牛気 (將軍澳中心)

营业中

休息中

晚飯時間和老婆在商場揾食，見有新開日式牛肉放題取票一試。在知客推介下選了$348 一位的澳州和牛海鮮放題，豬骨湯底，等了一會和牛到了，一試下發覺和牛完全不像牛肉，再點牛肩及小牛排，豬肉片等，也是沒有肉味。正常舉手投訴，隔離檯的食客搶先投訴，問侍應到底是咩肉，但連侍應也分不到是什麼肉，草草回應幾句後立即走開了。如此劣質的食物及服務竟然也會在香港出現。另外免費飲品的種類也不多，沒有啤酒，以這個價錢可有更多同類而且優質的選擇。

今日中午去食牛氣之前已經食過一次晚市幾okay所以一路有條癮好想再try try haha所以今次就試下佢個lunch set佢係有分兩款lunch set一款係平d 淨係食60minutes 而肉亦係限左100 gram only 姐係每樣得一碟咁上下 都係照可以用自助吧我同朋友就一個人叫牛小排 一個叫和牛 試左兩隻之後我反而覺得牛小排比較適合我食 我比較鍾意食d嫩口d嘅肉 而美國豚肉都好好味自助吧嘅嘢食都幾豐富 係呢個價錢來講 應有盡有

呢次係我第一次寫食評，如果表達得唔好請多多見諒。今晚一家大細去左呢間餐廳食飯。未入去前見到餐牌上都有好多不同選擇，而且見到店內亦有不同區域，不同種類的食物提供，都覺得應該唔錯。但係一坐低食就發覺個湯底比較淡，食到後期直情係無乜味。食物質素都尚算新鮮，但如果以呢個價錢黎講就真係唔太值。最大問題都係服務既質素，雖然我覺得佢地既員工都好努力回應我地加單既要求，但唔知係咩問題令到我地落既單真係遲左好多都比唔到我地，就算黎到既單都黎唔足。對於一間要求客人限時放題既餐廳，咁既水準真係不能接受。下次應該唔會再選擇呢間餐廳，因為同一個價錢可以有其他好多更好既選擇。

在炎炎夏日，星期日可以慢慢享用90分鐘午餐放題是另類消暑活動。我選了最基本的牛肩+豬+雞套餐($188)，午餐有減$40優惠，當然加一以正價計算的。牛肩正，一路加追。可豬也不錯。我除了取菜和飲品外，很少去外面放題區，那裡其實也有少量熟食的，可以自由選擇。服務員很好，有禮貌勤力，總體來說，可以值得再去食的。

將中裝潢後好多新餐廳面孔，今次我地揀左打邊爐。。。牛氣呢間鋪入面勁大勁多位，雖然係咁，但門口長時間都係有人等位，所以應該唔差呱。。。我地平日晚上6:30食，食入門版牛，即係至平$178嗰款，門口姐姐話呢種牛會比較”鞋”，我地話冇所謂照試，不過當牛送到枱時，見牛嘅色澤都靚，有脂肪而且分佈平均，食落去都可以，湯底係sukiyaki...服務ok，每次叫牛都好快到，冇漏單，每次泥嘅牛嘅質素唔會太參次！呢間飲品，甜品 選擇都好多，仲有熟食提供，但葡撻就唔建議食Like 專頁有movenpick雪糕

食物質素一般 選擇比同樣價錢既火鍋吧少好多 全部看似係日本食物但係係物質素唔好蔬菜只有兩三款 湯底唔夠濃似水般如果用咁既價錢食依個質素真的比較差唯一可以講既係裝修環境唔錯希望可以有所不同

6个小朋友去吃自助午餐，入座时，侍應當小童計，结賬时又話是大人，十分差，如果入座时，說是成人計，那么他们也不会点貴那款，结果吃完结賬时才說是當大人，差了有400多元，真心不好，小朋友一心，开开心心慶祝生日，变得不开心，

今天晚上來試下，室內的氣溫熱到不得了，門口近取食物的位置正常好多，飲品又唔凍，真係唔會再來，熱到食唔到，侍應話同商場已經有傾過，但都係改善唔到，所以我諗都改變唔到。

新開左一個月左右，見到個環境好似唔錯就入左去試上點知整個用餐過程簡直係惡夢!發誓呢間野無!下!次!為左大家著想寫第一篇食評警世, 唔好中伏。1. 食材衛生欠佳- 菜只係淋濕, 無清洗乾淨有泥沙當晚提供生菜同娃娃菜兩款比食客, 拎左少少返黎已經睇到有菜葉上仲有好多黑色同泥無洗走!- 食材種類多, 但係長期有烏蠅陪你一齊食見到d烏蠅食過既食材, 你夠唔夠膽食? 店員見到咁既情況都無趕過d烏蠅.....食完第2日唔肚痛我已經好感恩2. 桌面設計問題用餐張枱太細, 而個鍋又太大, 根本唔適合個爐。比例問題大到其實唔能夠控制個爐, 制都按唔到!班店員唔識搞, 由於個鍋太大好難受熱, 導致好多枱客個鍋搞成20分鐘都未熱90分鐘用餐時間入面:20分鐘搞個爐, 60分鐘截單, 其實得40分鐘叫做食到野3. 服務災難級- 亂加湯底  本身加左錢要兩款唔同湯底,  侍應加湯既時候完全無睇過就咁將d 湯亂咁加,   結果兩邊湯底溝埋哂一齊, 難食到一個點。-無人執野 上面有講張枱太細, 基本上拎多少少食物已經無位食野  最勁既係店員長期失蹤, 無人清理  附近既食客唯有自行清理, 出去拎食物既時候放d 碟同

火鍋精的我又出動，今次試這間。不知是否新開，環境十分乾淨企理，又沒有銅鑼灣店那麼擠迫多人，好好坐。火鍋配料款式都多，還有沙律、小吃提供，不錯。我們選擇了$238的套餐，牛肉質素頗高，還有雪糕提供，是日味道是藍莓口味，都好味！

新開左火鍋店，最適合我這些食肉獸去試食！滿心期待book了位，7:30入席。叫了鴛鴦鍋，一邊是豬軟骨湯底，一邊是麻辣湯底。肉是ok的，看到肥牛的紋理也很開心，肥瘦均勻，入口不算太un, 可是也不是入口即溶的那種,小小「鞋」口，豬肉切得非常非常薄，看看圖片也知道，沒有很大豬蘇味，可能因為切得非常薄有關，吸了湯底後沒有蘇味。蔬菜種類也有很多，豉油辣椒等等也是放在吧枱任取，任食火鍋來算也是很不錯。上肉速度還好，年輕侍應態度也不錯。可惜，湯底十分咸，不論是清湯那邊還是麻辣湯底那邊也是非常非常咸因此我們喝了非常多飲料解渴！整體來說可一試，但不會再食了。

將軍澳中心商場經過翻身後開了很多新食肆，牛気是其中一間不錯的日式火鍋店。今午一行四人來到此店，揀選了限時一個鐘的午市火煱，三份美國牛肩肉套餐和一份美國豚肉套餐，肉類質優嫩滑，湯底是蕃茄濃湯。配菜選擇頗多，有生菜、娃娃菜、各式菇類、粟米、魚蛋、牛丸，豆卜等.....除了火鍋食材，還有壽司、和牛炒飯、咖喱牛肉飯、湯、各式迷你甜點，唯一缺點是時間有限，吃得有點急趕，埋單每人平均$113，相對便宜，享受了一頓美味的火鍋。

牛氣 日本牛氣涮涮鍋物(90 分鐘）有唔同套餐唔同價錢，我哋選擇最平 *嚴選美國肩肉放題* 成人$178 小童/長者$138 另加1服務...我哋試咗四川風麻辣湯👍🏽 聞落去好香，但食落去唔係話好辣少少麻環境設計唔錯 座位空間闊 自助區選擇種類多 可惜坐咗一陣已經出晒汗 出住汗打😓..肉類質素發揮正常 特別牛肩肉唔使點醬都可以有鮮肉的味道👍🏽 ..自助區食物質素👍🏽雖然種類多例如壽司 熱食 火鍋料 飲料 。但係中場時間好少員工添加食物 ..生啤同清酒要另外收費😭 ..特別一讚👍🏼佢哋自助吧嘅雪糕櫃係白兔糖味道但可惜好快溶同埋雪糕冇匙羹可以喺附近拎🥺..地址：牛気 (將軍澳)將軍澳唐德街9號將軍澳中心1樓140-141號舖 ..好味程度：😍😍😍（5😍為滿分）