牛涮鍋 (已結業)

很久以前便想試吓這裏的火鍋放題, 但很多時都因太多人等位而作罷, 今天因為遲了出來吃飯 (差不多三點), 很肚餓又沒人等位, 便終於可到此一試了 午餐有半放題 (一碟肉另加配菜任食) 及全放題 (肉和配菜任食), 由於很肚餓, 便選了 $98 的全放題 在等待湯底的同時, 便先到配料區選取配菜, 其實選擇不是太多, 只有兩款菜, 金菇, 冬菇, 三款丸, 豆腐, 烏冬等, 但都很新鮮和味道不錯; 肉類 (牛肉和豚肉) 則是由侍應供應, 吃完再添, 由於很薄身, 只需稍涮便可進食, 肉味不錯, 很好吃~~

昆布／豆乳 鍋！！評：8／10，我比較喜歡清一點的昆布味， 豆乳滑，味淡一點。綠茶NOODELES！！有特別食物，魚蛋芝士，好好味，小心燙舌頭！！！十一月平均每一個星期有一天HOT POT （在家／在外）， 其實都不是很冷，人總喜歡少少凍就起喜歡一GROUP 人HOT POT日式HOT POT今次，在CWB選了呢間， BOOK左台。專門食牛肉！！！ 我是食肉王，三人中我自己幹了三大碟，和她們兩人SHARE了大約六碟。又有任食新鮮VEGS！！！加埋大概$180﹣190 位都好滿足甘多CHOICE， 服務小姐都OK，係最後兩碟牛出得比較慢。總評：7.5 /10

第一次晏晝打邊爐, 好heavy, 但又真係幾抵幾好食今次揀左泡菜湯底, 辣辣地幾惹味, 啱曬唔食得太辣既我食得多牛肉, 轉食豚肉原來都係一個唔錯既選擇, d豚肉既肉質都幾嫰, 下次繼續encore先最鍾意食呢度既烏冬, 好彈牙好好味, 芝士丸都係my favourite, 一咬開d芝士漿就湧出黎, 濃得黎又唔膩P.S. 而家做梗買3送1既優惠, 4個人去食, 除返開都係$50一個咋

今次食左sukiyaki湯底 甜甜的 令到所有既食物都有少少甜既味道order左豚肉 雖然係叫牛涮鍋 但佢d豚肉都不錯好嫩滑 再加埋酸蘿蔔加豉油 味道一流反而我就唔喜歡牛肉 可能係lunch太平 d牛肉真係麻麻另外d配料好新鮮!!!!!有好多菜,,菇,,粟米,,年糕........湯底再加烏冬 飲品雪糕都係任食 食到十分飽!!!仲要好鬼抵食呀 今次有買2送1既優惠呀~~

係附近返工，就約埋同事去世貿ge 牛涮鍋 黎一個 lunch shabushabu 一個鐘 ge 午膳放題時間 對於我地依d 返工一族黎講 就岩岩好la~~~一款肉類 加 一款火鍋湯底, 以及雪糕飲品加其他丸類任食, 只需要 大概 $60 蚊,, 經濟又實惠肉類方便就有豚肉，牛肉以及混合肉揀，因為本身唔多好牛肉，所以我就揀左豚肉la,,,,湯底方面，就揀左泡菜湯底....唔係太辣,, 很香~~~~一碟肉 有成十幾片，對於女生黎講 係剛剛好, 對於細食ge 女生甚至有多tim ar!!!豚肉食落口幾滑，有鮮味，唔錯唔錯自助吧ge食物種類唔算好多，但勝在質素好，每款食物都好吸引，好好味!特別推介粟米，鮮甜多汁... 仲有芝士丸，芝味濃郁，芝士多到流出黎.....以及打邊爐唔少得ge烏冬...到最後，當然一定要食番杯雪糕 涼番下la總括黎講，依餐食得好飽，好滿足，午餐黎講，食得有d 太over la,,, haha

平時都有同女朋友食開牛涮鍋架啦....不過自從旺角舖開左，就好小到銅鑼灣呢間食啦~時隔半年左右黎到呢度再食。冇諗過食完會BLACK LIST 第一次開POST 就係呢間....真係忍唔住，唔打唔得好啦...去返正題星期六...六點九去到，等左四十五分鐘先入得去，心諗，咁快既，平時最少成粒鐘。照例入去之前叫餐啦~一睇，加左價喎，同埋旺角一樣任飲汽水跟住個門口小姐就同我地講，價格反映牛肉既質素。我都係第一次聽到咁講。不過點都好啦...都係叫最平既壽喜燒以前食過上級同和牛，我覺得除左第一碟係特別好食之外，之後上既都差唔多，所以叫最平算。一黎個時，就好興奮咁落牛肉啦，點知一食落去.....咦？咁UN既.....第一碟黎架喎，咁差既。之後好難咁先食哂第一碟。試多半碟啦。今次完全唔UN啦...只不過因為D牛肉仲肥過任食既肥牛，有超過一半係肥肉...得小小既牛肉。對此，我對呢間野完全失望啦。平時2個人叫4碟以上既牛，今次碟半就收皮。雖然話係食最平o者，都冇理由食得仲差過德X既任食火鍋架。我黎食牛架。唔叫牛，點解仲黎呢度食。雖一係呢度食係比其他地方好食既，係豆腐同埋配料辣蘿白蓉。豆腐由以前切開3件變成

今日一起身就想打邊爐, 但夜晚又約左人食其他野,所以決定lunch去食牛涮鍋既shabushabu!!!我地去到門口已經聞到好濃郁既打邊爐味道~~我叫左個豚肉鍋, 同事就叫左個牛肉+豚肉既鍋,我地都係要左泡菜湯底..咁個鍋同每人一碟肉一黎左,我地就出去拎配料,有幾種菜呀,丸呀,菇呀,蘿蔔呀,豆卜呀,粟米呀......雖然唔全貴價或者好特別既野食,但咁既價錢有唔少選擇,已經out of expectation la!!!!!.最推介就係芝士丸,因為唔係平時正方形果隻,係圓形勁芝士的!!!仲有,個湯底雖然話係泡菜,但其實都唔太spicy,但幾香!!!好開心仲有汽水飲tim,嘻嘻......我地打下打下仲拎左少少麵,不知不覺就feel到飽,最後再食埋幾球雪糕,就飽到真係食唔落lu!!!!食到攬住個肚,每人都只不過$50-$60,真係抵到不得了!!!!!唯一不便既係食到好大陣味,一邊行都仲一邊聞到,返到公司個個都知道打完邊爐looo~~~~哈...

星期日中午，大約一點左右，跟男友黎試試牛涮窩！點上的是最平的壽喜燒，可以食盡牛及豬的那款！一百元一位吧大約！捧上的牛肉及豬牛，色澤上都比起另一間競爭對手的更好。而且同樣是任食！中午任食時間較點。無計錯的話是一小時！壽喜燒即係所謂的甜豉油湯底！及後可選加甜豉油或加清水繼續滾！由於中午關係，可選的自助食材不多！但也夠我食了！最喜歡之後才有的一尊尊的滑滑白豆腐！

今次講既係呢間： Mou Mou Club 響銅鑼灣世貿，夜晚去食既話成日都排長龍，所以我試到既時間係星期六中午，不用排隊、不用等位！仲可以坐落地玻璃側既枱，意外地都幾多外國人食架喎！ 有西人，韓國人都有！睇下餐牌先： 雖然店名叫牛涮鍋，但好似豬好食D喎，火鍋配料係任食既，而主菜你可以選任食or 單點。價錢係咪平到你唔信呢，任食火鍋配料+一碟肉先至收你5X至6X，要埋任食肉類先1XX！不過其實除非你係食肉獸，唔係一個女仕食配料+一碟肉其實都超夠！ 我地3個人，就2樣都試下：豬及牛，所以就叫$53 豚肉、$57涮涮鍋同$57混合涮涮鍋。望到D肉唔係酒樓任食咁肉酸既，雖然我已經唔記得邊碟係豚邊碟係牛。呢度食唔知點解豚肉係好食D架，豚肉薄切左，所以都係淥一陣就熟，但口感滑過牛嫩好多，牛就有D鞋！ 但一碟份量肯定夠一個人食啦！ 相上有混合涮涮鍋既一碟肉 到配料，幾十蚊你當然唔好唸有咩勁野，但一般既菜（有3-4種)，有丸、蒟蒻、栗米、菇類（有幾種）、豆腐、冷麵、手打烏冬、炒飯等。 甜品就係有雪糕既。 連加一都係六十幾蚊，雖然限時，但以午膳黎講都時間好足夠既，抵食！

一向都有食開ｍｏｕ　ｍｏｕ　ｃｌｕｂ的ｓｈａｂｕ　ｓｈａｂｕ，　今次想試吓食ｓｕｋｉｙａｋｉ。我同友人，　無訂坐，　晚飯時間，　等咗１５分鐘。我地叫＂＄１５８的上級壽喜燒 (上級進口牛肉)　＂由於係ｓｕｋｉｙａｋｉ　所以每人會有隻蛋另外，　ｓｕｋｉｙａｋｉ唔同ｓｈａｂｕ　ｓｈａｂｕ，　ｓｕｋｉｙａｋｉ只食任食牛，　係無豬的。ｒｏｕｎｄ　１　牛肉ｒｏｕｎｄ　２　牛肉感覺上ｒｏｕｎｄ　２的牛肉靚好多。可能我地食得太多配料，　所以２碟牛已經ＫＯ咗我地。。哈哈。。。食物：牛都仲ｋｅｅｐ到水準　，　自己攞的配料都好多，　同埋都有Ｄ新野。ｓｅｒｖｉｃｅ，　個人覺得女侍應好過男的，　因為女的比較勤快。ｒｅｆｕｌｌ汽水、ｒｅｆｉｌｌ湯是快的，　但收走＂吉＂的牛肉碟，　唔會主動問你添唔添牛。

近年日式火鍋興起...感覺比中式的來得乾淨令人食得放心...而且格局通常比較高級...世貿這間一樣如是...自助吧放在店的中央...拿取食物甜品來得方便...自助吧種類非常多...而且後段時間不停加料和出新種類...如迷理墨丸 炸魚肉等便是...是次湯底選了泡菜湯底...肉類因為貪心關係選了牛豬配...其實雖然看上去肉片數不多...但自助吧的份量足以彌補...無限肉跟本吃不消...泡菜湯底味道不太激...反而帶點酸酸的非常開胃...想不到60分鐘很快便過...但侍應生好好人話非繁忙時間會批准繼續進食...而且汽水也是不停添飲...收碟也非常快...整體來講非常滿意!

日本、台灣、到香港初到新宿牧場吃Shabu Shabu，已是十多年前在東京工作的日子了。這在東京是家連鎖店，所以當我倆重遊東京，為避開朝聖的港人，特意走到了池袋車站附近的分店吃。最叫同伴難忘的是春菊；當時不知其出身，後來吃過皇帝菜才知系出同門。後來Mou Mou Paradise開到了台灣，在那兒也吃過好幾次，但總覺得出口的沒本土的好吃。再後來香港也有了，自己覺得再差了一層，可能是因為把配料放著任取，不及本店推車服務的企理。最近把她的$100優惠券剪存下來，這天是最後了，同伴建議去世貿的分店用掉它。食豪啲！既然專程到來，又有$100墊底，不如這次要和牛吧！雖然任取有時是比較messy，但不能否認Mou Mou Club的部份配料是相當不俗的，例如丸、腐皮和蕃茄。但蔬菜普遍不夠新鮮，打了折扣。為了健康，我們都先吃份量不少的蔬菜，才開始吃肉；但絕對是留頭鬥後！和牛成本不菲，把牛肉用機切成紙咁薄是可以預期的；這也減少灼的時間，也令它入口更嫩滑。而因和牛有大量雪花，灼完後仍是入口即化（全因夾雜脂肪，纖維不綿密之故）。即使疊起好幾層一同吃，肉質仍是軟綿綿的；跟柚子醋和蘿蔔蓉混著吃，更是口感清爽而

趁住未係好熱，同個friend去打邊爐，之前次次都係去酒樓，今次決定試新野去食shabu shabu我地兩個人七點左右去到，已經開始等緊位喇，不過好彩唔算多人，等左3個字就有位喇我地叫左個最平o既涮涮鍋，有牛肉同豬肉兩種，望落好似幾ok咁牛肉就好似好食過豬肉，雖然呢個係最平o個個餐，但係o的肉都ok呀，$118黎講佢算係幾好食架喇湯底方面我地叫左豆乳同昆布兩款，豆乳真係好香豆乳味，好真材實料；昆布就清清地，o的牛肉就更加鮮味另外o個度有o的好日式o既配料，都好食架，有年糕、蒟蒻，好特別架除左肉同配料，仲有埋汽水任飲，雪糕任食，真係幾抵食

2012年02月23日晚上9時，本人及其餘7位朋友到貴集團所屬的牛涮鍋銅鑼灣分店。由於8位關係，知道牛涮鍋其中兩條預約規條，第一，不接受8位或以上預約訂座，第二，如人數不過半數將不獲接待進內用餐。但令本人深感不滿，接待員安排入座坐時間及位置非常有問題﹗8位朋友，竟然安排我們每4個分開坐，原因是沒有合併枱。由9時開始已經要求合併枱，但要等到10時才能進餐，但期間令我意外的是根本沒有意欲要留合併枱﹗我希望你們能檢討預約規條及員工態度TRAINING。

前陣子天氣驟降，即使在中午也想吃熱騰騰的東西來把胃暖一下。趁著和同事一起放半日假的日子，便到Mou Mou Club吃火鍋，一解寒意。午市的Mou Mou Club比晚市抵吃，連加一只需七十大元，牛肉有一碟，配料、汽水和雪糕都是任吃的。更適合食量較少的同事或愛好吃菜多於吃肉的我。湯底我們選了泡菜湯，因為上次試過海帶湯感到沒甚特別，好像只有丁點咸味而已；但泡菜湯不但有陣陣辣香，與年糕和烏冬都是絕配！我們叫了一個牛肉餐和一個豚肉餐，都是普通級的。始終一碟只有十來塊，吃吃算了，質素也不會差太遠。吃配料才是我們的"主菜"！配料選擇挺多；生菜、菠菜、娃娃菜夠新鮮，粟米飽滿清甜。另外金菇、蘿蔔都是靚貨色，讓人一夾再夾。我最愛吃Nou Mou Club的油揚，是日式的豆卜，盡吸泡菜滑的精華，好味道！雪糕是維記的，今次有朱古力、芝麻、雲尼拿和豆腐口味。豆腐是我的最愛，吃了三、四球呢！若午後有空，幾十元來涮一涮是一個不錯的選擇。