牛奶冰室 (置富第一城商場)

营业中

休息中

Finally I have room to try their icon dish Chessy pineapple bun. As mentioned in the poster, the cheese should be hot and soft enough to create the stretchy effect.However, my bun is not hot enough and no stretchy effect for the cheese, although the taste is not bad and the cheese content is significant too. There are a few types of cheese inside.You can take away and baked it yourself. I think it may be even better!!! You get the control!!!

【沙田區】【牛奶冰室】沙田第一城一向都係沙田區內嘅「美食小沙漠」，餐廳選擇多得嚟，永遠都唔知食乜好嘅。近年附近有埋石門區，情況有所改善，起碼行去石門嗰邊就即刻搵到嘢食。只不過第一城本區呢？搵到替代品唔代表件事解決咗架喎。然而，最近美國餐廳執咗笠，變咗呢間算係連鎖店嘅「牛奶冰室」，情況應該好啲，雖然類似嘅選擇已經開咗敏華。我喺呢啲情況就梗係搵個機會去幫襯吓，叫咗 $48 嘅「全日常餐」，常餐都有三款可以揀，選擇都還可以。我揀咗「五香肉丁湯麵」配米粉，都幾好食，而且都夠晒大碗。配菜有「蒜香多士」同「牛乳炒滑蛋」，前者個醬幾 juicy 但好似蒜香味不足，後者個滑蛋炒得都 okay，叫做附近冇呢個水準嘅炒蛋先，餐飲「熱茶走」水準可以。一場嚟到食埋 $10 嘅「鮮奶蛋白撻」同 $8 嘅「牛油皮蛋撻」，放咗太耐，水準好一般，咁樣食咗 $66，有好有唔好咁啦。而家慈反而大推 $33 嘅「黑松露滑蛋三文治」配熱飲，佢話好好食喎，我就未食過，讀者自行判斷喇。。。呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：荃灣區分店：1am0482（地址：沙

前幾日都已經試過，1個人去食，點知被安排左搭右搭，算啦，冇位冇計，但今日去，我等咗10分鐘，來遲過我2人、3人、4人都入曬坐，我見有2坐位，咪問下我幾時入得，佢答我未有位，我話來遲過我都入曬，佢居然答我「成間舖得2個位係1人坐，我反咗眼問佢，姐係2人坐唔坐得1個人？佢冇答我，同另一侍應講「比果個位佢，跟住我以為有2坐位唔使搭抬啦，點知被安排搭抬，嬲嬲地唔食喇，走人，我唔會再去試😡😡😡😡😡😡

傳說馬鞍山係一個美食沙漠，但第一城簡直係沙漠之罪最，即是平時好多好食嘅舖頭嚟到呢一區開店都好，唔知點解都係唔係咁好食。最近發現第一城開咗牛奶冰室，喺呢個美食沙漠度，簡直係多咗一個清泉，所以短短開業數月已經非常之受街坊歡迎，成日都要等好耐先有位。一個人嘅晚餐，最好就食啲comfort food，聽聞佢哋嘅咖喱雞扒飯好出名，今晚就試試佢。佢哋嘅雞扒真係好大塊，比起啲飯更加多，想健身嘅人食蛋白質就啱啦，至於咖喱並非港式咖喱，香料味同辣味都偏重，唔知係咪煮法關係？個醬都比較多油，所以口感都幾香口。整體嚟講已經比呢佢大部份嘅食肆好好多，住喺呢區嘅街坊可以試試。

咁大間集團又係連鎖餐廳，如果要外賣一個蛋撻，你要俾錢先，再等15分鐘後先有。仲要每15分鐘係得一細盤… 服務態度差 會鬧返你，係你自己唔落訂 訂蛋撻。樓上漁樂都係同一個集團，但算好好多。

假日行開第一城諗住試下依間新開餐廳，叫左份西多同雞排蔥油撈麵。撈麵不過不失，雞排係鞋口嘅，蔥份量OK但唔覺有油，如是者食完成碗麵同飲埋杯嘢後份西多都未上，明嘅西多有時耐啲。過咗15分鐘後追問，職員話到了。再等多15分鐘後仍然未到打算取消，職員開頭話好幫你取消，廚房大叫出黎就話西多係等咁耐 (咁一開始頭15分鐘就唔好話到咗啦)。跟住再隔咗一陣終於到了，重點係個西多都係唔好食嘅！感覺成間店人手不足，聽到好多枱都催，下不為例

住第一城既人都知除左金禾閣之外, 都無一間包羅萬有既茶餐廳. 而金禾閣已經食左好多年. 望穿秋水終於有間茶餐廳可以俾d 新鮮感. 牛奶冰室有好多分店但其實我一直未見過未食過. 不過聽人講都係唔錯既茶餐廳. 開業後生意都一直好好, 每次都要等位, 好彩大家都係食完就走唔會磨爛蓆, 基本上等十分鐘就有位之前已經食過佢地既蛋治同下午茶餐, 好好食既, 但好似無乜特別所以無專登寫食評. 今次同屋企人試佢地既小菜. 都幾有驚喜. 叫左4個小菜: 煎藕餅, 咕嚕肉, 西蘭花蝦球, 瑤柱菜心苗. 估唔到個西蘭花都好有鑊氣, 好乾身唔會好油, d 蝦球又大大舊. 咕嚕肉個酸甜汁調得岩岩好, 非常開胃. 個煎藕餅好出色, 勁足料又實在, 唔會一夾就散. 瑤柱菜心個汁都好出色完全酒樓級數, 值得一試再試!

菠蘿包繼續進化🤘🏻🤘🏻🔹爆漿拉絲菠蘿包🔹$20店員即場幫你返熱♨️，一切開已經吧吧流出放左兩種顏色芝士🧀🧀，Mozzarella同車打，所以做到又爆漿又拉絲嘅效果菠蘿包嘅脆殼蠻甜的，配搭以鹹香嘅車同富奶香嘅Mozzarella，撞出咗好似芝士零食棒嗰隻🧀奶粉味個人唔鍾意菠蘿包脆殼太散太碎，呢隻就剛剛好酥脆得嚟，有咬得到嘅滿足感，係就咁食甜得有啲怪包體正常港式麵包舖買到嘅質地，看似好高身好大個，其實入面有好多空間係放芝士醬芝士醬多度唔駛錢咁 都幾抵玩👅🫰🏻

見第一城新開左間茶餐廳，終於有時間黎試下！1️⃣味道✨常餐-五香肉丁即食麵配炒蛋多士碗麵黎到見到紅噹噹咁以為好辣，但係食落就冇咩辣味，整體都好食！多士夠脆，炒蛋都好滑，連埋多士食好味🤤野飲揀左熱檸茶，佢特別嘅地方係佢冇一片片嘅檸檬，已經係戳爛左係檸檬肉🍋✨牛油皮蛋撻佢有別於普通蛋撻，覺得佢蛋味比較濃，可惜唔夠熱🥹2️⃣環境餐廳光線充足，乾淨企理，坐得尚算闊落！3️⃣服務呢間餐廳嘅服務質素真係有待改善❗️本身已經多人等位，明明入面有枱但係都唔叫飛，要我主動問侍應，佢先叫人入去入到去坐低左，問侍廳攞QR code落單，出左幾次啲單都錯嘅，之後野食黎到又會擺錯枱🥲🥲 服務質素絕對需要提升味道：⭐️⭐️⭐️⭐️環境：⭐️⭐️⭐️服務：⭐️衞生：⭐️⭐️⭐️抵食：⭐️⭐️⭐️

朋友說第一城開了牛奶冰室，他覺得不錯叫我可以去試吓。但每次經過也看見很多人排隊。剛好今天放假又有時間便慢慢等位來吃早餐，餐廳裝修很好，但坐位太迫，枱與枱之間剛剛夠打側過，肥少許也不能，整個環境太焗促，另外放餐具的位置就像垃圾堆一樣。點了香脆雞球湯麵，如果不是分開上菜，餐單不應加香脆兩字，因為浸在湯裏會變淋，湯麵加了菜粒值得加分，多士夠香脆，茶類飲品的茶底可要求濃度，檸檬茶沒有一片片檸檬係用檸檬汁的。

唔食好 朝早邊有力做！😤🔹黑松露滑蛋三文治🔹$33 係呀 早餐蛋治都要介紹，知咩料啦😎黑松露少見喇吧～ 雖說似係較濃嘅菇菌味🍄，多於松露gas味，但落嘅份量都唔少，食到一絲絲嘅茹菌碎滑蛋又厚又嫩又有蛋香🍳💛 食完好有滿足感😚 炒蛋星人 你懂的⁎⁍̴̛ᴗ⁍̴̛⁎麵包烘得都有一手，首先烘底唔使加錢已經佛心，仲要外脆內軟熟，perfect嘅厚多士🍞🫶🏻同一個集團嘅漁樂都有同類型嘅滑蛋治，真心建議屋企附近有佢地嘅蛋控要試，會上癮的！！

新開張不久的牛奶冰室位於第一城，一直都大排長龍，今天終於有機會來吃早餐，餐廳以黑色和白色為主調好像乳牛的裝修，白雲石配木質枱櫈，感覺休閑舒服，以電話落單，加水自助，感謝新潮，服務員上菜快。火腿通粉和榨菜肉絲米炒的湯底很香又美味，飲了很多，除了配料之外，還切了一些菜粒，很有心思，又健康可口，香滑炒蛋和蒜蓉多士，賣相靚，蛋味香濃，凍奶茶奶味香濃夠甜，鴛走好香，如此美味，怪不得一直很多客人排隊都想來食。

新開到宜家見咁多人等位，一定好好味，咁就去試吓，點知叫咗個星洲炒米唔夠味，黃薑粉又兜唔勻，樓上間美好快餐炒得好味過佢，另外咖喱牛腩飯，牛腩碎到好似五香肉丁咁，唐記抵食過佢，重要好味過佢，六十幾蚊一個餐勁唔抵！

係呢間已經食過幾次野食都還可以既。今次叫左杯所謂‘’獨特麥華田‘’落單時候已經按左濃D架啦點知完全冇味。。杯野顏色好似奶水咁既色d人服務態度完全唔掂第一次問佢 佢聽完冇反應走左去。。好 再問佢 佢仲叫我自己落糖？凍野黎架大佬。本來都想算 但真係好難飲呀！叫過另一個人，佢換過。明顯顏色試係深左。。但都係唔好飲的。冇下次。。價錢都唔係平食野都唔係價錢問題，貴唔緊要最重要要值得麻。唔知其他分店如何但呢間完全唔掂👎

19：00叫外賣，被告知原來外賣要等半個鐘，無問題，等左半個鐘未出，問下佢地經理，話差唔多。如是者前後追問左3次，第三次係40分鐘後，佢講無曬西蘭花啦，轉過第二樣。大佬無曬西蘭花唔係應該叫外賣時同人講，唔問佢都唔講，可能只會繼續等。我都有朋友做餐廳既，就快無廚房會叫唔好再接外賣單，堂食可以獨立問廚房。 你咁多連鎖店唔係連管理都唔識掛。 有錢開咁多鋪不過請個識管理既人返黎啦，好生意都唔係咁做既。係咪 啲客想食就食，唔食罷就？堂食態度又差，落單已經係自助，搵個姐姐問下野，一係串到爆，一係唔耐煩。仲要成日錯單，食麵就變米粉，飲品又會錯，一係就漏單。 唔會再黎!