牛丼家

营业中

休息中

我地平日好鍾意食日式牛肉飯架~今次食嘅牛肉飯 唔係日資品牌…因為, 我地一心想試試我地嘅本土品牌嘅手勢, 所以, 就黎咗了~雙重芝士牛魔王飯 (大) . 雙重芝士 $78配 青菜+冰紅茶 $10有兩塊漢堡扒, 都 ok 有口感架;外面煎咗, 咬落去入面軟軟的~雙拼飯 (大) . 牛肉拼豚肉 $60配 炸雞球+可樂 $20肥牛片 同 豬肉片嘅份量好多呢;大大片, 鋪到滿滿的, 完全冇罅位的呢~飯嘅份量都好多, 米飯質量好 ok 呀;食完我地都飽飽的呢~樓上都有用餐區的, 座位真不少呢!

牛丼家 - 旺角旺角通菜街123號盛世酒店1樓及2樓味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：雙重芝士牛魔王飯，鰻魚拼雞扒飯餐廳環境明亮舒適，設計簡約，給人一種輕鬆的用餐氛圍。進入餐廳後，友善的服務人員讓我倍感歡迎。今天點了雙重芝士牛魔王飯加溏心蛋套餐，配上零糖可樂，另外還有一份鰻魚拼雞扒飯加手指套餐，搭配雪碧。菜單上選擇多樣，讓我在選擇時感到十分愉快。雙重芝士牛魔王飯牛肉厚實，芝士融化得恰到好處，搭配香濃的醬汁，口感滑順。溏心蛋的加入，讓整道菜更添風味，蛋黃流出來的瞬間，讓人忍不住想再多來一碗飯。鰻魚拼雞扒飯鰻魚鮮嫩多汁，表面烤得微焦，香氣撲鼻。雞扒外酥內嫩，搭配著米飯，簡直是絕配。而手指套餐的炸物也十分美味，外脆內軟，成為餐點的完美配角。零糖可樂和雪碧都很清爽，為這頓美餐增添了不少活力。這裡的用餐體驗相當滿意。美味的食物、舒適的環境以及周到的服務，讓我期待下次再來。

兩層紅噹噹嘅招牌很搶眼環境舒適開陽最適合食個快餐順便歇歇腳一樓取完飯餐後，坐𨋢上2樓壽喜燒要在2樓取餐和食用鰻魚拼雞扒飯（$62/大）轉套餐（青菜加麵豉湯）（+$10）牛肉壽喜燒鍋配烏冬（$60）白桃汁（+$6）價錢相當親民。雙拼飯的鰻魚和雞扒都份量足，珍珠米飯熱辣辣，索滿汁好好味。壽喜燒一人份量剛剛好，有肥牛、魚腐、蟹柳、金菇、娃娃菜和油麥菜。烏冬是急凍幼身烏冬，爽滑。湯底清甜不過鹹，可自助添湯。

旺角呢間牛肉飯餐廳非常吸引我眼球，因為佢地方實在太大，有三層樓，甚至誇張到入邊有部𨋢，所以座位都好多。佢有好多款牛肉飯可以揀，最基本嗰款牛肉飯只係$29，我會考慮將佢納入我嘅飯堂之一鰻魚拼牛肉飯鰻魚厚身，入口嫩滑而且帶燒汁甜味，牛肉份量都夠，味道唔錯。除左鰻魚牛肉，仲有其他雙拼款式，$62嘅價錢我覺得可以接受豚骨鍋豚骨鍋套餐包一份豚肉、一份雜錦蔬菜拼盤，豚肉份量足夠，係五花部位，蔬菜盤有蟹柳豆腐等，滿足到我嘅火鍋癮

上次經過旺角想快速食個日式套餐，而朋友又想食日式火鍋，見旺角呢間牛丼家又有牛丼飯又有火鍋，可以一次過滿足曬我哋嘅願望，就一齊揀咗呢間食。💕餐廳分上下三層，第一層係入口，已經有點餐機可以快速點餐方便外賣自取，第二層係櫃檯點餐，點餐後可以取餐堂食，而第三層就係專食火鍋嘅餐枱一枱有四個電子爐，啱曬一人火鍋👍🏻._.🥘火鍋套餐(牛肉) 🐂火鍋套餐嘅肉類有牛肉同豬肉揀，再配烏冬或飯，我就揀咗牛肉烏冬再配壽喜燒湯底，牛肉一份量好適合，配料都好豐富，仲配埋胡麻醬增加味道👍🏻·🍚 牛魔王飯套餐(🐂牛肉+🐟鰻魚) (青菜/魚手指/炸雞） 飯嘅配撘都有好多款，有單拼同雙拼揀，除咗肉類，竟然仲會有鰻魚呢個配撘，我揀嘅係牛肉同鰻魚雙拼，份量唔少，牛肉同鰻魚都有汁，成個飯好滋味，一啲都唔Dry😋·🥤套餐飲品：套餐有六款選擇，有熱嘅麵豉湯、亦有罐裝汽水可樂，仲有白桃汁同冰紅茶揀。._.

今餐真係開心到要打卡📸～兩款都係肉控不能錯過嘅選擇！🥩🫕壽喜燒牛肉鍋 湯底鹹甜適中，滲晒日式醬油香，牛肉薄切得啱啱好，一浸落鍋就滑到入口即溶🤤～蛋汁撈埋一齊食，真係幸福感爆棚🥚✨🍱🐟鰻魚拼牛肉飯 呢個組合太邪惡！香噴噴嘅蒲燒鰻魚配埋油香四溢嘅牛肉，雙重享受🔥～每啖都係滋味滿滿，白飯都忍唔住食多兩碗🍚💥👍呢餐CP值爆燈💥！啱晒打邊爐又想食飯嘅朋友～推介俾所有鍾意食肉嘅你哋～😋 牛丼家 GYUDONYA地址 旺角通菜街123號盛世酒店1樓及2樓營業時間星期一至日 11:00 - 02:00

最近去到旺角搵食，行過見到呢間牛丼家，見平平哋😂啱哂我呢啲窮L食，點知又幾好味喎😋壽喜燒火鍋配牛肉烏冬🍲個湯底甜甜地又好夠味，啲牛肉片輕輕一涮就食得，烏冬夠晒彈牙，索晒啲湯汁，正😋不過講真，如果牛肉可以再多啲就好喇，我呢啲食肉獸唔夠喉🤭牛魔王漢堡扒飯配魚手指🥩🐟🍚漢堡扒大大塊，肉汁豐富，啲汁撈埋飯一齊食，好滿足👍🏻魚手指炸得幾脆，都算抵食嘅總括嚟講，牛丼家嘅食物質素唔錯，而且價錢合理！💰下次想食平平地性價比高嘅嘢，都會考慮再嚟

🌟糧尾福音·日常飯聚🐂牛魔王飯 配 炸雞牛肉漢堡扒表面煎至焦香酥脆，咬下瞬間肉汁迸發，濃郁的牛油香氣混合黑胡椒的辛香，而且肉質柔嫩少筋，淋上牛肉燒汁很下飯。雞塊即叫即炸，香脆可口，值得加配👍🏻🐖豚骨湯底豚肉火鍋套餐食過呢間醬油豚肉飯好好食，加上本身牛肉已經唔少人推介，今次就揀咗豬，口感肥而不膩、瘦而不柴，沾胡麻醬一流。整體份量夠飽，電磁爐開着都好快㷫，唔使怕等耐。白桃汁-出面餐廳少有，清爽的甜。冰紅茶-味道清淡解膩價錢實惠（個人覺得比吉野家好食）地方坐得舒服又闊落，足足有兩層，交通亦好方便。入面設調味料區+自助斟水位。

估唔到今時今日都仲有吉野家近經濟實惠嘅餐廳😍😍😍牛魔王飯 🍚牛肉超嫩，醬汁味道濃，食完真係超滿足！米飯吸到肉汁，簡直無敵！✨分量足，特別適合肚子餓的時候！💪壽喜燒鍋 🍲新鮮食材加上壽喜燒醬，味道真係一流！🥢 蔬菜和豆腐搭配得好好，食完真係最正，超暖心！❤️牛魔王飯同壽喜燒鍋，真係必試！👍•••••••••••••••••••••••••••••🍽️ 牛丼家📍 旺角通菜街123號盛世酒店1樓及2樓•••••••••••••••••••••••••••••

長假期前夕即刻同同事食好東西，呢間平靚正嘅牛肉飯專門店竟然推出咗打邊爐🔥啱晒最近寒冷嘅天氣！😆🍽️ 牛肉火鍋咁耐冇嚟呢個窮人食堂🐮🍽️原來突然間多咗打邊爐系列Shabu shabu🔥我即刻叫咗呢個牛肉邊爐配烏冬🍲最近天氣忽冷忽熱天氣凍冰冰當然打個邊爐最正啦，只係估唔到Lunch都可以打邊爐真係夠晒特別，啲牛肉份量都夠多，再加埋煙煙韌韌嘅烏冬&蔬菜盤🥗實食得飽laaa🤤依家兩點後就有得食啦！🍽️ 牛魔王飯 + 炸魚柳套餐呢度有好多牛肉飯選擇，仲有$100就有4碗牛肉飯套餐優惠，好多學生嚟食，我哋要食就食好啲，叫咗個牛魔王飯，加錢升級炸魚柳同有冰桃茶飲😋牛魔係大大塊嘅漢堡扒，好大浸牛味煎到好香😍同事跟咗店舖指引🐮首先加咗牛魔王汁撈飯食已經覺得夠晒特別啦😝新出嘅炸魚柳🐟仲外脆內軟熱辣辣好正呀～

經過牛丼家見到有壽喜燒，就進去試下。有兩層樓，第二層是專門吃火鍋，火鍋有兩款:壽喜燒和豚骨鍋。### 壽喜燒鍋配牛肉烏冬幾十元就能一人一個壽喜鍋，真是很少見！食材都好豐富，包括牛肉、烏冬、青菜、白菜、豆腐和金針菇，吸收了醬汁的甘甜，口感鮮美！### 牛魔王漢堡扒飯配炸雞球漢堡扒外焦裡嫩，濃郁的香氣瞬間撲鼻而來。搭配上特製的甜辣醬汁，增添了滋味，配白飯吃都幾飽！配炸雞球都好鬆脆，一口一個！白桃汁清新甘甜！

牛丼家 旺角通菜街123號盛世酒店1樓及2樓味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：牛魔王飯套餐(加魚手指及白桃汁) $70，壽喜燒鍋套餐(配牛肉及烏冬)(加罐裝雪碧) $60牛魔王飯套餐：嫩滑的牛肉漢堡，配上香噴噴的米飯，讓人一口接一口，無法抗拒。配搭的牛魔王汁是用和牛提煉的牛油，配上柚子醋及其他秘製醬料特製而成，非常美味。魚手指外脆內嫩，魚手指的鮮美與牛肉的濃郁相互輝映，飲品我們選了白桃汁，甜美的果香能有效中和肉類的油膩感！😄😄😄壽喜燒鍋套餐：套餐包括新鮮的牛肉和彈牙的烏冬，牛肉肉質鮮嫩，搭配獨特的壽喜燒醬汁，味道鮮美，烏冬吸收了湯底的精華，口感滑順，與牛肉相得益彰，配搭的蔬菜種類眾多，加上豆腐及蟹柳，味道豐富。飲品我們選了罐裝雪碧，清爽的氣泡飲品能有效解膩！👍👍👍

今日同朋友去旺角睇下貓貓🐱行下街，行到差唔多食飯時間😉我地就開始諗下食乜好啦🤣我地最近都想慳下錢，所以就去左食牛丼家啦☺️我呢牛肉飯就食過好多次，反而邊爐🫕就冇試過，所以今次我就揀左邊爐啦☺️😋牛魔王飯-炸雞球套餐-冰紅茶朋友就食左呢個飯，有好大塊同厚身既漢堡扒☺️相當juicy 再配埋4舊炸雞😙炸雞不錯啖啖肉😊🤣壽喜燒鍋-配牛肉-烏冬-可樂（冰底）係我最愛既壽喜燒湯底😊牛肉仲有兩碟添😀肥瘦適中☺️配菜都好豐富😀有兩款菜、蟹柳、金菇、豆腐😀

牛丼家旺角店可以吃至零晨2點 轉賣丼飯，還配置了每枱一個電磁爐做一人一鍋，是一間可塑性很高的快餐店。牛魔王飯係店家招牌菜，牛肉肉餅，厚身而肉質鮮嫩，配上特製的牛魔王汁，帶有和牛牛油的香滑及柚子醋的清香，酸酸甜甜很開胃，更能把肉餅的味道帶出。用$15加配了營養豐富的公仔魚及可樂，大滿足。丼飯像日資連鎖店般有不同大小的選擇，最便宜＄26就有一碗飯，小的size令小孩子也可自己獨立點一碗。小食和飲品都可以自由加配，豐儉由人。一人邊爐又多個選擇2樓座位有電磁爐，而家真係出左一人火鍋，價廉物美之選

一直想試牛丼家的壽喜燒鍋，但之前實在冇時間，今次終於安排到，當然要點埋牛魔王飯炸雞套餐一齊享受！  牛魔王飯炸雞套餐 牛魔王飯依舊穩定發揮，牛肉渶堡扒煎得香口，肉汁鎖住，配上酸薑片解膩，七味粉則帶出微辣香氣，幾有層次感。炸雞方面，只有三塊，老實講有啲唔夠喉，因為炸得夠香脆，內裡仲保持嫩滑，多幾塊會更滿足！飲品選咗白桃汁，微甜果香，飲落清爽又解膩，幾適合配炸物。  壽喜燒鍋（2點後限定！）等咗咁耐，終於試到壽喜燒鍋！牛肉油花適中，落鍋煮幾秒就吸滿甜鹹壽喜燒醬汁，夠晒惹味！蔬菜拼盤有豆腐、蟹柳、粟米、金菇等，種類算豐富，配埋烏冬就更有飽足感。湯底濃郁但唔會過鹹，飲到最後都唔會覺得膩。值得一讚係店員好細心，除咗幫手取餐，仲主動送上額外湯底補充，服務滿分！今次仲試咗胡麻醬，香濃帶點微酸，特別適合沾蔬菜或豆腐，可以中和壽喜燒的甜味，味道更有層次。飲品方面揀咗雪碧，店員好貼心，額外送上一杯冰水，仲幫忙取餐同加湯，細節位做得好，服務滿分！總結一下，牛魔王飯依舊唔錯，炸雞如果多幾塊就更完美，而壽喜燒鍋完全符合預期；岩晒鍾意鍋物既人，下次再嚟一定會再點！