牛屋餐廳

营业中

休息中

正如禁題所講，夏天不能去的扒房係因為當日我哋坐嘅位置係樓梯底亦係廚房出菜位置，一坐底無幾耐，完全感受唔到冷氣，Order時問店員可唔可以開大少少冷氣，但原來因舖頭太舊關係冷氣已經開到最大，依到俾一個建議係即使冷氣開曬/舖頭太舊，都可以添置風扇令到室內空氣流通一點。不過最唔開心既係，埋單走人嘅時侯發覺舖頭門口對出既位置係有冷氣風的，而店員知我哋坐嘅位置較熱都無主動提出調過去，不過依間係一間平價扒房，所以我唔可以要求店員有體貼嘅水準。講返食物先，當日叫左兩個餐：威靈頓牛柳、黑椒牛仔骨（西冷同肉眼都賣曬）餐湯+$18 有得轉酥皮 幾不錯餐包牛油太少太少了，有去過應該明我所指嘅太少係點，少到我以為未搽佢俾漏左牛油我......睇網上食評大家都講二百幾蚊可以食到威靈頓牛柳性價比高，但我只可以講依個係一個酥皮加牛柳並唔係傳統工序好多既威靈頓牛柳，但酥皮係好味的。而負評俾薯條係因為 完 全 唔 熱，可以講係開店炸起無保溫無翻炸，非常失望！黑椒牛仔骨就味道可以，係舊底扒房可以搵到既黑椒汁味。

呢間傳統扒房西餐廳，真係必須好好收藏！夜晚想搵間有情調，又唔想過海咁遠，呢間舊式西餐廳好啱大家！環境乾淨俐落，餐位唔算多，有機會要排下隊先，所以建議大家都係事先BOOK定位。加18蚊可以轉酥皮羅宋湯／酥皮忌廉湯！羅宋湯比較偏甜，材料細碎，冇好似茶記紅湯啲蔬菜大大塊。英式雜扒羊扒羶味濃，肉質口感細嫩，俾個like豬肉則比較榎澀澀，乾身冇乜肉汁不過粒蛋煎得很完美，加晒分薯條真係夠脆，帶有蒜粉香味，好驚喜，好好食！！！重點推介＞CP值高 威靈頓牛柳5成熟，肉質粉嫩，中間位置十分好食，好嫩口同牛味好出，好好食！價錢對比出面真係平靚正！

大食仔知道呢間係好好食不過窮住過生活就睇要清楚個menu Lunch 去食 CP值高好多$48起就食到塊扒喇食完先見到餐牌有另一邊😮‍💨Lunch 都有威靈頓牛柳架原來 下次要食豬排肉厚，嫰口 冇鬆死晒，配燒烤汁 味道偏濃菲力牛柳，7成熟，唔多筋 呢個價錢算唔錯值得一提嘅係炸薯條 超脆口 必食😊仲有自帶牛油嘅餐包 配懷舊扒房嘅忌廉湯環境有feel 算乾淨野食上得極速👍🏻👍🏻👍🏻間唔中會聽到廚師仔係再大聲唱歌😂80後嘅歌 睇你好唔好彩聽到喇🤪

✨睇推薦有本地實惠扒房，夜晚放工行過去試一下🌝✨工作日晚餐大約8點半到店，餐廳座位基本滿座，不過唔需要等位。因為面積有限，整體餐位比較窄🥹✨墻上寫明，每人必須點一份餐，但係我地胃口偏細，問佐店員姐姐，佢話叫我地點多份沙律🥗或者小食🧆都ok。✨本來想試肉眼，不過平價版冇貨，只有西冷😂 7成熟嘅西冷，嚼起身都係比較韌，但整體係好味道嘅👍而且同碟嘅薯條，真係同評論講嘅一樣，凍佐都唔會軟，好犀利！✨燒雞沙律，雞扒分量都好夠大，我一個女仔絕對食唔曬😂✨餐湯選擇佐紅湯，不過個人覺得羅宋湯味道一般，可能要忌廉湯會更加好。✨總結：價格算比較實惠，再有想吃扒嘅時候，會優先考慮😋

一個人食lunch 又諗唔到去邊，又剛好見到牛屋開門做午市，所以就決定入去，叫了午餐豬扒薯菜再加一杯凍檸茶至於餐湯我就梗係叫咗羅宋湯個湯個味道係港式羅宋湯味，就好像細細個跟父母去扒房飲嘅味道一模一樣。至於個主菜有兩塊豬扒咁多，薯條仲係新鮮炸起，香脆可口，價錢都只係59 元有湯有餐包仲要兩塊豬扒，係今時今日嘅香港，可以話係超抵食，仲要係無加一收費。

舊式扒房係香港有番啲年紀嘅都應該會記得，聽聞係以前阿爸阿媽拍拖會去嘅地方，港式西餐同西餐最大分別就係走平靚正路線，用簡單啲嘅食材比到客人機會一百蚊試吓感受西餐鋸扒嘅樂趣，的確有佢吸引嘅地方。不過而家競爭多咗，香港拍拖食飯選擇多、消費能力高咗都會去食真嘅西餐，舊式扒房自然買少見少。牛屋坐落係佐敦，位置算方便，walk-in 入去啱啱好有位唔洗等，當日周末晚全場滿座。座位係好貼，枱同枱之間都幾近，但整體乾淨企理嘅。剛好坐左係出餐附近，所以油煙味都幾勁哈哈但嚟食港式野其實唔太計較環境，食物真係抵食夾大件，主菜選擇勁多，全部超大份。雞扒意粉唔算油膩，醬汁係港式蕃茄汁，即係咸啲撈飯好夾嗰種而唔係清新向，餐湯紅白擇一，餐包烘得脆脆地入面仲搽左超重手牛油好正！另外叫嘅係白汁煙肉焗飯，汁好夠，碟飯係真係大過我個頭，但啲汁都夠你撈曬成碟飯。間中食一諗其實有少少番左舊時嘅感覺，由環境到食物都好統一，可以邊食邊想像下當年嘅人食嘅心情！哈哈btw但成舖員工都好後生，所以仲多左種衝突感🤭

牛屋在佐敦區經營了很多年，今日來到附近就内進吃一個港式西餐做午餐。餐廳裏面坐滿客人，幸運地不需要排隊就可以直接入座，在用餐的時候也看到客人不斷，翻檯次數高。餐包質地鬆軟，羅宋湯味道偏酸，裏面的料例如椰菜、紅蘿蔔等都有很多，細食的朋友飲完應該會感覺到佔了你的胃一部份，哈哈。驚訝地原來燒烤汁豬扒意粉($53)的份量是那麼大的，共有兩大塊豬扒。豬扒的肉質偏硬一點但未至於難咬的，是這個價錢預計得到的質素，唯餐廳加入了大量黑胡椒，把豬扒的味道搶去了，絕大部份都是食到辛辣的黑椒味，加上燒烤汁的味道濃烈，因此整碟意粉都是偏重口味的；意粉正常，亦未至於做到太淋，容易掛汁。去到結賬我才知道熱飲須要另加$3，習慣了一般餐廳包餐飲的午市套餐。熱奶茶的茶底跟奶平衡得不錯，茶味突出，是港式的熱奶茶。餐廳環境較逼，午市時間滿座需要跟其他人搭檯的，營運模式也因為流動快而有點像快餐店，來食個快的港式西餐都是可以的。

今日係佐敦附近收工 諗住重溫下童年回憶既味道 晚市時間 餐廳都幾多人 喺門口等咗一陣 店員安排得幾好 好快就有得入座個餐有餐湯同餐包 餐包係熱既 d牛油啱啱好溶係面包入便 依家好少仲有餐廳咁有心機 👍🏻主食就叫左三文魚 份量都比較大 CP值高 搭上檸檬蜜糖芥末醬味道幾夾 最值得讚就係塊魚皮好脆好香 搭配埋嫩滑既魚肉好食👍🏻店員都好nice好有禮貌 食完嗰時見到隔籬枱食緊威靈頓牛柳同炸豬手睇落都好吸引 下次會再帶朋友嚟試多d野🥰

之前去邊都要嘟安心岀行 牛屋都不例外一去到門口 職員慣佐口麻煩我哋嘟一嘟安心 講完之後我地都係到笑 🤣 入到去已經好full 坐低之後職員就即刻拎佐餐具同面包俾我地然後問我地飲咩湯真係勁抵食 又有湯有包 如果唔食牛 $50-60內都搞得掂 最緊要佢哋岀餐都係咁快 因為我哋買佐啲嘢唔夠位擺 唔洗問就拎多佐張櫈俾我哋擺嘢🫶🏿好窩心 不過咁啱我地好彩坐低喺比較後嘅位 所以可以 「添櫈」湯未飲完個餐已經搞掂 快到冇人有 飲完個湯又會即刻幫我地收走啲嘢 唔會阻住食飯終於知點解晏就咁多辦公人士鍾意去牛屋😻食物對得住價錢之餘 又快 員工又風趣又窩心 讚！

近兩三年幫襯過幾次，食物質素一分錢一分貨我完全接受。但餐啲員工態度就一次差過一次。之前係午市晚市我當佢哋忙緊所以燥啲，今次係late lunch(~2pm)全場得幾個客佢地都當客係嚟乞食咁🙄一入去仲搵緊個安心code就已經比女侍應勁大聲問”dood左安心出行未呀？”之後我都唔敢自己亂坐(大把位)，同個男侍應講一位，佢就指左我坐張二人枱，袋就放喺走廊位張櫈。男侍應拎咗張圓櫈塞喺我隔離再大聲講”啲袋擺呢度啦！”其實全場都好靜嘅唔知點解佢哋要咁大聲同客講嘢,差啲以為今餐係我入去乞飯食🤷🏽‍♀️餐包嚟到又凍又硬紅湯就得個酸字薯條係最好食嘅嘢牛扒就係平民無乜味嘅牛扒啦重點係個黑椒汁完全無味全程去到埋單佢哋都無一句唔該/多謝反而係我坐低/落單都講左幾次唔該總之呢唔係一句黃店就大哂的💁🏻‍♀️

聽朋友講佐好耐 終於到我試下牛屋😋一去到發現menu個設計好似同之前唔同佐 靚佐好多 食物同價錢都差唔多⬇️燒大蝦配牛柳五成熟 一嚟到嘅時候隻蝦勁香 勁有食慾個成數啱啱好 啲肉好粉嫩 一啲都唔韌 原本想食西冷 但問過店員原來食牛柳會有鵝肝汁跟埋 果斷選擇佐配牛柳 大滿足🥰⬇️招牌咸牛脷同串燒店食開嘅好唔同依個係一粒粒的 食落好有咬口 每啖都好香 食到停唔到仲配佐黃芥末 都唔錯 一啖點少少已經夠 正！每個餐都會有湯同包跟埋 冇揀到酥皮 一個人驚食唔曬🥲個包勁貼心 熱嘅 仲要搣開已經有埋牛油 不過我鍾意好多好多牛油 所以店員又俾佐啲牛油我再加今餐真係大滿足 下次一定約埋朋友再嚟 試埋其他🥳🥳

💛🇭🇰牛屋餐廳酒吧🎈澳洲牛柳好 大 塊😍/ 嫩滑而唔會好un/ 薯條係凍嘅一啲都唔脆 唯有點啲牛柳汁提升返啲熱度🎈羅宋湯/ 好港式酸酸甜甜幾開胃 多啲黑椒會更暖胃🎈餐包/ 烘得外脆 細心地已經切開一半加咗牛油 但可惜我唔食牛油的😂職員細心 會提醒牛柳熟度😋

隔離嗰個繼續紅碼生活，食咩都要外賣連威靈頓都外賣真係第一次🫣兩個人一個叫威靈頓一個叫比目魚加豬扒，食外賣都要食得開心所以特登外賣埋兩個酥皮湯埋單一共4百幾😬叫外賣嘅朋友要預早訂因為我地等左差不多45分鐘先有。講返食物先，比目魚細份左少少大約半隻手掌，肉質唔錯都保持到juicy，豬扒就有三大塊，略嫌有啲乾同硬。重點威靈頓牛扒，講真呢個價錢唔會有咩期望，我地叫五成熟佢又真係做到啱啱好五成，有肉味而且外面酥皮凍左仲keep到鬆脆，整體都係好味嘅，絕對唔失禮。加埋薯菜同餐湯最後足足食咗兩餐先食得曬😂

以前細個有嘢要慶祝嘅時候屋企人都會帶我去鋸扒👦🏻講嘅當然唔係去西餐廳幾舊水一塊個啲而係好似呢次介紹嘅餐廳咁港式扒房🇭🇰抵食大份可以話係港式扒房嘅優勝之處喺佐敦嘅呢間52年老字號就係佼佼者😌今次路過就去咗食佢地超抵嘅lunch set.lunch set有跟餐包同餐湯餐包仲已經擦好哂牛油🧈唔洗自己郁手 可以直接開餐好可惜叫完嘢食 聽到隔離枱落單先知原來有得加錢轉酥皮湯所以今次冇試到 唯有下次試返🥲.🍴紐西蘭肉眼 $98 💛8.5/10叫咗五成熟 雖然切開似七成多啲🫣不過都仲保留到少少粉紅色食落唔韌 同埋保留到肉汁基本上唔點汁就咁食都已經好好味😋.🍴燒烤汁豬扒 $53 💛8.5/10豬扒都有返咁上下厚度 唔喺茶記常見個種薄身豬扒🐷表面有輕輕煎香 但唔會太過乾身呢個價錢真係cp值超高👍🏻.老實講 單論味道可能比起西式扒房輸蝕少少但唯獨港式扒房 先有以前食嘅嗰種情懷一家人去食餐好啲 唔洗太貴又夠飽足👏🏻呢類型嘅餐廳真係買少見少希望將來都仲保留到呢種味道可以偶爾回味下🥹

牛屋這名字我從小就聽過, 我覺得它和金鳳, 飛鷹及哥德堡等港式扒房餐廳都是一樣, 賣的是情懷多於扒類本身. 牛扒的水準和味道老實說, 分別不大. 不過牛屋除了因為同聲同氣而更得我心外, 也是因為其威靈頓牛柳, 應該是全香港其中一家最抵食的, 一百八十多元, 配上餐包餐茶和飯, 必能吃得飽足.餐包也見到店家的心思, 不是一件餐包再加一塊牛油自己處理, 而是先切開, 在底部煎香, 再塗上牛油, 營造出鬆軟又香脆的口感. 威靈頓牛柳是Medium的熟度, 最令我驚喜的是口感相當嫩滑, 而且沒有筋也沒有渣, 可媲美高質扒房的水平. 酥皮較一般的薄 , 也夠酥脆, 美中不足的是上下層酥皮一切就分離, 不似能將其完全包著的樣子. 至於沒有鵝肝醬, Parma Ham, 以至是野菌醬, 它也有平時吃開的茶記火腿和切片草菇, 拜託! 這裡是平民扒房而不是Gordon Ramsey的餐廳呢! 這樣我已經滿足.Santgria Kitchen is one of the oldest HK style steakhouse. Besides the traditional iron plated stea