影片
以上资料只供参考，请与餐厅确认详情
以往很喜欢食牛屋，因火炭都无咩好选择，上星期帮衬，牛腩粉个汤好咸，好似豉油咁，以前唔系咁，真系清汤腩，食完成个下午都好口渴，同店员反映，佢竟然话今日厨房系老板主理，唔通老板俾人倒左汤底个灵魂……
继续阅读
本身钟意食牛什, 但又觉得呢啲系平嘢, 所以收得贵嘅就一定唔会帮衬.以前经常行过呢间店, 都无入去食过, 因为外表唔吸引. 有一次去火炭邮局攞完嘢, 三四点又未食午饭, 就入去试吓. 入面当时一个客都无, 打咗个突, 都即管试吓.叫咗牛什河冻柠茶, 牛膀牛肠牛肚牛肺, 味道及质素全部合格收货. 我比较钟意食牛膀, 所以有啲要求. 呢间啲牛膀质素高, 不硬不实不死咕咕, 松软而不烂, 舌上感觉到牛膀沙粒粒的质感, 咁样先系叫做似样. 河粉正常, 正常滑, 不懈. 汤底颜色及味道正常, 喝完也不口渴, 唔似有落味精. 我每次都叫老板俾多个碗仔装辣椒油, 分开来点牛什, 唔会搞到成碗粉都辣, 影向味道.下午茶送饮品, 连冻饮都系$40 ($38+2), 其他时间就冷热饮都系加$6 ($38+6), 很公道.呢半年都食过大围几间面舖, 同埋大埔新街市熟食中心, 如犇X, 鹿X, 金X, 鸿X 等, 一系味道唔得, 一系性价比唔得 (一碗牛什粉+一杯嘢要五十几妏), 所以而家食牛什河, 只会去呢间. 近排都差不多每星期去一次.值得提吓嘅系, 呢间店水准非常稳定, 唔会今次去好味, 下次去就好差. 唯一系附近多丛林杂草, 如果著短裤就要喷定蚊怕水.
继续阅读
又系喺火炭返工嘅一天平时如果火炭食开都系坳背湾街𠮶头食到闷闷地今日去火炭河𠮶边有啲村屋地下系餐厅嚟以我所知火炭得返一间粉面档而呢间我觉得稳阵嘅我嘅至爱牛杂河粉 走牛肚走肠 多多葱牛杂OK嘅不过今日唔系最新鲜因为之前食过有比较 粉底唔错 个汤都几香 至于多葱就冇得输㗎喇冻柠茶少甜少冰 茶底OK好似 柠檬都唔错嘅 都叫大杯系略嫌带咗少冰 啲冰都仲系多得滞嘅午市时间去食其实都爆爆地 不过坐得尚算松动 又唔会污糟邋遢班姐姐服务都唔错 有礼貌唔似某啲地方可能会呼呼喝喝你埋单四十几 唔使$50落楼性价比绝对无问题总括而言稳阵
继续阅读
先前由于害怕敏感都不太够胆来吃牛杂，近来好少少，尽管来一试，来到发现室外都有不少食客坐着，真犀利，本身行来已经有点炎热，他们还可以坐在室外一边吸烟、一边吃热的汤面，佩服佩服随便点了牛什牛腩米线，牛杂的份量比较多，因为双拼，虽然预咗会唔抵，不过还是想一次过试两样，于是勉强加多几元就有几旧牛腩。其实牛腩的质地相当不错，肥瘦均匀，除了比较瘦的肉之外，有些脂肪，肥瘦均匀，不至于太干太过柴皮，虽然得几件，不过也觉得挺为滋味。其他的牛杂，牛肠都算系够肥，质地有点儿像粉肠，另外牛蒡亦都相当大件，而牛肺只有一两件，不显得太过特别；反而本人向来最不喜欢的牛肚，这儿做得极为出色，弹牙得来够爽身，而且入味，弹牙之余亦都不会觉得太过硬身。米线份量不算太多，因此就咁食碗面，其实可能都未必够饱😭即是加了成为双拼，都不见得份量多了许多。不过汤底就比较倾向是潮式的牛杂汤底，味道偏酸，不像清汤腩那种句清香而具牛骨汤的香气🤯不是我杯茶，不算令你觉得需要经常来的味道。🤷🏾
继续阅读
牛屋呢度嘅牛腩河，可以称得上系火炭名物～ 几十蚊就可以食到～ 大大碗份量超十足～ 未食过根本系走宝～ 我觉得直头唔算嚟过火炭～😆😆😆鸡仔胃嘅话分分钟要打包，食多餐😂 加埋冻饮都系四十零，抵呀～～为免浪费食物，都可以同姐姐讲扣底。如果唔食牛，都仲有好多唔同丸类等嘅面、米、饭，任君配搭。另外好有本土特色嘅就系云吞勒。云吞大大粒，一样咁抵食好食 😋云吞河扣完底，无浪费，同样食到饱饱😁绝对推介比想要平靓正嘅快饭人👍🏻
继续阅读