牛大人台灣火鍋吃到飽 (瓊華中心)

营业中

休息中

我同老公都好鍾意椰子，知道牛大人新推出左炎夏椰樂祭，即刻去牛大人食先！我地揀左日本A4黑毛和牛火鍋放題，湯底就係揀左佢地嘅期間限定的「喇沙椰爺仲夏鍋」同埋「木瓜椰皇嫩雞鍋」啦！我幾鍾意第一次打邊爐係喇沙湯底，湯底好濃郁，有濃濃嘅椰香同埋喇沙味道，比例好平衡，帶有少少辣，好特別！依家牛大人推出「炎夏椰樂祭」，所以會提供埋唔同嘅椰子小食🥥我地叫左椰酥跳跳豬、黃金椰絲蝦丸同埋椰林火山脆薯條！我最鍾意食黃金椰絲蝦丸，外皮炸至金黃色，入面有蝦肉同埋椰絲，口感彈牙！椰林火山脆薯條都好香脆可口，薯條上面灑上香辣粉，配埋特製嘅「香椰火焰醬」更加惹味日本A4黑毛和牛好高質，油脂分布好均勻，好濃郁嘅牛肉味，肉質鮮嫩🤗仲有其他肉類可以揀，澳洲和牛牛肩卷、安格斯牛小排同埋伊比利亞黑毛豬梅肉！我覺得伊比利亞黑毛豬梅肉都好正！有濃郁嘅豬肉油脂香味，而且一啲都唔嚡身呢！和牛套餐仲一份海鮮拼盤，真係好足料！有鮑魚、蠔、扇貝同埋鱔片，好新鮮，鮮味十足，正！仲可以任食飽魚另外，自取櫃有好多唔同種類嘅丸、蔬菜，可以揀！跟餐嘅澳洲M9和牛牛丸2粒爆哂汁真係好正🙌🏻牛大人嘅飲品種類選擇有好多，老公就鍾意飲冷泡茶！我地食呢個日本

無論幾時，打邊爐真係冇分季節。呢間牛大人幫襯過咁多次，keep住都有新意，唔會食到悶。佢哋最新推出咗「炎夏椰樂祭☀️」，由湯底、小食、醬料同甜點都加入咗椰子🥥，可以沉浸式咁嘆晒整個椰子主題火鍋，係正嘅🤤！「來都來了」🙈 梗係揀最豐富嘅Set🌟120分鐘日本A4黑毛和牛放題$448 (💡19:30前離座) 送 澳洲M9和牛牛丸2粒、海鮮拼盤、任食鮑魚😍。嗌呢個餐，仲可以無限暢飲Cocktail特飲🍸同啤酒🍻一定要試！椰子主題🌴期間限定湯底🥥 「喇沙椰爺仲夏鍋」🥥 「木瓜椰皇嫩雞鍋」喇沙湯底唔會好辛口，唔食得辣嘅朋友都唔使驚。A4+和牛、日本黑毛豬，肉質保持水準，和牛入口即溶，仲可以無限追加，食肉獸勁Happy😌不過今次啲海鮮就可惜細隻咗啲喇🤏🏻椰子主題Menu都幾多新嘢🥥 小食：椰酥跳跳豬、黃金椰絲蝦丸、椰林火山脆薯條🍯 醬料：香椰火焰醬、椰汁美奶滋🍭 甜品：香芋椰漿脆脆 (幾好味😍)🍨 Movenpick 椰子雪糕 (好清爽 唔太甜)🍸 特調飲品：粉桃椰香 、冰檸伴椰🍹 必飲 椰奶蓋芒芒爽入面仲飲到啲粒粒同果肉，勁邪惡😈。如果唔係嗌呢個餐，只要follow 社交平台，都有得免費送㗎！未完

好一段時間冇食過牛大人朋友想打邊爐 所以就揀咗最方便大家嘅旺角店一開始有提早喺網上預約咗6pm當日因為天氣 遲咗10幾分鐘到知道hold枱通常只係hold10分鐘 所以都感謝前台職員毋須我哋再排walk in到場後前台職員問會否考慮7:30pm離座 可以每人-$20同同行朋友都冇所謂 職員亦話上菜速度快 所以就答應用餐到一半 我哋兩個女仔發現時間都係太趕急上菜速度的確係快 但keep住密密食都依然係成枱都係嘢食（另外一提 芋頭丸有酸味 咬開後已經馬上吐返出嚟😅）於是禮貌問職員可否都係改返食到8pm其中一個職員告知我哋已經同前台同事講咗其後另一位職員表示因為我哋入座時已答應 因此未能安排 我哋都能理解的 於是都盡量食得好快到差不多7:30pm時 職員將帳單交俾我哋 示意埋單先到7:30pm 同同行朋友只係食緊雪糕 亦都因為知道已到交枱時間 準備將食到一半嘅雪糕 同飲到一半嘅飲品帶離餐廳而因為個人物品放咗喺梳化位置 需要等待朋友幫忙將個人物品交到我手上 然後已經打算馬上離開此時職員屢次行到我哋枱 帶有少少呼喝嘅態度指出交枱時間已到 需要離開 最終離開時都非常狼狽 成手都係嘢。。其實明白你哋

🍲 湯底：木瓜椰皇雞鍋（超推！）原隻椰皇水煲雞，加左木瓜，清甜到爆！飲左幾碗湯A4和牛任食和牛片片雪花靚，淥10秒就食得，和牛味濃！椰湯底帶出牛肉嘅鮮甜，點少少豉油已經夠晒味，encore咗四轉！  海鮮拼盤 海鮮有鮑魚、生蠔、帶子、鱔片 , 生蠔好大隻, 都算新鮮- 椰酥跳跳豬：炸到金黃嘅豬肉丸，一咬落去爆炸糖噼啪跳！鹹甜交織，過癮到笑。  - 黃金椰絲蝦丸：蝦膠外層鋪滿椰絲,咬開係彈牙鮮蝦- 椰林火山脆薯條：薯條撒滿椰子粉，蘸埋香椰火焰醬，幾特色 必點配料- 花膠：厚身又膠質重，淥完滑溜溜，補到呢～  - 鴨血好入味$500左右任食A4和牛+海鮮+創意椰食，性價比高到癲！鍾意甜湯底嘅必試木瓜椰皇鍋

👧🏻😋👅🍽✨牛大人限定祭越做越出色💖-☀️ 「炎夏椰樂祭」令大家夏日熱辣辣都放心打邊燼🫶🏻 無論湯底、小食、飲品、甜品，都好有心思地呼應椰子主題☀️ 惠顧日本黑毛和牛A4+餐除咗有入口即溶、值回票價嘅靚牛肉之外，仲送海鮮拼盤（每日時令鰻魚超驚喜‼️）、鮑魚任食，再可以任飲cocktail同Sapporo生啤🍻 -▪️期間限定椰子湯底🍲 喇沙椰爺仲夏鍋：沙嗲溝椰漿好香甜，係飲得嘅質素，比唔少喇沙店更出色🤭 放題都無阻我食晒啲豆卜😂🍲 木瓜椰皇嫩雞鍋：超級清甜，加埋桃膠、杞子好滋補，雞肉真心嫩滑！▫️椰子小食🥓 椰酥跳跳豬係邪惡嘅酥脆豬腩肉，冇加爆炸糖都夠晒脆卜卜🍤 黃金椰絲蝦丸蝦肉熱辣辣好彈牙，椰絲同椰漿畫龍點睛好香甜▪️特調飲品🍹 椰子Cocktail試咗粉桃椰香同冰檸伴椰；清新夏日當然唔少得檸檬沙瓦用 highball甜甜地好易入口🥭 椰奶蓋芒芒爽（follow 社交平台送，非任點）有椰香奶蓋、芒果肉、芒果果汁同西米，係童年回憶嘅芒果特飲🤩▫️甜品🍠 香芋椰漿脆脆芋頭好粉好腍，淋上澎湃椰漿加埋脆脆椰子片配搭100分🍨夾埋任食Movenpick對出買椰子味，入邊有淡淡椰肉，椰子迷滿足了🥳

🐮牛大人足足有 9 款鍋底🤫款款都各有特色😍選擇困難既我地揀咗鴛鴦鍋🥘 😚 牛大人秘方紅燒牛骨鍋🍖+ 台灣鳳梨雞鍋🍍😙 牛骨鍋湯底採用優質牛腿骨🍖先燒慢燉😏真係精華所在，入口濃郁，骨香四溢。每啖都食到牛骨濃郁鮮甜味 😎mochicp試過呢個湯配肉類食物都非常入味好食！🤤另一款試咗台灣鳳梨雞鍋🍍 湯底有半隻雞同台灣鳳梨搭配苦瓜🤭再加上土雞腿肉🍗精心熬出嘅雞湯鍋底🤔鮮甜解膩🤤帶有絲絲清新鳳梨香🍍mochicp試過呢款湯底比較適合配海鮮同蔬菜 ⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧ 「日本黑毛和牛120分鐘任食」套餐($448)1️⃣ 日本黑毛和牛主角既日本黑毛和牛A4+肉質細膩☺️ 油花分佈均勻😚肉質充滿油脂香☺️入口即溶😍唔會韌🤫每碟A4和牛既質素相當平均☺️唔會似坊間咁有時得第一碟係靚牛🤣miss mochi建議叫一份全份夠啦😂食到第二碟開始有啲膩🥹2️⃣ 澳洲M9和牛牛丸同海鮮拼盤呢個餐每位仲會贈送澳洲M9和牛牛丸2粒同海鮮拼盤😳個牛丸好L好食🤤真係一咬落去🤓勁juicy會爆汁😙好彈牙😚miss mochi未食過咁好食嘅牛丸！好想食多幾粒🙃海鮮拼盤好豐富

牛大人日本黑毛和牛A4 套餐已經重刷好多次嘅「牛大人」今次都係繼續揀日本黑毛和牛A4套餐湯底我哋揀咗養生同蕃茄鴛鴦湯，兩款都好有特色，養生嗰邊清清地飲落無負擔；蕃茄湯就夠晒濃郁，酸酸哋好開胃主角當然係A4和牛，油花靚，入口即化，同埋大大塊唔洗點醬已經夠牛味，食落好滿足仲有海鮮拼盤都有驚喜，蝦、扇貝、鮑魚、蟶子同埋蠔都夠新鮮配埋個湯底一齊打邊爐🍲仲有佢個M9和牛牛丸！超級爆汁必點推介😋而且佢有得任食台式小食，好多選擇，例如鹽酥雞、甜不辣、滷味嗰啲，全部熱辣辣，好有台灣街頭風味整體嚟講，台式打邊爐性價比高之選食材質素唔錯，啱晒成班朋友一齊🍽️😋

放假想打邊爐，又想食靚d既牛肉，即刻醒起牛大人日本黑毛和牛A4 套餐，放題種類多元化仲要野食質素好高，推薦🥰✨湯底🥣叫左胡椒豬肚雞鍋，胡椒香氣濃郁，加埋豬肚、雞肉的鮮甜味，湯頭呈現奶白色，口感濃厚，湯頭溫潤暖胃，我地都飲左好多湯😛✨日本黑毛和牛A4 🐮賣相好靚，放題呢個質素真係可以回本！油花豐富，食落口感柔軟多汁，充滿濃郁的牛肉香氣😚✨伊比利亞黑毛豬梅肉 🐷伊比利豬生長於西班牙的橡果林中，以橡果為主食，所以d肉帶淡淡的橡果香氣，油花分布均勻，入口即化😋✨澳洲和牛牛丸 🐮套餐每人都會送兩粒，牛丸帶濃郁的牛肉味，口感彈牙😍✨海鮮 🐟🦐一大盤海鮮上枱，鮑魚、帶子、蠔、聖子等等（每人一份），仲可以QR code 點單要其他海鮮，例如蝦，魚片等等，超豐富🤪

今晚同朋友去咗呢間來自台灣嘅牛大人打邊爐，揀咗最頂級嘅任食套餐，每位送澳洲M9和牛牛丸同海鮮拼盤，超抵食！平日夜晚都全場爆滿，好受歡迎！肉食方面勁豐富，有日本黑毛和牛A4，油花靚到爆，入口即溶；封門柳牛味濃郁，肉質軟嫩；安格斯牛小排同PRIME極級肩里肌都夠水準，淥幾秒就食得，鮮味十足！海鮮拼盤有蝦、蜆、鮑魚仔，全部新鮮彈牙，仲可以任點其他配料，款式多到揀唔晒。湯底有好多選擇，我地選左滋潤養生鍋同期間限定椰子鍋，濃郁得嚟唔會太鹹，襯牛肉一流！服務勤快。雖然價錢唔算平，但質素高，食肉獸同海鮮控一定滿足🥰絕對會再encore！

牛大人🐮日本A4和牛 120分鐘吃到飽試新嘢👉🏻喇沙椰爺仲夏鍋喇沙勁惹味！加咗椰漿勁香～少少辣唔使再沾醬汁已經好好味！個人覺得呢個湯底同海鮮好夾😋重點一定係A4和牛！就咁睇已經感受到有幾高質啦😈油花勁靚，肥瘦完美比例！厚薄切得啱啱好啱，大口食肉嘅感覺真係冇得彈👍🏻 肉味濃郁，而且嫩滑，呢個質素嘅牛任食性價比極高❗️連鮑魚小食都係任食：古法醉鮑魚｜炭燒鹽蔥鮑魚｜柚子燒汁鮑魚呢兩個絕對係回本位！最後仲有Movenpick 雪糕～ 牛大人台灣火鍋吃到飽 (瓊華中心) (旺角)旺角彌敦道628號瓊華中心8樓

同另一半慶祝紀念日 好想打邊爐呀！就黎到牛大人我地食左日本黑毛和牛A4+套餐 本身套餐仲每位贈送澳洲M9和牛牛丸同埋海鮮拼盤講左湯底先 超正👍🏻👍🏻招牌胡椒豬肚雞鍋一上桌先被濃白湯頭震懾 浮沉的金黃雞件與肥厚豬肚鋪滿鍋面 足料用咗半隻雞 滾沸後濃郁芳香撲鼻而來 白胡椒的微嗆暖胃不嗆喉 豬肚爽脆無異味 雞肉嫩滑吸飽湯汁 正！🥩 主角登場：日本黑毛和牛A4+套餐油花藝術品級別 大理石紋路勻稱如雪花 肉片透光薄切 下鍋輕涮3秒即捲曲變色 入口脂香爆炸 和牛獨有的奶油香味在胡椒湯襯托下更顯深邃仲有伊比利亞黑毛豬梅肉 爽口肉味重 又係另外一個驚喜 搭配我自己調制的「台式醬汁」（沙茶+生蛋黃+蒜茸） 鹹香包裹肉汁 邪惡度爆錶！套餐 我推介「澳洲M9和牛牛丸」 真材實料爽口牛味重 無得頂海鮮盤内新鮮鮑魚 元貝同鰻魚 鮮活味美 仲有兩隻好大嘅生蠔 好味另外再任點的新鮮大蝦 墨魚滑 真材實料 正 吧櫃上仲有超過30多款鮮菜 肉丸 海鮮丸 各式其適 選擇真係多到冇得彈飲品櫃驚喜台灣冷泡桂花鳥龍茶 武夷山大紅袍 洛神花茶 解膩一流 啱曬唔同口味！各式啤酒汽水 一應倶全 雪糕櫃裏面嘅果冰同雪糕 選擇繁多 好彩

今次就去牛大人，豪啲點咗個 120分鐘日本黑毛和牛A4+火鍋放題仲有新款小食，連夏日特調飲品都加入咗椰香元素必點日本黑毛和牛 A4+送海鮮拼盤，澳洲M9和牛牛丸，一咬爆肉汁！木瓜椰皇嫩雞鍋，湯頭濃郁鮮甜海鮮拼盤有元貝、生蠔、鮑魚、白鱔片份量十足A4和牛油脂分佈細緻，油香豐腴肉質鮮嫩多汁，入口即化伊比利亞黑毛豬肉質彈嫩，同椰子湯好夾仲有特色食物酒糟牛舌肉質滑嫩，帶點酒香，食落好有層次鹽酥雞、炸鮑魚，黃金椰絲蝦丸同椰林火山脆薯條口感正宗椰奶蓋芒芒爽椰奶蓋有濃郁嘅椰香，配搭鮮甜芒果粒仲有好多西米，口感好好

嚟 「牛大人」 食火鍋放題，除咗任點任食鮑魚同A4+日本黑毛和牛之外，足料火鍋湯底都係另一大賣點🍲是日J就係為咗新推出嘅2款期間限定鍋底而來😍📝 120分鐘日本黑毛和牛吃到飽套餐 $448星期六、日及公眾假期假期 +$1019:30前離座 $448鴛鴦湯底 +$50🍲 喇沙椰爺仲夏鍋味道唔啖口，作為湯料嘅鮮蝦同豆卜嗦晒濃香喇沙湯汁🍲 木瓜椰皇嫩雞鍋椰子水湯底清甜，會忍唔住口食晒作為湯料愈煮愈軟嘅椰子肉日本A4黑毛和牛，細密紋理嘅油花當然吸引，J仲會蘸配埋日本雞蛋令肉質更軟滑😋 吃到飽套餐包埋嘅海鮮拼盤，蠔細細隻但一睇雪白蠔肉都知新鮮，仲有每人2粒嘅M9澳洲和牛牛丸，入口有牛脂香_______________牛大人台灣火鍋吃到飽 (旺角)旺角彌敦道628號瓊華中心8樓_______________

餐廳環境寬敞，自助區嘅燈牌營造咗台灣夜市嘅感覺，亦提供應有盡有嘅飯前飯後美食同埋火鍋配料，包括滷肉飯、湯泡飯，滿滿嘅台式感。🚩我哋今次叫咗日本黑毛和牛A4+套餐。佢以鮮嫩多汁嘅肉質著稱，搭配新鮮蔬菜同香濃湯底，令每一口都充滿鮮美滋味。享受獨特嘅口感，完美嘅油花、滑順嘅肉質，令人回味無窮。我哋一共嗌咗四碟和牛，雖然好飽，但係簡直係大～滿～足～🥩🚩而每次去牛大人都會嘗試唔同湯底，我哋今次試咗胡椒豬肚雞鍋同埋台灣鳳梨雞鍋。胡椒豬肚雞鍋湯底鮮香，融合嫩滑雞肉同脆口豬肚，搭配香濃胡椒，帶出暖心滋味。台灣鳳梨雞鍋以鮮嫩雞肉同甜美鳳梨為主角，湯頭清爽酸甜，融合熱帶風味，當中嘅苦瓜更帶出湯底嘅甘甜，令每一口都充滿水果嘅清新同雞肉嘅鮮美。🍍🐓🚩海鮮拼盤精心呈現鮮美嘅鮑魚、大元貝、生蠔同蟶子。每一款海鮮都新鮮無比，肉質鮮嫩，海味十足。🦪🦞🚩最後仲有澳洲和牛牛丸，肉質鮮嫩多汁，富含肉香，口感滑順。每一啖都散發出濃郁嘅牛肉味，搭配湯底、更顯獨特風味。🐮🍡🚩另外有各種富台灣特色嘅火鍋配料同小食，包括澎湖花枝漿、手打旗魚漿、私房鴨血。全部令人食指大動。😋

「牛大人」呢個放題真係堅抵食！$500左右任食日本A4+黑毛和牛，油花靚到似雪花❄️，輕輕一淥3秒入口，油脂即刻化開，牛香爆棚！仲每位送澳洲M19和牛牛丸同海鮮拼盤，粒牛丸彈牙到乒乓波咁，咬開仲有肉汁噴出嚟，正到癲！ 海鮮控必搶鮑魚四食：古法醉鮑酒香濃、炭燒鹽蔥夠惹味、柚子燒汁清新、原隻鮮鮑爽甜，一次過試勻4種風味，爽過癮！其他肉類都唔輸蝕：伊比利亞黑毛豬 甘香唔羶、安格斯牛小排嫩滑冇筋，手切封門柳牛味濃到痺！最驚喜係牛媽秘製滷牛筋/牛肚，滷到軟淋入味，食三碟都唔夠喉～ 湯底揀咗木瓜椰皇嫩雞+濃香蕃茄，濃郁得嚟唔會死鹹，襯和牛一流！甜品有仙草芋圓解膩，完美收尾。成餐勁多高質選擇，上菜快又補貨足，旺角區嚟講性價比超高，一班人打邊爐傾偈，爽過夾Band！✨ 📌 貼士：提前Book位免排隊，A4和牛同M19牛丸必encore，海鮮記得嗌追加！