影片
今日请朋友食海鲜，原本想去鲤鱼门，但朋友介绍流浮山有间餐厅煮得几好食，就揸车入嚟试吓。朋友book定位订定冰镇鲍鱼，一嚟到就有得食，南非鲍鱼够大只爽口，配埋佢哋调嘅汁，辣辣地有wasabi味，配搭几有新意。见今日啲奄仔蟹够大只就叫2只share，虽然唔算好爆膏，但好多肉，肉质够甜好新鲜。平时蛏子通常豉椒炒，呢度系可以清蒸加芽菜底，煮法有啲似蒸鱼，因为配咗蒸鱼豉油🤣原来普通煮法转咗食材即刻唔同哂，食到蛏子嘅鲜甜，配埋芽菜爽上加爽。砵酒煮蚝又系未试过，上菜时闻到好香酒味，食落就有牛油香味，蚝亦都好新鲜无腥味。虾多士嘅虾胶够弹牙，又够虾味，多士脆口唔会油淰淰。另外叫咗虾酱炒通菜超大碟，仲送海鲜汤，每人都饮都2碗。人均大约$500，海鲜够新鲜同可以食下唔同煮法几特别🤤
继续阅读
山长水远一场黎到点都试下菜，碰下运气是但冲入一间食肆，见光光猛猛干干净净有点人气就您吧！老板为大厨而老板娘楼面非常健谈，只供应游水海鲜无其他餐牌，有白饭、汤米，无其他粉面，下午茶随便试试埋单 $900蚊。居然有石头鱼供应，老板娘表示要二百几三百蚊斤，我从来未食过石头鱼，真系非常有兴趣呢﹗自家制腌萝卜荞头⭐️⭐️⭐️⭐️浓酸带甜极爽脆，如果加埋辣椒就会更惹味啊！椒盐游水有膏斑马濑尿虾⭐️⭐️⭐️⭐️⭐️好想要碗汤河捞辣椒蒜酥，真系可以连灌两碗落肚架﹗巨型大大碌有膏濑尿虾，游水生猛斑马肉鲜甜极至，鲜甜味道比龙虾更浓郁，还有甘香鲜橙色虾膏助攻！没有挑剔的机会，损著手指说爱您！白灼活海花螺⭐️⭐️⭐️⭐️⭐️我要求盐焗花螺，盐焗变了白灼？新鲜度无可置疑，活像在舌尖上跳动！鲜甜无比，身爽尾甜，完美的味道已将我完全伕掳。砵酒焗蚝煲⭐️细细粒面粉厚厚油淋淋，酒味有点呛喉，我只食蚝肚少少肉算了！我一心黎想食流浮山巨型原只连壳活蚝，眼测间间食肆都无供应呢！流浮山不是盛产生蚝的吗？白菜海鲜汤⭐️⭐️⭐️⭐️⭐️多谢老板娘送赠优优海鲜汤，条红衫鱼仔鲜到离谱，毫不留情落足料！香浓鲜甜厚实黏黏超足料，有活蟹有活鱼肴制，她们的那种鲜味无可抗拒，如果再加蚬加虾就更丰富。辣椒蒜蓉粉丝蒸象拔蚌仔⭐️⭐️⭐️⭐️⭐️我要求加辣椒想有少少香辣更醒胃，老板娘称可以落指天椒，最终来到的只系普通红尖椒。跟蛏子皇一样不易拿捏的火喉及时间，非常容易蒸过火过老变鞋变韧！食完先讲立即成只拿起将所有配料汁液全部一次过扫落嘴仔，辛甜蒜蓉够多够份量撞埋鲜味豉油，黄金比例鲜而不浊！热腾腾象拔蚌肉娇嫩弹牙配埋索尽精华的滑滑粉丝，难得一遇的美妙！
继续阅读
上年北上咗几次揾食，发觉食海鲜都系要食番香港嘅😋因为价钱平嘅系唔好食又冇乜肉😖要好食嘅就冇香港性价比咁高了🤩上个月就约好朋友要去流浮山爱民回味吓，果然绝冇失望🤭朋友一早指定要“细细只”嘅虾，老板娘话叫做九虾，清蒸上啲肉又甜又唔驶挑肠，仲有虾膏添，正我至爱龙虾，老板娘建议试吓煎米粉底，又得㖞！本身个米粉煎到脆脆的，再沾咗啲龙虾膏，好入味呀🤤 龙虾就唔驶讲啦，又多肉又弹牙，连脚都食晒铺头嘅招牌系虾多士，我地叫咗四件一人一件，好脆又香口，点埋沙律酱一啲都唔腻💯再嚟朋友柯打嘅辣酒花螺，一开始觉得啲酒太劲，但食开就停唔到，差啲想叫碗白饭捞汁嚟食。本来仲想叫份外卖番屋企当零食不过真系太饱了下次再嚟食过算😆😆再来系姜葱蚝，啲蚝好大只啖啖肉食得好过瘾呀🥰仲点咗一碟炆鱼，今次要条细嘅所以唔算好肉地，不过啲鱼整得好香口😋最后一样海鲜系蛏子，估唔到细细只蛏士又好甜㖞，有惊喜😍其实我地得4个人但食咗好多嘢，仲有碟虾膏通菜好大碟头，又有开胃鱼汤，又有马豆糕同水果计埋都系每人五百几，真系超抵呀！最重要系老板娘笑容满面又好相与，成日帮我地换碟，服务简直💯！
继续阅读
带左1行23人去帮衬爱民，经whatsapp问餐单价钱时已感觉老板娘好亲切。当日嘅美食大份、好食、新鲜！个个职员都好nice打晒招呼又同你吹水。23人都赞口不绝！价钱抵到爆！大概200几蚊一位！有鱼虾蟹蛏子桶蚝鱼系石斑两食🤩极力推介
继续阅读
订咗七点钟抬， 早咗到六点三入座， 可能时间尝早冇乜人。我哋一行六人坐左张10人枱， 非常松动，食得舒适👍 出去鱼缸拣完海鲜后，刚坐底无耐就端上一盘热腾腾嘅海鲜白菜汤，这个汤是送赠送的，但系出奇地鲜甜😍😍我哋点咗5样海鲜。。。 上汤芝士焗龙虾， 蒜蓉蒸蛏子，清蒸蒜蓉扇贝， 盐焗花螺， 砵酒焗蚝， 油盐水菜心，咕噜肉共七味𩠌。 上菜速度很快, 现蒸嘅全部都热度十足😉饭后有一段小插曲， 展现了店员服务好又细心👍 事缘系吃到尾声嘅时候妈咪被龙虾嘅骨哽亲😥 妈咪去咗厕所扣喉，但不成功， 旧骨唔上唔落之际，店员立刻攞出一盘切好嘅橙， 建议妈咪试下把橙吞下去， 结果旧骨真系吞咗落去，无再痴住喉咙， 抵赞👍👍👍总括嚟讲, 食得出海鲜新鲜, 冇被换过。 食物cp值高，实而不华，唔会㓥客咁㓥，下次会再帮衬👌
继续阅读