牛奶冰室 (銅鑼灣廣場二期)

营业中

休息中

今晚入餐廳時俾人截停，要求我放低雨傘在傘架上，離開嘅時候，發現與雨傘被人偷去，我立即通知在場職員，問𠳔如何處理，佢話傘架下面有幾把傘，是但揀一把攞走啦，如果我真係攞走，咁同偷人把遮有咩分別，之後佢話而家做緊生意，留低電話稍後回覆，等咗幾粒鐘，用WhatsApp 同我講，你唔好打俾我，重send咗一幅（如有貴重物品，請隨身攜帶）嘅圖片，之後仲講，所有物品由貴客處理，多謝合作，咁嘅回覆，唔怪得知俾咁多遊客投訴，話香港店舖服務態度差啦，就係俾呢啲垃圾搞喎👎

夜晚行完Sogo肚餓搵嘢食見到呢間冰室望落幾光猛又多人諗住冇伏就去試下，一試就中伏！叫咗個雜扒餐連湯同麵包，個蘑菇湯鹹到爆完全飲唔到，塊多士蒜蓉又少包又凍，個扒明明係鐵板上，倒啲汁落去嘅時候完全冇「炸」一聲個人不會再幫襯第二次

之前都有幫襯幾次，正正常常都有返兜。最近兩次發覺原來佢哋啲水準十分飄忽。今日嗌個咖哩雞牛坑腩飯，上枱見得幾粒牛肉，份量亦偏細，忍唔住要留個review.今日見人流亦唔多，價錢可能都用嚟交租啦。

唔想求其食個包當午餐？食呢間冰室都係唔錯嘅選擇！西餐至中餐都有得選擇，份量大大份。大食嘅會食得好滿足，細食可以食常餐，又或者同人share.今次我哋選擇咗常餐，有2塊香脆toast, 蒜香唔算濃，但叫做有呢個味甘啦。有2隻蛋，一杯嘢飲，同埋個五香肉丁麵（可以轉米粉，公仔麵。。。）我比較食得辣，所以呢個五香肉丁我要加包辣油先至夠味新鮮冷壓檸檬茶無糖都幾好飲，茶香，夠哂濃如果食唔飽，呢度仲有各式包點可以選擇😋

咖啡好飲，但係個三文治好古怪，芝士三文治夾硬幫你烘底，仲要烘到好乾，仲要加劈完全喺餐牌見唔到嘅千島醬沙律醬上去，個味道完全極之古怪，同正常的芝士三文治，相差好遠，建議嚟呢度唔好選擇三文治。上次食過雞翼係好食嘅其他食物睇嚟應該都OK，但三文治真係唔知做乜多此一舉硬係要幫人烘底同埋落沙律醬，最慘佢餐牌冇講明係咁樣處理，咁就整咗一件佢自己想整嘅三文治俾人哋食，唔係咁容易令人接受，想食個正常嘅三文治可能要額外講明

已經提早半個鐘叫外賣 ，話39分拎得 最後55分先拎 。 間鋪食嘅人吾多架 ， 但我份三文治整咗半個幾鐘。 最後野飲仲要錯嘅，條友仲話係我黎拎先整。 如果我要你係我黎到先整我就吾洗提早叫外賣啦？！

通粉個湯酸架！！咁樣好意思俾人食😂。用清水煮仲好味過佢。門口職員態度好差，外賣訂單超時，我只係問下佢，點知比職員鬧，新年流流比人鬧，依家呢間全部做大陸遊客生意，真係以後唔會再食。野食難食都算，仲要受職員氣。

諗住約人食好啲，點知約唔到，唯有自己食，第一次幫襯外賣蔥油叉燒飯再加隻蛋、凍檸茶少甜多檸汁，去到拎外賣，見個袋綁得好實，唯有信佢冇執錯，點之⋯⋯ 杯凍檸茶變咗奶茶😕 算數，諗住個飯OK補返數，啲飯係OK，但係啲叉燒😫⋯⋯啲叉燒咬落去全部係爽肉😓，其實即係腺位，即係身體裏面嘅過濾器或者內分泌系統等，好多人不以為以冇所謂，太興有時叫瘦叉都會遇到，唉點知呢度又有，結果我全部掉晒，如果唔係加隻蛋真係冇嘢食😭⋯⋯

非常喜歡吃羊腩煲，今天見到牛奶冰室有羊腩套餐，所以試一試餐廳採取自助點餐形式，由於人太多點餐後少少等了10分鐘才上菜。羊腩餐配白飯加一杯熱熱飲$68 羊腩份量都算十足，一個套羊腩飯起碼有六件羊腩，羊腩沒有骨，所以啖啖肉非常好吃，醬汁味道充滿羊酥味同比較杰身。牛奶冰室的羊腩是比較重羊酥味的那一款，除咗羊腩外還有枝竹紅蘿蔔和馬蹄。馬蹄非常爽脆和清甜略嫌枝竹唔夠入味。牛奶冰室的熱檸水很獨特，因為是沒有檸檬的檸檬水，所以味道我覺得比較酸，個人比較喜歡平日有檸檬的檸檬水以這個價錢可以吃到羊腩也不錯。

牛奶冰室食過下午茶都覺得唔錯，所以今次就試吓佢嘅晚餐👌🏻循例都係揀番啲我哋平時食嘅嘢，今次叫咗一個咖喱牛腩同埋粉絲煲。咖喱牛坑腩飯$72牛腩好淋好入味，但係會偏辣，覺得餐廳可以提示返佢嘅辣度，因為比起平時食到嘅咖喱會辣多啲，但整體都幾好食，值得推介。沙嗲金菇粉絲肥牛煲$80見到真係嚇咗一跳😐其實佢改錯名，應該叫做「草味芽菜粉絲煲」😐首先完全食唔到沙嗲味，加上喺幅圖入邊完全見唔到有芽菜，而且落單嘅時候都冇得揀走芽菜，對於一個唔食芽菜嘅人嚟講真係非常之友好🤢而且根本成個煲芽菜係佔咗大部份，但係竟然冇提示呢個煲係有芽菜，食其他嘅食材嘅時候食到好大浸草青味，搞到成個餸好難食🤮😵不推介！其實牛奶冰室嘅出品普遍都幾好，但真係有一兩個好難食嘅😮‍💨

天氣好好，一嚿雲都無，太陽又出來了，十足十是夏日炎炎的溫度，可以出去行下，不到五分鐘便出汗了。。。要找間食堂坐下。牛奶ok呀！又有位，很快便坐到下來，有少少餓了，是時候開動了。咖哩好ok war～有少少辣的，好好食呀～雞排都好脆而乾身，可以試下的，可惜巨人又不是那麼大的。飲品可以大杯d，可能咖哩辣，很快便飲完了。下次要多冰，才可以慢慢飲。今次無彩蛋了，本來可以寫肉骨茶的，不過今日sold out 了，下次下次再寫。

這間茶餐廳的性價比還可以，如果就是簡簡單單、普普通通食個晚餐，這裡還可以作為選項之一。 點了馬蹄煎肉餅配白飯、鐵板雞扒和一杯冰咖啡。馬蹄煎肉餅配白飯的肉餅煎得香脆，配上白飯，是一份簡單但美味的料理。 鐵板雞扒的味道尚可，雖然沒有特別突出的風味，但算是中規中矩。值得一提的是，份量特別大，還會額外蒜香多士和西湯。 冰咖啡上面放了雪糕，是一個有趣的搭配，但整體口感可能需要再改進。 餐廳的環境普通，沒有特別突出的裝潢或氛圍，但整體還算整潔。服務態度良好，服務員親切且迅速處理訂單。 總的來說，這家茶餐廳提供了價格合理的餐點，味道還算不錯，但沒有特別引人注目的特色。如果您在附近，想吃一頓簡單但合格的餐食，這裡是個可以考慮的選擇。

過嚟呢度做嘢，諗住食個下午茶見到勁墟冚見到又有位，所以試試2:20諗住入嚟下午茶坐低先知今日轉制，三點先有都無計嫁，哈叫全日餐蔥油瑞士汁撈公仔麵熱麥可可，到底呢杯係咩🤪🤪我係抱住想知呢杯係咩嘅心態而叫直到到咗飲咗一啖，其實都唔知呢一杯係熱朱古力定熱華田可以俾到我哋認識嘅名稱嗎？😂😂😂😂雞亦撈公仔面其實吾錯，如果撈出前一丁就好叫咗個辣油，好辣價錢做遊客生意，3點下午茶係特別要留意中規吾錯

新開張時質素好好服務又好份量又夠之後越嚟越差近呢幾次黎都漏單早餐如果叫麵餐起碼等30分鐘今日足足等左40分鐘附近既食客都投訴等左好耐之前叫餐肉係有半塊而家縮水得3/4 塊我都幫襯左十次以上真心越來越失望

9點廿幾分落單，出菜速度一般，10點左右話嚟收咗錢先都冇問題 收完錢 10點20分左右突然阿姐行埋嚟話10點30分要清場搞清潔 都明 冇問題既 但唔使講完呢句3秒後即刻再講： “我唔係同你講笑ga 我地10點30要清晒場 而家得返2檯 要快呀！” 大佬 你前後相隔3秒 我即刻放低筷子起身走都唔止要3秒啦！？ 冇人同你講笑 但趕收工都唔係甘既態度嘛