牛極 (雅怡居)

营业中

休息中

餐廳門外同內裝潢都滿載有日本風情，一個個橫額//燈籠🏮高高掛上，主打自助速食黎講，環境幾舒服。同時牛極都有不同既優惠活動.... 呢d開心價讓一眾街坊受惠不少。今次我地二人選左牛柳200g （$110); 及牛肩排180g($80).. .. 係等候期間.. 我地係自助Bar 到拎沙律🥗// 飲下湯先... 呢個湯（羅宋湯）真係好足料，大量牛/蔬菜，茄味十足😋飲完湯；一碟碟牛隨即呈上我眼前；底層用石板坐熱，上層用廚房紙巾cover 住，盡量避免油四處彈... 算係幾貼心... 由於上碟時，牛排🥩未曾煮熟，我地可按照自己喜好，再自行係石板加熱到合適才進食。呢個價錢食到呢塊牛，係幾底，未算係入口即溶，但脂肪比例好；牛唔「un」又有牛味.. 真唔錯既...

話說之前食過一次日式鐵板燒牛肉，一直都念念不忘，好想返去再食多次，於是就去搵下，而近半年開始出現左一個連鎖嘅燒牛肉鋪頭，叫做牛極，所以就去試下喇。今次我哋揀咗去深水埗嘅分店，都唔算難搵嘅。今次我哋揀咗牛肩扒同埋牛柳。我哋叫咗300g，同時間邊間鋪嘅好處係所有沙律，湯，同埋飯都係自助形式嘅。沙律方面，可以畀你加日式醋汁，或者係芝麻醬，食落都幾清新同幾爽。麵豉湯都係任裝唔嬲，味道都幾濃郁，而且都幾足料，有唔少豆腐喺入邊。同時呢佢都有啲醬汁比大家一點燒牛肉，包括有辣醬，蒜蓉，同埋普通嘅醬汁。主菜上場喇，呢個係牛肩扒，職員話上碟嘅時候一成熟嘅，然後大家想煎到幾熟，就自行煎熟佢，呢塊牛扒食落都幾有肉汁，尤其加埋蒜蓉食就更加好食。另外點咗一份牛柳。牛柳嘅肉質好明顯係比牛肩肉嫩滑，而且都幾腍身，雖然價錢係比牛肩扒係貴少少，但仍然都係值得推介嘅。總結，呢度嘅牛扒真係幾有質素，而且十分抵食，仲要配上半自助餐形式，誠意邀請各位牛魔王嚟試下。

黎到深水埗梗係要試下佢呢個新式既食牛方法～逐gram計既鐵板牛呀佢d裝修都幾乾淨衛生，枱面寬鬆，放到個扒之餘，仲有位放d碗呀之類。落左單之後，RM咁洗唔洗等好耐就有得拎，d扒之之聲咁，真係好正，見到都胃口大開呀。d扒質素都算唔錯，食得出唔係d鬆肉粉整過既扒，外面亦都無一層白色既野（鬆肉粉既殘留），係原汁原味既肉扒黎，而且逐gram計錢好公道，唔洗出面咁，比左錢，都唔知佢比既份量係幾多，要成日估下估下咁。另外，佢d調味都好充足下，有靚既海鹽，仲有即磨既黑椒粒，個人認為牛扒只需要呢兩種調味就足夠，再多反而食唔到牛原本既味，浪費左隻牛。好似d燒汁呀之類，本人就唔建議落喇。大食既朋友仲可以任食飯同沙律，真係幾唔錯。

Gyuugoku Stone Grill Steak is a stone grill fast food restaurant . You will be order by the auto machine . Steaks are served within 5 mins .Self-serve area (all you can eat) includes salad bar, soup ,  rice and sauce.  There are 5 different parts of the steaks for options. Tenderloin 200g  $110It is very delicious , tender and juicy . Very strong taste of beef too .  Stone grill is hot enough to let it cook naturally to your own standard. Top Blade Muscle 180g  $80It is much cheaper and better q

長沙灣區的一個唔錯嘅選擇⋯⋯入到店舖，有位同事負責講解，引導你選擇食物，飲品🥃就價錢計，豐儉由人，最平牛肩只要$80，貴嘅去到$350都有，可算合理，而且包飯、湯、日式沙律，全部自助任食😄所以客流量非常高😉我地揀左牛肩及牛柳，加左罐佢地同事強烈推荐嘅白桃汁，二人只需$260，唔洗加一，呢口價你懂的⋯⋯抵😆留意：如果怕太生，建議早D切開，佢哋只在㕑房處理至1成，由食客自行視自己喜好燒熟牛肩$80牛枊$160，大大件厚切，抵食白桃汁$20（叫其他都要$15）所以呢個值得沙律、飯任食（我地就食左2碗沙律）

在黃金買完野之後，喺附近搵嘢食，上網搵到呢間專食牛嘅餐廳，於是行15分鐘過嚟。餐廳設計同日本一樣，門口有個自助落單機，揀咗要食嘅嘢之後俾錢出單，侍應就會將啲食物送上嚟啦，有落單到食物上枱都唔使10分鐘，服務快速晚上九點有效率！沙律、餐湯同白飯都係自助形式，唔夠可以無限添加。佢地亦寫明如果燒嘅時間太耐，石版唔夠熱可以更換。叫咗一個180克嘅牛肩（$80），在上枱時只有1成熟，之後自已在石板上燒，想燒到幾多成熟悉隨尊便，我試過由四成熟開始去到八成熟，啲肉依然唔會韌，牛肉味亦濃，配合海鹽食最好，但係加辣醬都唔錯。另外點200克牛柳（$110），可能係牛嘅部位唔同，眼見牛柳比牛肩大左都超過兩成，牛柳的肉質比較淋，嫩滑一D，牛肩肉質比較結實，我個人鍾意食牛柳多啲，5-6成熟食係最好。以呢個價錢來講性價比真係高。

今日做到3點幾先食晏，🤪餓到眼光光...內心的食肉獸🧛‍♀不斷作出呼喚，🔪把心一橫...📣我要食鐵板牛🥩!之前👀見牛極門口‘熱石牛’嘅相，加上架日式自助售餐機，已叫我蠢蠢欲動👉🏼👈🏼！今次我食咗牛肩排 180g, 呢個係入門之選，80蚊已包～食之放題，即是菜絲沙律🥗、湯、同埋白飯都任裝🤘🏽，啱晒大胃王！雖然係入門版，但肉質夠嫰夠牛味🐂，而且自己用石板燒🔥，一次過食晒5成、6成同7成，😼過癮又好食！朋友就食牛柳 200g , 肉質瘦D 呈拳頭狀👊🏼，最啱厚切燒成外焦內嫰，適合喜歡食生D🥩嘅朋友仔！餐廳亦提供多種配料，岩鹽、黑椒、蒜蓉、燒汁…確係點整都得！#又想起了‘熱石牛’熱辣辣、吱吱響的樣子🤤

今日又同男人去食石板牛，餐廳位置都算比較易搵，係正宇宙商場對面。門口都算搶眼唔會搵唔到😂Menu有將貼係門口度，同男人諗好食咩要幾多g就行入餐廳入面，一入門口右手邊就有自助售賣機，但只提供現金付款😊之後幾張單交俾店員就會安排你入座黎度有一個自助吧，湯、白飯、沙律都係任食！座底左之後唔夠10秒就即刻起身去拎沙律食😂今日既餐湯有日式牛肉湯，沙律醬就有柚子沙拉汁同胡麻沙律醬揀；而牛扒醬汁都係自助既，有燒肉汁、蒜蓉同辛味燒汁，另外枱面仲有岩鹽同胡椒粉主角就要登場啦！牛肉放係熱石上面，為免油煙會彈到，所以會用一張紙cover住個牛扒，等待好時機就可以開餐啦，自己燒既好處係生熟度可以自己選擇😉另外如果擔心有好大油煙味，或者擔心油煙會彈到，店家都好貼心準備左一次性圍裙牛肩排(180g) $80(美味指數: 😋😋😋😋)新將期肉做緊優惠，180g既牛肩排厚度都好足夠，性價比高👍上面有幾粒炸蒜，加粉少少岩鹽就已經足夠提升肉既鮮味。而肉質彈牙，牛肉好香肉咪濃郁牛柳(200g) $110(美味指數: 😋😋😋😋)牛柳肉質比較鬆軟鮮嫩，煮到到3成熟，入口即溶仲食到肉汁😍😍(5分為最高)整體食物質素：性價比：推薦指

朋友同我講原來香港開咗好多呢啲石燒牛扒嘅餐廳，第一次食，大鄉里出城！呢間鋪頭嘅位置喺深水埗同埋長沙灣之間，如果搭地鐵的話就不算太方便。鋪頭坐位都幾多，寬躺。入去成個流程都係自助式，落order有部類似日本買餐嘅機，就放喺門口，真係好有日本感覺啊！前菜、沙律、番茄海鮮湯、白飯等等都係自助形式去拎，換言之係任食！😍對於養生嘅我來講，特別留意，佢經常都係檸檬水啊！美白去水腫一流。牛部位有五款以及不同size，不同食量的男仔女仔可按自己胃口跟喜好落order。今次我點了牛肩排180g $80 & 牛柳 200g $110。 牛扒上菜時已經有三四成熟，熱石溫度高，很快會變全熟，正想問店員拿小碟，但係因為店員強調整個餐廳是自助形式，而且只有碗，所以食起上嚟有點麻煩！非常容易過熟！有幾款不同的醬汁，也是自助形式！不過試完味仍然覺得喜馬拉雅山海鹽是最好的選擇！牛肩排牛味濃郁，而且有口感，10分推薦！另外牛柳中間有一條很大的筋！影響口感，切起上嚟有啲麻煩，因為太難切的關係，過熟導致太乾身了🥺值得一提係餐廳有一次性圍裙供應，很貼心呢。

鐵板牛四圍都有，今日就去咗深水埗食呢一間叫做牛極嘅鐵板牛。同其他餐廳一樣都要先入去買飛，然後先至入座。佢有沙律啦、飯啦、湯啦、係任擺嘅。湯比較特別，佢呢一個係牛尾湯。唔似其他地方就只係得麵豉湯，真係有新意。咁今次就叫咗200 gram嘅牛柳同埋180 gram嘅牛肩扒，牛肩扒比較嫩。雖然話如果塊石板唔夠熱，可以叫佢換過塊，不過呢個石板影真夠熱，食到最尾都夠熱量！控制牛既熟度都比較易。係深水埗多野食中特出既一間！

深水埗 牛極餐廳主打日式火山石燒牛排，門口設有自助點餐系統操作簡單而且職員亦會從旁介紹基本上180g都已經好大塊，一個人都好夠成。餐廳仲有白飯任裝，羅宋牛𦟌湯任飲，同沙律任食，呢三樣都係自助形式，非常方便。我地就根據自己喜好，用熱石將牛肉繼續燒建議切細，令口感靠自己控制。牛肩肉肉質非常林好容易切開，更容易咬開，完全冇牛筋，好林好味道。牛柳比牛肩肉肉質冇咁林，但就比牛肩肉更有牛味，啱晒我都喜歡重牛味嘅朋友。脂肪相對較少但係肉質幼嫩軟腍而且肉汁豐富，大舊而且肉質柔軟油脂最為豐腴價錢亦合理，所以一定會再食推介⭐️⭐⭐️⭐⭐

今晚同男朋友食飯，我地兩個都好肚餓，上網搵下附近有咩好野食，就搵到呢間食牛既餐廳。今日同男朋友都決定食好d，所以我地一人叫左一份日本和牛。我叫左個日本和牛(赤身) 180g份和牛送到黎只有最外層熟左，之後可以自己切片再調較生熟度，食落入口即溶，完全唔會好韌。男朋友就叫左個日本和牛(富油脂) 180g呢個和牛就比起我個個更重牛味同比較有口感，切片既時候仲見到有少許既油脂流出黎。之後其他野都係自助同任食既，有沙律菜，有兩款醬汁畀你揀：胡麻汁同柚子汁。仲有湯同白飯，湯係日式牛肉湯，入面仲有好多紅蘿蔔、白蘿蔔同洋蔥，我自己就好中意個湯，所以飲左3大碗😋😋😋每一枱仲有岩鹽同黑椒畀你自己調味，整體都好高質，而且唔算好貴👍🏻👍🏻

鐵板燒牛喺日本流行左好多年，但一直都唔覺得香港有類似嘅鋪頭，最近呢段時間，切開咗好多間連鎖嘅自助鐵板燒牛👍🏻 今日早左放工，見冇乜人排隊就叫咗兩個餐試吓。呢間鋪頭係叫咗個牛扒，上枱嘅時候只有一成熟，自己決定擺喺塊鐵板到幾耐，就可以決定佢嘅熟嘅程度。另外提一提，湯同埋沙律係無限任加，自助形式。我地叫咗一個牛肩扒$80 （180g)同埋牛柳$110 (200g)，其實都唔係太識分有咩分別，牛肩扒食落去就係林啲鬆軟啲，因為牛柳我哋整左5成熟左右，所以都好好食。價錢黎講絕對勁高CP，又抵食又大份，不過成日都要排隊，所以可能下次擇少人d時段再黎幫襯😁

這家我已經食過幾家分店，因為食過第一次之後瘋狂愛上，想吃牛就會來這家的各個分店~~第一次來到深水埗分店，其實店的位置在長沙灣地鐵站附近，所以要來的記得不要去錯地方下車。和其他分店一樣，一入門就會見到售票機，點選好後付款，出票交給店員就可以。之後就選位置坐~這家分店比較大，所以座位是超舒適~!!因為除了主食，其他全自助式，碗和餐具都是自助~自給自足XD遇到問題，有需要就記得找店員幫忙~~沙律都是菜和車里茄的組合，可以選擇加芝麻汁或者黑醋~我個人比較喜歡的是黑醋~湯是牛肉湯，湯料很多，有肉有蘿蔔~這家的牛肉湯很好喝，有牛肉香味之餘，口味比較清新，不會很咸，我喝了好幾碗。飯口感適中，可以加海苔粉~非常有日式感覺~~我個人吃牛喜歡比較生一點。這家的牛以一成(Rare)熟度上桌，之後想要幾熟就可以按你自己需要而在石板上煎。主食今次都是我最愛的牛柳，牛柳的鮮甜感十足，入口肉汁超多，令人好滿足，加上非常厚身，所以不用擔心太快會被石板的熱力煎至全熟。老公點了牛肩排，同樣很厚身~非常喜歡厚身的牛排~~!!!牛肩的牛味較重，口感比較硬，不用煎太熟。用牛肉配飯真的吃得很快~~~有三種醬料可以配牛肉吃，分別是

係深水埗行街見到呢間幾特別食牛扒既餐廳，就同朋友一齊入去試但究竟！首先，食邊款都係係部機自己禁，再入錢去買飛先入座。唔識用都唔緊要，因為會有職員幫手。呢度既的牛扒來源地多，例如美國安格斯西冷、澳洲牛仔肉眼，日本和牛等。而且更細心地提供即棄圍裙，防止油脂彈污衣物。👍🏻👍🏻石燒牛扒，即是把大大件牛扒放在超過攝氏300度的火山石上燒熟，聽講更會令肉質柔軟多汁。牛柳 200g $110牛排墊係好熱既石板上面拎上枱，拎出黎時滋滋聲，聽到都吸引！牛柳好厚身，一成熟，上枱後自己可根據自己中意食既程度而煎幾耐。燒左個邊，鎖住肉汁！咬落去好稔！好多肉汁，好有牛味！靚扒唔需要點其他醬汁都好好食！牛肩排 180g $80同樣係一成熟甘上枱！呢個相比牛柳更有牛既羶味，咬落去都係無得彈，好好味！沙律任食個蕃茄牛肉湯好飲，勁多牛肉！價錢好抵食，勁多牛既款式選擇！有唔少價錢都係$100蚊到，值得一試！