牛品台式火鍋

营业中

休息中

今日放假出左去尖沙咀行街，lunch去左牛品食台式火鍋，已經嚟過幾次，呢度既火鍋配料既新鮮、款式又多，仲有埋最鐘意的台式芋圓甜品吧，雪糕，仲有自家製台式飲品，價錢相宜，絕對性價比高。店內環境闊落，架座坐得好舒服，食物上枱都好快，值得推介75分鐘午市定食套餐 $98花菇昆布鍋今次揀左花菇昆布鍋，屬於素鍋，湯底清甜完全吾油膩，咁啱keep fit中的我加拿大頂級牛板腱頂級牛板腱牛味濃郁，肉質夠腍花雕醉雞件花雕醉雞件肉質夠幼嫩，不過花雕味又吾算重火鍋配料吃到飽配料相當豐富，多款菜類，仲有台灣A菜添，有丸類、菇類、瓜類，應有盡有。熟食方面，多類台式小食，滷肉飯、燉湯、滷水小食、多款麵類，相當夠飽，食物水準不錯自助芋圓甜品吧打完邊爐，最期待甜品環節，最鐘意愛玉、芋圓、紅荳等等，好滿足飲品免費任飲今次揀左桂花烏龍茶、洛神花茶，清甜可口，非常解渴

平時我地都鐘意打邊爐，我地今次book左呢間牛品台式火鍋，佢同春陽茶事係有關係既，食第3級既牛御品或以上會送一杯春陽茶事同鮮活鮑魚，我地就揀左呢個餐啦✌🏻牛御品17:00-18:30入座（$319）19:00-20:30入座（$359）20:30-22:30入座（$339）依家佢地做緊推廣有青花椒和牛鍋，全新既湯底，可隨意添加青花椒，調配自己合適椒麻味道，另外仲有10款其他湯底，鴛鴦鍋就要+$50🫕呢間店既牛肉會比埋塊牌你分辨唔同既牛肉，牛御品就有澳洲M9和牛肩胛肉，簿簿一片，有d入口即溶feel，亦都唔會太肥，而美國特級牛小排同美國頂級肩胛肉既色澤都好鮮紅，牛肉質素幾好🐮另外仲有海鮮，我就叫左碟蜆，裡面d肉大大隻幾有口感🐚其餘仲有多款台式火鍋既配料，好似蛋餃，燕餃，鴨血等，應有盡有，外面自助區再有更多選擇，真係多到數唔曬，食唔曬🤯除左火鍋配料當然唔少得台式熟食，有魚皮，鹽酥雞，炸午餐肉，皮蛋豆腐，成個夜市搬左黎咁😆甜品方面就有haagen dazs既自助雪糕，分別有冧酒提子，草莓，咖啡味🍦而最令我驚喜就係有個自助既鮮草芋圓bar，有各種台式甜品既配料可以自己整碗岩心水既甜品，我對於呢

我今日去尖沙咀辦事，順道約同好友去位於尖沙咀樂道32-34號1樓的牛品台式火鍋食午餐火，環境舒適，坐得舒服。我和好友都點左 75分鐘午市定食套餐$98/位，湯底是花菇昆布鍋（素），我要加拿大頂級牛板腱，好友要西班牙栗飼豬梅肉，自助食材有蔬菜類、肉丸類、麵飯類、各類汽水及飲品，冰淇淋，還有個綿綿冰機給大家 DIY（用法非常簡單：用糖漿製作獨特的綿綿冰，再根據自己的喜好加上芋圓和其他配料）。原來：食牛品嘅晚市牛御品套餐會送春陽茶事嘅嘢飲。整體黎講是食材新鮮又好味，設備衛生，食得放心。

120分鐘任食食到飽🔶牛御品套餐$339有M9和牛、特級牛小排、牛舌片，一口和牛等等全部全食，我哋就主要都係點咗M9和牛，每一碟M9和牛油花分布好豐富牛味最香濃，亦係最嫩，呢個價錢食到M9真係非常之抵。特級牛小排肉質比較紮實有咬口，牛味唔比M9輸蝕，同埋有肉汁，啱晒啲食唔到太油膩野既人食。🌟 評分: 8/10🔶台式小食台灣香腸 鹽酥雞 甜不辣 地瓜球同埋炸花枝丸台灣腸已切片，表皮烤到香脆，入面有粒粒爽口嘅肥膏增加口感，令台灣腸增加一種油香味。炸花枝丸炸到金黃色好香脆，入面好彈牙，咬到一粒粒花枝粒。🔶海鮮每枱一開始都會送2隻鮮鮑魚，鮑魚食落好新鮮鮮甜，口感爽口彈牙。蜆肉每一粒大大粒，好肥美，味道清甜有肉汁，同埋完全冇沙。🌟 評分: 7/10🔶自助區出面有大量台灣直送既火煱配料都可以任大家任夾，仲有滷肉，同埋少見嘅櫻花蝦餅各種丸類及小食。🌟 評分: 7.5/10🔶甜品喺自助吧出面，有一部綿綿冰機，可以自己diy綿綿冰，及根據自己口味落唔同配料（芋圓、寒天、愛玉等等），同埋仲有黑糖、糖漿，淡奶調配出各種唔同口味嘅綿綿冰。仲有三種口味既Haagen Daz都任食，有草莓、咖啡同埋香草味。🌟 評

🔸牛御品吃到飽套餐（$359)呢排落雨涼涼地想打邊爐去咗朋友介紹嘅呢間台式火鍋，人均唔使400就可以無限食兩個鐘，有成10 款湯底可以揀，而家仲送埋鮮活鮑魚同埋春茗茶添！活鮑魚非常大隻！質感爽口彈牙，而且鮮味十足，一隻實在唔夠喉阿🥺湯底我哋揀咗蕃茄濃湯同酸菜白肉鍋，兩個湯都非常清甜可以一邊食一邊當湯飲😋呢個餐肉類種類都幾多，最推介封門柳，肉質嫩滑牛味好重，除咗肉類仲有海鮮㗎！青口好肥美海蝦大大隻，整體呢個餐好抵食，同好夠食☺️——————評分：7/10.平圴消費：~$400

好痴線😝比呢個綠野仙蹤濃湯鍋吸引左🤣🤣係濃濃芫荽湯底，未打邊爐前都要呷一口🤭而家打邊爐選擇多，大家一般都好睇牛肉質素 ，所以呢間都唔差👍👍相對黎講算高😋而且每人送一隻鮮活鮑魚及春陽茶事嘅茶飲送🧋我就叫左杯百香綠茶～清清地同微微酸～ 可以消下滯🤣再食多啲🤭除左order 食物，喺火鍋料區仲有好蔬菜㨂，最特別有紫羽衣，真係好少地方有得食😃另外仲有大甲芋頭～好香好粉糯～大推呀😌👍仲有唔同肉類、台式小食、雪糕甜品（有芋圓添呀😱） ， 超多選擇😚

幾個朋友星期五約埋一齊食飯，尤其是係有男仔朋友一齊，好多時都係會揀食打邊爐，要就大家位置嘅，就一定係最就腳嘅尖沙咀。今次揀咗呢間喺地鐵站附近嘅樓上打邊爐。呢度令我最驚喜嘅就係個醬料區，真係有超多選擇，仲有我之前冇見過嘅甜不辣醬。因為我自己係芫荽怪，一直都有留意住店員成日都會加添醬料區嘅嘢，唔會好似出邊啲打邊爐店咁樣，攞咗少少芫荽，就一直都冇再加，呢個真係好大嘅加分位。另外就係呢度樓下就有間相連嘅珍珠奶茶店，可以有折扣咁樣食住打邊爐諗住佢哋嘅飲品，珍珠口感唔錯，飲品不會過甜。呢度炸豆腐嘅小食，我覺得好出色，超級酥脆！不過叫得牛品，牛嘅質素當然係主打啦！牛味夠濃，口感都唔錯！喺尖沙咀用呢個價錢咁舒服嘅一餐，都真係幾抵食。

-今日同班fd一齊去左I-Square睇戲🎥唔知大家睇左未? #九龍城寨之圍城❤️‍🔥睇完之後就去咗附近嘅台式打邊爐🫣我地試左中間既牛御品套餐 真係有好多野食omg🤩 上餐速度都好快👍🏼 我地係正式食肉之前都叫左好多唔同既台灣小食一試😽炸魚皮 表層外酥內嫩 咬落去超級爽脆☺️鹽酥雞 炸粉薄 雞肉多汁😆台式香腸 肉質飽滿彈牙😍仲有個好特別既甜不辣醬可以點黎食tim😊 湯底方面 我地簡左元氣養生鍋💯都幾特別 但我地就唔敢試最新既芫茜皮蛋湯底😱原來依加黎食 係會按人頭送番一隻鮮鮑魚~ 正😍 肉類就多不勝數 其實無論係邊款肉我都覺得好好味😄當中要點名讚同埋瘋狂encore既一定係M9澳洲肩胛肉😌肉質食落超級嫩滑 仲保留住肉汁嘅香味😝叻外佢地仲有一款台式梅花豬🤓肉質香滑肥瘦相間 好似食到一半仲會流出肉汁😘 飲品方面除左有大雪櫃放左唔同既茶飲同汽水之外😉仲係有一杯春陽手調茶比您簡既🥳真係好有台灣感覺😇
飲得出用料好精細 入口非常清香順滑 消暑又解渴😳 總括嚟講 呢間火鍋店嘅小食真係一絕🤭無論係炸物定仲是醃物定肉類😋都有獨特嘅手法同特色調味 令人回味無窮🤤 牛品台式火鍋📍樂道32-34號1樓

對於喜愛吃火鍋既朋友嚟講,牛品台式火鍋絕對係一個唔可以錯過嘅好去處!佢哋嘅「牛御品」120分鐘任食套餐, 好豐富! 除咗火鍋食材之外,仲可以盡情飲用各款飲品,連甜品都有得任食,性價比超高呀! 其中我好鍾意嘅就係佢哋新嘅綠野仙蹤濃湯鍋！湯底以芫荽同皮蛋豆腐調製,清新清爽, 真係滋養身心,好適合喜愛清淡健康嘅你。特別喜歡頂級嘅肩胛肉,肉質極之鮮嫩,入口即融,完全唔會令你失望。另外,牛品台式火鍋嘅食材選擇亦非常豐富。除咗肩胛肉之外,仲有不同部位嘅牛肉、丸類、各種海鮮,以至蔬菜等,任你挑選。無論你鍾意食清淡定係肉類嘅,都一定可以喺呢度尋到心頭好。佢哋嘅食材質素超高,加上自助任食嘅優惠, 可以一試！

牛冇牛味可能個套餐二百幾．．D牛好垃圾．．自製飲品又吾好飲其他可以點既野又少到不得了！！！！出面既野都系少．．個麻辣火鍋又吾香又吾辣😂😂😂😂😂好差．．宜家系半碗甜品先叫做好食．．冇下次lo!!!心目中第一：牛大人 第二：牛站 第三：一鍋堂 喱三間都可以

作為一家知名的火鍋連鎖餐廳,牛品火鍋放題絕對能滿足挑剔饕客的味蕾。首先,他們提供多種口味的鍋底供客人選擇,其中我尤其喜歡綠色鍋底。這種清新的鍋底湯頭清爽爽口,湯汁質地恰到好處～另一個亮點是他們引入無限添加日本宮崎和牛～這些和牛肉質細嫩多汁,入口即化,讓人回味無窮。除了主菜,這家餐廳的台灣小食選擇也相當讓人驚喜。從滷味到小吃應有盡有,每一道都可謂是精心製作,既保留了傳統風味,又融入了創新元素,令人垂涎欲滴。無論是鹽酥雞還是台灣場都很有台灣風味

呢間牛品台式火鍋店位於尖沙咀海防道附近,交通方便。環境寬敞舒適,提供唔同特色台式火鍋湯底同台式甜品吧。佢哋嘅飲品選擇豐富,仲有自家冷泡茶同無糖飲品。自助區有唔同小食同台灣直送嘅火鍋配料,仲有台式肉燥。湯底方面有唔同選擇,其中沙茶海鮮鍋係推薦嘅選擇。佢哋有唔同套餐,最貴嘅牛殿品吃到飽套餐仲包括日本宮崎縣A5和牛。甜品方面,佢哋嘅台式甜品吧有唔同配料,仲有Häagen-Dazs雪糕任食。呢間台式火鍋店嘅肉類品質唔錯，湯底味道都幾好，其他配料都好用心。特別推薦佢哋嘅日本和牛同蝦，特別新鮮。

同朋友去左牛品吃120分鐘吃到飽，它的鴛鍋套餐無論是在湯底的選擇、食材的品質是服務方面，都能給人留下深刻的印象。各種湯底都各有特色，能夠滿足不同口味的，是一個相當不錯的用餐選擇。蕃茄湯湯底，蕃茄味非常濃，經過長時間熬煮，湯汁具有豐富的感和酸甜平衡，非常適合烹煮各類蔬菜海鮮。特別是經過煮沸後，湯底的道會更加香濃，是喜好酸甜味道食客的不選擇。酸菜白肉鍋湯底，酸味非常開胃，搭配豐富的白肉使鍋湯底具有多層次的味道。酸菜的特風味與白肉的油香完美融合，令人食大動。這款湯底特別適合喜愛重口和酸味的食客。服務人員非常熱情專業，會定時添加湯底並補充食材。體服務效率高，在忙碌時段也能保持良好的水平。

香港人真係特別鍾意打邊爐，今日同朋友嚟咗尖沙咀行完街，忽然興起想打邊爐，決定試吓呢一間叫「牛品台式火鍋」 嘅餐廳。呢間任食火鍋喺唔同嘅時段有唔同嘅收費，亦都因應火鍋材料唔同選擇有唔同收費，大家可以根據自己想食嘅嘢再決定叫邊個餐。火鍋湯底方面，有超過10款可以選擇，我哋加咗錢嗌鴛鴦鍋，叫咗個元氣養生鍋同酸菜白肉鍋。肉類、蔬菜類同甜品類嘅選擇都非常多，佢嘅牛肉、豚肉、羊肉同海鮮嘅質素都唔差，當中我最鍾意澳洲M9和牛肩胛肉，油脂分布平均，咬落去好有肉味，我哋兩個人都食到好飽同好滿足！📍尖沙咀樂道32-34號1樓位置就腳：🍊🍊🍊🍊餐廳環境：🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

一向好鍾意打邊爐 夏天當然都唔例外啦😉同朋友行完街嚟咗呢間樓上鋪嘅靚靚台式火鍋店晚市有兩個120分鐘吃到飽套餐 我哋7點入座就嗌咗貴啲嘅“牛殿品”$589有雞牛羊豬肉海鮮 送鮑魚同埋一人一杯春陽茶事鍋底十選一 我哋就嗌咗滋補養顏嘅元氣養生鍋湯底有大量杞子 紅棗同埋雞件人參味同埋藥膳味都幾突出 滋潤唔燥熱最出名嘅澳洲 美國 日本靚牛都有肩胛肉有澳洲M9同埋美國頂級兩款前者肉質細膩柔軟 牛味濃郁後者油脂豐富 相比下肉質更紮實兩款肉煮完都鎖住到肉汁 一啲都唔乾硬小食款式同樣多到眼花撩亂台式嘅有台灣香腸 鹽酥雞 甜不辣 地瓜球同埋炸花枝丸另外仲有烤椒皮蛋豆腐 涼拌爽魚皮等等等等一磚滑捋捋嘅豆腐上面放咗大量烤過嘅青辣椒圈配搭味道濃郁嘅皮蛋同埋藤椒油 麻香而不辣食完種類豐富嘅小食同肉類海鮮 仲有甜品!!!雪糕同埋芋圓甜品應有盡有😋