牛丼家

营业中

休息中

當家牛丼一定要試下主打的當家牛丼，叫左m size ，牛肉比例正常，牛肉汁屬於少少甜亦帶淡淡牛味，而且非常夠撈哂成碗飯，呢個價錢嚟講算唔錯～溫泉蛋牛魔王飯幾有趣，餐枱上有份牛魔王飯食法，跟住食好似又真係好食啲wo，日本米配溫泉蛋真係好match，另外漢堡扒牛味都幾重而且唔會煎到好乾身，配埋呢個由和牛提錬再加柚子醋的醬汁，帶少少酸甜，整體來講都幾yummy ~有得加錢跟餐，簡左炒青菜&炸雞，炸雞方便有少少驚喜，雞塊都幾滑～

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷 牛丼家@旺角每次經過附近都見到兩層高的牛丼家廣告，今次決定不忍了，直接去試一試這間新開的牛丼家。餐廳的走道寬敞舒適，不會讓人有拥擠的感覺，令我悠閒地漫步到座位的過程中也感覺很自在；走廊兩側的裝飾簡約大方，讓整個空間顯得很優雅；設備方面，餐廳設有一部可以上落一二樓的電梯，方便客人上上落落；點菜方面，精美的菜單和事自動售賣機也對有選擇困難症的我有很大的幫助；同時，事務繁忙的員工也會在你需要時熱心地提供服務。💁🏻牛魔王飯配炸雞套餐 跟可樂 $62在員工的熱烈推介下，選了這個必吃的牛魔王飯，牛魔王汁好過癮，用黃牛提煉嘅牛油加少少柚子汁，酸酸地非常開胃，雖然沒有加溫泉蛋，但也體驗了這間餐廳吃的招牌名菜。炸雞份量頗大，味道都唔錯💁🏻泡菜豚肉飯配公魚仔套餐 跟冰紅茶 $60中號大小的豚肉飯不算小份量，豚肉的油脂和秘製的醬汁配上白飯賣相看上去也挺好吃，如果怕不夠汁的話還有醬汁提供。另外，如果不小心落了太多醬汁的話，也可以喝十分健康的冰紅茶。魚仔方面，幾有日本的風味。是否推薦↩️？✅很有個性的餐廳，彈牙多汁的豚肉，現時有$100/5碗優惠卷，實惠之選

#齊柏林 既「牛丼家」GYUDONYA開張！咁岩牛魔王哥哥開始放暑期，美食第一擊就試佢啦！哥哥當然點「#雙重芝士牛魔王飯」 ，和牛漢堡扒，因為即叫即煎，所以要等10-15分鐘，煎得好脆，牛味幾濃！雙重芝士即係有兩款芝士，芝士份量都好多！配埋重點既 #牛魔王汁（和牛牛油加柚子醋），食落一啲都唔油膩！我就試左 #鹽醬汁豚肉飯，煎香脆既豚肉片，配上 鹽醬汁，幾好送飯！我仲加左$10，轉左套餐，一個配青菜、冰紅茶；另一份就加左$15轉套餐，配炸公魚仔、白桃汁！飲品好夠冰，好夠凍、夏天好重要‼️餐廳樓底高，好舒服，仲有USB充電位，仲有bb highchair，下次同埋二寶黎都方便！試業期間，仲有$100/5碗 #當家牛丼(M)優惠券，爸爸話可以買定，暑假同小朋友出街食好方便好抵！ #GYUDONYA #牛丼家 #GYUDONYA牛丼家 #牛丼家GYUDONYA #牛丼 #牛魔王飯 #牛魔王汁 #丼飯 #豚肉 #和牛

齊柏林旗下日式丼飯《GYUDONYA牛丼家》登陸旺角啦！齊柏林熱狗一向出名好食，一於出去試試先😋兩層式餐廳，座位寬敞，牛丼價廉物美，一向都深受港人喜愛，難怪午市時間都這麼多人呀！🙈餐牌主要分為牛丼、漢堡扒丼、豬肉丼、鰻魚丼跟雞肉丼，再配搭咖哩、香蔥、芝士等，每款丼飯都可以自選大中小份量，亦可以加$10至$20，加配青菜、公魚仔或炸雞跟飲品。以牛為首作招牌，一於試下這個「溫泉蛋牛魔王飯」加個小食炸公魚仔，厚厚的漢堡，非常鮮嫩多汁，那個牛魔王汁下飯一流👍🏻而Alex就叫左個「泡菜豚肉飯」加小食炸雞。彈牙多汁的豚肉，加上泡菜，份外醒神開胃。衣家試業優惠，購買「當家牛丼」套票，100元/5碗，平均20元碗，超抵食呀！😉

最近人氣大熱的牛肉丼飯一定要試下～齊柏林旗下日式丼飯𝙂𝙔𝙐𝘿𝙊𝙉𝙔𝘼牛丼家登陸旺角，餐廳樓高2層，面積約佔3,000呎，寬敞舒適🛋️店內牛肉皆由優質和牛場提供，以平民價格令食客品嚐優質和牛保證鮮嫩可口，🈺業時間早上7:30am至凌晨2am，隨時隨地都可以食到🐄優質和牛場供應多款牛肉飯，以牛為首作招牌三大皇牌：#牛魔王飯 、 #當家牛丼 同埋 #鹽醬汁豚肉飯，當中必試 #雙重芝士牛魔王飯 同埋 #和牛漢堡扒系列😋而家試業優惠仲做緊$100/5碗當家牛丼套票（原價$145），相當抵食😍⋄𝗚𝗬𝗨𝗗𝗢𝗡𝗬𝗔 牛丼家吉祥物「牛當家」，以小牛形象示人，性格是對料理有一份執著，做事說話有份量，堅持為顧客提供最美味的食物🧸😋⋄⋄====—====—====—====—✦ 和牛漢堡扒 ✦🥩溫泉蛋牛魔王飯（$52/M）—配套餐（+$20）🍗炸雞3件🥤無糖可樂—溫泉蛋牛魔王飯配搭和牛特製的漢堡扒，漢堡扒大塊但較薄身，牛肉味濃郁，加埋牛肉脂肪做嘅特色牛魔王醬汁，同埋溫泉蛋，口感更加柔順豐富😝⋄✦ 雞肉 ✦🐥🌶️泡菜照燒雞扒飯（$46/M）—配套餐（+$15）🐟公仔魚4條🍁冰紅茶—皮脆肉嫩的雞扒配日式照燒汁醬，加

因為係齊柏林熱狗店旗下嘅品牌，所以好想嚟試下🤗今日我哋食咗呢啲嘢食🤗- 溫泉蛋🥚牛魔王飯🐮- 照燒雞扒飯🐤- 青菜🥬- 炸雞🐥- 冰紅茶🫖喺買嘢食時，見到有試業優惠，買5張牛丼套票都只係$100，出邊$20都食唔到1個飯，超抵😍今日我就食溫泉蛋🥚牛魔王飯🐮未食都已經聞到漢堡好香，食落去唔會太實，加埋個汁都會太鹹👍溫泉蛋撈飯1流🤤而大股東就食照燒雞扒飯🐤我都忍唔住食咗舊雞扒，非常滑唔嚡熠熠，佢哋係用上咗港式風味雞扒配日式照燒汁醬，最後我食咗3舊🤣大股東話個飯多到食唔曬😆然後係炸雞🐥都算大舊，而且冇好大陣油味，食落啖啖肉，唔厚粉🥰最後係青菜🥬去親食牛丼都唔會諗有菜食，而呢到竟然有菜食，大股東重要話：係油麥菜呀，成為我哋會再黎食丼嘅原因🤗總結：地方大易搵位，飯🍚夠曬大碗 （餵人奶真係食好多飯🤦🏻‍♀️），重點係有青菜🥬青菜🥬青菜🥬 （重要嘅嘢要講3次🫶🏻），有時間真係要試下👍

因為係齊柏林開，好有興趣去試下！好近旺角地鐵站，好方便！每個飯都可以揀L/M/S 三個size, 最平$29 就有個細牛丼，依家新開業仲可以買$100 5碗牛丼套票，真係好抵！🍴香葱牛魔王飯M($52)牛魔王系列係和牛漢堡扒飯，滿滿既大葱，好香！和牛漢堡厚身有牛味，加上清新柚子汁，幾夾！🍴雙重芝士牛肉飯M($45)牛肉真係超級多，喜歡佢唔會太肥，個飯好夠汁，啖啖都係牛香，加埋芝士好夠拉絲，好味！🍹另加左套餐，有小食+drinks試左炸雞同公仔魚，兩樣都唔錯，個人中意炸雞多肉啲！餐廳有兩層，地方闊落坐行舒服，呢個價錢真係超值！

知道齊柏林開咗間牛肉飯店，地點勁方便，旺角地鐵站一出就係，即刻同男朋友去試吓。比起日式大型連鎖店，呢間多咗牛魔王飯，原來係和牛漢堡扒😳依家新開業仲做緊$100 買到5碗牛肉飯券，好抵食😳香蔥牛魔王飯$52勁多蔥係我嘅最愛。食既時候將特製嘅牛魔王汁淋喺白飯度，牛魔王汁係用和牛提煉的牛油，再配上柚子醋及其他秘製醬料，勁好味！黃牛都好有肉味，仲有勁貼心配白薑片解一解油膩。溫泉蛋牛肉飯$39牛肉份量勁多，肉質鮮味又有牛肉味，而且有幾多洋蔥，呢個價位絕對值回票價。加5件炸雞套餐$25炸雞炸得較外脆內軟，雞肉都夠滑。加炸公魚仔套餐$20雖然唔知清楚咩係公仔魚，但炸魚仔炸得卜卜脆，食得幾過癮。飲品可選冰紅茶、味噌湯或罐裝飲品天氣熱就要了可樂和雪碧～

經濟唔景氣，有時真係想搵吓邊間飯堂抵食，想食日本米又唔一定得一兩間平嘅呢間旺角新開嘅兩層樓上飯堂都相當經濟實惠，淨係$100五碗牛肉飯套票都抵到暈使錢使到貧血，食返碗牛魔王飯補充吓鐵質先，牛魔王即係漢堡扒，非常厚切，好有牛味，周圍有好多香蔥碎圍繞，但又唔會辣口沿住香蔥淋上特製牛魔王汁撈飯，柚香清新清膩佢地嘅照燒雞扒飯都好大碗，面頭有大概五大片雞扒，燒到有少少脆皮，醬汁味好入肉，飯嘅質感都唔錯，一碗中size都夠飽肚跟套餐有飲品跟，可以揀汽水飲亦有冰紅茶揀，夏天飲啱晒小食每樣有唔同價錢，炸公魚仔有四條，幾脆口幾有魚香，可以原條食晒落肚炸雞亦有四球，肉質極之嫩滑，炸得嚟又唔算熱氣

旺角開左間價錢好親民嘅丼飯！平日夜晚上到去都好多人食要等位，仲有唔少人叫外賣叫左個溫泉蛋牛魔王飯（$52），牛魔王係和牛漢堡扒，比一般嘅漢堡扒肉味更加濃同多汁，個飯仲可以撈埋溫泉蛋同埋牛肉汁一齊食，入味又好食另外仲試左照燒雞扒飯（$36），雞扒都煎得幾好，個皮好脆，雞肉仲係好滑！照燒汁香甜，同雞肉夾得黎撈飯都正有優惠套餐加$10有青菜同飲品或者湯，炸雞同飲品都係加$20！抵食得黎味道真係不錯原來依家仲有試業優惠，有$100/5牛肉丼嘅套票，難怪咁多人幫襯！

同朋友經過旺角，見到呢一間好大間嘅日式牛丼餐廳 非常多人，一於去食先！佢分咗兩層，地方相當之大 採取自助式服務 先俾錢～後取餐 方便快捷😆餐牌簡單明瞭 主打牛肉、 豚肉 鰻魚 雞肉我哋叫咗溫泉蛋牛魔王飯 加上青菜同紅茶溫泉蛋牛魔王飯肉餅大大塊，肉味十足 配上濃郁嘅溫泉蛋 好好食！另外亦都叫咗鹽醬汁豚肉飯加上公魚仔同紅茶豚肉大大塊 ， 醬汁帶有少許鹹味令到鮮味突出，好易送飯😍 公魚仔炸得香口好吃 ，不錯的小吃～冰紅茶甜度啱啱好，夏日飲真係透心涼臨走時 見到呢度做緊優惠 $100 有五碗當家牛丼，抵到爛！當午餐食慳返唔少😆

位置好方便，而且門面有好多廣告牌，好容易就搵到啦！雖然有2層，夜晚食飯時間都坐滿哂人！齊柏林熱狗深入民心！佢開展副線做牛丼，當然要第一時間黎支持！平時食熱狗都最鐘意食佢既芝士，因為份量夠多，又有拉絲！丼飯都唔例外，要食有芝士既！雙重芝士牛肉飯加$20要炸雞套餐配可樂啖啖芝士，果然係齊柏林！唔會令支持者失望！芝士同牛肉溶為一體！牛魔王飯加$10要青菜套餐配冰紅茶本身想簡白桃汁，但已經賣哂，唯有下次再試！牛魔王汁係用和牛提煉既牛油，再配上柚子醋等醬料，酸酸甜甜，撈飯食樂開胃！其他過江龍做丼飯，如果想食下菜，補充營養，通常只可以簡加沙律，而呢度可以加灼青菜！符合港人口味！係 真正屬於香港人嘅牛丼飯

If you’ve had enough meals at Sukiya and Yoshinoya, it’s time to try Gyudonya!Made proudly in HK (yep, not from Japan!) by the team behind Zeppelin Hot Dog, they are currently offering an insane deal of HKD20 medium beef donburis ($100 for 5 coupons)When we came for dinner last weekend, the place was packed even though they just soft launched a couple weeks ago. Luckily service was very efficient and we only had to wait for about 15 mins to get our order Spanning two floors in MK (the entrance i

牛丼家最近好多人應該去咗「牛丼家」潮聖打卡食牛肉飯，前幾日我都唔執輸去咗食，一上到1樓比錢位人多到癲咗，我工人姐姐總共排咗兩次隊，第一次係叫店員去問我食咩，第二次係工人重新排隊落單，真係唔明點解店員問完我食咩唔直接幫我落單，再去取餐處等過百個號碼拎餐，前後等咗差唔多45分鐘先食到野，排隊排到人都癲咗，真係要快d請返多d人先得啦！🤣🤣🤣1.當家牛丼飯（M）$29+公仔魚+冰紅茶$15（7.5/10）呢碗牛丼飯個牛肉份量算多，可惜牛肉有少少硬，依家試業優惠做緊$100/5碗！公仔魚：煎得幾香，一共有6條公仔魚！冰紅茶：等咗咁耐飲杯野飲降下溫，茶味唔算出，當飲冰水！2.溫泉蛋牛魔王飯（M）$52+炸雞+味噌湯$20（7/10）呢碗溫泉蛋牛魔王飯塊漢堡扒有少少鞋，可能啱啱試業食物質素有待改善，其他配料有一隻溫泉蛋同幾片薑片！炸雞：炸雞外皮唔係脆身，食落有少少咸，一共有3舊炸雞！味噌湯：飲落好咸，有待改善！2人總共價錢$116個人口味總評分：7.25/10@gyudonya_hk 地址：旺角通菜街123號盛世酒店1樓及2樓Please follow me🙆‍♂️ @wheelchaireatinh

我今日約同好友去位於旺角通菜街123號盛世酒店1樓及2樓的牛丼家食丼飯，新開張的快餐型式的食市，先購票，後取餐，環境舒適，坐得舒服。正在試業期間，牛丼家推出$100有5碗中型號牛肉飯，認真抵食。我點左個 溫泉蛋牛魔王飯 $52，加$20的炸雞套餐(包罐裝雪碧）；好友點左個 照燒雞扒飯 $36，加$15的公魚仔（包冰紅茶）套餐。温泉蛋牛魔王飯賣相不錯，牛魔王是和牛漢堡扒，煎得香脆肉嫩，肉扒的牛味濃郁；炸雞的雞肉嫩滑及香口；照燒雞扒燒得皮脆肉嫩，好味又好食，公魚仔好香脆。