牛奶冰室 (啟鑽商場)

营业中

休息中

雖然網上嘅人一直對牛奶冰室好壞參半，但其實連鎖快餐店嚟講算幾好啦！跟餐飲選擇多，我試咗杯美祿加煉奶，好甜嘅我覺得超好飲野食係茄汁焗豬扒，好大份啵！夠入味，總體嚟講我覺得OK！

附近收工想食咖喱🐮牛腩飯 諗起呢間細細間嘅牛奶冰室 同埋黃大仙都返塊牌🤣既搞笑記憶入正題嗌咗佢嘅招牌咖喱🐮腩飯+凍奶茶走甜多奶 首先呢度係用電話自己落單既 如果落唔到都可以叫侍應幫手 腩汁偏甜 冇乜辣味 所以話好似日式嘅咖喱 但就冇日式咖喱嘅🥬蔬菜同肉碎 牛腩係一粒粒 肉質主導好淋 份量都幾多 小編表示滿意😌 佢嘅🍚飯就有啲搞笑 係成嚿黐埋咗 進食前要壓碎 但係珍珠米 算係救返個分數 最後係凍奶茶 呢度嘅特色係高身杯 超大杯 鍾意晚飯後同朋友吹吓水 係一個幾好嘅選擇👍

突然之間想食酸菜魚，所以嗌咗個酸菜魚米線，再加花膠雞湯，點知個酸菜魚湯底沒有酸味只有辣味，魚又腥，好處就係佢有冬菇同我想配菜☹️，然後個湯好似溝咗水咁淡，以為個賣相幾好諗住幾好味，好似廿幾30蚊以為會有少少質素，同平時茶餐廳送嘅例湯味一樣，呢兩樣嘢食咗少少已經勁頸渴😔😔下次茶餐廳都係帶返普通燒味蛋飯好似先無死，另外我男朋友嗌咗雞翼蛋飯，其實係唔錯，切記嗌新嘢。。瀨晒嘢🤦🏿‍♀️🤮🤦🏿‍♀️🤦🏿‍♀️🤦🏿‍♀

呢間都係我經常食午餐或晚餐鍾意佢湯底有落牛奶十次有七次都會叫呢個生滾薑蔥牛肉米粉配牛乳炒蛋#蒜蓉牛油多士（多士我多數會問佢拎個紙袋帶走）佢個湯底加左奶真係好香好正牛肉唔un有d菜係入面～好滿足炒蛋好滑唔知有無加奶多士好香蒜蓉味蒜香蜜汁叉燒煎半焗流心蛋飯睇相都感受到雙蛋有幾咁流心撈飯簡直無得輸仲有豉油汁添叉燒半肥瘦都幾厚肉架呢個爆漿拉絲菠蘿包真係不得了食半個其實都好膩佢應該係有兩款芝士～嚟到熱辣辣小心燙咀用紙巾墊一墊芝士汁多到可以啜芝士愛好者唔好錯過啦

話說今天出門見到只係微雨，點知一出地鐵就發現係黃雨格局，於是食埋午餐先返公司揀咗個全餐，就係瑞士汁雞翼蔥油撈即食麵，我對瑞士汁雞翼真係冇抵抗力🫣🫣炒蛋轉左流心蛋，但上來的係有驚喜嘅，估唔到係煎到有金黃脆邊的蒜蓉牛油多士，蒜蓉味十足，鍾意食蒜嘅朋友一定要超喜歡，不過對於我來說，就稍稍多了一些，把面頭的蒜蓉輕輕撥走一些就可以了😌😌瑞士汁雞翼煮得夠入味，甜甜鹹鹹的麵質彈牙，撈埋啲瑞士汁一齊食，太正了反而杯茶走就唔係咁特別，茶味不夠濃，但我已經點咗要濃D😅

四川火鍋嘅味道，辣椒有道地的味度飯似係珍珠米整體配合，口感不錯值得推薦———進食期間有個小插曲：有人客來買菠蘿包，－名店員說已經售罄，但再之前一名店員問他是否堂食。他便感覺到因為是堂食所以不賣給他？因為他手機查到是仍有的😂後證實真是一場誤會，🕸️上未及時更新而已———-我座位31號，就在大門旁，天氣炎熱，店內冷氣充足，但夥計又不去關門，又冇電風閘😂😂

今日早上大約十點同屋企人去食早餐，叫咗三個早餐，嘢食好快到，我哋食咗大約半個鐘，門外不斷有人排隊等入座。我哋諗住坐多一陣就走，當我仲飲緊杯咖啡時，個女侍應就攞張單嚟，好似催我哋走咁，仲未問過我就收走我杯清水！佢哋咁樣做真係趕客，唔會再幫襯！

疫情期間開業的這間冰室，因為位處鑽石山站傍，很多時轉車經過來這裡吃一頓快的。今天天氣熱，十時許到店時原本要在門外排隊等位，但店員問，「如不介意搭枱，不如先入店吧，天氣太悶熱了（打風天🌀）」。茶餐廳，當然不介意啦，三十多元的早餐絕對不會奢望一人佔全枱的 👌🏻早餐到了，有驚喜，火腿米粉都有好多切碎的綠色蔬菜🥬🥦，這是在茶餐廳／快餐店鮮有的。整體食物、飲品都好，最好是體貼的服務、多點人情味，連搭枱的一家人也是，應該係大家都有近似嘅 energy frequency 吧🤩。食物，除了裹腹，還可以連繫人❣️

🚇位於鑽石山新開既啟鑽苑商場，係鑽石山地鐵站步行幾分鐘就會到牛奶冰室，見咁近我一於就試下佢。✨瑞士汁雞翼半焗流心雙蛋飯（$58）瑞士汁雞翼好入味，而且肉質夠霖👍🏻流心雙蛋個蛋黃我覺得可以再流心一點，佢整得熟咗小小，飯質有點兒爛飯。✨黑糖牛乳涼粉冰（套餐+$9）見佢特飲+$9實在係太吸引，平時出面最少都加十幾蚊先有特飲，黑糖味好足夠，如果飲管更加粗大更好，會比較容易吸涼粉。整體感覺都不錯，手機落單很方便，落單5分鐘就有食物，可以一試。

啟鑽苑入伙一段時間後，不少新商店開業，其中食肆比較多，有幾開茶餐廳，冰室以呢間牛奶冰室較為吸引，不過座位幾擠迫，侍應服務態度亦有進步空間。① 爆漿拉絲菠蘿包 $18好邪惡，好大個，熱辣辣，堅係爆漿，但唔係好拉絲，一切開已經聞到好濃芝士味，呢個菠蘿包入面有Mozzarella 同Cheddar Cheese，鹹鹹地幾好味。② 咖喱牛坑腩 $63③ 四川麻婆豆腐飯 $54普通碟頭飯，兩個都偏重口味，多汁，撈飯一流。牛坑腩幾腍，不過碎濕濕，比較細件。麻婆豆腐幾多料，食落口感豐富。④ 雪糕紅豆牛奶 $29夠大杯，不過個雪糕見到舊冰咁，賣相即時扣分，食落口感係有啲怪，似食冰多過雪糕。

今日嚟到鑽石山食牛奶冰室🥛🍜火腿濃湯伊麵 ($35)火腿濃湯通粉 ($35)見今日早左出門口就去食左個「是日靚早」😎🤟🏻叫左個火腿麵同通粉。食落就覺得伊麵係好食啲嘅，通粉就比較淋啲，我自己就覺得麻麻地啦。不過幾好嘅就係除左火腿之外，仲會加左一啲菜粒，食落去又有多啲爽脆嘅口感，值得加分🤪🤪另外仲會跟一份蒜茸牛油多士同炒滑蛋。特別要提下份牛油多士😍，又多蒜又多牛油好足料，一上到枱面真係要襯熱食！評分：7/10❣️地址：新蒲崗彩虹道235號啟鑽苑商場地下8號舖

其實星期日食個快嘅午餐真係好難，周圍都係人，都係要排隊。呢間牛奶冰室，門口長期排長龍，間嘢又細，經過好多次，永遠都因為太趕時間而唔會揀呢間。最搞笑係，阿仔比隻牛吸引住，每個星期都問可唔可以食呢間。直到20/11，比阿仔開心下啦，咁啱果日早咗，唔駛排隊，我地就咁食咗一次喇！今日阿仔又話想去食，但今次排左4，5個人，見夠時間都排下啦，結果5分鐘都唔駛，已經可以入坐🥳🥳因為餐牌選擇唔多，所以order 返同上次一樣！「茄汁焗鴛鴦扒 飯」同「瑞士汁雞翼撈伊麵套餐」係好食嘅，不過我最欣賞杯「黑糖牛乳涼粉」😍😍😍同埋我好鍾意有個侍應好細心，不停提我小朋友個焗飯好熱👍🏻👍🏻今餐先啱啱食完，阿仔已經問我可唔可以下星期再食😂😂😂

門口經過見到有「拉絲菠蘿包」下午茶，入嚟試吓。個菠蘿包原來比一般嘅大，裏面有車打芝士醬。水嘅比例太高，拉唔到絲。呢個芝士味同菠蘿包其實唔係好夾，不過都幾得意，當係打卡用。個奶茶一般啦，手機點菜，講咗話要濃味，都係冇，仲淡過平時茶餐廳飲嗰啲，唔知係唔係水吧睇錯咗話要淡味 😆

用熊貓叫外賣速遞喺屋企食，本來想懶下，唔想煮飯。點知送上嚟啲嘢食完全唔ok。叉燒係大部分都燶，完全食唔到。兩碟飯的質素都好差，d 飯好似係隔夜飯，一舊舊凍冰冰，見到都唔想食。以為無負評語就安全，宜家證明係中伏。

服務態度欠佳！野食好食有咩用？服務態度好差，食到一半，未食完就行過嚟問：「係咪唔要啦？」「吓！我仲食緊！」未夠21:30就不停講要清場，重點係我個飯未食完！仲要係我面前講：「我想準時收工係無罪㗎！」仲要係客面前咁大聲講：「唔好阻住我準時收工呀！」而家啲服務態度咁差嘅咩?!就算係茶餐廳都唔應該係咁架，我去過咁多間都冇以上嘅事發生，侍應仲要送錯餐。客人叫左咩嘢食，你哋唔係好清楚既咩？咁既服務態度只係會令我下次唔會再去食！🔥🤬