牛奶冰室 (愉景新城)

营业中

休息中

Lunch time去咗愉景新城搵食 1點鬆啲去到，等咗5分鐘就有位👍🏻  🍴叉燒煎雙蛋飯 $67 個煎蛋係流心！！！ 佢啲豉油汁唔係就咁淋上去 而係淋喺啲飯嘅底到，唔會太咸 叉燒就偏瘦，鍾意食瘦叉嘅我覺得好好食😂 同埋好入味，食完又唔會覺得口渴 😝 嘢飲我叫咗熱檸檬茶，喺落單個時可以揀少/正常/多檸檬汁 🤣我叫咗多檸檬汁，但我唔覺得好酸 ～同佢係冇檸檬片嘅 總括而言，食lunch $70有找我覺得算ok！ 同埋座位都坐得舒服，環境都乾淨。  餐廳位置偏入，搵嘅話可能要少少時間～

唔寫食評都唔知道原來呢間嘢喺香港有咁多分店😲真係失覺晒🫡本身只係比佢門口Display 櫃既蛋撻同菠蘿包吸引左結果…既然堂食就加多一個茶餐炸雞脾配薯條$40 + 特飲$12雪糕牛奶紅豆冰呢度用QR code落單，但係我實在搵來搵去都搵唔到個蛋撻，最後都係要侍應落單$8 既牛油蛋撻，賣相靚仔蛋漿滑既，不過冇乜蛋味$20 爆漿芝士拉絲菠蘿包個包會翻熱比你入面有勁多芝士幾得意既🫢茶餐有啲失望，$40隻雞脾有啲細隻薯條亦有啲咸不過佢係炸得好脆另外果杯特飲，其實字面上已經知道佢係咩味咪就係雪糕+牛奶+紅豆😂$80一個茶餐對一個肥妹黎講絕對盒理

今日下午茶 見個餐牌拉絲波蘿包張相好似好正 叫左一個 加杯凍奶茶 波蘿包上枱時係熱的 應該有反熱過 外層脆 口感不錯 一切開 芝士醬流出 心諗點解唔係拉絲 原來入面仲有拉絲嘅芝士 個人覺得流質嘅芝士太多 食成個有啲漏 但佢本身個波蘿包不錯

第一次食呢個品牌，諗住好正，點知食完火火地。叫左個香煎雞扒早餐。個蒜蓉包，corn and chicken味道係可以。但係我同d職員話我冇fork 食。叫我自己去隔離table 拎，我去拎，隔離個食客話佢都冇。結果係冇人理我，我用筷子 and 刀食西餐! 我話差隻流心蛋，佢俾隻煎蛋。用筷子食太陽蛋真係第一次，乜事！凍奶茶係大杯，但味道勁甜冇茶味………. 如果服務態度好d 係可以encore, 不過….. 真係需要改善!

蝦仁炒蛋 唔多過 有圖有真相 又老又咸，飯又濕又軟無哂口感 ，檸檬茶有異味 應該濾水器出現問題，中午坐一半人都無 叫個飯要等30分鐘，食咁多間最差呢間，做野人又少手腳又慢。

13:45落單，14:24分才有飯食。感覺到成間餐廳好混亂，無論入座安排，落單，出餐，執台都係。唔似大集團作風。樓面眼見都有7-8個人。建議唔趕時間時才試…..

牛奶公司越開越多，哩間開左一個月左右，睇下佢得吾得先。一早7點左右經過，未有客，任坐。餐廳光猛。優點- 雖然現在放鬆，每個位仍然有夠高透明隔板-坐低都提醒要掃針卡。- 吾系好多茶餐廳早餐有伊麵。改善點- 拿第一隻湯羹已經有野黐住；- 因為餐具櫃系拉吾到好出，只睇到個柄，跟本系睇吾到系乜，所有客都每樣餐具都攞出來睇下，影響衛生。- 好似好乾淨，系咁抹D餐檯同隔板；但餐牌跌左落地下，侍應執起吾抹就隊返入櫃桶，自己又吾洗手或者抹手，有無餵食常識咖？- 餐茶基本吾掂。豬扒伊麵（$34）3分- 叫左兩個豬扒伊麵，好快就有。- 豬扒系帶骨小肥，好鬆，唯一吾好系其中一塊系凍，應該一早做好，- 伊麵系我喜歡的爽，但可惜湯系帶小辣，最好寫清楚。- 因為可以單點豬扒吾一定好似其他茶餐廳雙拼，咁就價錢OK。檸檬水（2分）- 又系意樂同一產品，就系吾用真檸檬，無檸檬味討厭。咖啡（2分）- 哩個就差過意樂好多，有苦味無香味。