6
2
0
港铁火炭站 B 出口, 步行约4分钟
继续阅读
电话号码
92591486
营业时间
今日营业
07:30 - 19:30
星期一至五
07:30 - 19:30
星期六
全日休息
星期日
07:30 - 19:30
以上资料只供参考，请与餐厅确认详情
以往很喜歡食牛屋，因火炭都無咩好選擇，上星期幫襯，牛腩粉個湯好咸，好似豉油咁，以前唔係咁，真係清湯腩，食完成個下午都好口渴，同店員反映，佢竟然話今日廚房係老闆主理，唔通老闆俾人倒左湯底個靈魂……
继续阅读
本身鍾意食牛什, 但又覺得呢啲係平嘢, 所以收得貴嘅就一定唔會幫襯.以前經常行過呢間店, 都無入去食過, 因為外表唔吸引. 有一次去火炭郵局攞完嘢, 三四点又未食午飯, 就入去試吓. 入面當時一個客都無, 打咗個突, 都即管試吓.叫咗牛什河凍檸茶, 牛膀牛腸牛肚牛肺, 味道及質素全部合格收貨. 我比較鍾意食牛膀, 所以有啲要求. 呢間啲牛膀質素高, 不硬不實不死咕咕, 鬆軟而不爛, 舌上感覺到牛膀沙粒粒的質感, 咁樣先係叫做似樣. 河粉正常, 正常滑, 不懈. 湯底顏色及味道正常, 喝完也不口渴, 唔似有落味精. 我每次都叫老闆俾多個碗仔裝辣椒油, 分開來點牛什, 唔會搞到成碗粉都辣, 影嚮味道.下午茶送飲品, 連凍飲都係$40 ($38+2), 其他時間就冷熱飲都係加$6 ($38+6), 很公道.呢半年都食過大圍幾間麵舖, 同埋大埔新街市熟食中心, 如犇X, 鹿X, 金X, 鴻X 等, 一係味道唔得, 一係性價比唔得 (一碗牛什粉+一杯嘢要五十幾妏), 所以而家食牛什河, 只會去呢間. 近排都差不多每星期去一次.值得提吓嘅係, 呢間店水準非常穩定, 唔會今次去好味, 下次去就好差. 唯一係附近多叢林雜草, 如果著短褲就要噴定蚊怕水.
继续阅读
又係喺火炭返工嘅一天平時如果火炭食開都係坳背灣街嗰頭食到悶悶地今日去火炭河嗰邊有啲村屋地下係餐廳嚟以我所知火炭得返一間粉麵檔而呢間我覺得穩陣嘅我嘅至愛牛雜河粉 走牛肚走腸 多多蔥牛雜OK嘅不過今日唔係最新鮮因為之前食過有比較 粉底唔錯 個湯都幾香 至於多蔥就冇得輸㗎喇凍檸茶少甜少冰 茶底OK好似 檸檬都唔錯嘅 都叫大杯係略嫌帶咗少冰 啲冰都仲係多得滯嘅午市時間去食其實都爆爆地 不過坐得尚算鬆動 又唔會污糟邋遢班姐姐服務都唔錯 有禮貌唔似某啲地方可能會呼呼喝喝你埋單四十幾 唔使$50落樓性價比絕對無問題總括而言穩陣
继续阅读
先前由於害怕敏感都不太夠膽來吃牛雜，近來好少少，儘管來一試，來到發現室外都有不少食客坐着，真犀利，本身行來已經有點炎熱，他們還可以坐在室外一邊吸煙、一邊吃熱的湯麵，佩服佩服隨便點了牛什牛腩米線，牛雜的份量比較多，因為雙拼，雖然預咗會唔抵，不過還是想一次過試兩樣，於是勉強加多幾元就有幾舊牛腩。其實牛腩的質地相當不錯，肥瘦均勻，除了比較瘦的肉之外，有些脂肪，肥瘦均勻，不至於太乾太過柴皮，雖然得幾件，不過也覺得挺為滋味。其他的牛雜，牛腸都算係夠肥，質地有點兒像粉腸，另外牛蒡亦都相當大件，而牛肺只有一兩件，不顯得太過特別；反而本人向來最不喜歡的牛肚，這兒做得極為出色，彈牙得來夠爽身，而且入味，彈牙之餘亦都不會覺得太過硬身。米線份量不算太多，因此就咁食碗麵，其實可能都未必夠飽😭即是加了成為雙拼，都不見得份量多了許多。不過湯底就比較傾向是潮式的牛雜湯底，味道偏酸，不像清湯腩那種句清香而具牛骨湯的香氣🤯不是我杯茶，不算令你覺得需要經常來的味道。🤷🏾
继续阅读
牛屋呢度嘅牛腩河，可以稱得上係火炭名物～ 幾十蚊就可以食到～ 大大碗份量超十足～ 未食過根本係走寶～ 我覺得直頭唔算嚟過火炭～😆😆😆雞仔胃嘅話分分鐘要打包，食多餐😂 加埋凍飲都係四十零，抵呀～～為免浪費食物，都可以同姐姐講扣底。如果唔食牛，都仲有好多唔同丸類等嘅麵、米、飯，任君配搭。另外好有本土特色嘅就係雲吞勒。雲吞大大粒，一樣咁抵食好食 😋雲吞河扣完底，無浪費，同樣食到飽飽😁絕對推介比想要平靚正嘅快飯人👍🏻
继续阅读
您可能会有兴趣的...