔到，向店員反映，沒有職員幫到我，非常失望！這樣情況會令很多客人品嚐唔到！會很失望！在他們的網頁反映，睇完有沒有回覆，非常失望！

我都未試過係呢度寫食評，差到唔寫唔得去呢間餐廳最難忘都係，收枱收勁快同不斷提醒你「夠鐘啦，去櫃檯比錢」係無人等枱同未收工既時候，我真係唔知佢地點解要係咁催人走，煲個啲都收晒，放低張單講一次、係食梗雪條個時又講一次、岩岩食完雪條又講一次，係咁催。煩唔煩趕客野食係好一般，牛肉都正常既，豬肉就無豬味。雪糕又唔加，得返啲底個啲🤢見到都唔開胃荃灣咁多日式火鍋，一定唔會再揀呢間。清潔都唔得囉，成個地下都痴笠笠，碗都唔係好乾淨。

今日同朋友行下荃灣，發現呢度有間新開日底火鍋放題喎呢度好新淨，環境乾淨；我地都係掃qr code落單order肉類食品，其他全程自助，岩曬而家疫情關係唔洗驚同人咁多接觸又想食火鍋就岩曬 我地簡左D2 set, d 牛小排好正！食到我地係咁加，呢度仲有好多野食 ，海鮮仲有青口，蠔，白蜆，扇貝等等！都算多選擇 不過我就覺得其他肉就無牛小排咁正，豬肉一般，羊有小小臊味，所以我地都係咁食牛多 另外蟹棒不錯，十分長身，唔係其他店果啲成舊粉咁樣食完仲有movenpick icecream 做dessert 就好完美咁食完呢一餐飯 我覺得都可以用牛一比，相當唔錯，想打邊爐又唔想成日食牛一可以試下呢間

終於可以打邊爐啦！海之戀 GYU GYU 新店開幕一星期，梗係要嚟試吓！星期六 6 點嚟食都已經企滿人，等左5 分鐘可以入座，入座前要揀定湯底同要邊款套餐，今次揀咗晚市放題套餐90分鐘，澳洲產長期穀飼牛放題套餐 $238 成人一位。我揀咗牛牛秘見鍋，即係 sukiyaki ，牛同豬都係任叫任食，都算係靚同新鮮飲品都係平時去開嘅一樣，有唔同類型嘅汽水，韓國汽水、啤酒、烏龍茶都有！仲有熱茶提供🍵 比較特別嘅係佢有蘋果汁、橙汁、同金桔檸檬汁，我試咗橙汁，佢似乎係新鮮榨嘅，因為唔係平時飲嘅”果x先生”咁甜 😅 蔬菜類超過10款，其中包括紅心蘿蔔，係我覺得比較最好食嘅，好爽口，切得薄，打邊爐快入味。肉丸類都有八款，其中長蟹棒好吸引！！另外喜歡食雞嘅朋友都唔駛擔心，出面配料區係有雞嘅👍🏻 仲有熟食兩款、同埋有咖喱飯甜品方面就供應，有movenpick 雪糕，有三款：雲呢拿、朱古力、士多啤梨，另外今日仲有抹茶雪糕添 🍦整體上食物都唔錯，只係服務方面，都未夠鐘，幾個侍應已經好快咁執晒枱面上面嘅嘢.... 就有少少唔太自在咁，未到90 分鐘其實我都已經埋單 🍲