爽爽麵店 (已搬遷) 新店位置

成日都要排長龍，可唔可以申請網上外賣平台 送外賣？ 每日都好想食,但係唔想拍每日都長龍! 醉雞同豬扒真係會食上癮好好味呀。 醉雞有得揀冰鮮同新鮮，即使係冰鮮雞都好滑 好入味。

今日無乜嘢做，又亂打亂撞入咗嚟元朗雞地附近，見十一點半左右，咪出爽爽食下醉雞同豬扒囉！這間爽爽都幾出名架，嚟過幾次都食唔到，一係太多人，一係又乜都賣晒！所以今次應該有位呱！上一次食過冰鮮雞，今次點都要試下新鮮雞，今次是新鮮醉雞加豬扒米粉！上菜速度超快，落單不到三分鐘已經送到！首先試下豬扒，味道好好，咬落也夠爽，不過好似浸咗好耐！再試米粉，咬落有點硬，好了，到主角新鮮醉雞，咬落有口感，肉彈牙，但味道偏咸，沒有酒味！老實講，真係唔明，點解咁嘅質素，咁嘅環境，員工咁嘅服務態度都可以賣$62一碗？我最後都沒有把所有東西吃完！因為真係唔想浪費自己食嘢嘅quota！ 我應該短時間都不會再來！

平安夜收早☃️黎到排隊名店爽爽吔個tea🥢 自從佢搬入咗一格後，都係要扮外賣型式係舖頭隔離既室內位堂食，個感覺係真隱世舖頭😛😛 室內放咗兩三張大枱，係小小既6，700呎空間內夾埋20幾個位（有啲似細個租機打個啲場😏），老實講係窄同坐得一般架喇，不過咁多年大家都乖乖排隊靜靜進食，已經講明咗有幾咁吸引💖💖係外頭領完手寫既紙仔號碼，等咗一輪進入呢個消失的密室，係呢份好似打機攻流程表既menu度揀咗豬扒醉雞麵🍜平時有得揀新鮮雞定冰鮮，不過晏咗就得番冰鮮，以前試過覺得兩者分別不大🤔另外加埋菊花茶轉頭阿姐將兩個外賣兜放係枱，估計係飲食牌照令到佢地有外賣兜在消失的密室既安排😏 盪手既湯麵🍜同冰涼既醉雞🐔 清湯湯底少油清純，幼麵爽身彈牙，今日豬扒🐷小小韌，但肉香依然，無話因為浸住而變梅👏👏 醉雞一樣出色，係酒糟汁浸泡下，雞肉🐣仍呈現透透膚色，每一啖雞肉都包含酒糟香氣，但就無酒既苦澀💖 最正係你摷開兜雞個底有兩三舊雞腎🐔🐔係酒糟浸泡下爽脆可口，中國菜真係可以將內臟發揮到淋漓盡致👏👏最後杯菊花茶都係自家製，糖份唔高菊花清香，同爽爽本身既平淡雅緻相承一脈👏👏爽快吔完後，埋單40幾，價錢合理👌

講到元朗最有特色既食肆，我認為爽爽醉雞必定係其中之一，元朗人一定會知！雖然裡面既格局有啲細，但係都算好衛生，無阻食醉雞豬扒既心情！😋基本上黎到爽爽，大家都只會點醉雞，或者豬扒，或者醉雞同豬扒，甚少會點其他雲吞魚蛋等等，因為最重要既係大家都知道醉雞同豬扒先係重點，係重中之中！🤤不過今次黎到爽爽好可惜，最好味既河粉賣哂，而河粉通常亦係最快賣哂😫雖然無河粉，但係都唔緊要！我叫左新鮮雞胸加瘦豬扒，一碗無豬扒。記得係落單時就叫定要咩部位，豬扒要肥定瘦。建議食法：唔好一開始就倒雞汁落去啲湯度，因為如果溝唔岩味之後就無得改，所以我會食麵時，先加醉雞汁再溝一啖湯就perfect！👍🏾由於係新鮮雞既源故（建議食新鮮雞，翻唔到轉頭食冰鮮），啲肉好新鮮，仲啲酒都好入味。通常啲雞都會蓋住一兩舊雞腎，不過未必有，雞腎好爽口。而且豬扒亦都唔會好硬，唔會咬唔開，所以啖啖肉，好好味！🤤仲有佢自家製菊花茶，唔會太甜，夏天飲好消暑！總共食左$126，唔算貴，抵食！

太耐無食豬扒河 心掛掛既我專登渣車去元朗😜一如以往都係要等位...無計啦😔鬼叫佢咁出名又好食咩🌟差唔多等左半個鐘先入到去😪叫左一個豬扒米同新鮮醉雞米同女朋友share食，本身係想食河粉，可惜賣晒，嗚啊😭不過上菜都好快既，基本上落完單10分鐘到就有得食🍴豬扒超級好食，好香煎過既味，咬落去好鬆化仲帶有d豬油香。就算愈黎愈出名，愈黎愈多人食，都保持到水準👍🏻不過米粉就係呢碗麵既敗筆，米粉似乎未煮熟有d硬硬地，一舊舊咁...D雞就無之前食既咁滑，仲有d難咬開，有d失望。米粉就唔再多講，同上面既感覺一樣。今餐的確實有d令我失望，不過勝在豬扒好食，都叫搭救到既。另外，建議舖頭可以減少使用塑膠，其實都好唔環保...

全靠元朗地頭蟲的友人帶路，才有機會來到這間馳名醉雞和豬扒麵店！ 小店的地方比較狹窄空間比較少，需要較長時間的等候，但等待絕對是值得的！因為醉雞和豬扒都想試，就和友人每樣叫一個，變成醉雞豬扒湯米！沒有特別加錢點了冰鮮雞的醉雞，一打開散發著淡淡的酒香，但又不會過於濃烈以致遮蓋了雞味，雞皮爽口而肉質亦非常嫩滑。另一必點的是豬扒，沒有特別點肥/瘦，就來了個半肥瘦豬扒 哈哈。雖然上菜的時候已經浸在米粉上，但仍然吃的出豬扒醃製的很美味，而且肉質特別鬆化！本來想吃湯河粉的，可惜早早就售罄了，希望下一次有機會再試。另外值得一提的是⋯希望店家能棄用塑膠，至少堂食可以轉用可再用的碗筷會更好！

全店餐具使用即棄塑膠製品，只為求達到營運效率、減少人手、節省開支、最大利潤。對環境極、對下一代，極端不負責任。很難想像這是2018年，於高度文明社會的經營模式。豬扒 (自稱招牌菜)豬扒厚身，但完全沒有拍鬆、完全Overcooked、口感極 ”鞋” 、肥瘦不均、錯誤醃製。馳名醉雞 (另一自稱招牌菜)完全吃不到一點點醉雞應有的酒香。湯河粉湯底稀薄如開水。河粉正常。價錢醉雞豬扒湯河 $47 飲品另加 $12敬請店主坐下來，使用智慧，及餐飲知識，深切反省。

很久沒有吃了，剛巧約了朋友在附近見面所以順路就買了外賣去朋友家中吃，醉雞仍然好入味，濃濃的雞味散發著酒香，雞皮爽口。肉質嫩滑，豬扒醃得好味又鬆軟，湯底加入醉雞汁連埋米粉一齊食，無敵，菊花茶是自家製，味道天然不太甜

爽爽麵店推介菜式是醉雞和吉列豬扒雞王只對醉雞特別有興趣🤫🤫🤫醉雞汁非常濃郁👍🏻👍🏻👍🏻有濃濃的酒香但吃下來卻完全沒有酒精的苦澀味雞肉都滲入了醉雞汁的味很入味爽口雞皮、嫩滑雞肉、肉質很爽口彈牙👍🏻👍🏻👍🏻配個米粉清淡的大食同鍾意食雞嘅我嫌雞和米粉的份量太少了🔥🔥🔥完全不夠喉👎🏻👎🏻👎🏻自家製菊花茶亦遠近馳名，濃郁的菊花味微苦及回甘，絕對潤喉順氣兼消暑👍👍👍

weekend 行山特登入元朗食爽爽，話說上次食完個醉雞好開心，朝早10:45am 黎到唔使排勁開心。 叫咗個醉雞同豬扒， 一上到黎， 醉雞得d 雞翼位同唔知咩位夾埋黎整成一盒，無咩肉食， 後尾諗諗 之前食都係晏宙食 好多都係脾位，點解今次咁對我。再試下個豬扒，哇 更失望，d 粉勁多， 又勁咸，再試真d, 叔嘅。食咗幾舊都係咁。。。第一次咁失望。 諗住叫返杯奶茶沖淡個味，點知要等到12點先有。大失所望離場。下次，再俾多次機會佢，但要天氣涼d 再敢去。

今次例牌照舊叫左醉雞豬扒麵，醉雞我簡走胸，豬扒我簡肥豬，我夠膽話呢個配搭係完美😝😋😋除左間鋪坐得有啲逼之外，呢度簡直係我由細食到大既至愛！要食要早啲，因為啲雞好快賣晒，如果唔係就要食雪藏雞！

有些用戶很有趣，自己不打食評，只會在人家的地方不斷留言留言，說這說那，你讚賞，他又覺得偏頗；你批評他喜歡的，他又會為餐廳平反。其實，你又不是進食的本人，你又怎知道他在那一次進食經驗之中得到如何的體會🤔呢，這些無謂的留言，我勸你們還是收回吧。又是這樣，不要在街外吃雞，這次又試吃雞，又得到一碗雞胸、 雞背。都算了，就試試雞肉或者雞皮會否很濃香。在店外已經看到有幾箱 紹興酒，但是自稱是醉雞專家，它的醉雞，酒味完全 不入味，每一件雞都要用匙羹承載少許酒，才會有酒味。因為筆者最近先後兩次在不同地方，包括金鐘的JW自助餐，以及大角咀的三和滋味館，吃到美味的醉雞，那兩間的醉雞，酒味相當濃郁，員工亦都指，酒需要早一日浸著雞，才會入味，如果酒未夠入味，每每需要用匙羹盛酒才能有味，哪有意思？這兒的雞，看來相當死板😪，不知其實煮了多久，然後再放進雪櫃，客人一點就可以端出來了。豬扒都反而好少少，切成 粗條，肉質不算太鞋身，幸好一早點了肥豬扒，就像叉燒一樣，如果沒有刻意叫肥的，他給你瘦的，那就極之乾🤦🏾‍♀️。肥豬扒，他會在碗子上面寫上個「肥」字，但也不算是很肥膩🤔，與坊間茶餐廳的豬扒比較，這兒的豬扒也不會找到肥

由細住喺元朗大，但一次都未試過爽爽難得今日父親大人話買比我食，梗係話好啦！父親大人叫左醉雞，而我就揀左豬扒，兩樣都係爽爽嘅皇牌講下我個碗豬扒先，唔知係咪因爲外賣拎到番黎（路程5分鐘），d豬扒已經浸淋哂食落去...得一個字「油」好油呀，我個碗d粉同父親大人碗粉係差天共地呀咬落去都覺得好油，味道就偏咸...冇咩特別...係特別油女士都係唔好揀豬扒好d父親大人碗醉雞呢就好好味，果然係皇牌，酒唔會好濃，但有酒香，調味調得好好重點係～d雞好滑呀D雞仲要入哂味醉雞推介呀

爽爽不嬲都多街坊食，自己都係佢嘅fans之一。不過今日就比平時晏左啲去食碗下午茶，大概晏晝五點半左右，入到去坐低嗌野食已經淨返冰鮮雞、米粉、魚片同牛丸有咋啲新鮮水餃啊，鮮雞同豬扒都賣清光，連河粉同伊麵都冇，究竟係入少左貨定真係咁好生意呢焗住嗌左碗雞米。(已經好耐冇喺度食到河粉！經常賣晒！)開心嘅係冇特別要求都比左隻脾我，happy happy呢度嘅醉雞冇話好強烈嘅花雕酒味，都算易入口，鍾意食咸野嘅朋友不妨用佢嘅雞汁當湯預左一大班人食想人人有雞汁記得落單時叫加汁，會比大碗你地share水餃係每日新鮮包嘅，有肉碎同木耳，爽口得黎又有肉汁，推薦！

聽朋友介紹，如果想食好味醉雞，就去元朗食爽爽。叫左 醉雞+豬扒撈面。堂食除左匙同筷子係會洗清再用，其他都用上即棄碗，如果無回收既話，係好唔環保。建議支持環保既話，可以自備餐具去食。醉雞幾香滑，不過一碗唔多肉，自己又唔好雞頸，甘岩兩舊都係雞頸，唔係甘夠食。豬扒無特別。最意想唔到係個撈面，入口苦到難以接受，即刻吐返出黎，加左湯都係食唔掂。後來同廚房姐姐反映，佢話鹼水面係甘，如果食唔慣，叫我下次唔好叫撈面，可以叫湯面。如果想挑戰最苦鹼水面，可以黎試下～