牛扒先生 (新都會廣場) (已結業)

中午老細book 左枱請食飯，所以唔使等好耐就有位。一開始排沙律吧，可能節日食飯人多，排左半個鐘先拎到。沙律吧都多野食，有菜，螺絲粉，薯仔，南瓜，水果etc , 海鮮就有青口，蜆，蝦。啲海鮮都新鮮，但啲蜆有少少沙，同埋食落去有啲軟淋淋，鞋鞋哋嘅感覺，有啲奇怪。好多薯仔南瓜生菜，食完都飽左一半。叫左羊架，分量比其他餐廳少，十分細舊，可能為左cover 返沙律吧嘅cost la。之後有staff 拎住啲sauce,我問佢要左啲honey  mustard呢個真係無得頂！！係我食過最好食嘅mustard !!跟餐有甜品，好普通嘅cake 仔一件，唔多好食。b

因為決定得太遲, 所以已經book唔切位, 結果等左大半粒鐘... 自助海鮮沙律吧 - 有湯、蜆、青口、蝦、沙律, 都算新鮮~ 烤澳洲優質特嫩羊仔扒 - 好有肉汁, 又唔「蘇」~  英國車打芝士帶子焗釀波士頓龍蝦, 野菌海鮮汁意大利飯 - 賣相認真一流, 但同事話味道淡左d~ 檸檬 Mouse Cake (是日甜品) - 真係好麻麻... 即磨咖啡 - 完全唔夠熱! 

Finally, they opened a branch in Kwai Fong! I've been longing for restaurants of this kind in the district.Interior Design: I especially love their interior design. It's kinda like a jewel in Kwai Fong. To exaggerate a little bit, it really feels like I've entered a whole new world. I really like their wooden furniture, simple and classy. I once read an article in the newspaper, it says it's Boston-style. Yet I totally have no clue about it.Price: The price is not only reasonable but attractive.

座落於葵芳新都會廣場的Mr. Steak，開業大約兩個月，前身是走廉價路線的茜廊。餐廳分室內及露天區兩部分，現時12月的天氣，坐戶外似乎有點太冷。室內的位置，感覺則比較暗，靠窗邊的地方，裝了一排金屬吊扇，悠悠的在轉動。餐廳正中以天花的一排鎢絲燈泡及座地雜貨鐵架分隔左右兩邊，木條堆砌成的牆身，排滿了水樽，加上白樺木地板和瓷磚裝飾，很有外國大木屋的感覺。自助沙律吧的款式接近20款，除了旁邊的燒牛肉外，其他都可以選擇。週末的菜式比平日稍為特別，包括有豬蹄、雞脾菇配紅蔥頭黑椒碎、菠菜煮豆卜、青紅椒紅蔥頭配黑椒、藤茄、車厘茄、青紅蕷果沙律粒、炆薯仔、香草甜薯、南瓜沙律塊、沙律菜、日式豆苗、西瓜沙律醬等等，當中亦有最普通的罐頭菠蘿粒、及罐頭粟米粒。個人覺得當中比較出色的是薫蹄，味道不會太鹹，少少酸很開胃之餘，肉質很juicy不會太乾身，這個菜是平日的自助沙律吧沒有的。雞脾菇配紅蔥頭黑椒碎同樣特別，入口先是濃濃的菇味，後勁才是紅蔥頊和黑椒的辛辣，很有新鮮感。唯一比較不方便的，是店方沒有在每款菜式前加上牌子說明菜式名稱，我試過把同樣是黃色的炆薯仔和香草甜薯調亂和拿錯了。另外，南瓜的口感水水的，不夠粉嫩

早前10月份見Mr. Steak有團購賣, 立即買下, 因已幫襯過Mr. Steak很多次了, 很滿意他們的食物, 而且看見他們在 11 月份在葵芳將會開新店, 也是想試試這間新店的水準呢!  去之前早幾日已先訂位, 我們一行三人買了 2 sets Tea 餐, 一到步已經印象不錯, 服務員很好禮貌而且環境不錯, 感覺很遊閒, 之後遞了2張團購coupon比佢地, 佢地就送上Menu及解釋我們的Tea set有什麼食了, 很快食物已到了, 基本樣樣都很新鮮好味, 不會因團購而品質變差, 今次試食印象很好, 下次必定再幫襯上層: 日本和牛漢堡及法色鵝肝漢堡 -------漢堡包底很脆口, 和牛及鵝肝也不錯        焗田螺黑松露薯蓉 --------薯蓉及田累也很入味        芝麻脆蝦方塊--------真的又香又脆口中層  : 煙三文魚香草蕃茄包, 蜜桃鴨胸香草蕃茄包, 巴馬火腿香草蕃茄包 -----3 款味道及材料也ok底層 : 北海度牛乳布甸-------好滑好香牛奶味         咖啡忌廉泡芙--------ok普通味道         英國皇室朱古力餅------

難得好友黎葵芳搵我食飯~ 終於有機會試新開既Mr.Steak喇~  諗住星期四唔會好多人~ 點知早一日book位已經得返outdoor~ 見呢排晏晝都有太陽, 唔凍~ 就confirm booking喇~準時12點半到達~ 餐廳已有不少人~ 新食肆果然受歡迎~係reception講出booking之後~ 隨即有侍應帶位~ 唔洗等~ 讚~  侍應安排坐係outdoor最入果張枱~ (即商場樓梯側) 驚見一大架綠色垃圾車係隔離~ 好彩清潔工將佢拖走~ 但已經大殺風景~ 落完order後就去自助沙律吧拎沙律+湯~ 沙律吧款式比想像中多~ 而且大多合我心意~ 好快就裝滿一大碟~ 好滿足~  如其他食家所言~ 由沙律吧返埋位已見主菜"太平洋比目魚.八爪魚紅花忌廉汁" ($128) 係枱面等緊我~  作為餐廳~ 當然希望盡快將食物上枱~ 再做多幾輪生意~ 但咁樣做~ 完全冇諗過客人感受~ 一落單就即刻煮主菜~ 完全冇俾時間客人先享受沙律+湯~ 上菜時間控制方面唔合格~!!   初時諗住先食熱既主菜, 最後先食凍既沙律~ 但諗落又怪怪地~ 最後都係順序由餐湯, 沙律, 主菜進食~ 蘑菇

朋友生日，我地去了這新開不久的餐廳吃飯慶祝。見午餐menu都幾多選擇，價錢由$88至$288，豐儉由人。因為朋友是主角，我就建議他吃龍蝦意大利飯，我就叫了比目魚而另一位朋友就了牛扒。menu上可選擇自助沙律，但我們三個都叫了煙三文魚凱撒沙律。這午餐還包括餐湯，今日是薯仔煙肉碎湯，及甜品，焦糖mousse cake.總括來說，味道ok,只是餐上附送的炸薯餅比較乾及油膩！待應服務態度很好，餐廳播放着柔和的音樂，氣氛輕鬆，很值得推介。

甜魔媽媽復工後，真是忙碌得很，其實也是過了才記得，原來上週四就是感恩節啊!! 雖然返工的日子生活過得比較平淡，最巴閉已經是去Mr Steak食lunch了，不過簡單的生活也是值得感恩的生活，今晚也來一記。 上次忘了影門口相，今次補影+補貼一張；其實這個位都幾邪的，先後轉了不知幾多手，意粉屋、Asador, Sidewalk...希望Mr Steak做得住啦~ 又，這天除了CEY的組合，還加上Vivi公主；三個女人都一個墟了，四個女人聚頭更加是超級無敵非常極之....熱鬧!! 上次抱著妹妹沒有去影沙律吧 (沙律也是CE代領的)，今天一定要補影+好好感受一下自助沙律吧。午市的自助沙律吧只限領取一次，不過學Vivi公主話齋，其實侍者百忙中根本沒時間留意食客取了多少次，想再添食不是沒有可能呢!也講講沙律吧的選擇：紅腰豆、粟米、甜薯、薯仔火腿沙律、西瓜、蘋果沙律、車厘茄、雞脾菇等，都幾豐富而且健康的。雖然多取一次不是沒可能，不過其實滿滿的一碟下來，都幾飽肚了! 上面這張是Ellen靚媽的，下面那張就是甜魔媽媽的，都是填得滿又滿的啊!麵包及餐湯都是自助的，這個就可以無限再添了；當日的餐湯是意大利菜

轉眼返工已經三個多星期，現在才補記10月的一篇食評：萬聖節當日，媽媽去參加一個開幕禮前，曾帶同妹妹到office行了一轉當是熱身；而之前就與友好同事在新都會新開的牛扒先生開餐! 這裡午餐的選擇有9款，價位由$78-288不等，消費在此商場算中高；不過午餐各包自助沙律吧 (限取一次)／煙三文魚凱撒沙律／芒果海蝦沙律 + 廚師精選餐湯 (無限添飲) + 甜品 + 餐飲，陣客也算豐富，當日三位靚媽靚太就點了三款不同的主菜同享。這裡麵包也是自取的，Foccia看樣子不錯，吃來卻較乾而無味，可以不吃。我們決定每款沙律都要一碟，再加一份自助沙律吧；最初上檯的煙三文魚凱撒沙律味道清爽不俗，不過份量非常之少呢，三人分吃實際每人只分到一啖，實在不太夠喉。芒果海蝦沙律也是清甜開胃的頭盤，不過又是份量少得可憐，相比之下絕對是自助沙律吧抵食。抵達之時正是用餐的peak hour，抱著妹妹的甜魔媽媽沒有出去拿外面的自助沙律吧了，不過由同事拿回來的成品可見，選擇也算豐富的，當中媽媽特別喜歡健康清爽的雞脾菇沙律，還有紅腰豆沙律，如果下次再來 (相信是返工時) 沒帶妹妹的我一定會出去拿更大碟回來!!要講這裡上菜得挺快

新都會商場又有新食店進駐, 那就是Mr. Steak !  室內環境好有田園氣息, 最衰就係客人比較嘈...午餐叫了份烤美國帶骨豬扒‧鴨肝紅酒汁, 紅酒汁有紅酒的香亦有鴨肝的臊味, 汁煮得豐腴得宜, 反觀帶骨豬扒是薄薄一片, 肉質嚡口兼肉味普通, 要辛苦地用刀切開來吃, 賣$98實在...

行開葵芳新開咗間Mr.Steak & grill,點咗香辣雞槌(炸過熟)同意大利腸, 干邑龍蝦湯(冇腥味, 有鮮味), 煎鴨肝(大份抵食), 雜扒拼盤(羊,牛,雞,腸全都唔錯), ”最差最鞋”黑安格斯西冷10oz牛扒(叫五成, 黎到差唔多全熟…但都試試…點知食到嘴損(口腔)…絶冇諗過扒房最唔應該食嘅係牛扒！！), 3.6牛乳布甸(保持水準), 焦糖慕絲蛋糕(夠香甜軟滑), 抹茶豆腐奶昔(幼滑, 飲到底仲有豆腐食)～而一間較為好嘅食肆, 最應該保持安靜同良好嘅服務, 呢餐2小時都冇嘅晚飯, 職員無意跌咗幾次叉呀杯呀碟呀, 周圍都舉手叫侍應斟水, 侍應放食物又背住你拗晒手咁, 睇到都忍唔住要幫手…！真係要好好再培訓…相比銅鑼灣個間, 服務態度同環境差得太遠！！

Mr. Steak 的來臨實在為我們重新帶來悠閒的體驗, 前店的離場令我們失落了一陣子, 但是當踏進Mr. Steak的一刻, 看見有一道陽光從開揚落地玻璃牆上透入, 四周的裝飾擺設營造出一個cozy, 一個Boston styled 的環境, 最喜愛還是前方的open kitchen, 擺滿滿任吃的沙律、青口、餐湯與麵包。 Open kitchen 裏有多位廚師正在工作...假日午餐是比星期一至五的價錢貴一點, 主菜由$88開始起跳 (當日最貴的午餐是$288), 不過自助沙律吧就是任食 (次數不限), 甜品及餐飲都是只得一份。裏都有多款特色沙律選擇, 預製及自己一手一腳去撈的也有。蔬菜是食得出的新鮮, 青口食到有海水的鹹鮮味, 而且軟滑無渣；是正如餐紙所述 "Affordable Luxury" ~另外, 在自助沙律吧上亦見到額外付款的燒頂級牛肉眼, 一條賣完便會再在背後的焗爐內取出另外的一條, 憑視察都覺得件燒牛肉好夠juicy!主菜:  青胡椒野菌燴雞‧焗蒜蓉包 $98擺盤美麗, 選用了坊間餐廳用來盛湯的大碟碗來盛雞件, 一碗好像有五件雞上肶肉, 說醬汁都能做得對味, 嚐得出青

近年 Mr. Steak 的業務發展蓬勃，數星期前版圖更加開拓至葵芳的新都會廣場，附近的上班一族又多了一個選擇。餐廳以桃木和米色為主調，打做出一股低調和平實的風格，感覺十分親民。午市全部以套餐形式供應，客人可以挑選自助沙律吧或兩款精選廚師沙律，配搭餐湯、一款自己心水的主菜、精選甜品和餐茶，價錢由$88至$288不等。  煙三文魚凱撒沙律, 3.5/5翠綠的沙律菜入口幼嫩爽脆，煙三文魚也相當肥美，伴以少許的芝士片和小蕃茄，口感不俗。更合我心意的是沙律醬比預期中清淡，完全沒有喧賓奪主的感覺。  芒果海蝦沙律, 2.5/5海蝦沙律相對比較遜色，芒果醬汁雖然清新，但海蝦和沙律菜的味道卻缺乏協調。  雜菜湯, 3/5趁拿餐湯的時候，順道參觀一下旁邊的自助沙律吧。原來沙律吧的陣容都頗為豐富，幾款以蔬菜、紅蘿蔔、蕃茄、意粉等等做成的冷盤無限量供應，但每位只能拿一碟。看著每人都拿著如山那麼高的沙律走過，我們的確有些心動，不過焦點還是重新放在我們的雜菜湯吧。吃雜菜湯，當然不能沒有麵包。兩者味道大致不過不失，雜菜湯貫徹健康的主義，清淡起來少了一般羅宋湯的肉味和辛辣味，也順帶為我們的味蕾作好準備。

自從新都會的茜廊退守後，便由牛扒先生進駐，於是從中環走到葵芳，嚐試一下新店。牛扒先生分為室內及室外，在下則被引領到室外坐下。室內裝潢有點似歐陸式，餐廳中間兩側有兩個櫃子，內裡盛載了各款調味品及盆栽，在餐廳盡頭為沙律吧及出品之處。雖然在下坐於室外，幸好天氣尚好不太熱，間中亦有涼風。餐牌只有兩張，一張是午餐，另一張是飲品，午餐有煙鴨胸，豬扒，牛扒等主食，另外有自助沙律吧，食客可以自己出外拿沙律，又或者有兩款沙律，任擇其一，由侍者送上。沙律為芒果海蝦沙律，沙律菜清新爽口，海蝦爽口又有海水味道，不過芒果就較為遜色了，香甜度較為薄弱，而且欠缺芒果香味。餐湯為西蘭花忌廉湯，需要自行走到沙律吧自取。西蘭花及菜碎浮在湯面，因此口感都幾豐富，忌廉湯則較稀薄，沒有那麼濃稠。餐包沒有烘過，因此質感柔軟，塗上牛油，頓時起了變化。主菜為烤美國帶骨豬扒配鴨肝紅酒汁，豬扒烤得有微微香脆，可是卻有點硬，未見完全鬆化，而且烤得較乾身，未見肉汁在內；醬汁方面有鴨肝的味道，可是紅酒就未見香濃較為淡口。特色點品為抺茶蛋糕，抹茶味較淡，但甜度適中。凍咖啡亦見香濃和醇厚，但是稍為沒有咖啡的香濃。整體味道不俗，但是因為上菜速度太快