影片
港铁尖沙咀/尖东站 N4 出口, 步行约5分钟
继续阅读
附加资料
设一人一锅
营业时间
星期一至四
12:00 - 22:00
星期五至日
11:30 - 22:30
公众假期
11:30 - 22:30
公众假期前夕
11:30 - 22:30
以上资料只供参考，请与餐厅确认详情
招牌菜
牛八近日推出优惠，严选套餐会午市减30，所以立即去试下。环境方面十分舒适，唔会感觉好迫，职员有礼貌又殷勤，唔会因为忙而态度差，而且坐定定之后仲有职员帮你件外套套返个套，防止打完边炉件衫成阵边炉味。食物方面，开头我以为系其他任食咁大家SHARE嗌一个汤底，但呢度系做紧一人一锅，选择自己钟意既就可以，唔会一大班人都搞好耐都唔知嗌咩汤底好，由其想食辣既人，可以解除左同行唔食辣但一齐涮涮锅嘅烦恼。自助食物方面，其实蔬菜类好多，其他丸类就真系得一两款。不过唔紧要，任食都系食佢D肉，唔通食芝士肠食饱咩。另外佢仲有雪糕乳酪，可以任加TOPPING，有杏仁，可可米，粟米片等等，满足唔同口味既你。到主角喇，严选系猪牛鸡都有既，猪肉同鸡肉都好淋，但因为我钟意食牛，所以嗌严选，系入面既第三级，低两级既都可以嗌来试。讲真，严选呢一级既牛肉的确系有明显既分别，入口立即化开，牛味亦足够，而且每次嗌一碟系真系比足一碟你，唔似其他地方嗌几多碟都可能只系来两三块咁，所以十分抵食。职员既服务其实都好好，成日都会留意住我地在场有咩需要，唔使出声就会自己定时定候加汤，服务相当周到。非常值得推介的一间
继续阅读
呢一年食过呢间牛八火锅店好多次😍！食过几次霜降日本黑毛和牛 & 几时极上黑毛和牛。 前者三百几蚊一个，有埋海鲜同牛舌放题；后者2百尾左右一个，都有一盒海鲜。牛八食咗咁多次心得，当你好想打边炉，食好多牛，自己一个又近近地，又或者同 friend想揾间出咗地铁站唔使行好远嘅，牛八就岩哂！K11 又近地铁站，上几层就到。如果唔系friend 中意油脂劲重嘅牛，其实唔需要拣最贵霜降餐。根据经验，唔系次次都雪花非常平均，但系特别再开先有得放题。平心而论，呢间嘅海鲜就绝对唔系啲乜超新鲜超正，都系鲍鱼、青口、鱿鱼、虾、蚝…唔系特别新鲜，但系都系海鲜。佢钟意食靓牛嘅话，好似我咁叫过200尾既和牛就正啦！ 呢一间可以任拎嘅蔬菜、粉面、丸类… 选择正常唔算好多，所以我嘅攻略绝对系不断食牛肉！ 最后食返两杯雪糕！
继续阅读
今个月天气持续寒冷❄️❄️❄️不论在家或出外用膳火锅都必是首选😋😋😋是日到访了一间日式放题火锅店位于尖沙咀嘅牛八涮涮锅专门店放题时间为90分钟牛分别有5种选择：～牛八 $168～特选牛 $188～严选牛肉 $238～极上黑毛和牛 $278～霜降日本黑毛和牛 $358小妹我今次就选择了极上黑毛和牛，包括有澳洲黑毛和牛、加拿大自然猪肩肉、鸡腿肉，送海鲜1客 + 牛舌 + 加拿大自然猪放题汤底分别有6种选择：胡椒和牛清汤 / 麻辣汤 / 骨胶原鸡汤 / 蕃茄小鱼汤 / 昆布清汤 / 寿喜烧 (附日本鲜鸡蛋1只)，1人1锅，方便衞生，可以按自己喜好选择火锅系放题形式，基本上丸类，菇类，菜类，应有尽有，款式不算太多，和牛好味，用app落单，可以不停追加，省时方便，最后当然紧系要食甜品啦，乌龙茶味mix原味乳酪雪糕，为火锅重口味后带来清甜清新冰凉味觉🍧🍧🍧，喜欢火锅嘅朋友们，大胃王嘅朋友们，有机会要试试喔😉
继续阅读
打边炉都系港人饭局首选之一，成班朋友围埋一枱吹下水Happy Friday都唔错🎉👍🏻近年黎就多左好多日式/台式火锅比大家选择～今日就带大家一齐睇睇位于尖沙咀K11 Art Mall里面嘅「牛八涮涮锅专门店」，佢地嘅90分钟放题性价比都不错!☺️ 牛八提供5款涮涮锅比大家，大家只要系入座后同店员confirm落单就ok: 1. 牛八牛 - $1682. 特选牛 - $1883. 严选牛 - $2384. 极上黑毛和牛 - $2785. 霜降日本黑毛和牛 - $358 而汤底选择就有以下几款:1. 胡椒和牛清汤2. 麻辣汤3. 骨胶原鸡汤4. 番茄小鱼汤5. 昆布清汤6. 寿喜烧(附日本鲜鸡蛋一只) 由于我就第一次去，所以就拣左最平个款牛八牛就算啦，因为都想平平地试试先决定之后会唔会返兜🤓落完order之后，店员就会先送上猪﹑牛﹑鸡各一碟。因为系放题啦，所以大家食完想再叫嘅话只要扫QR code系手机落单就得架啦👍🏻而其他嘅菜类﹑丸类同埋乌冬/饭等等都可以系出面自助水吧任拎。虽然叫嘅系最平嘅个set肉，但系都唔差㖞! 😋肉类都算嫩滑惹味，而汤底因为我拣左寿喜烧，所以可以将牛肉点一点落生鸡蛋再食，几正! 出面都有几款汽水比你地任饮，而且食完可以整返杯Yogurt食下~☺️ 整体黎讲我觉得肉类不错，而且自助吧嘅蔬菜类都几多选择。唯一建议系丸类同甜品若可以再多少少就更好啦! 因为岩岩食个次发现丸类都系得3-4款可以拣，而甜品方面就只有yogurt🙁不过呢个价钱嘅放题黎讲已经算系咁啦! 另外值得一提系店员好有礼貌，亦都好贴心，令到成个用餐体验再提升!☺️
继续阅读
一人一锅，就算同朋友食都可以自选喜欢嘅汤底，仲好干净又卫生。 丸类、蔬菜、粉面都可以任食，蕃茄菇类等等都几新鲜。 汽水、热茶啡、雪糕都系自助，雪糕好浓朱古力味，软滑又好食，仲可以加糖粒。
继续阅读